Саалтыр 81
81
1Асаф псалома.
Таҥара таҥаралар#81:1 «Элохим» (таҥаралар, баһылыктар) диэн еврей тыла манна судьуйалар тустарынан этэр буолуон сөп. ортолоругар турбута,
Кини таҥаралары хоруйга тарпыта:
2«Хаһааҥҥа диэри эһиги кырдьыгы токурутан дьүүллүүгүт,
хара дьайдаахтары өрө тутаҕыт? Села
3Дьадаҥы, тулаайах дьыалатын эһиги быһаарыҥ,
баттаммыт-үктэммит, кыһалҕалаах кырдьыгын таһаарыҥ.
4Өрүһүйэр буолуҥ дьадаҥыны, кыһалҕалааҕы,
хара дьайдаахтар илиилэриттэн кинилэри былдьаан ылыҥ».
5Тугу да билбэттэр, өйдөөбөттөр бу таҥаралар,
хараҥаҕа муна-тэнэ сылдьаллар;
сир төрдө барыта тулхадыйбыт.
6«Мин этэбин: „Эһиги – таҥараларгыт,
Үрдүктэн Үрдүк уолаттараҕыт – бука барыгыт.
7Ол эрээри, дьон курдук эһиги эмиэ өлүөххүт,
хайа да тойон курдук охтуоххут“».
8Оо, тур, Айыы Таҥара, сири дьүүллээ,
Эн бары норуоттары бас билэҕин!
தற்சமயம் தேர்ந்தெடுக்கப்பட்டது:
Саалтыр 81: СБК
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© Институт перевода Библии, 2008-2022