बळयिर 21

पोलु येरुसलेमतके दास्तोग़

1पया अगा माट इपिसुसता विस्वसिरा मुक्यालोरिन दाय्ह्‌नोम इन्जि, ओडातगा उदतोम. ओडातगा उदिसि, सीदा अनेके कोस इनदनद तोग़दगा एवतोम. ताना पया इमा दिया रूदुस इनदनद तोग़दगा एवतोम, अग्डाहि पया पतरा सहरते एवतोम.#21:1 इद सहर लुसिया पटटे मता. 2अगा अतस्के सुरिया पटटा पिनिके एरियाते#11:19; 15:3 दायनद ओडा माक दोर्कता. तानगा उदिस माट पेसतोम. 3अनेक अनेके मावा दावळ बाजे, माकु कुपरुस देसेम#13:4; 21:16 दिसता. तान वीळिसि, सुरिया पटटेके मावा ओडातुन पेहतोम, अनेक अनेके अद पटटा सोर सहरते#मत्याल 11:21-22; 15:21; मार्कल 3:8; 7:24,31; लूकाल 4:26; 6:17; 10:13-14; बळयिर 12:20; 21:7 एव्सि, अगा रेगतोम. अगा ओडातोरिह्‌क ओडातगा मतद मादुन रेहतना मता. 4अगा रेगतस्के, अग्डोर विस्वसिरिन माट पर्ह्‌कतोम अस्के, ओर माक दोर्कतोर, ओरगान माट वारममेंड रोमतोम. अस्के येरुसलेम सहरतगा पोलु पकाय तिपल आयनोग़ इनजोर, अग्डोर विस्वसिर देवुळता पवित्र जीवाता बुदते पुतोर.#20:23; 21:11 अदिनेनाह्‌क निमा अगा अनमा इनजोर, पोलुनगा वासि इतोर. 5इन्जाय वारममेटा पया, माट मावा अग़दे दायलाह ओडाङ नितनद जागातेके पेसतोम. पेसनेके सबेटोर विस्वसिर तमाङ लोह्‌कनोर कतमतोरा संगे, माक सहरता पलत एवनाह ओतोर. अस्के माट सबेटोरोम अदे सम्दुरता उस्कोतगा, मिंडाङ कोटिस पार्तना कीतोम. 6पार्तना मारतापया, माट अनेके सबेटोरिन माट दाय्ह्‌नोम इन्जि, ओडातगा उदतोम. अस्के बेस अन्ह्‌टु इन्जि, ओर तमाङ लोह्‌क मल्स अतोर.

7सोर सहरताहि#12:20; 21:3 ओडाते अन्जि, पतुलिमयिस सहरतगा एवतोम. अग्डोर विस्वसिरिन कलियिस, अगान उंद उस्कंड उंजतोम. 8पया इमा दिया अग्डाह पेसिसि, केसरिया सहरते#8:40; 9:30; 10:1,24; 11:11; 12:19; 18:22; 21:16; 23:23,33; 25:1,4,6,13 अन्जि, बेसता कबुरतुन पोकुर केवाल#इपिसुसतोर 4:11-12 पिलिपना#6:5; 8:5-6,12-13,26-40 लोन रोमतोम. (येरुसलेमतगा मुने आचतोर एळवुर सेवकिरग्डाहि वेग़ ओर्वोग़ मतोग़.)#6:1-6 माट ओना लोन अन्जि अगा मतोम. 9पिलिपनाङ नालुङ कुव्रा मयास्क मताङ, अविनगा देवुळता कबुर वेहतनद बुद मता.#लूकाल 2:36-37; 1 कुरिंततोर 11:5 10माट उचुक दियाङ पिलिपना लोन रोमतोम. अगा मनदह्‌पा, यहुदा पटटाहि देवुळता कबुरतोग़ अगबुस इनवाल वातोग़.#21:10 बळयिर 11:28 वचनते वावाल अगबुस, वेग़े आंदोग़. 11ओग़ मयगा वासि, पोलुना पेटातुन लेहचि, तनाङ कय्किन-काल्किन तनाय दोहतोग़. दोहचि, “बोना इद पेटा आंदु, ओग़ मन्कन येरुसलेमतोर यहुदिर इद्रमे दोहचि,#9:16; 21:33यहुदि आयवोरा कयदगा पोस ईयनुर#मत्याल 20:17-19; मार्कल 10:33; लूकाल 18:32 इनजोर, देवुळता पवित्र जीवा इद्रम इन्ह्‌ता,” इतोग़.

12इद पोल्‍लोतुन केंजिसि, माटु ओसो अग्डोर लोकुर, “निमा इंजेक येरुसलेम अनमा, (माट नीवाङ काल्काय मोळ्किह्‌नोम,)” इनजोर पोलुन अर्जि कीतोम. 13मति पोलु इतोग़, “मीट इद्रम बाराह्‌क इह्‌निर? मीट सबेटोरिर अळसि, नावा जीवातुन उड्ला केमाटु. नना येसु किर्स्तुनेनाह्‌कु येरुसलेमतगा जेलते मनदकन, अचोने आयो, मति ओनेनाह्‌क डोललाह वने तयरे मह्‌नन,” इनजोर इतोग़.#20:24 14माट वेहतनव पोल्‍लोन पोलु मुर्तिय केंजोग़, अदिनेनाह्‌क देवुळताये विचर मतप आयि इनजोरे, अचोके पोल्‍लोङ इन्जि, माट केमेन आतोम.

15अव दियाना पया माट मावा सबे सामनता संगे तयर आसि, येरुसलेम दायलाह पेसतोम. 16केसरिया सहरतग्डाहि#8:40; 21:8 उय्तुर विस्वसिर वने, मावा संगे वातोर. येरुसलेमते एवतस्के, वेर माकु कुपरुस देसेमतोग़ ओर्वोग़ मनासोन पेदिरतोना लोन ओसीतोर. ओग़ पाळ्नोग़ विस्वसि मतोग़, ओनाय लोतगा माट रोमतोम.

पोलु येरुसलेमताङ विस्वसिराङ मुक्यालोरिन कलियिह्‌तोग़

17पया येरुसलेमतोर विस्वसिरा मुलु, गिर्दाते माक कलियतोर. 18इमा दिया पोलु माक पोसि, वेरा मुक्याल याकुबनगा ओतोग़.#बळयिर 15:13 अगा दुस्रोर सबेटोर मुक्यालोर वने, जमा आस मतोर. 19अस्के पोलु ओर सबेटोरिन जोहर कीसि, देवुळि पोलुना सेवाते यहुदि आयवोरगा बाताङ बाताङ कबस्क कीस मता, अव सबेटविन मुर्तिय तपवालेवा वेहतोग़.#15:12; रोम सहरतोर 15:18-19 20ओरु अद पोल्‍लोतुन केंजिसि, देवुळतुह्‌क मान ईसि, जोहर कीतोर. कीस पोलुन इतोर, “तमो, मावा पोल्‍लो केंजा. इगा बेचोको अजर्क विस्वसते वातोर यहुदिर मन्ह्‌तोर इनजोर पुतिन. ओर सबेटोर मोसानाङ अडोन पका माळिह्‌तोर.#15:1; 22:3; रोम सहरतोर 10:2; गलातितोर 1:14 21मति नीवा लोप्पा ओर इद्रम केंजतोर इतेके, निमा दुस्राङ जातिनोरगा मनवालोर यहुदिरिन, मोसानाङ अडोन विळ्साट, मीवा पेकोरेनाह्‌क डायना रिवज केमाट, यहुदिराङ उतुर्किन माग़्ङाट इनजोर काग़्हतिन अले;#21:28 इद्रम ओर इग्डोर यहुदि विस्वसिर केंजतोर. 22निमा इगा वातिन इनजोर, लोकुर निटमे केंजनुर, इंजेके बह कीयना?

23“अदिनेनाह्‌क इंजेक माट बाताल वेहतह्‌नोम, अद्रमे कीमु. मयगा इंजेक नालवुर देवुळतुन किरिया कीतोर मन्ह्‌तोर. 24ओराय संगे निमा वने एडना रिवजतुन#योहन 11:55; बळयिर 21:26; 24:18 मारिह कीम.#21:24 यहुदि आयवोरा बूमते तिरियिस, पोलु कळ्‍वोग़ आस वातोग़ इन्जि, यहुदिरा विचरते पोलुह्‌क एडना रिवज कीयना मता. मारिह कीसि, मंदिरतगा ईयनव ओराङ पूरा मोकिना कर्सा निमाने कीसीम. अस्के ओर तमाङ तलाङ कोग़ियनुर#21:24 नाजरि इनदनद किरिया पोयतोग़ु कळ्‍वोग़ आतेके, गिनती 6:9-12 वेहतपु, एळुङ दियाङ एडना रिवज कींदोग़. आक्रि दिया ओग़ तला कोग़ियिंदोग़, इमा दिया मोक ईंदोग़..#गिनती 6:13-21; 18:18 निमा इद्रम कीतिन इतेके, ‘माट पोलुना लोप्पा केंजतव पोल्‍लोङ उगसताङे, ओग़ वने मोसानाङ अडोन माळिह्‌तोग़,’ इनजोर सबेटोर यहुदिर पुनदनुर. 25मति यहुदि आयवोर विस्वसिरिह्‌क बार, इव अडोन नोम पोयो. ओरगा मुने लोहतद सीटटगा वेहतप लेह्‌का, पेन्किह्‌क वाटटव अविङ ओसो नेतुरतुन एच तिनमाकिर, नेतुर पोववालेवा हव्कतविनाङ अविङ तिनमाकिर. साट्याल कबस्क केमाकिर इनजोर रासिस मतोम,”#15:20,29 इन्जि विस्वसिराङ मुक्यालोर पोलुन वेहतोर.

26पया इमा दिया पोलु, ओर नालवुरा संगे मुनेटा दियाता एडना रिवजतुन कीसि, मंदिरतगा अतोग़. अन्जि एडनाङ दियाङ बेस्के मारनुङ, अस्के आक्रि दियाते ओर नालवुरेनाहि मोकि ईया पोयग़ा इनजोर, बूमयालोरिन वेहतोग़.#गिनती 6:13; बळयिर 24:18

पोलुन मंदिरतगा पोयह्‌तोर

27-28बूमयालोरिन वेहतपु, अव एळुङ एडनाङ दियाङ मारतापया,#गिनती 6:9,13-20 पोलु मंदिरतगा ओसो अतोग़. अस्के आसिया पटटोर उय्तुर यहुदिर, पोलुन मंदिरता लोप्पा ऊळतोर. ऊळिसि मंदिरतगा मतोर कतमतोर लोकुरिन, ओना पोग़ोन ओङ तग़्हचि, ओन पोयतोर.#26:21 पोयनेके इद्रम केयतोर, “ए इस्रयेलतोरिर, मावा तोळ आम्ह्‌टु. मावा जाततोरिनु, मोसानाङ अडोनु, ओसो इद मंदिरतुन विरुद कीसोरे, बेक अतेकाय मन्कलोरिन काग़्हचोरेन मनवाल, वेग़ ओग़े मन्कल आंदोग़.#6:13; 24:12; 25:8; 28:17 युनानि जाततोरिन वने मावा मंदिरता लोप्पा तचि, इद मंदिरतुन कळ्‍वोग़ कीतोग़,#24:6” इनजोर केयतोर. 29ओर मन्कलोर इपिसुस सहरतोग़ युनानि जाततोग़ तुरुपिमुसिन#20:4; 2 तिमोति 4:20, पोलुना संगे येरुसलेमते तिरियनेके, ऊळिस मतोर.#21:29 इपिसुस सहर आसिया पटटे मंदु, अदिह्‌क ओर मन्कलोर वेन बेस पुतोर बहे. अदिह्‌क वेन वने पोलु मंदिरता लोप्पा तच मनदनोग़ बहे, इनजोर विचर कीतोर. (मति पोलु इतेके अद्रम केवोग़).

30अस्केन पया पूरा सहरमेंड लोकुरिह्‌क एर्का आता. अदिनेनाह्‌क लोकुर वित वासि, अगा रोदा पोयलाह आतोर. आसि पोलुन पोसि ओन ईळ्ससोर मंदिरतग्डाहि पलते पेहचि,#16:19; 26:21 मंदिरता अग़दुन केहतोर. 31लोकुर ओन हव्कलाह नल्हचोर मनेके, पूरा येरुसलेमतगा गळ्बळ आयलाह आता इनजोर, रोमि लळयमुडा मुक्याह्‌क कबुर दोर्कता. 32ओग़ मुक्याल बाताल कीतोग़, उय्तुर सीपय्किन ओसो दरोगालोरिन पोसि, चट्पिट विततोग़. अस्के मुक्याना संगे सीपय्क वातदिन ऊळिस, लोकुर पोलुन नल्हतलाह रोमतोर. 33पया मुक्याल वासि पोलुन पोयतोग़. पोसि ओन रेंड गोल्स्कने दोहता वेहतोग़.#20:23; 21:11; 22:29; 26:29; 28:20; इपिसुसतोर 6:20; 2 तिमोति 1:16; 2:9 दोहचि वेग़ बोग़ु, बाताल कीतोग़ इनजोर, लोकुरिन ताल्ह्‌क बोटटोग़. 34मति लोकुर विचर वाताङ पोल्‍लोने रोदा पोस मतोर.#19:32 अदिनेनाह्‌क सेतेम बाताल, इदिन बोरे बह बराबर पुनोर. अदिह्‌क ओग़ मुक्याल पोलुन सीपय्कना किलेतगा ओया वेहतोग़. 35-36लोकुर पोलुना पोग़ोन पकाय ओङ आसि, ओना पयाह पयाह वासोर, “ओन हव्ककल रा!” इनजोर केयसोर, ओरा पयाह पयाह वांदुर. अदिह्‌क किलेताङ पायरिङ तग़्ङनेके, सीपय्क पोलुनु कांजिस ओतोर.

37सीपय्क पोलुन ओसोर मतोर अस्के, पोलु मुक्यान युनानि पोल्‍लोते इतोग़, “निमा उकुम ईतेके, नना उंद पोल्‍लो नीक ताल्ह्‌केनन?” इतोग़. इतस्के मुक्याल इतोग़, “अरे निमा युनानि पोल्‍लो पुतिना? 38अस्के उंद देबा ओर्वोग़ मिसर देसेमतोग़ मन्कल, रोम सर्करता विरुदतोर नालुङ अजर्क लोकुरिन, पेळ्ह्‌कल बूमते जमा कीतोग़, ओग़े मिसरि मन्कनिन बह आयविन?” इतोग़.

39इतस्के पोलु इतोग़, “आयो साय्ब, आयो, नना यहुदि मन्कनन, किलिकिया पटटा पका पोकुर आतद तरसुस सहरतोनन आंदन.#9:11 इंजेके वेर मन्कलोरा संगे नाक वळ्ह्‌कलाह ईम इनजोर, नना नीक अर्जि कीय्ह्‌नन,” इतोग़.

40इतस्के मुक्याल ओना अर्जतुन कबुल आतोग़. पोलु पायरिनगा निचि, केमेन आयलाह ओर लोकुरिन कय तोहतोग़. लोकुर केमेन आतापया, ओग़ ओरा इब्रि पोल्‍लोते#22:2; 26:14 वळ्ह्‌क बोटटोग़.

தற்சமயம் தேர்ந்தெடுக்கப்பட்டது:

बळयिर 21: माडियाबाय्बल

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

माडिया गोंड पवित्र सास्त्रम பற்றி மேலும் அறிக