Atus 7
7
Dama ipire norĩ nho're, Estevã dama isiwasu'uzé
1Tawamhã 'Re ihâimana u'âsi mono ma, da'ãma romhuri'wa sasedoti tisiré norĩ nhipai u ipire hã ma tô Estevã sadanha, ãne:
— Ã hã da te i'aiwasu'u za'ra zé hã, e tô sena.
2Tawamhã Estevã ma tô sada'â, ãne:
— Ĩsisãnawã norĩ duré damama norĩ, ĩwapari za'ra wa'aba. 'Re ihâimana u'âsi mono iwaihu'u pe hã ma tô sihâi'ré wahi'rada Abra'ãhã ma, Mezopotãmia na ti'a nhisi ãma 're sãmra mono ré hã, zahadu Harã na 'ri nho'õmo nhisi u morĩ õ ré hã. 3Ãne te tãma tinha: “Ma'ãpé asipti'ai hawi aiwatobro, duré asisãnawã norĩ wa'wa 're i'aihâimana mono zém hawimhã, ti'a za te aima ihâi'rézéb u aimorĩ da.” 4Tahawa ma tô watobro, tisiré Caudeia norĩ nhipti'ai hawimhã. Harã u ma tô mo, tame 're sãmra mono da. Imama tiwi dâ'â parimhã, 'Re ihâimana u'âsi mono hã ãwa ma tô we saprõ. Ãhãta te awa'awi na hã iwa aihâimana za'ra wa'wa, ti'ai wa. 5'Re ihâimana u'âsi mono hã ã hã ti'a te te tãma sõmri õ di a'â, ti'ai wa'õno isurure hã. Tane nherẽ, ma tô tãma ropisutu, niwap si ã hã ti'a hã za te te tãma isõmri na duré i'uirĩ na hã isihudu norĩ te na hã. Ãne na 'Re ihâimana u'âsi mono hã ma tô tãma ropisutu, Abra'ã hã zahadu 'ra õ nherẽ. 6Te duré tãma tinha, ãne: “Asihudu norĩ hã taré te za dasiré a'uwẽ'õ na 're hâimana za'ra, danhipti'ai 'remhã. Tamemhã wada'uri zarina te za te te dama 're romhuri za'ra. Te za duré da te tãma 're rob'manharĩ wasété za'ra, 400 na wahub 'remhã.”
7— Tane nherẽ, wa za tãma rob'manharĩ wasété za'ra, daza'ru tede'wa norĩ ma hã, wada'uri zarina te te tãma 're romhuri za'ra mono da, te te 're iwaibu za'ra mono norĩ ma hã. Taha parimhã asihudu norĩ hã te za wairé, ta hawimhã. Tawamhã ãme te za ĩ'ãma 're wata za'ra. 8'Re ihâimana u'âsi mono ma tô Abra'ãhã ma pisutu, danhihâiwata nhihâri hã te te tãma iropisutuzé waihu'uzéb da hã. Tahawa Abra'ã hã ti'ra ma tô sihâiwata nhizâ Izaqui hã, 8 na bâdâ ãma si'utõrĩ parimhã ipotozém na hã. Izaqui hã ti'ra Zaco hã ma tô duré sihâiwata nhizâ. Tane Zaco hã ti'ra 12 na ihâiba za'ra norĩ hã ma tô nasi anhihâiwata nhihâ.
9Tawamhã Estevã hã ma ãma uzusi, ãne:
— Zuzé hã ma tô isisãnawã norĩ hã te te siwi 're sõ'ru. Tahawa ma tô siwi wede, wada'uri zarina titede'wai ma romhuri'wa na 're hâimana mono da, Ezitu u. Tane nherẽ, 'Re ihâimana u'âsi mono hã te Zuzéhé siré tihâiba. 10Tahawa, marĩ te te 're i'azépata mono zé wi, ma tô te te 're sõ'reptu. Zuzé hã Ezitu te apito Faraoho nho're sa wamhã, 'Re ihâimana u'âsi mono hã ma tô tãma tisõ rowaihu hã, taha zarina, Farao hã te te wẽsãmri da. Tahawa Farao hã ma tô pisutu, Ezitu 're roti'wa da, duré apito nhimiromhurizé 'ri 'rãihâ 're rob'madâ'â'wa da. 11Taha parimhã dasa zô, ma tô rowaptâ Ezitu 'remhã duré Cana'ã 'remhã. Ma tô duré robzépata za'ẽtẽ za'ra ni, tame. Tahawa wahi'rata norĩ ma hã marĩ õ di, te te 're ihuri mono da hã. 12Tawamhã Zaco hã Ezitu ãma buru nho wasu'u te te wapari wamhã, ma tô wahi'rata norĩ hã satõrĩ za'ra, tamomo si'aba'ré da, imorĩ'rata na. 13Maparane ãma isi'aba'réi ãma Zuzé hã ma tô tisisãnawã norĩ ma siwasu'u, te te siwi waihu'u da. Tahawa Farao hã ma tô oto waihu'u za'ra, Zuzéhé mama sipoto hawi a'uwẽ norĩ hã. 14Taha parip si, Zuzé hã ma tô timama Zacoho zô hã hâ, duré uburé isipoto hawi a'uwẽ norĩ zô zama. Tahawa ma tô itẽme ai'aba'ré, 75 na ihâiba za'ra hã. 15Tawamhã Zaco hã ma tô mo Ezitu u. Tame ma tô dârâ. Ma tô duré ai'utõ, wahi'rata norĩ hã. 16Ihi norĩ hã ma tô 'wasari ni apâ, Siquẽ na 'ri nho'õmo nhisi u. Tame ma tô séme ni, Abra'ã hã da'ru te te i'uipra ãma, Hamohõ nhihudu norĩ wi.
17— Tawamhã 'Re ihâimana u'âsi mono hã Abra'ãhã ma, te te iropisutuzé hã te te tãma ãma i'uwaimramizéb u hã, romhuture wamhã oto, wahi'rata norĩ hã ma tô sina hâ'â pe, Ezitu 'remhã. 18Tawamhã apito aimawi hã ma tô ãzé Ezitu 'remhã, Zuzéhé wasu'u waihu'u'õ'wa hã. 19Ta hã apito hâimana nhipese na si ma tô wahi'rata norĩ ma hã 're hâimana. Ma tô duré te te tãma 're rob'manharĩ wasété za'ra. Ma tô damama norĩ ma roti zahi 'manha, ti'ra ipoto té hã te te 're rẽme za'ra mono da, 're dâ'â za'ra mono da. 20Taha ré, ma tô podo Mozési hã, ai'utépré iwẽ uptabi hã. A'amo si'ubdatõ na ma tô imama norĩ hã 'madâ'â zahuré, 'ri 're. 21Te te oto rẽme zahuré wamhã, apito Faraoho 'ra sipi'õ hã ma tô ti'â. Ti'ra uptabi ne ma tô prédu. 22Tawamhã Mozésihi ma, ma tô romnhoré za'ra ni, ezipsiu norĩ te, uburé rowaihu'u na. Tahawa mreme nhiptete uptabi di. Duré marĩ te te 're i'a'manharĩ mono zém na hã siptete di.
23Tawamhã Estevã hã ma ãma uzusi duré, ãne:
— Mozésihi ãma 40 na ãma wahu wamhã, ma tô sima rowairébé, tisiré a'uwẽ Izaraéu nhihudu norĩ hã te te waimrami mono da. 24Tame ma tô 'madâ ezipsiu hã te te 're pré'é mono ré, isiré hã. Tahawa ma tô aimapa. Ma tô 'ruiwa'â, Izaraéu nhihudu hã. Ma tô tiwĩ, ezipsiu hã. 25Mozési hã ma tô rosa'rata, isiré norĩ hã te te ãma rosa'rata za'ra da newa, 'Re ihâimana u'âsi mono te te ipisutu na te te sõ'reptu za'ra da. Tane nherẽ, te te ãma rosa'rata waihu'u za'ra õ di. 26Awẽm na hã, Mozési ma tô mo, tisiré Izaraéu nhihudu norĩ maparane isi'ahâri zahuré u. Ãma siwanhizari da, ma tô tãma nharĩ zahuré, ãne: “Aibâ norĩ, ĩwapari aba. A norĩ wa'wa hã asisãnawãi wa'wa. E marĩ da, te asi'ahâri 'wa.”
27— Tane nherẽ, tisiré ma, rob'manharĩ wasété 'wa hã ma tô Mozési hã sa'ré. Ãne te tãma tinha: “E 'wa hã ma tô aipisutu wanhib'ihâ'a da hã duré wa'ãma rowairébé'wa da hã. 28E te asima iwẽ, ĩwĩrĩ da, ahâmhâ ezipsiu hã iwĩrĩ ne.” 29Tawamhã Mozési hã ãne hã te te wapari wamhã, ma tô aimani Midiã na romnhisi u. Tame ma tô 're sãmra, dasiré a'uwẽ õ na. Tame ma tô duré ti'ra, maparane i'ra aibâ norĩ hã.
30— 40 na wahu si'utõrĩ parimhã, Mozésihi ma, ma tô sihâi'ré hâiwa hawi romhuri'wa hã, Sina'i na ẽtẽ 'rãihâ nhisi 'rata, rop si 're irosa'wari mono ãma, wede zapore ro'o wa'wa. 31Mozési hã ma tô ãma titob'uzu, te te 'madâ'â wamhã. Tahawa, ma tô 'râwi itẽme sina rotété, te te 'madâ'â wẽ da. Tawamhã Uburé Danhib'apito mreme hã ma tô wapa. Ãne te tãma tinha: 32“Wa hã aihi'rata norĩ te 'Re ihâimana u'âsi mono, Abra'ãhã te, Izaquihi te, duré Zacoho te, 'Re ihâimana u'âsi mono.” Mozési hã pahi te, ma tô rẽrẽ. Duré pahi te, te te 'madâ'â waihu'u õ di. 33Tawamhã Uburé Danhib'apito te tãma tinha: “Sani na aipara'uza hã. E marĩ wa. Ãhã ti'a iwa i'asa hã iwazéb zahi. 34Wa tô 'madâ, ĩnhib'a'uwẽ norĩ hã Ezitu 're, da te tãma 're irob'manharĩ wasété za'ra mono zé hã. Wa tô duré wapa, 're iwazidi za'ra mono zé hã. Tahawa wa tô we si'ra, te sõ'reptu za'ra da. Ãhã na hã wa za oto asatõ, Ezitu u.”
35— Ã hã tô Mozési, da te dasiwi iwẽ'õ, ã hã damreme na hã: “E 'wa hã ma aipisutu wanhib'ihâ'a da, duré wa'ãma rowairébé'wa da.” Tane nherẽ, 'Re ihâimana u'âsi mono hã si'uihâ na ma tô pisutu danhib'ihâ'a da duré te te dazani za'ra da, hâiwa hawi romhuri'wa nhimipawaptobzém na wedezapore ro'o wa'wa tãma isihâi'ré hã. 36Ta hã ma tô Izaraéu nhihudu norĩ hã sani za'ra, Ezitu hawimhã. Marĩ dama i'manharĩ waihu'u'õ hã ma tô tame a'manha duré iwẽ uptabi hã duré Âpré na âporé nhisi ãma hã duré rop si 're irosa'wari mono ãma hã, 40 na wahub 'remhã. 37Tô ã hã Mozési te te inharĩ Izaraéu nhihudu norĩ ma, ãne: “'Re ihâimana u'âsi mono hã te za tizadawa 'mahârâ'wa pisutu aiwa'wab za'ra wa'aba hã, ĩsine hã.” 38Mozési hã ma tô Izaraéu nhihudu norĩ siré tihâiba, rop si 're irosa'wari mono ãma siré si'rã'õtõ ré hã duré wahi'rata norĩ siré duré hâiwa hawi 'Re ihâimana u'âsi mono ma romhuri'wa, Sina'i na ẽtẽ 'rãihâ nhisi ãma te te tãma inharĩ siré. Ta hã Mozési, ma tô 'Re ihâimana u'âsi mono nhimiroti isi'utõrĩ'õ hã ti'â. Ta hã ma tô duré wama sõmri za'ra.
39— Tane nherẽ, wahi'rata norĩ hã te te sima wẽ za'ra õ di, Mozési hã te te siwi iwapari pese da hã. Tahawa ma tô siwi wẽ'õ. Ma tô duré sima wẽ za'ra, apâ te te sina siri za'ra da, Ezitu u. 40Tahawa, Arãhã ma, ma tô nharĩ za'ra, ãne: “Ma'ãpé, ihâiba'õ norĩ 'manharĩ romhâiba hã wama 'manharĩ za'ra na, wanhowa imorĩ za'ra da hã. Wa te waihu'u za'ra õ di, Mozésihi ma iromhâimanazé hã, Ezitu hawi we te te iwazani za'ra hã.” 41Tahawa, ma tô siwi 'manha, romhâiba powawẽ zapu hã. Abaze hã ma tô duré tãma simro za'ra, tinhoprubzé hã. Taha pari dato hã ma tô tãma 'manharĩ za'ra, iwazép sina si'uihâ na te te siwi i'manharĩ ma. 42Tahawa, 'Re ihâimana u'âsi mono, ma tô tiwi ai'ré za'ra. Ma tô duré tãma sa'ré za'ra, wasi norĩ na 're wata za'ra mono da. Taha na ma tô 'Re ihâimana u'âsi mono zadawa 'mahârâ'wa hã ãma rob'ui'éré, duréihã, ãne:
“Izaraéu nhihudu norĩ, ĩmai õ di, abaze isimroi wa'wa hã, ãma asõprub za'ra wa'aba da, 40 wahub 'remhã rop si 're irosa'wari mono ãma hã.
43Moloqui na ihâiba'õ#7.43 Moloqui hã amonita norĩ te ihâiba'õ, Zodã pa zara niwĩ 're isi'ubumroi mono norĩ te, bâtâ pusizém niwĩ. nhisi te, romhâ 'manharĩ na 'ri hã ma tô asiwi i'âri 'wa duré romhâiba, Raifã na wasi nhisi hâiba na i'manharĩ hã.
à norĩ hã ate za'ra wa'wa romhâiba 'manharĩ, i'manharĩ za'ra wa'wa, ãma 're aiwata za'ra wa'aba mono da.
Tahawa airom nhiti wa za asatõrĩ za'ra wa'wa, Babilonia nhipai u.”
44— Rop si 're irosa'wari mono ãma, wahi'rata norĩ ma, ma tô 're hâimana romhâ 'manharĩ na 'ri hã 'Re ihâimana u'âsi mono 're isãmra mono zé hã. Taha 'ri 'manharĩ hã ma tô siwi 'manha, Mozésihi ma, 'Re ihâimana u'âsi mono te te iwaihu'uzéb zarina, 'ri 'manharĩzé hã 'Re ihâimana u'âsi mono te te ihâi'ré zarina. 45Romhâ 'manharĩ na 'ri hã ihi'rata norĩ te te tãma isõmri za'ra hã, ta hã ma tô siwi ti'â, wahub ahâ parimhã Zozuéhé siré hã. Ma tô duré te te waibu ti'a hã dawamri mono bâ, 'Re ihâimana u'âsi mono hã isõ'a za'ra te te 're ida'azani mono hã ti'ai hawimhã. Romhâ 'manharĩ na 'ri hã ma tô isiré 're hâimana za'ra, Davi hã 're ihâimana mono zéb u. 46Davi hã, 'Re ihâimana u'âsi mono ma tô wẽsã. Ma tô duré tiwi waptẽ, te te tãma rowairébé da, 'ri hã te te 'manharĩ da, Zacoho te 'Re ihâimana u'âsi mono ma. 47Tane nherẽ, Salomahã si ma tô 'Re ihâimana u'âsi mono nhorõwa hã 'ri.
48— Tane nherẽ, Danhipai u 're Ihâimana mono hã 're sãmra mono õ di, a'uwẽ norĩ te te 're i'ri za'ra mono zéb 'remhã. Ma tô ãma rob'ui'éré isadawa 'mahârâ'wa hã:
49“Hâiwa hã 're ĩnhamra mono zé. Ti'a hã ĩpara nhimizusizé.
E niha hã 'ri, ĩma asiwi 'manharĩ aba da bâ bété. E mame 're ĩwa'utu mono da bâ bété.
50E ĩnhib'rata na uburé marĩ hã te 're a'manharĩ mono ã bâ bété.”
51Tawamhã Estevã hã ma timreme na 'rãsutu, ãne:
— E niha i'aipo're õ za'ra wa'wa, i'aipẽ'ẽ tete za'ra wa'wa, duré i'aipo'reptõ za'ra wa'wa, 'Re ihâimana u'âsi mono mreme iwapari za'ra wa'aba da hã! Aihi'rata norĩ ne hã, te 'Re ihâimana u'âsi mono Pẽ'ẽzani 're iwẽ'õ u'âsi za'ra wa'aba mo. 52E 'maihâimana bâ, 'Re ihâimana u'âsi mono zadawa 'mahârâ'wa hã, aihi'rata norĩ te te siwi i'ruiwapari õ hã. Ma tô te te 're simro, Iwẽ uptabi hã za we imorĩzé te te 're i'mahârâ za'ra mono norĩ hã. Ta hã ma tô a norĩ wa'wa hã asiwi ihâiba nhomri 'wa. Ma duré asiwi iwĩrĩ 'wa. 53A norĩ wa'wa hã 'Re ihâimana u'âsi mono ma hâiwa hawi romhuri'wa norĩ, isimiroti zahi hã te te aima 're sõmri za'ra wa'aba mono nherẽ, 're 'madâ'â pese za'ra wa'aba mono õ di.
Estevã hã idâ'âzé
54Tawamhã Zudeu norĩ ma roti'wa norĩ hã, ãne hã Estevãhã mreme te te wapari za'ra wamhã, ma tô sada ab'rui pese za'ra. Ma tô sada 're 'wahi 'ré za'ra. 55Tane nherẽ, Estevã hã 'Re ihâimana u'âsi mono Pẽ'ẽzani i'remhã 'masisi uptabi di. Tahawa, hâimo ma tô rob'madâ. Tawamhã ma tô 'madâ, 'Re ihâimana u'âsi mono te rowa'a isa'ẽtẽ uptabi hã. Zezusi hã ma duré 'madâ hâiwi sab ré, 'Re ihâimana u'âsi mono nhimire niwĩ. 56Tahawa Estevã hã ma tô ãne 'mahâ:
— Õhõta wa 'madâ, hâiwa isi'ridawa hã. Duré Ti'ai ãma Dasiré Ipodo hã hâiwi te za, 'Re ihâimana u'âsi mono nhimire niwĩ.
57Tane nherẽ, tinhib'rata na ma tô tiwi sipo're nhidâ za'ra. Tawamhã hârâ 'rãihâ sina, hãsi mono sina ma tô sô sisãmra. 58Ma tô siwi tisa, 'ri nho'õmo nhiti. Tame ẽtẽ na ma tô oto siwi hâ. Tawamhã i'madâ'â'wa norĩ hã ti'uza ihâpa tisi'ubuzé hã ma tô sa'ra za'ra, aibâ ihâiba té Sauluhu para ãma, te te sa 'madâ'â za'ra da. 59Ẽtẽ na Estevã hã da te dasiwi hâ ré hã, ma tô rowaptẽ, ãne:
— Wanhib'apito Zezusi, ma'ãpé âri ĩpẽ'ẽzani hã.
60Taha pari hi'rãti na ma tô waptãrã, Estevã hã. Mreme 'rãihâ na ma tô duré mre, ãne:
— Wanhib'apito, rowasédé hã tãma pisutu za'ra tõ, ã hã tiwasédé te te i'manharĩ za'ra u'âbâmhã.
Tawamhã ãne mreme pari, ma tô oto dârâ, Estevã hã.
Iliyochaguliwa sasa
Atus 7: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 7
7
Dama ipire norĩ nho're, Estevã dama isiwasu'uzé
1Tawamhã 'Re ihâimana u'âsi mono ma, da'ãma romhuri'wa sasedoti tisiré norĩ nhipai u ipire hã ma tô Estevã sadanha, ãne:
— Ã hã da te i'aiwasu'u za'ra zé hã, e tô sena.
2Tawamhã Estevã ma tô sada'â, ãne:
— Ĩsisãnawã norĩ duré damama norĩ, ĩwapari za'ra wa'aba. 'Re ihâimana u'âsi mono iwaihu'u pe hã ma tô sihâi'ré wahi'rada Abra'ãhã ma, Mezopotãmia na ti'a nhisi ãma 're sãmra mono ré hã, zahadu Harã na 'ri nho'õmo nhisi u morĩ õ ré hã. 3Ãne te tãma tinha: “Ma'ãpé asipti'ai hawi aiwatobro, duré asisãnawã norĩ wa'wa 're i'aihâimana mono zém hawimhã, ti'a za te aima ihâi'rézéb u aimorĩ da.” 4Tahawa ma tô watobro, tisiré Caudeia norĩ nhipti'ai hawimhã. Harã u ma tô mo, tame 're sãmra mono da. Imama tiwi dâ'â parimhã, 'Re ihâimana u'âsi mono hã ãwa ma tô we saprõ. Ãhãta te awa'awi na hã iwa aihâimana za'ra wa'wa, ti'ai wa. 5'Re ihâimana u'âsi mono hã ã hã ti'a te te tãma sõmri õ di a'â, ti'ai wa'õno isurure hã. Tane nherẽ, ma tô tãma ropisutu, niwap si ã hã ti'a hã za te te tãma isõmri na duré i'uirĩ na hã isihudu norĩ te na hã. Ãne na 'Re ihâimana u'âsi mono hã ma tô tãma ropisutu, Abra'ã hã zahadu 'ra õ nherẽ. 6Te duré tãma tinha, ãne: “Asihudu norĩ hã taré te za dasiré a'uwẽ'õ na 're hâimana za'ra, danhipti'ai 'remhã. Tamemhã wada'uri zarina te za te te dama 're romhuri za'ra. Te za duré da te tãma 're rob'manharĩ wasété za'ra, 400 na wahub 'remhã.”
7— Tane nherẽ, wa za tãma rob'manharĩ wasété za'ra, daza'ru tede'wa norĩ ma hã, wada'uri zarina te te tãma 're romhuri za'ra mono da, te te 're iwaibu za'ra mono norĩ ma hã. Taha parimhã asihudu norĩ hã te za wairé, ta hawimhã. Tawamhã ãme te za ĩ'ãma 're wata za'ra. 8'Re ihâimana u'âsi mono ma tô Abra'ãhã ma pisutu, danhihâiwata nhihâri hã te te tãma iropisutuzé waihu'uzéb da hã. Tahawa Abra'ã hã ti'ra ma tô sihâiwata nhizâ Izaqui hã, 8 na bâdâ ãma si'utõrĩ parimhã ipotozém na hã. Izaqui hã ti'ra Zaco hã ma tô duré sihâiwata nhizâ. Tane Zaco hã ti'ra 12 na ihâiba za'ra norĩ hã ma tô nasi anhihâiwata nhihâ.
9Tawamhã Estevã hã ma ãma uzusi, ãne:
— Zuzé hã ma tô isisãnawã norĩ hã te te siwi 're sõ'ru. Tahawa ma tô siwi wede, wada'uri zarina titede'wai ma romhuri'wa na 're hâimana mono da, Ezitu u. Tane nherẽ, 'Re ihâimana u'âsi mono hã te Zuzéhé siré tihâiba. 10Tahawa, marĩ te te 're i'azépata mono zé wi, ma tô te te 're sõ'reptu. Zuzé hã Ezitu te apito Faraoho nho're sa wamhã, 'Re ihâimana u'âsi mono hã ma tô tãma tisõ rowaihu hã, taha zarina, Farao hã te te wẽsãmri da. Tahawa Farao hã ma tô pisutu, Ezitu 're roti'wa da, duré apito nhimiromhurizé 'ri 'rãihâ 're rob'madâ'â'wa da. 11Taha parimhã dasa zô, ma tô rowaptâ Ezitu 'remhã duré Cana'ã 'remhã. Ma tô duré robzépata za'ẽtẽ za'ra ni, tame. Tahawa wahi'rata norĩ ma hã marĩ õ di, te te 're ihuri mono da hã. 12Tawamhã Zaco hã Ezitu ãma buru nho wasu'u te te wapari wamhã, ma tô wahi'rata norĩ hã satõrĩ za'ra, tamomo si'aba'ré da, imorĩ'rata na. 13Maparane ãma isi'aba'réi ãma Zuzé hã ma tô tisisãnawã norĩ ma siwasu'u, te te siwi waihu'u da. Tahawa Farao hã ma tô oto waihu'u za'ra, Zuzéhé mama sipoto hawi a'uwẽ norĩ hã. 14Taha parip si, Zuzé hã ma tô timama Zacoho zô hã hâ, duré uburé isipoto hawi a'uwẽ norĩ zô zama. Tahawa ma tô itẽme ai'aba'ré, 75 na ihâiba za'ra hã. 15Tawamhã Zaco hã ma tô mo Ezitu u. Tame ma tô dârâ. Ma tô duré ai'utõ, wahi'rata norĩ hã. 16Ihi norĩ hã ma tô 'wasari ni apâ, Siquẽ na 'ri nho'õmo nhisi u. Tame ma tô séme ni, Abra'ã hã da'ru te te i'uipra ãma, Hamohõ nhihudu norĩ wi.
17— Tawamhã 'Re ihâimana u'âsi mono hã Abra'ãhã ma, te te iropisutuzé hã te te tãma ãma i'uwaimramizéb u hã, romhuture wamhã oto, wahi'rata norĩ hã ma tô sina hâ'â pe, Ezitu 'remhã. 18Tawamhã apito aimawi hã ma tô ãzé Ezitu 'remhã, Zuzéhé wasu'u waihu'u'õ'wa hã. 19Ta hã apito hâimana nhipese na si ma tô wahi'rata norĩ ma hã 're hâimana. Ma tô duré te te tãma 're rob'manharĩ wasété za'ra. Ma tô damama norĩ ma roti zahi 'manha, ti'ra ipoto té hã te te 're rẽme za'ra mono da, 're dâ'â za'ra mono da. 20Taha ré, ma tô podo Mozési hã, ai'utépré iwẽ uptabi hã. A'amo si'ubdatõ na ma tô imama norĩ hã 'madâ'â zahuré, 'ri 're. 21Te te oto rẽme zahuré wamhã, apito Faraoho 'ra sipi'õ hã ma tô ti'â. Ti'ra uptabi ne ma tô prédu. 22Tawamhã Mozésihi ma, ma tô romnhoré za'ra ni, ezipsiu norĩ te, uburé rowaihu'u na. Tahawa mreme nhiptete uptabi di. Duré marĩ te te 're i'a'manharĩ mono zém na hã siptete di.
23Tawamhã Estevã hã ma ãma uzusi duré, ãne:
— Mozésihi ãma 40 na ãma wahu wamhã, ma tô sima rowairébé, tisiré a'uwẽ Izaraéu nhihudu norĩ hã te te waimrami mono da. 24Tame ma tô 'madâ ezipsiu hã te te 're pré'é mono ré, isiré hã. Tahawa ma tô aimapa. Ma tô 'ruiwa'â, Izaraéu nhihudu hã. Ma tô tiwĩ, ezipsiu hã. 25Mozési hã ma tô rosa'rata, isiré norĩ hã te te ãma rosa'rata za'ra da newa, 'Re ihâimana u'âsi mono te te ipisutu na te te sõ'reptu za'ra da. Tane nherẽ, te te ãma rosa'rata waihu'u za'ra õ di. 26Awẽm na hã, Mozési ma tô mo, tisiré Izaraéu nhihudu norĩ maparane isi'ahâri zahuré u. Ãma siwanhizari da, ma tô tãma nharĩ zahuré, ãne: “Aibâ norĩ, ĩwapari aba. A norĩ wa'wa hã asisãnawãi wa'wa. E marĩ da, te asi'ahâri 'wa.”
27— Tane nherẽ, tisiré ma, rob'manharĩ wasété 'wa hã ma tô Mozési hã sa'ré. Ãne te tãma tinha: “E 'wa hã ma tô aipisutu wanhib'ihâ'a da hã duré wa'ãma rowairébé'wa da hã. 28E te asima iwẽ, ĩwĩrĩ da, ahâmhâ ezipsiu hã iwĩrĩ ne.” 29Tawamhã Mozési hã ãne hã te te wapari wamhã, ma tô aimani Midiã na romnhisi u. Tame ma tô 're sãmra, dasiré a'uwẽ õ na. Tame ma tô duré ti'ra, maparane i'ra aibâ norĩ hã.
30— 40 na wahu si'utõrĩ parimhã, Mozésihi ma, ma tô sihâi'ré hâiwa hawi romhuri'wa hã, Sina'i na ẽtẽ 'rãihâ nhisi 'rata, rop si 're irosa'wari mono ãma, wede zapore ro'o wa'wa. 31Mozési hã ma tô ãma titob'uzu, te te 'madâ'â wamhã. Tahawa, ma tô 'râwi itẽme sina rotété, te te 'madâ'â wẽ da. Tawamhã Uburé Danhib'apito mreme hã ma tô wapa. Ãne te tãma tinha: 32“Wa hã aihi'rata norĩ te 'Re ihâimana u'âsi mono, Abra'ãhã te, Izaquihi te, duré Zacoho te, 'Re ihâimana u'âsi mono.” Mozési hã pahi te, ma tô rẽrẽ. Duré pahi te, te te 'madâ'â waihu'u õ di. 33Tawamhã Uburé Danhib'apito te tãma tinha: “Sani na aipara'uza hã. E marĩ wa. Ãhã ti'a iwa i'asa hã iwazéb zahi. 34Wa tô 'madâ, ĩnhib'a'uwẽ norĩ hã Ezitu 're, da te tãma 're irob'manharĩ wasété za'ra mono zé hã. Wa tô duré wapa, 're iwazidi za'ra mono zé hã. Tahawa wa tô we si'ra, te sõ'reptu za'ra da. Ãhã na hã wa za oto asatõ, Ezitu u.”
35— Ã hã tô Mozési, da te dasiwi iwẽ'õ, ã hã damreme na hã: “E 'wa hã ma aipisutu wanhib'ihâ'a da, duré wa'ãma rowairébé'wa da.” Tane nherẽ, 'Re ihâimana u'âsi mono hã si'uihâ na ma tô pisutu danhib'ihâ'a da duré te te dazani za'ra da, hâiwa hawi romhuri'wa nhimipawaptobzém na wedezapore ro'o wa'wa tãma isihâi'ré hã. 36Ta hã ma tô Izaraéu nhihudu norĩ hã sani za'ra, Ezitu hawimhã. Marĩ dama i'manharĩ waihu'u'õ hã ma tô tame a'manha duré iwẽ uptabi hã duré Âpré na âporé nhisi ãma hã duré rop si 're irosa'wari mono ãma hã, 40 na wahub 'remhã. 37Tô ã hã Mozési te te inharĩ Izaraéu nhihudu norĩ ma, ãne: “'Re ihâimana u'âsi mono hã te za tizadawa 'mahârâ'wa pisutu aiwa'wab za'ra wa'aba hã, ĩsine hã.” 38Mozési hã ma tô Izaraéu nhihudu norĩ siré tihâiba, rop si 're irosa'wari mono ãma siré si'rã'õtõ ré hã duré wahi'rata norĩ siré duré hâiwa hawi 'Re ihâimana u'âsi mono ma romhuri'wa, Sina'i na ẽtẽ 'rãihâ nhisi ãma te te tãma inharĩ siré. Ta hã Mozési, ma tô 'Re ihâimana u'âsi mono nhimiroti isi'utõrĩ'õ hã ti'â. Ta hã ma tô duré wama sõmri za'ra.
39— Tane nherẽ, wahi'rata norĩ hã te te sima wẽ za'ra õ di, Mozési hã te te siwi iwapari pese da hã. Tahawa ma tô siwi wẽ'õ. Ma tô duré sima wẽ za'ra, apâ te te sina siri za'ra da, Ezitu u. 40Tahawa, Arãhã ma, ma tô nharĩ za'ra, ãne: “Ma'ãpé, ihâiba'õ norĩ 'manharĩ romhâiba hã wama 'manharĩ za'ra na, wanhowa imorĩ za'ra da hã. Wa te waihu'u za'ra õ di, Mozésihi ma iromhâimanazé hã, Ezitu hawi we te te iwazani za'ra hã.” 41Tahawa, ma tô siwi 'manha, romhâiba powawẽ zapu hã. Abaze hã ma tô duré tãma simro za'ra, tinhoprubzé hã. Taha pari dato hã ma tô tãma 'manharĩ za'ra, iwazép sina si'uihâ na te te siwi i'manharĩ ma. 42Tahawa, 'Re ihâimana u'âsi mono, ma tô tiwi ai'ré za'ra. Ma tô duré tãma sa'ré za'ra, wasi norĩ na 're wata za'ra mono da. Taha na ma tô 'Re ihâimana u'âsi mono zadawa 'mahârâ'wa hã ãma rob'ui'éré, duréihã, ãne:
“Izaraéu nhihudu norĩ, ĩmai õ di, abaze isimroi wa'wa hã, ãma asõprub za'ra wa'aba da, 40 wahub 'remhã rop si 're irosa'wari mono ãma hã.
43Moloqui na ihâiba'õ#7.43 Moloqui hã amonita norĩ te ihâiba'õ, Zodã pa zara niwĩ 're isi'ubumroi mono norĩ te, bâtâ pusizém niwĩ. nhisi te, romhâ 'manharĩ na 'ri hã ma tô asiwi i'âri 'wa duré romhâiba, Raifã na wasi nhisi hâiba na i'manharĩ hã.
à norĩ hã ate za'ra wa'wa romhâiba 'manharĩ, i'manharĩ za'ra wa'wa, ãma 're aiwata za'ra wa'aba mono da.
Tahawa airom nhiti wa za asatõrĩ za'ra wa'wa, Babilonia nhipai u.”
44— Rop si 're irosa'wari mono ãma, wahi'rata norĩ ma, ma tô 're hâimana romhâ 'manharĩ na 'ri hã 'Re ihâimana u'âsi mono 're isãmra mono zé hã. Taha 'ri 'manharĩ hã ma tô siwi 'manha, Mozésihi ma, 'Re ihâimana u'âsi mono te te iwaihu'uzéb zarina, 'ri 'manharĩzé hã 'Re ihâimana u'âsi mono te te ihâi'ré zarina. 45Romhâ 'manharĩ na 'ri hã ihi'rata norĩ te te tãma isõmri za'ra hã, ta hã ma tô siwi ti'â, wahub ahâ parimhã Zozuéhé siré hã. Ma tô duré te te waibu ti'a hã dawamri mono bâ, 'Re ihâimana u'âsi mono hã isõ'a za'ra te te 're ida'azani mono hã ti'ai hawimhã. Romhâ 'manharĩ na 'ri hã ma tô isiré 're hâimana za'ra, Davi hã 're ihâimana mono zéb u. 46Davi hã, 'Re ihâimana u'âsi mono ma tô wẽsã. Ma tô duré tiwi waptẽ, te te tãma rowairébé da, 'ri hã te te 'manharĩ da, Zacoho te 'Re ihâimana u'âsi mono ma. 47Tane nherẽ, Salomahã si ma tô 'Re ihâimana u'âsi mono nhorõwa hã 'ri.
48— Tane nherẽ, Danhipai u 're Ihâimana mono hã 're sãmra mono õ di, a'uwẽ norĩ te te 're i'ri za'ra mono zéb 'remhã. Ma tô ãma rob'ui'éré isadawa 'mahârâ'wa hã:
49“Hâiwa hã 're ĩnhamra mono zé. Ti'a hã ĩpara nhimizusizé.
E niha hã 'ri, ĩma asiwi 'manharĩ aba da bâ bété. E mame 're ĩwa'utu mono da bâ bété.
50E ĩnhib'rata na uburé marĩ hã te 're a'manharĩ mono ã bâ bété.”
51Tawamhã Estevã hã ma timreme na 'rãsutu, ãne:
— E niha i'aipo're õ za'ra wa'wa, i'aipẽ'ẽ tete za'ra wa'wa, duré i'aipo'reptõ za'ra wa'wa, 'Re ihâimana u'âsi mono mreme iwapari za'ra wa'aba da hã! Aihi'rata norĩ ne hã, te 'Re ihâimana u'âsi mono Pẽ'ẽzani 're iwẽ'õ u'âsi za'ra wa'aba mo. 52E 'maihâimana bâ, 'Re ihâimana u'âsi mono zadawa 'mahârâ'wa hã, aihi'rata norĩ te te siwi i'ruiwapari õ hã. Ma tô te te 're simro, Iwẽ uptabi hã za we imorĩzé te te 're i'mahârâ za'ra mono norĩ hã. Ta hã ma tô a norĩ wa'wa hã asiwi ihâiba nhomri 'wa. Ma duré asiwi iwĩrĩ 'wa. 53A norĩ wa'wa hã 'Re ihâimana u'âsi mono ma hâiwa hawi romhuri'wa norĩ, isimiroti zahi hã te te aima 're sõmri za'ra wa'aba mono nherẽ, 're 'madâ'â pese za'ra wa'aba mono õ di.
Estevã hã idâ'âzé
54Tawamhã Zudeu norĩ ma roti'wa norĩ hã, ãne hã Estevãhã mreme te te wapari za'ra wamhã, ma tô sada ab'rui pese za'ra. Ma tô sada 're 'wahi 'ré za'ra. 55Tane nherẽ, Estevã hã 'Re ihâimana u'âsi mono Pẽ'ẽzani i'remhã 'masisi uptabi di. Tahawa, hâimo ma tô rob'madâ. Tawamhã ma tô 'madâ, 'Re ihâimana u'âsi mono te rowa'a isa'ẽtẽ uptabi hã. Zezusi hã ma duré 'madâ hâiwi sab ré, 'Re ihâimana u'âsi mono nhimire niwĩ. 56Tahawa Estevã hã ma tô ãne 'mahâ:
— Õhõta wa 'madâ, hâiwa isi'ridawa hã. Duré Ti'ai ãma Dasiré Ipodo hã hâiwi te za, 'Re ihâimana u'âsi mono nhimire niwĩ.
57Tane nherẽ, tinhib'rata na ma tô tiwi sipo're nhidâ za'ra. Tawamhã hârâ 'rãihâ sina, hãsi mono sina ma tô sô sisãmra. 58Ma tô siwi tisa, 'ri nho'õmo nhiti. Tame ẽtẽ na ma tô oto siwi hâ. Tawamhã i'madâ'â'wa norĩ hã ti'uza ihâpa tisi'ubuzé hã ma tô sa'ra za'ra, aibâ ihâiba té Sauluhu para ãma, te te sa 'madâ'â za'ra da. 59Ẽtẽ na Estevã hã da te dasiwi hâ ré hã, ma tô rowaptẽ, ãne:
— Wanhib'apito Zezusi, ma'ãpé âri ĩpẽ'ẽzani hã.
60Taha pari hi'rãti na ma tô waptãrã, Estevã hã. Mreme 'rãihâ na ma tô duré mre, ãne:
— Wanhib'apito, rowasédé hã tãma pisutu za'ra tõ, ã hã tiwasédé te te i'manharĩ za'ra u'âbâmhã.
Tawamhã ãne mreme pari, ma tô oto dârâ, Estevã hã.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.