Atus 26
26
Paulu hã apito Agripaha nho're, timreme na si'wawi isimapazé
1Tawamhã apito Agripa hã te Pauluhu ma tinha, ãne:
— Asi'wawi aimreme na i'aimapa da hã 'ridawa haré.
Tahawa, Paulu hã ma tô tinhib'rada hã wẽ. Ãne ma tô tinha, si'wawi timreme na isimapazém na hã:
2— Apito Agripa, ĩma rowẽ uptabi di, ãhã na asõ're ĩzabzém na hã, ĩsi'wawi ĩmreme na ĩsimapazém na hã za, uburé ĩwasu'u wasédé ihâimana za'ra na hã, Zudeu norĩ te te siwi ĩwasu'u wasété zém na hã. 3Ai'ãma ĩma irowẽ hã aima waihu'u wa, Zudeu norĩ 're ihâimana za'ra mono zé hã duré ite za'ra ro'wa'rudu 're ihâimana za'ra mono zé hã. Tahawa wa za aiwi waptẽ, asimi'ẽ na ĩwapari da.
4— Uburé Zudeu norĩ ma ĩwaihu'u pese di, niha na 're ĩhâimana mono zé hã, ĩzapo hawim haré ĩro ĩpotozéb ãma hã duré Zeruzalẽ 'remhã. 5Wahub ahâ na tãma ĩwaihu'u pese za'ra di. Duré te te sima wẽ za'ra wamhã, te te siwi ĩwasu'u da wamhã, isãna'rata hawi farizeu norĩ siré 're ĩhâimana mono zém na hã, wanhimizaze na i'uwaibaba na ãma 're iwahâimana za'ra mono zém na hã. 6Ãhã na ĩ'ãma rowairébé hã te tihâiba, ĩnhimipari u'âbâ, 'Re ihâimana u'âsi mono wahi'rata norĩ ma, te te iropisutuzéb zô. 7Izaraéu nhihudu norĩ 12 na dawamri ihâimana za'ra hã, bâtâ na duré barana zama 'Re ihâimana u'âsi mono ãma 're iwata za'ra mono hã ta norĩ te 're simipari za'ra, ã hã ropisudu te te sina i'uwaimrami zô. Apito, taha zô ĩnhimipari u'âbâ, te ãhã na ĩ'ãma rowairébé hã tihâiba, Zudeu norĩ te te siwi ĩwasu'u wasété zém na hã. 8E marĩ wa bété, aima ipire za'ra wa'wa, ãma i'asimizaze za'ra wa'aba da hã, 'Re ihâimana u'âsi mono, dadâ'â nherẽ, apâ te te 're ida'ahâiwa'utu mono na hã.
9— Wa tô aré te ĩsima 're rosa'rata, Zezusihi nhisi da, uburé marĩ hã te 're a'manharĩ mono da, Nazaré ãma aré 're isãmra mono zazei'wa norĩ ãma hã. 10Ta hã wa tô 'manha, Zeruzalẽ ãma hã. Rowairébé hã wa tô ti'â, sasedoti ipire norĩ te hã. Tawamhã ahâ na wa tô waibu, Zezusihi nhirã zarina 're inomro mono norĩ hã. Duré da te 're simroi mono da, da te 're hâiba za'ré za'ra mono wamhã, ĩzama wa tô sada 're ĩhâimana za'ra. 11Tahawa, wa tô te 're ĩzasi ahâ, rowahutuzé mono na hã, te tãma 're arob'manharĩ wasété mono da, duré Zezusihi ãma te te 're wasété za'ra mono da. Sada 're ĩzahi pese za'ra mono wa, wa tô 'ri wa'õno wasiré a'uwẽ'õ norĩ rob u hã isarina 're ĩneb za'ra, te ãma 're arowasété mono da hã.
12— Tawamhã nimahã bâtâ na Damascu u wa tô mo, sasedoti dama ipire norĩ zadawa para rob'ui'éré ré, te te ĩma i'ru za'ra zéb ré. 13Tane nherẽ, apito, bâdâdi na hã abzuma wa'wa, bâtâ ro'o nhipai u rowa'a irã nhiptete uptabi hã hâiwa hawi ma tô rowa'a, ĩmana wawi duré aibâ norĩ ĩsiré isi'aba'ré norĩ mana wawib zama. 14Uburé wa tô warere'e ni, ti'ai u. Tawamhã wa hã damreme wa tô wapa, Ebreu norĩ mreme na te te ĩma inharĩ hã, ãne: “Saulu, Saulu, e marĩ wa, te ĩ'ãma 're iro'wa'rutu mo. Marĩ dai õ di, ĩzada 're i'aihâimana mono hã.”
15— Tawamhã wa tô asa 'mahâ, ãne: “Apito, e 'wa hã a hã.”
— Wanhib'apito hã ma tô ĩzada'â, ãne: “Wa hã Zezusi, tiwi 're iro'wa'rutu mono. 16Ma'ãpé aiwahutu. Hâiwi asa na. Wa aima ĩsihâi'ré, te aipisutu da, ĩma romhuri'wa da, ãhã na ĩ'madâ'âzém na dama 're ĩwasu'u mono da, duré za te aima i'ahâi'ré mono hã dama 're wasu'u mono da. 17Wa za te 're asõ'reptu Zudeu norĩ wi duré zudeu'õ norĩ wi hã, za te itẽme 're i'asatõrĩ za'ra mono norĩ wi hã. 18Ito hã te za tãma 're i'a'ridawa mo, robra hawi 're wairébé mono da, rowa'a u duré Satanasihi nhiptetezém hawi 'Re ihâimana u'âsi mono u. Tawamhã te te sina 're ĩ'umnhasi za'ra mono wa, iwasédé te ãma 're a'madâ'â mono õ di za. Te za duré oto 're hâimana za'ra, 'Re ihâimana u'âsi mono tinhib'a'uwẽ na, te te sima 're i'apisutu mono na.”
Paulu hã tinhimiromhuri na isiwasu'uzé
19Tawamhã Paulu hã tisiwasu'u na ma ãma 'rãsutu, ãne:
— Apito Agripa, ãne wa, ĩnhotõ 'rowim ne hâiwa hawi te i'madâ hã te sadawa rẽme õ di. 20Damascu ãma imorĩ'rata na, wa tô Zezusihi zadawa wasu'u na hã ãma sãna'rata. Taha parimhã, Zeruzalẽ ãma duré Zudéa ãma duré zudeu'õ norĩ ma zama. Wa tô uburé te tãma 're rowasu'u za'ra, tiwasédé hã te te 're rẽme za'ra mono da, 'Re ihâimana u'âsi mono u apâ sipizari za'ra da, duré marĩ iwẽ si te te 're 'manharĩ za'ra mono da, tiwasété wi isipizari za'ra zém na, sena na da te ãma 're waihu'u za'ra mono da. 21Taha 'ru te, ma tô ni'wam norĩ Zudeu norĩ hã siwi ĩ'â, 'Re ihâimana u'âsi mono nhorõwa ãma 'ri 'wawi wa'ra 'remhã. Ma tô aré sima wẽ za'ra, te te siwi ĩwĩrĩ da. 22Tane nherẽ, ãwa bâtâ u hã 'Re ihâimana u'âsi mono hã ma tô te te 're ĩpawaptob u'âsi. Tahawa, ãhã na hã wa ãme uburé aima sadawa wasu'u za'ra wa'wa, dama iwapu norĩ ma duré dama ipire norĩ ma. 'Re ihâimana u'âsi mono zadawa 'mahârâ'wa norĩ te te 're irowasu'u za'ra mono zéb zarina, duré Mozésihi nhimi'ui'éré zarina wa aima rowasu'u za'ra wa'wa, za marĩ 're iwairébé mono da hã. 23Ma tô te te 're wasu'u za'ra, Danho'reptui'wa hã sena na za te te irobzépata na hã duré za imorĩ'rata na ihâiwa'utu na hã, rowa'a danho'reptuzé hã te te 're wasu'u mono da, Zudeu norĩ ma duré zudeu'õ norĩ ma zama.
24Tawamhã Paulu hã ãne si'wawi isimapazém na siwasu'u ré, apito Festu hã ma tô sada 'rã. Ãne ma tô 'mahâ:
— Paulu, ma ai'rãsiwamna. Asimiromnhoré za'ẽne hã ma tô ai'rãsiwamna.
25Tane nherẽ, Paulu hã ma sada'â, ãne:
— Apito, ĩ'rãsiwamnarĩ õ di. Ĩ'rãi wẽ di. Duré tô sena wa rowasu'u. 26Apito Agripa ãme ihâimana ma hã, uburé marĩ ã hã tãma waihu'u pese di. Duré ĩma hã marĩ zô rowaptâ'â õ di isimirowaihu'u 'remhã, marĩ hã pi'uriwi tiwi 'maihâimana õ wa, daro mono bâ 're iwairébé mono hã. Tahawa ĩpahi ãna wa sõ'awi tãma ĩsiwasu'u. 27Apito Agripa, e 'Re ihâimana u'âsi mono zadawa 'mahârâ'wa norĩ nhimirowasu'u hã ma isaze. Ĩma hã aiwaihu'u pese di, isaze na hã.
28Tawamhã apito Agripa hã ma tô sada'â, ãne:
— E tane bâ, te ĩ'ãma irosa'ra, bâtâ 'rutu na si ĩma rowasu'u nherẽ, ĩsi'isazei'wa da si oto, ĩ'rãipi'ra da hã.
29Tawamhã Paulu hã ma sada'â, ãne:
— Bâtâ umro na nherẽ duré niwamhã bâtâ ahâ na wamhã, 'Re ihâimana u'âsi mono wi wa waptẽ, aiwétési õ di, tazahã uburé ãme ĩwapari'wa norĩ hã ãhã na tihâimana za'ra zém na te te saprĩ za'ra da, ĩsine oto 're hâimana za'ra mono da. Tazahã, mare di ã hã ĩpawasisi ré ĩhâimana ne hã.
30Tawamhã apito Agripa, apito Festu hã, Berenisi, duré uburé isiré isi'ubumro norĩ zama ma tô tiwahutu za'ra. 31Ma tô wairé dasi'rã'õtõzém hawi, ãne te te sima nharĩ za'ra mono sina:
— Ã hã aibâ hã marĩ iwasédé hã te te 'manharĩ õ di, da te dasiwi iwĩrĩ da hã duré dazazéb 're, da te dasiwi isẽrẽ da hã.
32Tawamhã Agripa hã te Festuhu ma tinha, ãne:
— Ã hã aibâ hã Roma ãma apito Céza te te ãma rowairébé da, te te rowaptẽrẽ õ 'wa'âhã, aré pibu pese di, oto imorĩ da hã õne haré. Tazahã, waihu'u õ di oto.
Iliyochaguliwa sasa
Atus 26: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 26
26
Paulu hã apito Agripaha nho're, timreme na si'wawi isimapazé
1Tawamhã apito Agripa hã te Pauluhu ma tinha, ãne:
— Asi'wawi aimreme na i'aimapa da hã 'ridawa haré.
Tahawa, Paulu hã ma tô tinhib'rada hã wẽ. Ãne ma tô tinha, si'wawi timreme na isimapazém na hã:
2— Apito Agripa, ĩma rowẽ uptabi di, ãhã na asõ're ĩzabzém na hã, ĩsi'wawi ĩmreme na ĩsimapazém na hã za, uburé ĩwasu'u wasédé ihâimana za'ra na hã, Zudeu norĩ te te siwi ĩwasu'u wasété zém na hã. 3Ai'ãma ĩma irowẽ hã aima waihu'u wa, Zudeu norĩ 're ihâimana za'ra mono zé hã duré ite za'ra ro'wa'rudu 're ihâimana za'ra mono zé hã. Tahawa wa za aiwi waptẽ, asimi'ẽ na ĩwapari da.
4— Uburé Zudeu norĩ ma ĩwaihu'u pese di, niha na 're ĩhâimana mono zé hã, ĩzapo hawim haré ĩro ĩpotozéb ãma hã duré Zeruzalẽ 'remhã. 5Wahub ahâ na tãma ĩwaihu'u pese za'ra di. Duré te te sima wẽ za'ra wamhã, te te siwi ĩwasu'u da wamhã, isãna'rata hawi farizeu norĩ siré 're ĩhâimana mono zém na hã, wanhimizaze na i'uwaibaba na ãma 're iwahâimana za'ra mono zém na hã. 6Ãhã na ĩ'ãma rowairébé hã te tihâiba, ĩnhimipari u'âbâ, 'Re ihâimana u'âsi mono wahi'rata norĩ ma, te te iropisutuzéb zô. 7Izaraéu nhihudu norĩ 12 na dawamri ihâimana za'ra hã, bâtâ na duré barana zama 'Re ihâimana u'âsi mono ãma 're iwata za'ra mono hã ta norĩ te 're simipari za'ra, ã hã ropisudu te te sina i'uwaimrami zô. Apito, taha zô ĩnhimipari u'âbâ, te ãhã na ĩ'ãma rowairébé hã tihâiba, Zudeu norĩ te te siwi ĩwasu'u wasété zém na hã. 8E marĩ wa bété, aima ipire za'ra wa'wa, ãma i'asimizaze za'ra wa'aba da hã, 'Re ihâimana u'âsi mono, dadâ'â nherẽ, apâ te te 're ida'ahâiwa'utu mono na hã.
9— Wa tô aré te ĩsima 're rosa'rata, Zezusihi nhisi da, uburé marĩ hã te 're a'manharĩ mono da, Nazaré ãma aré 're isãmra mono zazei'wa norĩ ãma hã. 10Ta hã wa tô 'manha, Zeruzalẽ ãma hã. Rowairébé hã wa tô ti'â, sasedoti ipire norĩ te hã. Tawamhã ahâ na wa tô waibu, Zezusihi nhirã zarina 're inomro mono norĩ hã. Duré da te 're simroi mono da, da te 're hâiba za'ré za'ra mono wamhã, ĩzama wa tô sada 're ĩhâimana za'ra. 11Tahawa, wa tô te 're ĩzasi ahâ, rowahutuzé mono na hã, te tãma 're arob'manharĩ wasété mono da, duré Zezusihi ãma te te 're wasété za'ra mono da. Sada 're ĩzahi pese za'ra mono wa, wa tô 'ri wa'õno wasiré a'uwẽ'õ norĩ rob u hã isarina 're ĩneb za'ra, te ãma 're arowasété mono da hã.
12— Tawamhã nimahã bâtâ na Damascu u wa tô mo, sasedoti dama ipire norĩ zadawa para rob'ui'éré ré, te te ĩma i'ru za'ra zéb ré. 13Tane nherẽ, apito, bâdâdi na hã abzuma wa'wa, bâtâ ro'o nhipai u rowa'a irã nhiptete uptabi hã hâiwa hawi ma tô rowa'a, ĩmana wawi duré aibâ norĩ ĩsiré isi'aba'ré norĩ mana wawib zama. 14Uburé wa tô warere'e ni, ti'ai u. Tawamhã wa hã damreme wa tô wapa, Ebreu norĩ mreme na te te ĩma inharĩ hã, ãne: “Saulu, Saulu, e marĩ wa, te ĩ'ãma 're iro'wa'rutu mo. Marĩ dai õ di, ĩzada 're i'aihâimana mono hã.”
15— Tawamhã wa tô asa 'mahâ, ãne: “Apito, e 'wa hã a hã.”
— Wanhib'apito hã ma tô ĩzada'â, ãne: “Wa hã Zezusi, tiwi 're iro'wa'rutu mono. 16Ma'ãpé aiwahutu. Hâiwi asa na. Wa aima ĩsihâi'ré, te aipisutu da, ĩma romhuri'wa da, ãhã na ĩ'madâ'âzém na dama 're ĩwasu'u mono da, duré za te aima i'ahâi'ré mono hã dama 're wasu'u mono da. 17Wa za te 're asõ'reptu Zudeu norĩ wi duré zudeu'õ norĩ wi hã, za te itẽme 're i'asatõrĩ za'ra mono norĩ wi hã. 18Ito hã te za tãma 're i'a'ridawa mo, robra hawi 're wairébé mono da, rowa'a u duré Satanasihi nhiptetezém hawi 'Re ihâimana u'âsi mono u. Tawamhã te te sina 're ĩ'umnhasi za'ra mono wa, iwasédé te ãma 're a'madâ'â mono õ di za. Te za duré oto 're hâimana za'ra, 'Re ihâimana u'âsi mono tinhib'a'uwẽ na, te te sima 're i'apisutu mono na.”
Paulu hã tinhimiromhuri na isiwasu'uzé
19Tawamhã Paulu hã tisiwasu'u na ma ãma 'rãsutu, ãne:
— Apito Agripa, ãne wa, ĩnhotõ 'rowim ne hâiwa hawi te i'madâ hã te sadawa rẽme õ di. 20Damascu ãma imorĩ'rata na, wa tô Zezusihi zadawa wasu'u na hã ãma sãna'rata. Taha parimhã, Zeruzalẽ ãma duré Zudéa ãma duré zudeu'õ norĩ ma zama. Wa tô uburé te tãma 're rowasu'u za'ra, tiwasédé hã te te 're rẽme za'ra mono da, 'Re ihâimana u'âsi mono u apâ sipizari za'ra da, duré marĩ iwẽ si te te 're 'manharĩ za'ra mono da, tiwasété wi isipizari za'ra zém na, sena na da te ãma 're waihu'u za'ra mono da. 21Taha 'ru te, ma tô ni'wam norĩ Zudeu norĩ hã siwi ĩ'â, 'Re ihâimana u'âsi mono nhorõwa ãma 'ri 'wawi wa'ra 'remhã. Ma tô aré sima wẽ za'ra, te te siwi ĩwĩrĩ da. 22Tane nherẽ, ãwa bâtâ u hã 'Re ihâimana u'âsi mono hã ma tô te te 're ĩpawaptob u'âsi. Tahawa, ãhã na hã wa ãme uburé aima sadawa wasu'u za'ra wa'wa, dama iwapu norĩ ma duré dama ipire norĩ ma. 'Re ihâimana u'âsi mono zadawa 'mahârâ'wa norĩ te te 're irowasu'u za'ra mono zéb zarina, duré Mozésihi nhimi'ui'éré zarina wa aima rowasu'u za'ra wa'wa, za marĩ 're iwairébé mono da hã. 23Ma tô te te 're wasu'u za'ra, Danho'reptui'wa hã sena na za te te irobzépata na hã duré za imorĩ'rata na ihâiwa'utu na hã, rowa'a danho'reptuzé hã te te 're wasu'u mono da, Zudeu norĩ ma duré zudeu'õ norĩ ma zama.
24Tawamhã Paulu hã ãne si'wawi isimapazém na siwasu'u ré, apito Festu hã ma tô sada 'rã. Ãne ma tô 'mahâ:
— Paulu, ma ai'rãsiwamna. Asimiromnhoré za'ẽne hã ma tô ai'rãsiwamna.
25Tane nherẽ, Paulu hã ma sada'â, ãne:
— Apito, ĩ'rãsiwamnarĩ õ di. Ĩ'rãi wẽ di. Duré tô sena wa rowasu'u. 26Apito Agripa ãme ihâimana ma hã, uburé marĩ ã hã tãma waihu'u pese di. Duré ĩma hã marĩ zô rowaptâ'â õ di isimirowaihu'u 'remhã, marĩ hã pi'uriwi tiwi 'maihâimana õ wa, daro mono bâ 're iwairébé mono hã. Tahawa ĩpahi ãna wa sõ'awi tãma ĩsiwasu'u. 27Apito Agripa, e 'Re ihâimana u'âsi mono zadawa 'mahârâ'wa norĩ nhimirowasu'u hã ma isaze. Ĩma hã aiwaihu'u pese di, isaze na hã.
28Tawamhã apito Agripa hã ma tô sada'â, ãne:
— E tane bâ, te ĩ'ãma irosa'ra, bâtâ 'rutu na si ĩma rowasu'u nherẽ, ĩsi'isazei'wa da si oto, ĩ'rãipi'ra da hã.
29Tawamhã Paulu hã ma sada'â, ãne:
— Bâtâ umro na nherẽ duré niwamhã bâtâ ahâ na wamhã, 'Re ihâimana u'âsi mono wi wa waptẽ, aiwétési õ di, tazahã uburé ãme ĩwapari'wa norĩ hã ãhã na tihâimana za'ra zém na te te saprĩ za'ra da, ĩsine oto 're hâimana za'ra mono da. Tazahã, mare di ã hã ĩpawasisi ré ĩhâimana ne hã.
30Tawamhã apito Agripa, apito Festu hã, Berenisi, duré uburé isiré isi'ubumro norĩ zama ma tô tiwahutu za'ra. 31Ma tô wairé dasi'rã'õtõzém hawi, ãne te te sima nharĩ za'ra mono sina:
— Ã hã aibâ hã marĩ iwasédé hã te te 'manharĩ õ di, da te dasiwi iwĩrĩ da hã duré dazazéb 're, da te dasiwi isẽrẽ da hã.
32Tawamhã Agripa hã te Festuhu ma tinha, ãne:
— Ã hã aibâ hã Roma ãma apito Céza te te ãma rowairébé da, te te rowaptẽrẽ õ 'wa'âhã, aré pibu pese di, oto imorĩ da hã õne haré. Tazahã, waihu'u õ di oto.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.