Soma Biblia Kila Siku 01/2024Mfano

Tulijifunza katika somo la jana kwamba Daudi alitambua kuwa kimbilio liko kwa Bwana Mungu tu. Baada ya kutambua haya, Daudi aliendelea kumsifu Mungu kwa utukufu wa kazi yake kwa wanadamu. Kwa ujumla Zaburi ya 40 ni zaburi ya sifa na utukufu kwa Bwana kwa yale aliyotutendea. Ieleweke kwamba, anayemsifu Mungu si lazima aelezee raha anayoipata tu. Bali katika sifa zake anayo hata nafasi ya kumwambia Mungu yale yanayomkosesha amani:Mabaya yasiyohesabika Yamenizunguka mimi. Maovu yangu yamenipata, Wala siwezi kuona. Yamezidi kuliko nywele za kichwa changu, Na moyo wangu umeniacha.
13 Ee Bwana, uwe radhi kuniokoa, Ee Bwana, unisaidie hima(m.12-13). Tuendelee kumsifu Mungu kwa kazi yake kwetu, tukiomba kama Daudi katika m.17:Nami ni maskini na mhitaji, Bwana atanitunza. Ndiwe msaada wangu na mwokozi wangu, Ee Mungu wangu, usikawie.