Soma Biblia Kila Siku 01/2025Mfano

Iletaani mfano wa Yesu juu ya ufalme wa Mungu. Kwa mfano huu anazidi kusisitiza namna ya kulisikia neno lake: [Yesu]akawaambia, Mwaonaje? Taa huja ili kuwekwa chini ya pishi, au mvunguni? Si kuwekwa juu ya kiango? Kwa maana hakuna neno lililositirika, ila makusudi lije likadhihirika; wala hakuna lililofichwa, ila makusudi lije likatokea wazi. Mtu akiwa na masikio ya kusikilia, na asikie. Akawaambia, Angalieni msikialo; kipimo kile mpimacho ndicho mtakachopimiwa, na tena mtazidishiwa. Kwa maana mwenye kitu atapewa, naye asiye na kitu, hata kile alicho nacho atanyang'anywa(m.21-25). Halafu anaonyesha nguvu ya hilo neno:Ufalme wa Mungu, mfano wake ni kama mtu aliyemwaga mbegu juu ya nchi; akawa akilala na kuondoka, usiku na mchana, nayo mbegu ikamea na kukua, asivyojua yeye. Maana nchi huzaa yenyewe; kwanza jani, tena suke, kisha ngano pevu katika suke. Hata matunda yakiiva, mara atapeleka mundu, kwa kuwa mavuno yamefika(m.26-29). Kisha anafananisha ufalme wa Mungu na mbegu ya haradali (m.30-32).Haradalini kiungo katika vyakula. Ni mbegu ndogo sana, lakini mti wake huenea sana. Agizo la Yesu la kueneza Injili walipewa watu wachache sana: [Yesu]akaonekana na wale kumi na mmoja ... akawaambia, Enendeni ulimwenguni mwote, mkaihubiri Injili kwa kila kiumbe(Mk 16:14-15). Lakini leo kuna mamilioni ya Wakristo ulimwenguni! Mfano huu unatutia moyo katika utumishi wetu. Basi,tusichoke katika kutenda mema; maana tutavuna kwa wakati wake, tusipozimia roho. Kwa hiyo kadiri tupatavyo nafasi na tuwatendee watu wote mema; na hasa jamaa ya waaminio(Gal 6:9-10).