လုကာ 7இலிருந்து பிரபலமான வேதாகம வசனங்கள்

பகிர்

နီကြောင်းငို နောင်းဝကေ့ကဟောင်ဝဲ ဘုရားရှင်လော့ အများငဟော့အပြစ်ဝဲ့ငဟော့ ခွင့်လှို့ဟီကြောင်းငို နီနတိုနှုးငဟော့ ကြီးကယ်အလင်းငဟော့ အဟင်းရှေ့ငဟော့အလင်းကြောင်းငိုအဖြစ်။ ဆိတ်လော့ နိုက်စအော်နိုး ခွင့်လှို့ငဟော့ ခေါင်းလငဟော့ချောင်ငဟော့ နိုက်စအော်နိုး အဟန်ဆေငဟော့ အနိုက်စအော်နိုးအပြ" သိမ်အမိန့်တော်မှုတို့။ အနီပုန်ပိ ကိုယ်တော်ဟော့ အနီနှတိုးနူးဝါ "နောင့်အပြစ်အားလုံးဟော့ ခွင့်လှို့ဟီ" သိမ် အမိန့်တော်မူတို့။

ဆိတ်လော့ဟော ကိုယ်တော်ယေရှုလော့ အနီနှတိုးနူးဝါ "နောင်နရွန်အွမ်နောက်ကဟော့လော့ တိုဝါ နောင်းအကယ်တင်ယဟော့ နလအနောက်ဟီကြောင်းငို စိတ် ငြိမ်းချမ်းအုံစိဟီဘွေ" သိမ်အမိန့်တော်မူတို့။

အနီနှတိုးနူးဝဟော့ ဝမ်းနည်းလော့ အကကြောင်းငို ကိုယ်တော်အခူးဝဲ့ဝါ အနီနှတိုးနူး အမိတ်ခီရဲ့လော့ အလုံနောက်ကြောင်းငို အခူးဝဲ့ယဟော့ ယဆောန်းနဲ့ဝို ဟိုးအုံ ပြန်လော့အဟုဘော်လော့တဲ့ ကိုယ်တော် အခူးဝဲ့ နှောန်းလော့သဲ့ ရေမွှေးလေးနောက်လောက်တဲ့ အလှု့တို့။

နီကြောင်းငို အရှင့်ငှာလူးဟလော့သဲ့ ကခွန်းအွမ်နိုင်ဟော ကေ့ရိုထိုက်တန်အမ်နာ့ငှူ ကခင်းအင်းမိ။ အရှင်မော့နောက်ဒုန်းနေရာဝါဟော့စထူးလော့ အမိန့်နပိတ်ရုံငို ကေ့အစေခံနဟော့ ရောဂါအကျုပ်ကိုင်။ တစ်လောက်ကာကဟောက်လချင်းငဟော့ ကေ့လော့ဟော အထက်အရာရှိလက်အောက်ကာအမော့လောက်ကာ ကေ့လက်အောက်တောက်ဟော စစ်သားအနည်းအမော့။ ကေ့လော့ စစ်သားပေန်းနောတ်တာ 'စိရဲ့' သိမ် အမိန့် ကပိတ်ကနို အနီစစ် သားအစိလာ့။ အရာစစ်သား ပေန်းနောတ်တာ 'လူးဝဲ့' သိမ်ကဟောက်ကနို ယအလူးလာ့။ ကေ့လော့ ကေ့အစေခံနဲ့ငါ 'ယစိုင်းရဲ့' သိမ်ကဟောက်ကနိုဟော ယလော့အစိုင်းလာ့" သိမ်အလျှောက်တင်ကနို။ ထိုဟောက်ခူငဟော့ ကိုယ်တော်ယေရှေုလော့ အရောက်ပိစ ကီးကယ်အံ့ဩလော့သဲ့ ယဟွေးတူလူးပိဟော့ ချောင်ငဲ့ယာ ကေ့နောင်နိယာကဟောက်ဝိုင့်ယဟော့ "နောင်နိဝါကေ့ကဟော့ အစ္စရေးတစ်ခွင်နာ နီလှောက်ကာ ယုံကြည်မှုအလင်းငဟော့ ကွင်းဖူးဝငှူ" သိမ်အမိန့်တော်မူတို့။

အနီချိန်ငါ ကိုယ်တော်ယေရှုဟော့ အနာရောဂါ၊ ကောဟော့ချောင်ငဲ့ငဟောလော့ပွယ်ငှားဟော့ခွက်ရိုင်းပူးအူလော့ ချောင်ငဲ့နိုး ကုသပိတ် လော့တဲ့ အမိတ်မှူးအူငှားဟော့ချောင်ငဲ့ဟော့ အမိက်လော့ ပြန်လော့မှုပေါ်အုံ ပြန်လော့အစိုင်းပေါ်တို့။ ကိုယ်တော်လော့ ယောဟန်တပည့်ဝဲ့ရာ "နောင်နိမှု့လဟော့ အမှုလငဟော့လော့ အရောက်လငဟော့ ယောဟန်ငှာစိသလော့ တဲ့ ဟောက်ပိတ်ပေါ်ဘွေ့" အမိတ်မှူးငှားဟော့ချောင်ငဲ့ အမိတ်ပြန်လော့အမှု့လာ့ဘော်ဟီ၊ အကွတ် ခူးပွယ်ငှားဟော့ချောင်ငဲ့ဟော့ ပြန်လော့လွန်းယနိစိခုဘော်ဟီ၊ အနာကြီးရောဂါသည်ရဲ့ဟော့ ရောဂါ အကျုပ်ဘော်ဟီ၊ အနှိုပွယ်ငှားဟော့ ချောင်ဟော ပြန်လို့ပွယ်ဘော်ဟီ၊ ဒူးဟော့ချောင်ဟော ပြန်လော့ အဟိုင်ဘော်ဟီ၊ ဆင်းရဲသားမနည်းလော့ဟော့ မင်္ဂလာသတင်းပေါလ် ယနိယောက်လဘော်ဟီ။