Atus 25
25
1Ti'ai wa'õtõ nho'õmo u iwisizém na si'ubdatõ bâdâ ãma si'utõrĩ parimhã, Festu hã ma tô mo Cézaréia hawi, Zeruzalẽ u. 2Tame sasedoti tisiré norĩ nhipai u ipire norĩ hã duré Zudeu norĩ ma roti'wa norĩ zama ma tô hâi'ré za'ra, Paulu te te siwi iwasu'u wasété zé hã. Tawamhã Festuhu wi ma tô duré waptẽrẽ za'ra, 3Paulu hã te te tãma satõrĩ za'ra da, Zeruzalẽ u. Ta norĩ hã bâdâdi wãi wa, te te siwi wĩrĩ da, aré ãma siwada'uri za'ra dâ'âsina, ma tô ãne hã tiwi waptẽrẽ za'ra, Zeruzalẽ u te te satõrĩ da. 4Tane nherẽ, apito Festu hã ma tô ãne tãma nharĩ za'ra:
— Paulu hã Cézaréia ãma te dazazéb 're za. Tamomomhã apâ wa za ĩsina siri su'u. 5Tahawa, iwẽ hã aima ipire norĩ za'ra wa'wa, ĩsiré ãma isi'aba'ré da hã, te te siwi wasu'u wasété da, marĩ i'upa te te 'manharĩ wamhã.
6Tawamhã Festu hã ma tô tihâiba, 8 na ãté niwamhã 10 bâtâ na isiré za'ra hã. Taha pari ma tô sina siri, Cézaréia u hã. Awẽm na hã ma tô nhamra, da'ãma rowairébézéb ãma. Tawamhã ma tô ti'ru, Paulu da te dasiwi ãwisi da, itẽme. 7Paulu hã oto wisi wamhã, Zudeu norĩ Zeruzalẽ hawi isihudu hã ma tô imana wawi sina ubumro. Tawamhã te te ãma siwi iwasu'u wasété zé ipire uptabi na ma tô ãma sãna'rata za'ra. Tane nherẽ, te te siwi hâi'ré waihu'u õ di, te te iwasu'u wasété zara zé hã sena i'uptabi da wamhã. 8Tawamhã Paulu hã ma tô timreme na si'wawi aimapa. Ãne te siwasu'u:
— Marĩ hã i'upa te 'manharĩ õ di, Zudeu norĩ te, roti zahi wa'rãmimhã. 'Re ihâimana u'âsi mono nhorõwa 'ri 'rãihâ ãma ĩwasédé hã te 'manharĩ õ di. Duré Roma ãma apito Cézaha zada hã, marĩ hã te 'manharĩ õ di.
9Tawamhã Festu hã, Zudeu norĩ ma, te te sina rowẽ wazere da, ma tô Paulu sadanha, ãne:
— E asima rowẽ õ di, Zeruzalẽ u ãma i'aimorĩ da hã, tame rowairébé hã wa hã te ai'ãma 'manharĩ da, ã hã da te dasiwi i'aiwasu'u wasété zém na hã.
10Tawamhã Paulu hã ma sada'â, ãne:
— Ãhã na hã wa ĩhâiba da'ãma rowairébézé, Roma ãma apito Cézaha te ãma. Ãme te za tô ĩ'ãma tihâiba, i'uwaibaba na ĩ'ãma rowairébé hã. Marĩ i'upa te 'manharĩ õ di, Zudeu norĩ ma hã. Ãne hã aima waihu'u pese di. 11Roti zahi te wazéb õ wamhã, duré marĩ te 'manharĩ wamhã, taha zarina da te 're idanhimroi mono hã, ĩdâ'â tõ da hã, ĩsisawi õ di za. Tazahã ĩwasu'u iwasédé hã ihâimana tô senai õ wamhã, ni'wa hã hâimana õ di, te te tãma ĩhâiba nhomri za'ra da hã. Tahawa, apito Cézaha si te te ĩ'ãma rowairébé da, wa ĩsima wẽ.
12Tawamhã Festu hã roti na te te siwi 're ipawapto mono norĩ ma, te te robzanhamri parimhã, ma tô ãne tãma tinha, Pauluhu ma:
— Asima wẽ wa, apito Cézaha si te te ai'ãma rowairébé da, tamomo te za tô itẽme aimo.
Paulu hã isabzé apito Agripaha norĩ nho're Berenisihi me
13Niha bâdâ si'utõrĩ parimhã, apito Agripa hã duré ihidiba Berenisihi me, ma tô aimasisi Cézaréia hawi, apito Festu hã te te sawi zahuré da. 14Tawamhã niha bâtâ na hâimana zahuré parimhã, Festu hã apito ma, ma tô wasu'u, Pauluhu ãma iromhâimanazé hã, ãne:
— Ãmemhã te aibâ hã za dazazéb 're, apito Félis te te irẽme hã dazazéb 're sisa'u. 15Zeruzalẽ u ĩmorĩ wamhã, sasedoti ipire norĩ hã duré Zudeu norĩ ma roti'wa norĩ hã, ma tô siwi wasu'u wasété. Tawamhã ma tô duré ĩwi waptẽrẽ za'ra, te te i'upazém na iwasédé hã te ãma hiri da. 16Tane nherẽ, wa tô tãma nharĩ za'ra, ãne: Romanu norĩ hã ni'wa da te ihâiba za'ré da hã, te te 're 'manharĩ za'ra mono õ di, dawasu'u wasété 'wa norĩ hã te te 're iwasu'u wasété za'ra mono norĩ nho're, 're simasa mono õ ré hã. Ãne wamhã, bâdâ hã te tãma tihâiba, timreme na si'wawi isimapa da hã. 17Tahawa, we sihutu wamhã ãwa, bâdâ hã te simini ãna, wa tô awẽm na nhamra, da'ãma rowairébézéb ãma hã. Wa tô duré ti'ru, da te dasiwi saprõni da, aibâ hã ĩtẽme. 18Iwasu'u wasété 'wa norĩ hã sada simasa wamhã, marĩ te te i'upazé ipire na hã te te siwi wasu'u õ di, te ãma irosa'ratazéb zarina hã. 19Te te siwi iwasu'u wasété zé hã, tinhimizaze za'ra na si duré aibâ Zezusi na isisi hã dâ'â nherẽ, apâ ihâiwa'utu na Paulu te te dama 're iwasu'u mono na hã. 20Te waihu'u õ di, niha te isarẽi wẽ da hã, ã hã romhâimanazé hã. Tahawa Paulu hã wa tô sadanha, te te sima rowẽ zô, Zeruzalẽ u ãma imorĩ da hã, tame ãma rowairébé hã te ãma 'manharĩ da, da te dasiwi iwasu'u wasété zém na hã. 21Tane nherẽ, Paulu hã ma tô ĩwi waptẽ, dazazéb re a'â sab da, Roma ãma apito Céza rowairébé, te te ãma i'manharĩzéb u ãma romhâimanazé hã. Tahawa, wa tô ti'ru, dazazéb 're a'â sab da, apito u te isatõrĩzéb u.
22Tawamhã Agripa hã ma tô tinha, Festuhu ma, ãne:
— Wa ĩsima wẽ, aibâ hã te wapari da.
Festu hã ma sada'â, ãne:
— Tane tô, awẽ te za iwapa za.
23Tawamhã awẽm na hã apito Agripa duré Berenisihi me ma tô aimasisi, uza wẽ ré duré sima sipese na, dama pire wẽ te, ãma datob'uzu za'ra da. Tawamhã ma tô tizasi zahuré, apito te, dasi'rã'õtõzé da'ãma rowairébézéb u, dasi'wapéi 'manharĩ'wa norĩ nhib'apito norĩ me duré 'ri nho'õmo ãma dama ipire norĩ me. Tawamhã Festu ma tô ti'ru, Paulu da te itẽme dasiwi saprõni da. 24Taha pari, te dama tinha, ãne:
— Apito Agripa duré ãme i'aihâimana za'ra wa'wa wasiré, ma'ãpé 'madâ'â za'ra wa'aba, ã hã aibâ hã. Uburé Zudeu norĩ hã ma tô ĩwi waptẽrẽ za'ra, Zeruzalẽ 'remhã duré ãme Cézaréia 'reb zama. Sadawa za'réi ãna ma tô ĩwi waptẽrẽ za'ra, dâ'â da, ã hã aibâ hã. 25Tane nherẽ, ĩma hã marĩ te te upai õ di, da te dasiwi iwĩrĩ da hã. Si'uihâ na te te ĩwi iwaptẽrẽzéb zarina, Roma ãma apito Céza hã te te ãma rowairébé da, tahawa, wa tô ãma saze. 26Tane nherẽ, ãhã na hã marĩ i'uptabi hã ĩma hâimana õ di, te ãma irob'ui'éré da hã, Roma ãma apito ma hã. Tahawa, wa tô we ãwisi ãwa, asõ're u za'ra wa'aba duré aimawi atẽme apito Agripa, marĩ hã ãma asiwi sarẽi wa'aba parip si, niha na te ãma irob'ui'éré da hã iré hã. 27Ĩma hã ibâi õ di, dazazéb 're isa hã da te isatõrĩ da hã da'ãma rowairébézéb u, marĩ na da te dasiwi iwasu'u wasété zé hã, pibui pese õ nherẽ.
Iliyochaguliwa sasa
Atus 25: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 25
25
1Ti'ai wa'õtõ nho'õmo u iwisizém na si'ubdatõ bâdâ ãma si'utõrĩ parimhã, Festu hã ma tô mo Cézaréia hawi, Zeruzalẽ u. 2Tame sasedoti tisiré norĩ nhipai u ipire norĩ hã duré Zudeu norĩ ma roti'wa norĩ zama ma tô hâi'ré za'ra, Paulu te te siwi iwasu'u wasété zé hã. Tawamhã Festuhu wi ma tô duré waptẽrẽ za'ra, 3Paulu hã te te tãma satõrĩ za'ra da, Zeruzalẽ u. Ta norĩ hã bâdâdi wãi wa, te te siwi wĩrĩ da, aré ãma siwada'uri za'ra dâ'âsina, ma tô ãne hã tiwi waptẽrẽ za'ra, Zeruzalẽ u te te satõrĩ da. 4Tane nherẽ, apito Festu hã ma tô ãne tãma nharĩ za'ra:
— Paulu hã Cézaréia ãma te dazazéb 're za. Tamomomhã apâ wa za ĩsina siri su'u. 5Tahawa, iwẽ hã aima ipire norĩ za'ra wa'wa, ĩsiré ãma isi'aba'ré da hã, te te siwi wasu'u wasété da, marĩ i'upa te te 'manharĩ wamhã.
6Tawamhã Festu hã ma tô tihâiba, 8 na ãté niwamhã 10 bâtâ na isiré za'ra hã. Taha pari ma tô sina siri, Cézaréia u hã. Awẽm na hã ma tô nhamra, da'ãma rowairébézéb ãma. Tawamhã ma tô ti'ru, Paulu da te dasiwi ãwisi da, itẽme. 7Paulu hã oto wisi wamhã, Zudeu norĩ Zeruzalẽ hawi isihudu hã ma tô imana wawi sina ubumro. Tawamhã te te ãma siwi iwasu'u wasété zé ipire uptabi na ma tô ãma sãna'rata za'ra. Tane nherẽ, te te siwi hâi'ré waihu'u õ di, te te iwasu'u wasété zara zé hã sena i'uptabi da wamhã. 8Tawamhã Paulu hã ma tô timreme na si'wawi aimapa. Ãne te siwasu'u:
— Marĩ hã i'upa te 'manharĩ õ di, Zudeu norĩ te, roti zahi wa'rãmimhã. 'Re ihâimana u'âsi mono nhorõwa 'ri 'rãihâ ãma ĩwasédé hã te 'manharĩ õ di. Duré Roma ãma apito Cézaha zada hã, marĩ hã te 'manharĩ õ di.
9Tawamhã Festu hã, Zudeu norĩ ma, te te sina rowẽ wazere da, ma tô Paulu sadanha, ãne:
— E asima rowẽ õ di, Zeruzalẽ u ãma i'aimorĩ da hã, tame rowairébé hã wa hã te ai'ãma 'manharĩ da, ã hã da te dasiwi i'aiwasu'u wasété zém na hã.
10Tawamhã Paulu hã ma sada'â, ãne:
— Ãhã na hã wa ĩhâiba da'ãma rowairébézé, Roma ãma apito Cézaha te ãma. Ãme te za tô ĩ'ãma tihâiba, i'uwaibaba na ĩ'ãma rowairébé hã. Marĩ i'upa te 'manharĩ õ di, Zudeu norĩ ma hã. Ãne hã aima waihu'u pese di. 11Roti zahi te wazéb õ wamhã, duré marĩ te 'manharĩ wamhã, taha zarina da te 're idanhimroi mono hã, ĩdâ'â tõ da hã, ĩsisawi õ di za. Tazahã ĩwasu'u iwasédé hã ihâimana tô senai õ wamhã, ni'wa hã hâimana õ di, te te tãma ĩhâiba nhomri za'ra da hã. Tahawa, apito Cézaha si te te ĩ'ãma rowairébé da, wa ĩsima wẽ.
12Tawamhã Festu hã roti na te te siwi 're ipawapto mono norĩ ma, te te robzanhamri parimhã, ma tô ãne tãma tinha, Pauluhu ma:
— Asima wẽ wa, apito Cézaha si te te ai'ãma rowairébé da, tamomo te za tô itẽme aimo.
Paulu hã isabzé apito Agripaha norĩ nho're Berenisihi me
13Niha bâdâ si'utõrĩ parimhã, apito Agripa hã duré ihidiba Berenisihi me, ma tô aimasisi Cézaréia hawi, apito Festu hã te te sawi zahuré da. 14Tawamhã niha bâtâ na hâimana zahuré parimhã, Festu hã apito ma, ma tô wasu'u, Pauluhu ãma iromhâimanazé hã, ãne:
— Ãmemhã te aibâ hã za dazazéb 're, apito Félis te te irẽme hã dazazéb 're sisa'u. 15Zeruzalẽ u ĩmorĩ wamhã, sasedoti ipire norĩ hã duré Zudeu norĩ ma roti'wa norĩ hã, ma tô siwi wasu'u wasété. Tawamhã ma tô duré ĩwi waptẽrẽ za'ra, te te i'upazém na iwasédé hã te ãma hiri da. 16Tane nherẽ, wa tô tãma nharĩ za'ra, ãne: Romanu norĩ hã ni'wa da te ihâiba za'ré da hã, te te 're 'manharĩ za'ra mono õ di, dawasu'u wasété 'wa norĩ hã te te 're iwasu'u wasété za'ra mono norĩ nho're, 're simasa mono õ ré hã. Ãne wamhã, bâdâ hã te tãma tihâiba, timreme na si'wawi isimapa da hã. 17Tahawa, we sihutu wamhã ãwa, bâdâ hã te simini ãna, wa tô awẽm na nhamra, da'ãma rowairébézéb ãma hã. Wa tô duré ti'ru, da te dasiwi saprõni da, aibâ hã ĩtẽme. 18Iwasu'u wasété 'wa norĩ hã sada simasa wamhã, marĩ te te i'upazé ipire na hã te te siwi wasu'u õ di, te ãma irosa'ratazéb zarina hã. 19Te te siwi iwasu'u wasété zé hã, tinhimizaze za'ra na si duré aibâ Zezusi na isisi hã dâ'â nherẽ, apâ ihâiwa'utu na Paulu te te dama 're iwasu'u mono na hã. 20Te waihu'u õ di, niha te isarẽi wẽ da hã, ã hã romhâimanazé hã. Tahawa Paulu hã wa tô sadanha, te te sima rowẽ zô, Zeruzalẽ u ãma imorĩ da hã, tame ãma rowairébé hã te ãma 'manharĩ da, da te dasiwi iwasu'u wasété zém na hã. 21Tane nherẽ, Paulu hã ma tô ĩwi waptẽ, dazazéb re a'â sab da, Roma ãma apito Céza rowairébé, te te ãma i'manharĩzéb u ãma romhâimanazé hã. Tahawa, wa tô ti'ru, dazazéb 're a'â sab da, apito u te isatõrĩzéb u.
22Tawamhã Agripa hã ma tô tinha, Festuhu ma, ãne:
— Wa ĩsima wẽ, aibâ hã te wapari da.
Festu hã ma sada'â, ãne:
— Tane tô, awẽ te za iwapa za.
23Tawamhã awẽm na hã apito Agripa duré Berenisihi me ma tô aimasisi, uza wẽ ré duré sima sipese na, dama pire wẽ te, ãma datob'uzu za'ra da. Tawamhã ma tô tizasi zahuré, apito te, dasi'rã'õtõzé da'ãma rowairébézéb u, dasi'wapéi 'manharĩ'wa norĩ nhib'apito norĩ me duré 'ri nho'õmo ãma dama ipire norĩ me. Tawamhã Festu ma tô ti'ru, Paulu da te itẽme dasiwi saprõni da. 24Taha pari, te dama tinha, ãne:
— Apito Agripa duré ãme i'aihâimana za'ra wa'wa wasiré, ma'ãpé 'madâ'â za'ra wa'aba, ã hã aibâ hã. Uburé Zudeu norĩ hã ma tô ĩwi waptẽrẽ za'ra, Zeruzalẽ 'remhã duré ãme Cézaréia 'reb zama. Sadawa za'réi ãna ma tô ĩwi waptẽrẽ za'ra, dâ'â da, ã hã aibâ hã. 25Tane nherẽ, ĩma hã marĩ te te upai õ di, da te dasiwi iwĩrĩ da hã. Si'uihâ na te te ĩwi iwaptẽrẽzéb zarina, Roma ãma apito Céza hã te te ãma rowairébé da, tahawa, wa tô ãma saze. 26Tane nherẽ, ãhã na hã marĩ i'uptabi hã ĩma hâimana õ di, te ãma irob'ui'éré da hã, Roma ãma apito ma hã. Tahawa, wa tô we ãwisi ãwa, asõ're u za'ra wa'aba duré aimawi atẽme apito Agripa, marĩ hã ãma asiwi sarẽi wa'aba parip si, niha na te ãma irob'ui'éré da hã iré hã. 27Ĩma hã ibâi õ di, dazazéb 're isa hã da te isatõrĩ da hã da'ãma rowairébézéb u, marĩ na da te dasiwi iwasu'u wasété zé hã, pibui pese õ nherẽ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.