लाम्दिक् 7
7
1खे़ब्याङ् यहवे दाङ्बे़ल्ले़ मोसान् मे़त्तु, “ओमे़त्ते़ॽ, आङ्गाॽ खे़ने़ॽ फारोल्ले़ कुलागि माङ् हे़क्तङ्बा चोःक्ने़आङ् वाॽ, हे़क्क्याङ् के़म्भुॽ हारुने़न् खे़ने़ॽ के़माङ्निङ्वाॽपान् के़बाःप्पा पोङ्ङाङ् पाःत्॥ 2आङ्गाॽ खे़ने़ॽ मे़त्ने़बा के़रे़क् पाःन्हाॽ के़म्भुॽ हारुने़न् मे़त्ते़ॽ॥ हे़क्क्याङ् खुने़ॽ इस्राइलिहाॽ के़लाजेॽलाम्बा पेःक्मा फाःक्ते़से़ॽ फाॽआङ् हाङ्ङिन् मे़त्तुॽ॥ 3कर आङ्गाॽ हाङ्ङिन् हादिङ् के़धक्पा चोगुङ्ॽ हे़क्क्याङ् आङ्गाॽ मिस्रओ आक्ख्यारिक् किप्मा के़घुबा याःम्बक्हाॽ चोगुङ्साङ् खे़ल्ले़ खे़ने़ॽ के़बाःन्निन् मे़घे़प्सुन्ॽ॥ 4खे़ब्याङ् आङ्गाॽ आमुक्साम्मिन् मिस्र लाजेॽओ ओसेःन्धाङ् चोगुङ्ॽ, हे़क्क्याङ् यम्बा खासे़न् चोगुङ्ङाङ् आङ्गाॽ आधक्सुबा, इस्राइलि आसुवाङ्हाॽ मिस्रलाम्बा लःत्तुङ् फे़त्तुङ्सिङ्ॽ॥ 5आल्ल आङ्गाॽ मिस्रिहाॽ मुक्साम्साबा आहुक्किल्ले़ साःप्सुङ्सिङ्ङाङ् खुन्छिॽ लुम्मोलाम्बाए इस्राइलिहाॽ लःत्तुङ् फे़त्तुङ्सिङ्, हे़क्क्याङ् आङ्गाॽ यहवे दाङ्बाआ फाॽआङ् मिस्रिहाॽरे़ निङ्वाॽ मे़घोसुॽ॥”
6मोसान् नु हारुने़ल्ले़ यहवे दाङ्बे़ल्ले़ मुरा मे़त्तुसिबा हे़क्केए चोगे़त्छु॥ 7फारोःन्नु पारे़सिबा ये़म्मो मोसान् ये़प्पोङ् तङ्बे के़रे़आङ् वये़ हे़क्क्याङ् हारुने़न् ये़प्पोङ्ङाङ् सुम्सि तङ्बे के़रे़आङ् वये़रो॥
हारुने़ल्ले़ कुदक्काःत्
8खे़ब्याङ् यहवे दाङ्बे़ल्ले़ मोसान् नु हारुने़न् मे़त्तुसि, 9“फारोल्ले़ खिन्छिॽ आप्फेक् मिक्सेन् पिमारे़ लागि खुने़ॽ लत्छा निङ्वाॽ के़माबा याःम्बक् चोःक्मा के़बाङ्सिने़भग्र हारुने़ल्ले़ कुदक्काःत्तिन् फारोल्ले़ कुदगि लाप्फुमा पाङ्घे़ॽ हे़क्क्याङ् खे़न् असेःक् पोङ्ॽ॥”
10मोसान् नु हारुने़न् फारोओ पेसे़त्छिआङ् यहवे दाङ्बे़ल्ले़ पाःत्तुबा हे़क्के चोगे़सु॥ हारुने़ल्ले़ कुदक्काःत्तिन् याङ्सिङ्ङाङ् फारो हाङ्ङिन् नु खुने़ॽ कुसुहाङ्युक्पाहाॽरे़ खुन्छिॽ तगि लाप्फुसु हे़क्क्याङ् खे़न् लत्छा असेःक् पोःक्खे़॥ 11खे़ब्याङ् हाङ्ङिल्ले़आङ् सिक्कुम्साबा कुमनाहाॽ नु कुगित्चाक् के़जोःक्पाहाॽरे़ खुन्छिॽ उःत्छे़ पाङ्घुसि हे़क्क्याङ् खे़ङ्हाॽरे़आङ् मिक्ले़ःङ्मालाम् हे़क्तङ्बाए मे़जोगु॥ 12के़रे़क्ले़ खुन्छिॽ तक्काःत्हाॽ लाप्मे़भुसु हे़क्क्याङ् खे़न् तक्काःत्हाॽ असेःक् मे़बोःक्खे़॥ कर हारुने़ल्ले़ कुदक्काःत्तिल्ले़ खे़ङ्हाॽरे़ खुनिॽ तक्काःत्हाॽ लरुदेसुसि॥ 13कर फारोन् आल्लसाङ् हादिङ् के़धक्पा पोःक्खे़आङ् युङे़ हे़क्क्याङ् यहवे दाङ्बे़ल्ले़ पाःत्तुबा कुइसिःक्के मोसान् नु हारुने़ल्ले़ खुन्छिॽ पाःन्निन् खे़म्मा मे़दे़न्दे़न्॥
मिस्रओ ये़त्तुक्खेहाॽ—माक्खिॽ
14खे़ब्याङ् यहवे दाङ्बे़ल्ले़ मोसान् मे़त्तु, “फारोन् हादिङ् के़धक्पा पोःक्खे़आङ् वाॽ हे़क्क्याङ् इस्राइलिहाॽ पेःक्मा मे़भाःक्तुसिन्॥ 15तानाम् खाओःत्तिल्ले़ हाङ्ङिन् निल वहःङ्ङो पेःक्किल्ले़ खे़ने़ॽ पेगे़ॽआङ् खुने़ॽ तुमे़ॽ॥ खे़न् असेःक् के़बोङ्बा तक्काःत्तिन् तेॽरे़आङ् पेगे़ॽ खे़ब्याङ् वहःङ्ङिल्ले़ कुयाओ खे़न् हाङ्घे़ॽआङ् युङे़ॽ॥ 16हे़क्क्याङ् खुने़ॽ मे़त्ते़ॽ, ‘यहवे दाङ्बा, हिब्रुहाॽरे़ खुनिॽ निङ्वाॽफुमाङ्ङिल्ले़ कुमनाहाॽ पेःक्मा फाःक्ते़से़ॽ खम्भ्याङ् खे़ङ्हाॽरे़ मुरे़क् खारे़क् थेआङ् के़होप्पादे़न्नो खुने़ॽ माङ्से़वा मे़मे़त्तुॽ फाॽआङ् के़मे़त्छे़ खुने़ॽ आङ्गाॽ पाङ्घाङ्बा॥ कर आल्ल थारिक् खे़ने़ॽ के़ङ्घे़प्सुन्॥ 17कल्ले़चोगुल्ले़ आल्ल हाङ्ङे, खुने़ॽ कुयाःम्बक्हाॽ खे़ने़ॽ के़निसुआङ् खुने़ॽ हाःत्ले़त्छ फाॽआङ् खुने़ॽ कुसेःन् के़निसुॽ॥ ओमे़त्ते़ॽ, आङ्गाॽ कन् तक्काःत्तिल्ले़ निल वहःङ्ङोबा च्वाःत्तिन् हिप्तुङ्ॽ हे़क्क्याङ् च्वाःत्तिन् माक्खिॽ पोङ्ॽ॥ 18वहःङ्ङोबा ङाहाॽ मे़स्सिःॽ, हे़क्क्याङ् वहःङ्ङिन् साॽरिक् नाम्सुबाल्ले़ चोगुल्ले़ मिस्रबा मनाहाॽरे़ च्वाःत्तिन् थुङ्मा मे़न्छुक्तुन्ॽ॥’”
19याम्मो यहवे दाङ्बे़ल्ले़ मोसान् मे़त्तु, “हारुने़न् मे़त्ते़ॽ, ‘खे़ने़ॽ के़दक्काःत्तिन् याङ्सिङ्ङे़ॽआङ् मिस्रओ के़ने़ने़बा च्वाःत्, इग्र वहःङ्, खावा, नु वरक्कोबा च्वाःत्तिन् माक्खिॽ पोङ्बेःक्ल फाॽआङ् खे़ङ्हाॽरे़ कुसम्धाङ् के़हुक्किन् सन्छे़ॽ॥’ हे़क्क्याङ् खे़ङ्हाॽ माक्खिॽ पोङ्ॽ॥ मिस्र लाजेॽ के़रे़क् के़ने़बा च्वाःत्, खर्बा नु लुङ्बाक्वा च्वाःत्हाॽआङ् माक्खिॽ पोङ्ॽ॥”
20खे़ब्याङ् मोसान् नु हारुने़ल्ले़ यहवे दाङ्बे़ल्ले़ मे़त्तुसिबा हे़क्केए चोगे़सु॥ हाङ्ङिन् नु कुसुहाङ्युक्पाहाॽरे़ खुन्छिॽ तगि हारुने़ल्ले़ कुदक्काःत्तिन् फोःक्खुआङ् वहःङ्ङिन् हिप्तु हे़क्क्याङ् खे़प्मो के़ने़बा के़रे़क् च्वाःत्हाॽ माक्खिॽ पोःक्खे़॥ 21च्वाःत्तोबा ङाहाॽ मे़स्ये़ हे़क्क्याङ् मिस्रिहाॽरे़ च्वाःत्ते थुङ्मा मे़न्छुक्के थारिक् साॽरिक् नाम्बसु सुसे़॥ मिस्रबा के़रे़क् च्वाःत्हाॽ माक्खिॽ पोःक्खे़॥
22कर मिस्रबा कित्चाक् के़जोःक्पाहाॽरे़आङ् खुन्छिॽ मिक्ले़ःङ्मालाम् हे़क्तङ्बाए मे़जोगु॥ हे़क्केःल्ले़ फारो हाङ्ङिन् तगि हे़क्केए हादिङ् के़धक्पा पोःक्खे़॥ यहवे दाङ्बाल्ले़ पाःत्तुबा हे़क्केए हाङ्ङिल्ले़ मोसान् नु हारुने़ल्ले़ खुन्छिॽ पाःन्निन् खे़म्मा मे़दे़न्दे़न्॥ 23परुमाल्ले़ कन् के़रे़क् पाःन्हाॽ निनि खे़म्घे़म् मे़ल्लाप्पे खुने़ॽ हाङ्हिम् ले़प्माङ् थासिङ्ङाङ् पे॥ 24के़रे़क् मिस्रिहाॽरे़ थुङ्मा च्वाःत् मे़गोःत्तुर वहःङ्ङिल्ले़ कुयाओ वबाक् तमा मे़हेःक्तु थेआङ्भे़ल्ले़ वहःङ्ङोबा च्वाःत्तिन् थुङ्मा मे़न्छुक्तुन्॥
25यहवे दाङ्बे़ल्ले़ वहःङ्ङोबा च्वाःत्तिन् माक्खिॽओ ले़क्खुआङ् एगाङ् वेॽ ये़त्नाम् ले़क्ते़बेरो॥
தற்சமயம் தேர்ந்தெடுக்கப்பட்டது:
लाम्दिक् 7: LIF
சிறப்புக்கூறு
நகல்
ஒப்பீடு
பகிர்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© 2009, 2023, Wycliffe Bible Translators, Inc. All rights reserved.