Atus 6
6
Aibâ norĩ hã 7 na ihâiba za'ra dapawapto'wa da, da te dasiwi ipisutu za'ra zé
1Taha bâtâ 'remhã, isazei'wa norĩ hã ma tô sina hâ'â u'âsi. Tawamhã Zudeu norĩ gregu mreme na 're imreme zusi mono hã ma tô 're siwapsari za'ra, Zudeu norĩ Ebreu norĩ mreme na 're imreme zusi mono norĩ ãma, isiré pi'õi mrotõ norĩ ãma 're dapo're simrami za'ra mono wa, awẽ sidâpâsi dasa nhomri na hã. 2Tahawa Zezusihi siré 're inomro mono norĩ 12 na ihâiba za'ra hã ma tô 'rã'õtõ za'ra, isazei'wa norĩ hã. Ãne te tãma nharĩ za'ra:
— I'uwaibaba õ di, 'Re ihâimana u'âsi mono nhimiroti na wanhimirowahudu, wa te isahâri za'ra da hã, dasa nhomri na si 're wahâimana za'ra mono da. 3Tahawa, wasisãnawã norĩ, ma'ãpé pisutu za'ra wa'aba 7 na aibâ norĩ aiwazari ihâimana za'ra wa'wa aima i'umnhasi za'ra wa'wa hã, 'Re ihâimana u'âsi mono Pẽ'ẽzani 'masisi na iré 're ihâimana za'ra mono hã duré rowaihu'u ré hã. Tawamhã ta norĩ hã te za ã hã romhuri hã 'madâ'â za'ra za. 4Tawamhã wa norĩ hã rowaptẽrẽ na si, wa za wa'rãza'õtõ za'ra ni, duré 'Re ihâimana u'âsi mono nhimiroti na rowahutu na si.
5Tawamhã Zezusihi zadawa wasu'u'wa norĩ nhimiroti na ma tô uburé ãma saze za'ra, isazei'wa norĩ hã. Tahawa, ma tô siwi pisutu Estevã, 'Re ihâimana u'âsi mono te te sina 're i'umnhasi za'ẽtẽ mono hã, duré 'Re ihâimana u'âsi mono Pẽ'ẽzani 'masisi na iré 're ihâimana mono duré Filipi, Procoru, Nicanor, Timo, Parmena duré Nicolau Ãtioquia hawimhã, zudeu'õ aré. Taha nherẽ, ma te sizudeu. 6Ã hã aibâ norĩ hã ma tô te te simro, Zezusihi zadawa wasu'u'wa norĩ u. Ma tô ãma rowaptẽrẽ za'ra. Tinhib'rada i'rã nhisiwi ma tô duré ãma sa'ra za'ra.
7Ãne wa, 'Re ihâimana u'âsi mono nhimiroti hã ma tô te te ropéi u'âsi. Zeruzalẽ 'remhã Zezusihi nhirã zarina 're inomro mono hã ma tô sina hâ'â u'âsi. Sasedoti norĩ zama ma tô duré sina hâ'â u'âsi, 'Re ihâimana u'âsi mono te te sina 're i'umnhasi za'ẽtẽ za'ra mono norĩ hã.
Estevã, da te dasiwi isẽrẽzé dazazéb 're
8Estevãhã ma, 'Re ihâimana u'âsi mono hã iwẽ si ma tô te te tãma 're apisutu, duré tiwaihu'u pese zama. Tahawa, marĩ iwẽ uptabi hã ma tô te te 're a'manharĩ duré marĩ dama i'manharĩ waihu'u'õ hã dawa'wamhã. 9Tane nherẽ, nima norĩ Zudeu norĩ te rowahutuzéb 'remhã sima iwẽ na 're ihâimana za'ra mono norĩ#6.9 Zudeu norĩ pawa'âbâ ãna te te aré dama 're iromhuri za'ra mono, duré niwamhã isihudu norĩ hã, oto sima iwẽ na 're ihâimana za'ra mono tinhib'apito norĩ nhimi'madâ'âzé wi hã hã ma tô sada tihâimana za'ra, rowahutuzé 'ri wa'õno Cireni hawim norĩ te duré Alesãdria hawim norĩ te. Ã norĩ hã duré Zudeu norĩ aimawi norĩ hã ti'a Silisia hawimhã duré ti'a Azia hawim norĩ me ma tô nasi siwi sada'â, Estevã hã. 10Tane nherẽ, 'Re ihâimana u'âsi mono Pẽ'ẽzani hã rowaihu sa'ẽtẽ na ma tô tisõ, Estevãhã ma. Tahawa, aibâ norĩ hã te te ãma ai'uté waihu'u za'ra õ di. 11Tahawa, ma tô wa'âbâ za'ra, ni'wam norĩ ma, te te wasu'u za'ra da, ãne:
— Wa wasiwi wapari ni Estevã hã, Mozésihi ãma te te wasété ré hã duré 'Re ihâimana u'âsi mono ãma zama.
12Ãne zarina ma tô sada tanhiti'rui wairébé ni, Estevã hã te te dama wasu'u wasété za'ra wa, 'Re ihâimana u'âsi mono nhimiroti zahi na rob'ui'éré na dama rowahutu'wa norĩ ma duré dama roti'wa norĩ ma zama. Taha pari ma tô sô ai'aba'ré. Ma tô siwi ti'â, Estevã hã. Tawamhã ma tô siwi saprõ, Zudeu norĩ ma ipire norĩ u. 13Tamemhã tô senai õ na siwi iwasu'u'wa da hã ma tô duré siwi da'maipisutu. Ãne te ta norĩ hã siwi wasu'u:
— Ã hã aibâ hã, rowasu'u wasédé hã te te sazâri õ di, iwẽ uptabi 'Re ihâimana u'âsi mono nhorõwa 'ri na hã duré isimiroti zahi na Mozési te te ãma irob'ui'érézém na zama. 14Wa wapari za'ra ni, Zezusi Nazaré ãma aré 're isãmra mono hã te za, u, 'ri pru, 'Re ihâimana u'âsi mono nhorõwa hã. Duré, roti Mozési hã te te wama ihiri za'ra hã te za u ãma azaprĩ.
15Tawamhã uburé Zudeu norĩ ma roti'wa norĩ isi'ubumrozéb ãma ihâimana za'ra hã ma tô siwi 'madâ pese, Estevã hã. I'ubu hã, 'Re ihâimana u'âsi mono ma, hâiwa hawi romhuri'wai ubu ne hã.
Iliyochaguliwa sasa
Atus 6: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 6
6
Aibâ norĩ hã 7 na ihâiba za'ra dapawapto'wa da, da te dasiwi ipisutu za'ra zé
1Taha bâtâ 'remhã, isazei'wa norĩ hã ma tô sina hâ'â u'âsi. Tawamhã Zudeu norĩ gregu mreme na 're imreme zusi mono hã ma tô 're siwapsari za'ra, Zudeu norĩ Ebreu norĩ mreme na 're imreme zusi mono norĩ ãma, isiré pi'õi mrotõ norĩ ãma 're dapo're simrami za'ra mono wa, awẽ sidâpâsi dasa nhomri na hã. 2Tahawa Zezusihi siré 're inomro mono norĩ 12 na ihâiba za'ra hã ma tô 'rã'õtõ za'ra, isazei'wa norĩ hã. Ãne te tãma nharĩ za'ra:
— I'uwaibaba õ di, 'Re ihâimana u'âsi mono nhimiroti na wanhimirowahudu, wa te isahâri za'ra da hã, dasa nhomri na si 're wahâimana za'ra mono da. 3Tahawa, wasisãnawã norĩ, ma'ãpé pisutu za'ra wa'aba 7 na aibâ norĩ aiwazari ihâimana za'ra wa'wa aima i'umnhasi za'ra wa'wa hã, 'Re ihâimana u'âsi mono Pẽ'ẽzani 'masisi na iré 're ihâimana za'ra mono hã duré rowaihu'u ré hã. Tawamhã ta norĩ hã te za ã hã romhuri hã 'madâ'â za'ra za. 4Tawamhã wa norĩ hã rowaptẽrẽ na si, wa za wa'rãza'õtõ za'ra ni, duré 'Re ihâimana u'âsi mono nhimiroti na rowahutu na si.
5Tawamhã Zezusihi zadawa wasu'u'wa norĩ nhimiroti na ma tô uburé ãma saze za'ra, isazei'wa norĩ hã. Tahawa, ma tô siwi pisutu Estevã, 'Re ihâimana u'âsi mono te te sina 're i'umnhasi za'ẽtẽ mono hã, duré 'Re ihâimana u'âsi mono Pẽ'ẽzani 'masisi na iré 're ihâimana mono duré Filipi, Procoru, Nicanor, Timo, Parmena duré Nicolau Ãtioquia hawimhã, zudeu'õ aré. Taha nherẽ, ma te sizudeu. 6Ã hã aibâ norĩ hã ma tô te te simro, Zezusihi zadawa wasu'u'wa norĩ u. Ma tô ãma rowaptẽrẽ za'ra. Tinhib'rada i'rã nhisiwi ma tô duré ãma sa'ra za'ra.
7Ãne wa, 'Re ihâimana u'âsi mono nhimiroti hã ma tô te te ropéi u'âsi. Zeruzalẽ 'remhã Zezusihi nhirã zarina 're inomro mono hã ma tô sina hâ'â u'âsi. Sasedoti norĩ zama ma tô duré sina hâ'â u'âsi, 'Re ihâimana u'âsi mono te te sina 're i'umnhasi za'ẽtẽ za'ra mono norĩ hã.
Estevã, da te dasiwi isẽrẽzé dazazéb 're
8Estevãhã ma, 'Re ihâimana u'âsi mono hã iwẽ si ma tô te te tãma 're apisutu, duré tiwaihu'u pese zama. Tahawa, marĩ iwẽ uptabi hã ma tô te te 're a'manharĩ duré marĩ dama i'manharĩ waihu'u'õ hã dawa'wamhã. 9Tane nherẽ, nima norĩ Zudeu norĩ te rowahutuzéb 'remhã sima iwẽ na 're ihâimana za'ra mono norĩ#6.9 Zudeu norĩ pawa'âbâ ãna te te aré dama 're iromhuri za'ra mono, duré niwamhã isihudu norĩ hã, oto sima iwẽ na 're ihâimana za'ra mono tinhib'apito norĩ nhimi'madâ'âzé wi hã hã ma tô sada tihâimana za'ra, rowahutuzé 'ri wa'õno Cireni hawim norĩ te duré Alesãdria hawim norĩ te. Ã norĩ hã duré Zudeu norĩ aimawi norĩ hã ti'a Silisia hawimhã duré ti'a Azia hawim norĩ me ma tô nasi siwi sada'â, Estevã hã. 10Tane nherẽ, 'Re ihâimana u'âsi mono Pẽ'ẽzani hã rowaihu sa'ẽtẽ na ma tô tisõ, Estevãhã ma. Tahawa, aibâ norĩ hã te te ãma ai'uté waihu'u za'ra õ di. 11Tahawa, ma tô wa'âbâ za'ra, ni'wam norĩ ma, te te wasu'u za'ra da, ãne:
— Wa wasiwi wapari ni Estevã hã, Mozésihi ãma te te wasété ré hã duré 'Re ihâimana u'âsi mono ãma zama.
12Ãne zarina ma tô sada tanhiti'rui wairébé ni, Estevã hã te te dama wasu'u wasété za'ra wa, 'Re ihâimana u'âsi mono nhimiroti zahi na rob'ui'éré na dama rowahutu'wa norĩ ma duré dama roti'wa norĩ ma zama. Taha pari ma tô sô ai'aba'ré. Ma tô siwi ti'â, Estevã hã. Tawamhã ma tô siwi saprõ, Zudeu norĩ ma ipire norĩ u. 13Tamemhã tô senai õ na siwi iwasu'u'wa da hã ma tô duré siwi da'maipisutu. Ãne te ta norĩ hã siwi wasu'u:
— Ã hã aibâ hã, rowasu'u wasédé hã te te sazâri õ di, iwẽ uptabi 'Re ihâimana u'âsi mono nhorõwa 'ri na hã duré isimiroti zahi na Mozési te te ãma irob'ui'érézém na zama. 14Wa wapari za'ra ni, Zezusi Nazaré ãma aré 're isãmra mono hã te za, u, 'ri pru, 'Re ihâimana u'âsi mono nhorõwa hã. Duré, roti Mozési hã te te wama ihiri za'ra hã te za u ãma azaprĩ.
15Tawamhã uburé Zudeu norĩ ma roti'wa norĩ isi'ubumrozéb ãma ihâimana za'ra hã ma tô siwi 'madâ pese, Estevã hã. I'ubu hã, 'Re ihâimana u'âsi mono ma, hâiwa hawi romhuri'wai ubu ne hã.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.