Саалтыр 52
52
1Хуор салайааччытыгар. Флейта доҕуһуолунан. Давид үөрэтиитэ.
2Өйө суохтар истэригэр
«Таҥара суох» дии саныыллар.
Бары сатарыйбыттар, сидьиҥник быһыыланаллар;
үтүөнү оҥорор киһи ким да суох.
3Биир эмэ өйдөөҕү-төйдөөҕү,
Таҥараны көрдөөччүнү булан көрөөрү,
Таҥара халлаантан киһи аймаҕы анаарар.
4Бары уҥа-хаҥас туораабыттар,
бары туһаларыттан тахсыбыттар;
үтүөнү оҥорор киһи суох, биир да суох.
5Ама өйдөнүөхтэрэ суоҕа дуо буруйу оҥорооччулар,
мин норуоппун килиэптии мэҥиэстээччилэр,
Таҥараны ыҥыран көрбөт дьон?
6Кинилэр онно, улуу кутталга ылларан,
хаһан да уолуйбатахтарын уолуйуохтара:
эйигин утары турунааччылар уҥуохтарын
Таҥара урусхал оҥортуоҕа.
Кинилэртэн Таҥара аккаастанна,
онон эн кинилэри саакка ыытыаҕыҥ.
7Оо, Сионтан Израильга быыһабыл кэлэрэ буоллар!
Таҥара норуотун билиэнтэн төнүннэрдэҕинэ,
Иаков үөрүөҕэ-көтүөҕэ, Израиль өрөгөйө үрдүөҕэ.
தற்சமயம் தேர்ந்தெடுக்கப்பட்டது:
Саалтыр 52: СБК
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
© Институт перевода Библии, 2008-2022