Atus 5
5
Anania duré Safira
1Aibâ Anania na isisi hã timro Safiraha me, ma tô duré tinhipti'a hã wede zahuré. 2Ta hã ti'ai wa'â i'apo'o si ma tô ti'â, Zezusihi zadawa wasu'u'wa norĩ ma. Te te sima i'apo hã ma tô sisa tihi. Ãne hã Safira te te waihu'u pese di. 3Tawamhã Pedru hã te sadanha, ãne:
— Anania, e marĩ da, Satanasi ma, ma asina irowairé, aipẽ'ẽ 're sébré da hã, 'Re ihâimana u'âsi mono Pẽ'ẽzani ma, asadawa nhipese da, duré rob'uiprazé apo hã asisa hiri da, asipti'ai wa'â hã. 4Asipti'a, da te aiwi uipra õ ré hã, ate hã aré. Duré, da te aiwi uipra parimhã, iwa'âbâ zama ate hã aré. Tawamhã e marĩ da, ma tô bété ãne hã i'manha. Ti'ai ãma aibâ norĩ ma asadawa nhipese õ di. 'Re ihâimana u'âsi mono ma, ma asadawa nhipe.
5Ãne hã te te wapari wamhã, Anania hã dâ'â siromo ma tô waptãrã. Duré ã hã iromhâimanazém na da te iwaihu'u za'ra norĩ hã ma tô tapahi pese za'ra ni. 6Tawamhã ipréduptém norĩ hã ma tô sô ai'aba'ré. Ma tô siwi ubu Ananiaha hâiba hã. Taha pari ma tô siwi ti'â, 'ri wa'õtõ nhiti. Ma tô ãma siwi ti'a.
7Bâtâ pibuzé si'ubdatõ si'utõrĩ parimhã, ma tô ãzé imro hã. Timro dâ'âzém na iromhâimanazé hã te te waihu'u õ di. 8Tawamhã Pedru hã ma tô sadanha, ãne:
— Ma'ãpé, ĩma wasu'u na! E tô ã hã asipti'a iwede aba wa'â hã, wahuré.
Pi'õ hã ma sada'â, ãne:
— Ĩhe, tô wahuré.
9Tawamhã Pedru hã te tãma tinha, ãne:
— E marĩ da, aimro me ma tô asima irowairébé 'wa, Uburé Danhib'apito Pẽ'ẽzani hã pibui wa'aba da. Ma'ãpé, wapari. Ipréduptém norĩ aimro na te te iti'a za'ra hã rowi te aimasa, 'ridawa ãma. Te za duré siwi ti'â za, aihâiba hâ hã.
10Tawamhã awa'awi ma tô duré waptãrã, dâ'â siromo, Pedruhu papara. Tawamhã ipréduptém norĩ hã ma tô duré apâ asisi. Ma tô siwi sõpẽtẽ pi'õ idâ hã. Ma tõ duré siwi ti'â. Ma tô duré ãma ti'a, imro zababa. 11Tawamhã uburé pese isazei'wa norĩ hã duré uburé rowasu'u iromhâimanazém na da te iwapari za'ra hã ma tô tapẽ'ẽwara pese za'ra ni.
Zezusihi zadawa wasu'u'wa norĩ hã ihâzé ré norĩ ahâ na te te 're ipese za'ra mono zé
12Zezusihi zadawa wasu'u'wa norĩ hã ma tô te te 're 'manharĩ za'ra, ahâ na marĩ dama i'manharĩ waihu'u'õ hã duré iwẽ uptabi hã dawa'wa. Uburé da te 're isaze za'ra mono hã ma tô 're dasi'rã'õtõ, Salomahã nhisi na 'ri zahâpâ ãma. 13Ni'wa isazei'õ'wa hã pahi ãna iteme sébré waihu'u za'ra õ di. Tane nherẽ, wasu'u wẽ na ma tô isazei'wa norĩ hã da te dasima 're wasu'u za'ra. 14Tahawa, ma tô da'ahâ na dasina dahâ'â u'âsi, aibâ norĩ duré pi'õ zama Wanhib'apito zazei'wa hã. 15Isiré 're inomro mono norĩ hã, marĩ dama i'manharĩ waihu'u'õ hã te te 're 'manharĩ za'ra mono wa, ma tô ihâzé ré norĩ hã da te 're sa'ra, 'ri nhi'riti wa, isa'warizé wa duré dahâzé wa, wetenhamri na daza'warizé wa. Ãne hã ma tô da te 're 'manharĩ za'ra, Pedru hã iwa'waibaba za'ra te te ro'razâri wa, i'awã hã te te 're hâiba upsibi za'ra mono wa, nima norĩ hã te te 're pese za'ra mono da. 16Zeruzalẽ 'rata 'ri wa'õtõ mono hawimhã, ma tô da'ahâ na 're dasito, Zeruzalẽ u hã. Ihâzé ré norĩ hã ma tô da te dasiré 're 'wasari, duré wa'uburé ré 're ihâimana za'ra mono norĩ zama. Ta norĩ hã uburé ma tô 're pese za'ra.
Zezusihi zadawa wasu'u'wa norĩ ma, da te 're irob'manharĩ wasété za'ra mono zé
17Tawamhã sasedoti tisiré norĩ nhipai u ipire hã duré uburé isiré saduceu norĩ me, ma tô Zezusihi zadawa wasu'u'wa norĩ hã sõ'ru za'ra. 18Tahawa, ma tô dama 'ru za'ra, da te dasiwi waibu da, Zezusihi zadawa wasu'u'wa norĩ hã. Ãne wa, dazazéb 're, ma tô séme ni. 19Tane nherẽ, taha mara na hã Uburé Danhib'apito te, hâiwa hawi romhuri'wa hã ma tô 'ridawa za'ẽne dazazém nhitobzé hã tãma 'ridawa za'ra. Taha pari, rob u ma tô te te simro. Tame ma tô ãne tãma nharĩ za'ra:
20— Mo oto ai'aba'réi wa'aba, 'Re ihâimana u'âsi mono nhorõwa 'ri 'rãihâ u. Dama rowasu'u pese za'ra wa'aba, 're idahâimana u'âsi za'ra mono zém na.
21Tawamhã ma tô sadawa zamarĩ za'ra. Awẽm na ma tô ai'aba'ré, 'Re ihâimana u'âsi mono nhorõwa 'ri 'rãihâ 'wawi wa'ra u hã. Tame rowahutu na ma tô dama sãna'rata za'ra.
Tawamhã sasedoti tisiré norĩ nhipai u ipire hã, isiré 're inomro mono norĩ zama ma tô Zudeu norĩ ma ipire norĩ zô tihârâ za'ra, dasi'rã'õno da'ãma rowairébé'wa danhipai u ipire norĩ u. Taha pari dazazéb u ma tô satõrĩ za'ra, nima norĩ rob'madâ'â'wa norĩ hã Zezusihi zadawa wasu'u'wa norĩ zô. 22Tane nherẽ, 'Re ihâimana u'âsi mono nhorõwa 'madâ'â'wa norĩ hã, dazazéb u sihutu wamhã, te te sõpẽtẽ za'ra õ di, Zezusihi zadawa wasu'u'wa norĩ hã. Tahawa apâ ma tô ai'aba'ré. 23Ma tô rowasu'u za'ra, ãne:
— Dazazé hã 'ridawa tété wẽ na, wa tô wasiwi sõpẽtẽ ni, duré rob'madâ'â pese na. Dazazéb 'madâ'â'wa norĩ hã te rob'madâ'â za'ra, 'ridawa za'ẽtẽ mono bâ. Tane nherẽ, wa te wasiwi 'ridawa wamhã, 'riparamhã ni'wai õ di.
24Tawamhã 'Re ihâimana u'âsi mono nhorõwa 'ri 'rãihâ 'madâ'â'wa norĩ nhib'ihâ'a hã duré sasedoti ipire norĩ, ãne hã te te wapari za'ra wamhã, ma tô tiwi tirowaihu'u'õ za'ra. Niha hã te te rosa'rata waihu'u za'ra õ di, Zezusihi zadawa wasu'u'wa norĩ ma, iromhâimanazém na hã. 25Taha ré hã, ni'wa ma tô ãzé. Ta hã ma tô tãma rowasu'u za'ra, ãne:
— Ĩwapari za'ra wa'aba. Aibâ norĩ hã dazazéb 're, iséme 'wa hã, 'Re ihâimana u'âsi mono nhorõwa, 'ri 'rãihâ 'wawi wa'ra 're, te dama rowahutu za'ra.
26Tawamhã 'Re ihâimana u'âsi mono nhorõwa 'ri 'madâ'â'wa norĩ hã ma tô sô ai'aba'ré, tinhib'ihâ'a siré. Ta norĩ hã ma tô apâ te te simro, Zezusihi zadawa wasu'u'wa norĩ hã. Tane nherẽ, isimroi mono 'wa norĩ hã ẽtẽ na da te hâ za'ra õ'umnhasite, ma tô ãma pibui pese za'ra, te te isimroi mono zém na hã, te te tãma rob'manharĩ za'ra ãna. 27Te te ãwisi za'ra wamhã, ma tô sõré ni da'ãma rowairébé'wa norĩ nho're, Zezusihi zadawa wasu'u'wa norĩ hã. 'Re ihâimana u'âsi mono ma da'ãma romhuri'wa, tisiré norĩ nhipai u ipire hã ma tô tãma nharĩ za'ra, ãne:
28— Wa tô aré aiwi sawi za'ra wa'aba ni, tô õ hã aibâ nhisi na dama rowahutu za'ra wa'aba tõ da. Tane nherẽ, Zeruzalẽ 'remhã asimirowahutu na ma tô da'ãma iwazere za'ra wa'wa. Wa norĩ wa te wasiwi iwĩrĩ na hã wapisutu za'ra wa'aba da, ma tô duré asima iwẽ za'ra wa'wa.
29Tawamhã Pedru hã duré isiré norĩ Zezusihi zadawa wasu'u'wa norĩ zama ma tô sada'âbâ za'ra, ãne:
— 'Re ihâimana u'âsi mono mreme si wa za 'madâ'â pese za'ra ni. Mare di, ti'ai ãma aibâ norĩ mreme hã. 30'Re ihâimana u'âsi mono wahi'rata norĩ te hã, ma tô hâiwa'utu, Zezusi hã, asiwi iwĩrĩ 'wa hã duré wedepo'o nhonhi'rãmi na asiwi isasõmri 'wa hã. 31Ta hã ma tô 'Re ihâimana u'âsi mono hã tisã tinhimire niwĩ, Danhib'ihâ'a da duré Danho'reptui'wa da, Izaraéu nhihudu norĩ ma, tiwasété na 're sisãmri za'ra mono wa, 're siwẽ'õ za'ra mono wa, iwasédé hã te te ãma 're a'madâ'â tõ mono da. 32Wa norĩ hã watõmo na wa tô 'madâ'â za'ra ni, uburé ã hã iromhâimanazé hã. 'Re ihâimana u'âsi mono Pẽ'ẽzani zama te te waihu'u pese di. Ta hã te 'Re ihâimana u'âsi mono hã ni'wam norĩ te te 're iwapari pese za'ra mono norĩ ma, te te 're anhomri.
33Tawamhã ãne hã te te wapari za'ra wamhã, ma tô ab'rui pese za'ra. Tahawa, te te aré isimro da si. 34Tane nherẽ, farizeu Gamaliéu na isisi hã ma tô hâiwi za, da'ãma rowairébézéb ãma. Ta hã 'Re ihâimana u'âsi mono nhimiroti zahi na dama rowahutu'wa, dama wazé pese di, uburé a'uwẽ norĩ ma hã. Ta hã ma tô waptẽ, Zezusihi zadawa wasu'u'wa norĩ hã a'â suru na da te sani za'ra da, rob u.
35Taha pari, ma tô da'ãma roti'wa norĩ ma tinha, ãne:
— Izaraéu nhihudu norĩ, ãma pibui pese za'ra wa'aba, marĩ za i'manharĩ za'ra wa'aba zém na hã, ã hã aibâ norĩ ãma. 36Duréihã aibâ Teudasi na isisi hã ma tô dama sihâi'ré, dama pire na 're siwasu'u mono wa, te te ida'rã'õno hã, 400 na dahâiba na. Tane nherẽ, ma tô wĩrĩ ni, ta hã. Tahawa isiré 're inomro mono hã ma tô ropé. Tahawa tinhimirowa'õno hã te te ãma uwaimrami waihu'u za'ra õ di, ta norĩ hã. 37Isa'u hã, daza'rada hâimana ré, Zudasi hã ma tô duré sihâi'ré, Galiléia ãma 're isãmra mono hã. Taha siré ma tô duré 're danomro, danhib'ihâ'a norĩ zada. Tane nherẽ, ma tô duré wĩrĩ ni, ta hã. Tawamhã uburé isiré 're inomro mono hã ma tô duré ropé. 38Tahawa, ãhã na hã, ãne wa za aima waihu'u za'ra wa'wa: Ã hã aibâ norĩ hã sima iwẽ na hâimana za'ra. Duré dazazém hawimhã sani za'ra wa'aba. Isimirowa'õtõ za'ra hã duré isimiromhuri za'ra hã sihawi wamhã, te za tiwi ab'uwa za'ra za. 39Tanei õ di, 'Re ihâimana u'âsi mono zadawa para wamhã, tiwi uprosi waihu'u za'ra wa'aba õ di za, isimiromhuri za'ra hã. E marĩ wa. 'Re ihâimana u'âsi mono hã asiwi 'wapéi wa'aba wa aré.
Tawamhã da'ãma rowairébé'wa norĩ, Gamaliéu hã ma tô siwi saze. 40Tahawa, Zezusihi zadawa wasu'u'wa norĩ zô ma tô tihârâ za'ra apâ. Ma tô dama 'ru za'ra, abazei hâ nhorõ 'manharĩ na dapré'ézém na da te 're hâ za'ra mono da. Taha pari, ma tô duré tiwi sawi zahi za'ra, te te dama 're rowahutu za'ra mono tõ da, Zezusihi wasu'u na hã. Taha pari, ma tô tãma rob'ru za'ra, oto si'aba'ré da. 41Tawamhã Zezusihi zadawa wasu'u'wa norĩ hã tãma rowẽ uptabi za'ra sina ma tô wairé, da'ãma rowairébézém hawimhã, 'Re ihâimana u'âsi mono hã te te pisutu za'ra wa, Zezusihi u'âbâ te te robzépata za'ra da. 42Tawamhã bâtâ sidâpâsi, ma tô nasi dama rowahutu u'âsi za'ra, 'Re ihâimana u'âsi mono nhorõwa 'ri 'wawi wa'ra 'remhã duré 'ri babamhã, Zezusi hã Danho'reptui'wa na.
Iliyochaguliwa sasa
Atus 5: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 5
5
Anania duré Safira
1Aibâ Anania na isisi hã timro Safiraha me, ma tô duré tinhipti'a hã wede zahuré. 2Ta hã ti'ai wa'â i'apo'o si ma tô ti'â, Zezusihi zadawa wasu'u'wa norĩ ma. Te te sima i'apo hã ma tô sisa tihi. Ãne hã Safira te te waihu'u pese di. 3Tawamhã Pedru hã te sadanha, ãne:
— Anania, e marĩ da, Satanasi ma, ma asina irowairé, aipẽ'ẽ 're sébré da hã, 'Re ihâimana u'âsi mono Pẽ'ẽzani ma, asadawa nhipese da, duré rob'uiprazé apo hã asisa hiri da, asipti'ai wa'â hã. 4Asipti'a, da te aiwi uipra õ ré hã, ate hã aré. Duré, da te aiwi uipra parimhã, iwa'âbâ zama ate hã aré. Tawamhã e marĩ da, ma tô bété ãne hã i'manha. Ti'ai ãma aibâ norĩ ma asadawa nhipese õ di. 'Re ihâimana u'âsi mono ma, ma asadawa nhipe.
5Ãne hã te te wapari wamhã, Anania hã dâ'â siromo ma tô waptãrã. Duré ã hã iromhâimanazém na da te iwaihu'u za'ra norĩ hã ma tô tapahi pese za'ra ni. 6Tawamhã ipréduptém norĩ hã ma tô sô ai'aba'ré. Ma tô siwi ubu Ananiaha hâiba hã. Taha pari ma tô siwi ti'â, 'ri wa'õtõ nhiti. Ma tô ãma siwi ti'a.
7Bâtâ pibuzé si'ubdatõ si'utõrĩ parimhã, ma tô ãzé imro hã. Timro dâ'âzém na iromhâimanazé hã te te waihu'u õ di. 8Tawamhã Pedru hã ma tô sadanha, ãne:
— Ma'ãpé, ĩma wasu'u na! E tô ã hã asipti'a iwede aba wa'â hã, wahuré.
Pi'õ hã ma sada'â, ãne:
— Ĩhe, tô wahuré.
9Tawamhã Pedru hã te tãma tinha, ãne:
— E marĩ da, aimro me ma tô asima irowairébé 'wa, Uburé Danhib'apito Pẽ'ẽzani hã pibui wa'aba da. Ma'ãpé, wapari. Ipréduptém norĩ aimro na te te iti'a za'ra hã rowi te aimasa, 'ridawa ãma. Te za duré siwi ti'â za, aihâiba hâ hã.
10Tawamhã awa'awi ma tô duré waptãrã, dâ'â siromo, Pedruhu papara. Tawamhã ipréduptém norĩ hã ma tô duré apâ asisi. Ma tô siwi sõpẽtẽ pi'õ idâ hã. Ma tõ duré siwi ti'â. Ma tô duré ãma ti'a, imro zababa. 11Tawamhã uburé pese isazei'wa norĩ hã duré uburé rowasu'u iromhâimanazém na da te iwapari za'ra hã ma tô tapẽ'ẽwara pese za'ra ni.
Zezusihi zadawa wasu'u'wa norĩ hã ihâzé ré norĩ ahâ na te te 're ipese za'ra mono zé
12Zezusihi zadawa wasu'u'wa norĩ hã ma tô te te 're 'manharĩ za'ra, ahâ na marĩ dama i'manharĩ waihu'u'õ hã duré iwẽ uptabi hã dawa'wa. Uburé da te 're isaze za'ra mono hã ma tô 're dasi'rã'õtõ, Salomahã nhisi na 'ri zahâpâ ãma. 13Ni'wa isazei'õ'wa hã pahi ãna iteme sébré waihu'u za'ra õ di. Tane nherẽ, wasu'u wẽ na ma tô isazei'wa norĩ hã da te dasima 're wasu'u za'ra. 14Tahawa, ma tô da'ahâ na dasina dahâ'â u'âsi, aibâ norĩ duré pi'õ zama Wanhib'apito zazei'wa hã. 15Isiré 're inomro mono norĩ hã, marĩ dama i'manharĩ waihu'u'õ hã te te 're 'manharĩ za'ra mono wa, ma tô ihâzé ré norĩ hã da te 're sa'ra, 'ri nhi'riti wa, isa'warizé wa duré dahâzé wa, wetenhamri na daza'warizé wa. Ãne hã ma tô da te 're 'manharĩ za'ra, Pedru hã iwa'waibaba za'ra te te ro'razâri wa, i'awã hã te te 're hâiba upsibi za'ra mono wa, nima norĩ hã te te 're pese za'ra mono da. 16Zeruzalẽ 'rata 'ri wa'õtõ mono hawimhã, ma tô da'ahâ na 're dasito, Zeruzalẽ u hã. Ihâzé ré norĩ hã ma tô da te dasiré 're 'wasari, duré wa'uburé ré 're ihâimana za'ra mono norĩ zama. Ta norĩ hã uburé ma tô 're pese za'ra.
Zezusihi zadawa wasu'u'wa norĩ ma, da te 're irob'manharĩ wasété za'ra mono zé
17Tawamhã sasedoti tisiré norĩ nhipai u ipire hã duré uburé isiré saduceu norĩ me, ma tô Zezusihi zadawa wasu'u'wa norĩ hã sõ'ru za'ra. 18Tahawa, ma tô dama 'ru za'ra, da te dasiwi waibu da, Zezusihi zadawa wasu'u'wa norĩ hã. Ãne wa, dazazéb 're, ma tô séme ni. 19Tane nherẽ, taha mara na hã Uburé Danhib'apito te, hâiwa hawi romhuri'wa hã ma tô 'ridawa za'ẽne dazazém nhitobzé hã tãma 'ridawa za'ra. Taha pari, rob u ma tô te te simro. Tame ma tô ãne tãma nharĩ za'ra:
20— Mo oto ai'aba'réi wa'aba, 'Re ihâimana u'âsi mono nhorõwa 'ri 'rãihâ u. Dama rowasu'u pese za'ra wa'aba, 're idahâimana u'âsi za'ra mono zém na.
21Tawamhã ma tô sadawa zamarĩ za'ra. Awẽm na ma tô ai'aba'ré, 'Re ihâimana u'âsi mono nhorõwa 'ri 'rãihâ 'wawi wa'ra u hã. Tame rowahutu na ma tô dama sãna'rata za'ra.
Tawamhã sasedoti tisiré norĩ nhipai u ipire hã, isiré 're inomro mono norĩ zama ma tô Zudeu norĩ ma ipire norĩ zô tihârâ za'ra, dasi'rã'õno da'ãma rowairébé'wa danhipai u ipire norĩ u. Taha pari dazazéb u ma tô satõrĩ za'ra, nima norĩ rob'madâ'â'wa norĩ hã Zezusihi zadawa wasu'u'wa norĩ zô. 22Tane nherẽ, 'Re ihâimana u'âsi mono nhorõwa 'madâ'â'wa norĩ hã, dazazéb u sihutu wamhã, te te sõpẽtẽ za'ra õ di, Zezusihi zadawa wasu'u'wa norĩ hã. Tahawa apâ ma tô ai'aba'ré. 23Ma tô rowasu'u za'ra, ãne:
— Dazazé hã 'ridawa tété wẽ na, wa tô wasiwi sõpẽtẽ ni, duré rob'madâ'â pese na. Dazazéb 'madâ'â'wa norĩ hã te rob'madâ'â za'ra, 'ridawa za'ẽtẽ mono bâ. Tane nherẽ, wa te wasiwi 'ridawa wamhã, 'riparamhã ni'wai õ di.
24Tawamhã 'Re ihâimana u'âsi mono nhorõwa 'ri 'rãihâ 'madâ'â'wa norĩ nhib'ihâ'a hã duré sasedoti ipire norĩ, ãne hã te te wapari za'ra wamhã, ma tô tiwi tirowaihu'u'õ za'ra. Niha hã te te rosa'rata waihu'u za'ra õ di, Zezusihi zadawa wasu'u'wa norĩ ma, iromhâimanazém na hã. 25Taha ré hã, ni'wa ma tô ãzé. Ta hã ma tô tãma rowasu'u za'ra, ãne:
— Ĩwapari za'ra wa'aba. Aibâ norĩ hã dazazéb 're, iséme 'wa hã, 'Re ihâimana u'âsi mono nhorõwa, 'ri 'rãihâ 'wawi wa'ra 're, te dama rowahutu za'ra.
26Tawamhã 'Re ihâimana u'âsi mono nhorõwa 'ri 'madâ'â'wa norĩ hã ma tô sô ai'aba'ré, tinhib'ihâ'a siré. Ta norĩ hã ma tô apâ te te simro, Zezusihi zadawa wasu'u'wa norĩ hã. Tane nherẽ, isimroi mono 'wa norĩ hã ẽtẽ na da te hâ za'ra õ'umnhasite, ma tô ãma pibui pese za'ra, te te isimroi mono zém na hã, te te tãma rob'manharĩ za'ra ãna. 27Te te ãwisi za'ra wamhã, ma tô sõré ni da'ãma rowairébé'wa norĩ nho're, Zezusihi zadawa wasu'u'wa norĩ hã. 'Re ihâimana u'âsi mono ma da'ãma romhuri'wa, tisiré norĩ nhipai u ipire hã ma tô tãma nharĩ za'ra, ãne:
28— Wa tô aré aiwi sawi za'ra wa'aba ni, tô õ hã aibâ nhisi na dama rowahutu za'ra wa'aba tõ da. Tane nherẽ, Zeruzalẽ 'remhã asimirowahutu na ma tô da'ãma iwazere za'ra wa'wa. Wa norĩ wa te wasiwi iwĩrĩ na hã wapisutu za'ra wa'aba da, ma tô duré asima iwẽ za'ra wa'wa.
29Tawamhã Pedru hã duré isiré norĩ Zezusihi zadawa wasu'u'wa norĩ zama ma tô sada'âbâ za'ra, ãne:
— 'Re ihâimana u'âsi mono mreme si wa za 'madâ'â pese za'ra ni. Mare di, ti'ai ãma aibâ norĩ mreme hã. 30'Re ihâimana u'âsi mono wahi'rata norĩ te hã, ma tô hâiwa'utu, Zezusi hã, asiwi iwĩrĩ 'wa hã duré wedepo'o nhonhi'rãmi na asiwi isasõmri 'wa hã. 31Ta hã ma tô 'Re ihâimana u'âsi mono hã tisã tinhimire niwĩ, Danhib'ihâ'a da duré Danho'reptui'wa da, Izaraéu nhihudu norĩ ma, tiwasété na 're sisãmri za'ra mono wa, 're siwẽ'õ za'ra mono wa, iwasédé hã te te ãma 're a'madâ'â tõ mono da. 32Wa norĩ hã watõmo na wa tô 'madâ'â za'ra ni, uburé ã hã iromhâimanazé hã. 'Re ihâimana u'âsi mono Pẽ'ẽzani zama te te waihu'u pese di. Ta hã te 'Re ihâimana u'âsi mono hã ni'wam norĩ te te 're iwapari pese za'ra mono norĩ ma, te te 're anhomri.
33Tawamhã ãne hã te te wapari za'ra wamhã, ma tô ab'rui pese za'ra. Tahawa, te te aré isimro da si. 34Tane nherẽ, farizeu Gamaliéu na isisi hã ma tô hâiwi za, da'ãma rowairébézéb ãma. Ta hã 'Re ihâimana u'âsi mono nhimiroti zahi na dama rowahutu'wa, dama wazé pese di, uburé a'uwẽ norĩ ma hã. Ta hã ma tô waptẽ, Zezusihi zadawa wasu'u'wa norĩ hã a'â suru na da te sani za'ra da, rob u.
35Taha pari, ma tô da'ãma roti'wa norĩ ma tinha, ãne:
— Izaraéu nhihudu norĩ, ãma pibui pese za'ra wa'aba, marĩ za i'manharĩ za'ra wa'aba zém na hã, ã hã aibâ norĩ ãma. 36Duréihã aibâ Teudasi na isisi hã ma tô dama sihâi'ré, dama pire na 're siwasu'u mono wa, te te ida'rã'õno hã, 400 na dahâiba na. Tane nherẽ, ma tô wĩrĩ ni, ta hã. Tahawa isiré 're inomro mono hã ma tô ropé. Tahawa tinhimirowa'õno hã te te ãma uwaimrami waihu'u za'ra õ di, ta norĩ hã. 37Isa'u hã, daza'rada hâimana ré, Zudasi hã ma tô duré sihâi'ré, Galiléia ãma 're isãmra mono hã. Taha siré ma tô duré 're danomro, danhib'ihâ'a norĩ zada. Tane nherẽ, ma tô duré wĩrĩ ni, ta hã. Tawamhã uburé isiré 're inomro mono hã ma tô duré ropé. 38Tahawa, ãhã na hã, ãne wa za aima waihu'u za'ra wa'wa: Ã hã aibâ norĩ hã sima iwẽ na hâimana za'ra. Duré dazazém hawimhã sani za'ra wa'aba. Isimirowa'õtõ za'ra hã duré isimiromhuri za'ra hã sihawi wamhã, te za tiwi ab'uwa za'ra za. 39Tanei õ di, 'Re ihâimana u'âsi mono zadawa para wamhã, tiwi uprosi waihu'u za'ra wa'aba õ di za, isimiromhuri za'ra hã. E marĩ wa. 'Re ihâimana u'âsi mono hã asiwi 'wapéi wa'aba wa aré.
Tawamhã da'ãma rowairébé'wa norĩ, Gamaliéu hã ma tô siwi saze. 40Tahawa, Zezusihi zadawa wasu'u'wa norĩ zô ma tô tihârâ za'ra apâ. Ma tô dama 'ru za'ra, abazei hâ nhorõ 'manharĩ na dapré'ézém na da te 're hâ za'ra mono da. Taha pari, ma tô duré tiwi sawi zahi za'ra, te te dama 're rowahutu za'ra mono tõ da, Zezusihi wasu'u na hã. Taha pari, ma tô tãma rob'ru za'ra, oto si'aba'ré da. 41Tawamhã Zezusihi zadawa wasu'u'wa norĩ hã tãma rowẽ uptabi za'ra sina ma tô wairé, da'ãma rowairébézém hawimhã, 'Re ihâimana u'âsi mono hã te te pisutu za'ra wa, Zezusihi u'âbâ te te robzépata za'ra da. 42Tawamhã bâtâ sidâpâsi, ma tô nasi dama rowahutu u'âsi za'ra, 'Re ihâimana u'âsi mono nhorõwa 'ri 'wawi wa'ra 'remhã duré 'ri babamhã, Zezusi hã Danho'reptui'wa na.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.