Soma Biblia Kila Siku Juni 2021Mfano

Huyu kijana alikuwa bubu kwa sababu ya pepo mbaya. Lakini wengine ni bubu kwa sababu nyingine; huenda walikuwa na hali hiyo tangu kuzaliwa. Tusianze kumkemea pepo ikiwa hatuna uhakika kama ni pepo. Kama ni ugonjwa wa kawaida tu, basi, tusiwatie watu hofu ya kuwa na pepo mbaya! Yesu alizungumza na huyu bwana kuhusu tatizo la mwanawe (m.21-24, Akamwuliza babaye, Amepatwa na haya tangu lini? Akasema, Tangu utoto. Na mara nyingi amemtupa katika moto, na katika maji, amwangamize; lakini ukiweza neno lo lote, utuhurumie, na kutusaidia. Yesu akamwambia, Ukiweza! Yote yawezekana kwake aaminiye. Mara babaye yule kijana akapaza sauti, akasema, Naamini, nisaidie kutokuamini kwangu). Hata leo inabidi kufanyike mazungumzo na wagonjwa au wazazi wao kabla ya kutenda lolote. Hali halisi itaeleweka vizuri zaidi baada ya uchunguzi!