လုကာ 8இலிருந்து பிரபலமான வேதாகம வசனங்கள்

பகிர்

ဆိတ်လော့ဟော အဘွယ်ငဟော့ဒိတ်ကာအကျောက်ငဟော့ မျို့စေ့သိမ်အဟောက်ငဟော့ ဘုရားရှင်နှုတ်ကပါတ်တော်များငဟော့ အရောက်လခွါ ယနိစိတ်ဒိတ်ကာ ဘွေအုံသိမ်လော့တဲ့ ဘုရားရှင်နှုတ်ကပတ်တော်ဝဲ့ဝါ ဒေါင်းငဟော့ချောင်ငဲ့ဝါ အဟောက်တို့။

အလှိုမ်တော်ဝါအကျောက်သိမ်ဟောက်ငဟော့ မျိုးစေ့သိမ်အဟောက်ငဟော့ အဓိပ္ပာယ်ဝါ လောကီစီးစိမ်ဝဲ့၊ အလှုန်ပုလငဟော့လော့ အချမ်းငါငဟော့ ချောင်ငဲ့ဝါအဟောက်ခြင်း အဖြစ်။

ဒိတ်နည်းဟော့ လုံးတောက်အပေါ်ဝါကျောက်ငဟော့ မျိုးစေ့သိမ်အဟောက်ငဟော့ ဘုရားရှင် နှုတ်ကပတ်တော်ဝဲ့ငဟော့ ယနိရောက်လကနို ဝမ်းမြောက်ဝမ်းသာလက်ခေါငင်းအလော့ဟော့ တည်မြဲရကြောင်း အချိန်နိုက်စအော်ဝါ ယုံကြည့်လော့တဲ့လက်ခေါင်းအလော့တဲ့ ယနိဘဝါ ခက်ခဲကြမ်းတမ်းငဟော့ ဟောနီရင်ဆိုင်အလော့တဲ့ ယနိခွင်းကနို အချက်ချင်းရပ်တန့်ဟော့ချောင်ငဲ့အဖြစ်။

အနီပုန်ပိစ ကိုယ်တော်လော့ "နောင်နိယာ ရွမ်အွမ်နောက်ကဟော့ မွက်ယမိုး" သိမ်အစက်။ ဆိတ်လော့ဟော ယနိလော့ အံ့ဩအလို့ ယနိလစ်လစ်အစ်သို့။ "နီချောင်ငဟော့နီနိုဝိုး" "လှောင်လော့ ခီ ရဲ့လော့ပ ယအမိန့်ကဟော့ ယနိနာခံလာနီ" သိမ်အချင်းချင်း ယနိဟောက်အောက်။

လောင်းအပေါ်ဝါ အကျောက်သိမ်ဟောက်ငဟော့ မျိုးစေ့သိမ်ဟောက်ငဟော့ ဘုရားရှင် နှုတ်ကပါတ်တော်ဝဲ့ငဟော့ ရောက်လလော့ဟော့ ထိုချောင်ကယ်တင်ဝဲ့ငဟော့ခေါင်းလငှားအုံ မာရ်နောတ်လော့ လူးလော့တဲ့ ယနိလှုန်ဒိတ်ကာဟော့ နှုတ်ကပါတ်တော်ဝဲ့ငဟော့ လော့အောင်လော့တဲ့ ခေါင်းလဟော့ချောင်ငဲ့အဖြစ်။

အကြောင်းဝါ၊ အထူးငဟော့ အရာအားလုံးငဟော့ အမှု့လအယ်၊ အမှတ်လအယ်။ တူဝါ အထူးငဟော့ အရာအားလုံးငဟော့ ချောင်တိုင်းလော့ အမှတ်လအယ်။

အနီနှတိုးနူးလော့ဟော ဖုန်းကွယ်အွယ်ခုတအုံ လစ်လစ်အစ်လော့သဲ့ ကိုယ်တော်ရှေ့ယာ လူးလော့တဲ့ ဒူးထောက်လော့တို့။ ယလော့ကိုယ်တော်ငဟော့ အထိလငဟော့အကြောင်းလော့ ယရောဂါ ချက်ချင်းပခါအကျုပ်သိမ် ချောင်တကားဝါအဟောက်တို့။ ကိုယ်တော်လော့ ကေ့စိုးနူးဝါ "နောင်းယုံကြည်မှု့ငဟော့ နောင်းငဟော့လွှတ်မြောက်ဟီ။ စိတ်ငြိမ်းချမ်းဝါ စိဘွေ" သိမ် အမိန်တော်မူတို့။

အနီကြောင်းငို ကိုယ်တော်ယေရှု လှုန်းလော့ခါတ်အိုလော့သဲ့ "ဆရာ၊ ဆရာ မနိတွီးယာ မစုပ်ကိုင်ဟီ" သိမ်အဟောက်ပြီးစလော့။ ကိုယ်တော်ဝဟော့ အိဒွန်းနာဟော့ ထောင်လော့သဲ့ ခီမွန်းတောင်းလော့ လှောန်ငဲ့ဝါ ရပ်အုံ အမိန့်ပိတ်။ အနီပိစမုန်တိုင်းလော့ လှောန်ငဲ့ယဟော အမိန့်နာခံအလို့ အငြိမ်လှိုင်း။