Spreuke – eenjaarleesplanMfano

Spreuke 17 gaan oor verhoudinge. Verhoudinge maak saak. Dit sluit die volgende in:

•Familieverhoudinge (vers 2, 6, 21, 25);

•Gesinsverhoudinge (vers 2, 6, 17, 21, 25);

•Huweliksverhoudinge (vers 1);

•Werksverhoudinge (vers 2);

•Regsverhoudinge (vers 8, 15, 18, 20, 23, 26);

•Vriendskapsverhoudinge (vers 9, 17);

•Gemeenskapsverhoudinge (vers 5, 7, 11, 12, 13, 16, 19, 24, 27, 28);

•Verhouding met jouself (vers 22).

Vers 1 sê gebrek en vrede is verkiesliker as oorvloed en getwis (Spreuke 17:14,19). Die agtergrond is die maaltydoffer by die tempel waarvan die familie 'n groot deel van die vleis self kon geniet en ook met vriende kon deel. As die maaltydoffer dus 'n strydoffer geword het, weens konflik, was dit duidelik beter om liewer net 'n stukkie brood in stilte en vrede te eet.