Soma Biblia Kila Siku 04/2025Mfano

Daudi alisema haya baada ya kusikia mabaya aliyofanya Doegi, Mwedomi (ukitaka kusoma habari hiyo, angalia 1 Sam 22:9-18). Doegi alitunga madhara na kupenda mabaya kuliko mema, hivyo alileta chachu mbaya, hata ikasababisha mauaji ya makuhani:Ulimi wako watunga madhara, kama wembe mkali, Ewe mwenye hila! Umependa mabaya kuliko mema, na uongo kuliko kusema kweli. Umependa maneno yote ya kupoteza watu, Ewe ulimi wenye hila(m.2-4). Daudi anamtangazia Doegi atakavyoadhibiwa kwa huu uovu. Mungu atamharibu milele.Mungu atakuharibu hata milele; atakuondolea mbali; atakunyakua hemani mwako; atakung'oa katika nchi ya walio hai. Nao wenye haki wataona; wataingiwa na hofu na kumcheka(m.5-6). Tujifunze mambo mawili:1. Tuongee vizuri, tusiwalaumu wengine wala kuwakwaza.2. Tunaposingiziwa kwa uongo na tukaingia katika matatizo, tusihofu. Mungu atatusaidia, kwani ni msaada wetu. Kwa hiyo Daudi anaweza kumaliza zaburi kwa kusema:Mimi ni kama mzeituni umeao katika nyumba ya Mungu. Nazitumainia fadhili za Mungu milele na milele. Nitakushukuru milele kwa maana umetenda; nitalingojea jina lako kwa kuwa ni jema; mbele ya wacha Mungu wako(m.8-9).