Biblia i HaiMfano

Biblia Haiwezi Kuzuiliwa

Miaka ya 1500s, Biblia haikuwepo katika lugha nyingi. Ni wasomi au matajiri tuu waliweza kujifunza Biblia katika Kiebrania, Kiyunani, au Kilatini.

Lakini Mwanazuoini aliyeitwa William Tyndale alishawishika kwamba kila mtu anastahili nafasi ya kusoma maandiko. Kwa hiyo alianza kutafsiri kwenye lugha yake: Kiingereza.

Mamlaka za Kiingereza zilikuwa kinyume na wazo hili, kwa hiyo Tyndale alikimbia nchi na kuingiza Agano Jipya Uingereza. Kwa miaka tisa, Tyndale alikwepa kukamatwa wakati akifanyia kazi tafsiri yake ya Biblia kwa Kiingereza. Lakini hatimaye, alikamatwa, akalaaniwa kwa upotofu, na kuchomwa moto.

Lakini Mungu anapokuwa ni sehemu ya jambo--hakuna cha kumsimamisha.

Sadaka ya Tyndale ilianzisha vuguvugu la chini kwa chini lililotaka mabadiliko. Na karibu miaka 100 baadaye, mabadiliko yalitokea. Tafsiri ya Biblia ya King James ilianza kupatikana--toleo lililotumia sana kazi ya Tyndale katika toleo la mwanzo.

Baada ya muda , Uingereza ilibadilishwa na Biblia. Uamsho na mageuzi yalitokea, umisheni ulizaliwa, na taasisi zilizojitolea kutafsiri Biblia ziliundwa. Maandiko yalilihuisha taifa -- lakini uamsho ulianza wakati mtu mmoja alipoamini kwamba kila mtu anastahili kupata neno la Mungu ... na kwa hiyo alifanya jambo kuhusu hilo.

Je, ni kwa jinsi gani ujasiri wa Tyndale unakuvuvia? 

Sasa hivi, tafakari kile ambacho Tyndale alipitia, na kisha, muombe Mungu akuongoze hatua za kuchukua ili kushirikiana maandiko na wanaokuzunguka. Yawezekana ni kumtumia mstari mtu, au labda ni kutoa kwa ajili ya mradi wa kutafsiri Biblia. 

Vyovyote vile, fikiria jinsi maisha yako yangekuwa kama hukuweza kupata neno la Mungu, na kisha ukawa kichocheo cha mabadiliko katika maisha ya mtu mwingine.