Spreuke – eenjaarleesplanMfano

Spreuk 16 – Moenie jou ophou met suiplappe en vrate nie.

In aansluiting by die waarskuwing by wie en hoeveel jy by mense eet, waarsku Spreuke hier teen ‘n gekuier saam met suiplappe en vrate. Dit is uiteindelik nie heilsaam nie, soos spreuk 18 ook sal uitwys. Dit sal jou van die wyse pad laat afdraai. Teenoor die dwaasheid van suiplappe en vrate word die wysheid van die ouerlike voorbeeld en die navolging daarvan aangeprys. Dit sluit ook die vyfde gebod in om jou ouers te eer tot aan die einde van jou lewe.