Atus 27
27
Paulu hã Roma u imorĩzé
1Tawamhã rowairébé hã ma tô tihâiba, rowa'u'u na uba're nem na wasisa'rei mono da, Italia u. Tawamhã Paulu hã duré isiré dazazéb 're isimasam norĩ hã ma tô hâiba nhomri za'ra ni, Zuliu ma. Ta hã dasi'wapéi 'manharĩ'wa norĩ wada'uri'wa, Roma ãma Apito te, dasi'wapéi 'manharĩ'wa norĩ siré 're ihâimana mono. 2Rowa'u'u na uba'renem na wa tô wasisa're, 'ri nho'u Adramitiu hawi we isimizazâri na, Azia na danhipti'a nho'õmo u za iwara na, â zada'réi baba. Ãne, wa tô tawamhã wawara na sãna'rata za'ra ni. Aristarcu, Tesalonica ãma 're isãmra mono hã, Masédonia na danhipti'a nho'õmo nhisi 'remhã ma tô wasiré timorĩ za'ra. 3Tawamhã awẽm na wa tô aihutu ni, Sidõ u hã. Tame Zuliu hã Pauluhu ma, ma tô tãma 'manharĩ wẽ. Ma tô tãma waprosi, tisiwaihu'u norĩ hã te te sabu za'ra da tame, marĩ na te te siwi pawaptob da, tiwi sô irowaptâ'â na. 4Tawamhã Sidõ hawi oto wawairébé wamhã, rob'ré za'idi Chipri hâiwa nhimire niwĩ, wa tô wasisa're, rowa'u hã siptete na wawa'rãmib za'ra sa'ẽtẽ te te rowapõrĩ wa. 5Silisia na ti'a nhisi nho're baba duré Pãfilia na danhipti'a nho'õmo nhisi wa'waibaba, âporé na wa te ro'rahâri za'ra wamhã, wa tô oto aihutu ni 'ri nho'u Mirra u, Licia na ti'ai 'remhã. 6Tame dasi'wapéi 'manharĩ'wa norĩ wada'uri'wa hã ma tô rowa'u'u na uba'reneb amo hã 'masã, Alesãdria hawi iwara Italia u iwara da hã. Tawamhã ma tô wama 'ru za'ra, i're wanhisisi da.
7Atãma hâire ma tô waré tiwara za'ra, bâtâ ahâ na. Tawamhã pire nherẽ, wa tô aihutu ni, Sinidu na 'ri nho'õmo nhisi u hã. Rowa'u hã sa'ẽtẽ wawa'rãmib za'ra te te rowapõrĩ wa, tô õhõ na iwasisa're da hã waihu'u õ di. Tahawa ma tô waré tiwara za'ra, Saumona na romnhisi nho're baba Creta na rob'ré za'idi hâiwa nhimi'e niwĩ, rowa'u'u wi te te irob'upsibi niwĩ. 8Â zada'réi baba te waré tiwara u'âsi za'ra. Pire nherẽ, wa tô aihutu ni, “Uba're Nhimizahârizé iwẽ” na romnhisi u, Lazéa na 'ri nho'õmo nhisi 'ratamhã.
9Tamemhã wa tô asimroi hâ ni. Tahawa wawara na wa te ãma i'uzusi za'ra da hã simimnhasi uptabi di, dawasété parizém na 're idasipo're pu'u za'ra mono zé bâtâ za'u si wa.#27.9 Dawasété parizém na 're idasipo're pu'u za'ra mono zé bâtâ za'u hã te rowa'u'u wawẽ hã 're pusi, wahup sidâpâsi. Tahawa, â wa'waibaba 're danomro mono õ di oto, rowa'u'u wawẽ nhimimnhasi te. Tawamhã Paulu hã ma tô uburé da'apo're pu'u, ãne:
10— Aibâ norĩ, wa tô rob'madâ'â waihu'u siro, ã hawi iwasi'aba'rézé hã simimnhasi uptabi di za. Marĩ hã ahâ na wa za simini za'ra ni. Uba're hã te za waré aiprub za'ra. Tazahã, taha si õ di. Marĩ te te iduri zama wa za simini za'ra ni za. Duré ni'wam norĩ iwahâimana za'ra norĩ zama wa za ai'utõrĩ ni za.
11Tane nherẽ, dasi'wapéi 'manharĩ'wa norĩ wada'uri'wa hã Pauluhu mreme te te sazei õ di. Uba're 'mapraba'wai mreme si ma tô wapa duré itede'wai mreme zama. 12Tame uba're nhimizahârizé hã rowa'u'u wawẽ 're pusi mono ré, uba're hã 're isimasa mono zéb õ di. Tahawa, da'ahâ na ma tô dasima wẽ za'ra ni, õ hawi dawairébé da, dasihutu wẽ zô 'wa'â Fenice u hã, tame rowa'u'u wawẽ te te rowapõrĩ ré te te sapari za'ra da. Fenice hã uba're nhimizahârizé Creta ãma hã, hâiwa nhimi'e u danebzé duré hâiwa nhimire u danebzéb da hã.
 poré ãma rowa'u isa'ẽne iwatobrozé
13Tawamhã rowa'u hã wa'u'u nhib'uware na ma tô rowapõ, hâiwa nhimi'e hawimhã. Tahawa, ma tô ãma rosa'rata za'ra, te te sima irowa'õtõ za'ra zéb zarina, sihutu waré da newa. Isi'uwazi uba're tétézé hã ma tô â hawi sani za'ra, â 'rowi isipra za'ra hã. Tawamhã wa tô wasisa're, â zada'réi baba si, Creta na rob'ré za'iti nhisi zababap si. 14Tane nherẽ, ronomro pese õ ré, ma tô rowa'u'u za'ẽne hã waptu na rowapõ, rob'ré za'iti hawi. Rowa'u'u za'ẽne hã, Nordesti na da te 're isisi za'ra mono, bâtâ pusizém nhimire hawimhã 're pusi u'âsi mono wa. 15Tawamhã rowa'u isiptede hã uba're te te waré sari za'ra wa, wa te wasiwi hiri wẽ waihu'u õ di, tiwarazéb uwaibaba iwara da hã. Tahawa wa tô tãma marẽme za'ra ni, rowa'u hã siwa'ru te te waré sari za'ra da tô. 16Rowa'u'u wi wasisõ'reptu za'ra da, Cauda na rob'ré za'idi i'ratare nhisi uwaibaba ma tô wara, hâiwa nhimi'e niwĩ rowa'u'u suru niwĩ. Tamomo wara ré, uba're 'rare hã ina're na wasisi na te te isari hã wa tô wasiwi wazere ni, â hawi, siprup tõ da. 17Â na ine'wa norĩ hã ma tô uba're ĩsurure hã siwi sarõtõ, uba're isa'ẽtẽ 're, te te siwi sẽrẽ da. Taha pari uba're za'ẽne hã ma tô duré te te siwi wasisi, wedenhorõ rutu na sipo'o tõ da. Libia na danhipti'a nho'õmo nhisi ãma â zaihâ uwaibaba supara uwa niwĩ wara õ'umnhasite, ma tô ãma tihâtâ'â za'ra. Tahawa, ma tô zazahâi wawẽ i'maprabazé hã siwi si'ra. Tawamhã uba're hã rowa'u'u wawẽ te te sari da tô, ma tô tãma marẽme za'ra. 18Rowa'u'u za'ẽne hã ma tô rowapõrĩ u'âsi. Tawamhã awẽm na ma tô oto ãma sãna'rata za'ra, uba're marĩ te te iduri hã â poré wa, te te isãmra za'ra na hã. 19Tawamhã si'ubdatõ oto i'awẽ ãma hã tinhib'rata na ma tô uba're pru hã sãmra za'ra, âi ba.
20Bâtâ ahâ na, bâdâ hã wa te wasiwi 'madâ'â õ di, wasi norĩ zama. Duré rowa'u hã ma tô rowapõrĩ u'âsi, siptete na. Tawamhã wa te oto rob'umnhasi za'ra õ di, za iwasisõ'reptu za'ra da hã.
21Bâtâ ahâ na saihuri õ wamhã, Paulu hã hâiwi ma tô za, iwa'wab za'ra. Ãne ma tô tãma nharĩ za'ra:
— Aibâ norĩ, aiwi ĩwapari aba 'wa'âhã, Creta ãma a'â wasi'ubumroi 'wa'âhã, ãne hã aré marĩ hâimana õ di. Duré marĩ hã aré simini za'ra wa'aba õ di. 22Tane nherẽ, ãhã na hã wa za aima nharĩ za'ra wa'wa, asib'ru za'ra wa'aba da. Ni'wa hã dâ'â dai õ di. Uba're si wa za wasiwi simini ni. 23Wa hã, 'Re ihâimana u'âsi mono nhib'a'uwẽ, te tãma 're iromhuri mono. Ãne hã wa aima nharĩ za'ra wa'wa, ahâmhâ bara na hâiwa hawi tãma iromhuri'wa hã ĩma sihâi'ré wa. 24Ma tô ĩma tinha, ãne: “Paulu, aipahi tõ! Tô i'ru zahi, Roma ãma apito Cézaha nho're i'asab da hã. 'Re ihâimana u'âsi mono hã tiwẽ uptabi na, ma tô aima hâiba nhomri za'ra asiré isisa'rei mono norĩ hã, si'utõrĩ tõ da.” 25Tahawa, aibâ norĩ, aipahi za'ra wa'aba tõ. Wa umnhasi 'Re ihâimana u'âsi mono hã. Duré te te ĩma iwaihu'uzéb zarina, te za tô ãma uwaimra. 26Tazahã nimomo rob'ré za'iti u te za tô uba're hã rowa'u te te waré sari za'ra.
27Tawamhã 14 na wa'ãma mara za'ra wamhã, rowa'u'u za'ẽne hã te zahadu waré sari u'âsi za'ra, âporé Mediterãniu wa'waibaba. Niwamhã mara wa'wa oto, â na ine'wa norĩ hã ma tô waihu'u za'ra, â zada'ré u wa te wasina irotété za'ra na hã. 28Tahawa wedenhorõ na ẽtẽ nhi'õmo hã ma tô siwi time âi ba, â 'reptõ zô te te siwi pibu da. Tawamhã ma tô waihu'u za'ra, 36 metru na â 'rehâ pibuzém na hã. Duré surure na sina pahâ wamhã, ma duré siwi pibu. Tawamhã ipibuzé hã ma tô oto watobro, 27 metru na. 29Ma tô tipahi pese za'ra, uba're hã ẽne te te azâri õ'umnhasite. Tahawa itétézé hã maparane si'uiwa na ma tô ina're hawi siwi sãmra, âi ba. Taha pari ma tô rowaptẽrẽ za'ra, awẽ su'u da. 30Tawamhã uba're na ine'wa norĩ hã ma tô sima wẽ za'ra aré, uba're hawi tobro za'ra da, sisõ'reptu za'ra da. Uba're 'rare hã âi ba ma tô siwi siza, uba're tétézé hã te te siwi sãmra da newa, iwata hawimhã. 31Tane nherẽ, Paulu hã ma tô dasi'wapéi 'manharĩ'wa norĩ wada'uri'wai ma tinha, duré dasi'wapéi 'manharĩ'wa norĩ ma zama, ãne:
— Uba're na ine'wa norĩ hã uba're wa, si'ubumroi u'âsi õ wamhã, asisõ'reptui waihu'u za'ra wa'aba õ di za.
32Tawamhã dasi'wapéi 'manharĩ'wa norĩ hã ma tô wedenhorõ hã siwi sõrõ nhizâ, uba're 'rare nhi'õmozé hã. Tahawa â na ma tô baba na tiwi tiwara za'ra, uba're 'rare hã.
33Tawamhã awẽ wana ré, Paulu hã ma tô tãma waihu'u za'ra, uburé saihuri da. Ãne te tãma nharĩ za'ra:
— Bâdâ hã 14 na ma tô ai'ãma ai'utõrĩ za'ra wa'wa, asaihuri aba ãna rob'madâ'â u'âsi za'ra wa'aba ré hã. 34Tahawa wa aiwi waptẽrẽ za'ra wa'wa, ma'ãpé siwa'ru marĩ hã 'mai'rẽne za'ra wa'aba. Asaihuri wa'aba wap si, te za asiptete na aihâimana za'ra wa'wa. Ni'wa hã misi tizéré te te isimini da hã mare di za.
35Ãne te te tãma nharĩ za'ra pari, Paulu ma tô i'u'ẽtẽ wapu hã ti'â. 'Re ihâimana u'âsi mono ãma te tiwata, isõ'a za'ra. Taha pari ma tô te te wẽ'ẽ. Ma tô duré ti'rẽ. 36Tawamhã uburé ma tô apâ aptete za'ra. Ma tô duré marĩ hã 'mai'rẽne za'ra. 37Uba're wa iwahâimana za'ra hã 276 na wahâiba za'ra hã. 38Iwasidupu za'ra zéb u wasaihuri parimhã, uba're hã wapu na da, ma tô amnho trigu hã uburé âi ba siwi sãmra.
Uburé rowẽ na iwairébézé, uba're sébré wamhã
39Awẽ wamhã, â na ine'wa norĩ hã ro hã te te siwi waihu'u õ di. Tane nherẽ, ma tô supara hã siwi tisã, ẽtẽ 'rãihâ papara inomro hã, â zaihâ na. Tahawa ma tô sima rowairébé za'ra, tamomo uba're hã te te siwi sari da, te te siwi hiri da, supara wa. 40Tawamhã uba're tétézé hã â 'rowi isimi'wara hã ma tô sõrõ nhihâri za'ra. Sisa'u ma tô âi ba sãmra za'ra. Uba're wabzurizé hã ma tô siwi wasihu, te te siwi pi'ra da. Taha pari zazahâ uba're warazé hã ma tô uba're wata ãma siwi hânhozi, rowa'u hã te te 'mapraba da, supara u. 41Tane nherẽ, uba're hã supara â 'rowi 're inomro mono u hã ma tô ãzé. Tahawa, supara hã ma tô uba're wada ti'â. Rési waihu'u õ di oto. Taha ré, uba're na're u hã â sisasi hã ma tô oto pru.
42Tawamhã dasi'wapéi 'manharĩ'wa norĩ hã ma tô sima waihu'u za'ra, uburé ipawasisi ré norĩ hã te te simro da, 'maiwisi tõ da, supara ai u, duré 'masimani tõ da. 43Tane nherẽ, iwada'uri'wa hã ma tô sima wẽ, Paulu hã te te sõ'reptu da. Tahawa ma tô tiwi sawi za'ra, te te 'manharĩ za'ra tõ da. Ma tô tãma rob'ru za'ra, ni'wam norĩ iribi pe hã imorĩ'rata na âi ba rere'e da, supara ai u zâribi za'ra da, 44duré ni'wam norĩ hã iribi waihu'u'õ norĩ hã wedepo'o na duré uba're isiprum na te te roptété za'ra mono sina isarina zâribi za'ra da. Tahawa ma tô ãne uburé rowẽ na wairé, rob u. Ni'wa hã dâ'â õ di.
Iliyochaguliwa sasa
Atus 27: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 27
27
Paulu hã Roma u imorĩzé
1Tawamhã rowairébé hã ma tô tihâiba, rowa'u'u na uba're nem na wasisa'rei mono da, Italia u. Tawamhã Paulu hã duré isiré dazazéb 're isimasam norĩ hã ma tô hâiba nhomri za'ra ni, Zuliu ma. Ta hã dasi'wapéi 'manharĩ'wa norĩ wada'uri'wa, Roma ãma Apito te, dasi'wapéi 'manharĩ'wa norĩ siré 're ihâimana mono. 2Rowa'u'u na uba'renem na wa tô wasisa're, 'ri nho'u Adramitiu hawi we isimizazâri na, Azia na danhipti'a nho'õmo u za iwara na, â zada'réi baba. Ãne, wa tô tawamhã wawara na sãna'rata za'ra ni. Aristarcu, Tesalonica ãma 're isãmra mono hã, Masédonia na danhipti'a nho'õmo nhisi 'remhã ma tô wasiré timorĩ za'ra. 3Tawamhã awẽm na wa tô aihutu ni, Sidõ u hã. Tame Zuliu hã Pauluhu ma, ma tô tãma 'manharĩ wẽ. Ma tô tãma waprosi, tisiwaihu'u norĩ hã te te sabu za'ra da tame, marĩ na te te siwi pawaptob da, tiwi sô irowaptâ'â na. 4Tawamhã Sidõ hawi oto wawairébé wamhã, rob'ré za'idi Chipri hâiwa nhimire niwĩ, wa tô wasisa're, rowa'u hã siptete na wawa'rãmib za'ra sa'ẽtẽ te te rowapõrĩ wa. 5Silisia na ti'a nhisi nho're baba duré Pãfilia na danhipti'a nho'õmo nhisi wa'waibaba, âporé na wa te ro'rahâri za'ra wamhã, wa tô oto aihutu ni 'ri nho'u Mirra u, Licia na ti'ai 'remhã. 6Tame dasi'wapéi 'manharĩ'wa norĩ wada'uri'wa hã ma tô rowa'u'u na uba'reneb amo hã 'masã, Alesãdria hawi iwara Italia u iwara da hã. Tawamhã ma tô wama 'ru za'ra, i're wanhisisi da.
7Atãma hâire ma tô waré tiwara za'ra, bâtâ ahâ na. Tawamhã pire nherẽ, wa tô aihutu ni, Sinidu na 'ri nho'õmo nhisi u hã. Rowa'u hã sa'ẽtẽ wawa'rãmib za'ra te te rowapõrĩ wa, tô õhõ na iwasisa're da hã waihu'u õ di. Tahawa ma tô waré tiwara za'ra, Saumona na romnhisi nho're baba Creta na rob'ré za'idi hâiwa nhimi'e niwĩ, rowa'u'u wi te te irob'upsibi niwĩ. 8Â zada'réi baba te waré tiwara u'âsi za'ra. Pire nherẽ, wa tô aihutu ni, “Uba're Nhimizahârizé iwẽ” na romnhisi u, Lazéa na 'ri nho'õmo nhisi 'ratamhã.
9Tamemhã wa tô asimroi hâ ni. Tahawa wawara na wa te ãma i'uzusi za'ra da hã simimnhasi uptabi di, dawasété parizém na 're idasipo're pu'u za'ra mono zé bâtâ za'u si wa.#27.9 Dawasété parizém na 're idasipo're pu'u za'ra mono zé bâtâ za'u hã te rowa'u'u wawẽ hã 're pusi, wahup sidâpâsi. Tahawa, â wa'waibaba 're danomro mono õ di oto, rowa'u'u wawẽ nhimimnhasi te. Tawamhã Paulu hã ma tô uburé da'apo're pu'u, ãne:
10— Aibâ norĩ, wa tô rob'madâ'â waihu'u siro, ã hawi iwasi'aba'rézé hã simimnhasi uptabi di za. Marĩ hã ahâ na wa za simini za'ra ni. Uba're hã te za waré aiprub za'ra. Tazahã, taha si õ di. Marĩ te te iduri zama wa za simini za'ra ni za. Duré ni'wam norĩ iwahâimana za'ra norĩ zama wa za ai'utõrĩ ni za.
11Tane nherẽ, dasi'wapéi 'manharĩ'wa norĩ wada'uri'wa hã Pauluhu mreme te te sazei õ di. Uba're 'mapraba'wai mreme si ma tô wapa duré itede'wai mreme zama. 12Tame uba're nhimizahârizé hã rowa'u'u wawẽ 're pusi mono ré, uba're hã 're isimasa mono zéb õ di. Tahawa, da'ahâ na ma tô dasima wẽ za'ra ni, õ hawi dawairébé da, dasihutu wẽ zô 'wa'â Fenice u hã, tame rowa'u'u wawẽ te te rowapõrĩ ré te te sapari za'ra da. Fenice hã uba're nhimizahârizé Creta ãma hã, hâiwa nhimi'e u danebzé duré hâiwa nhimire u danebzéb da hã.
 poré ãma rowa'u isa'ẽne iwatobrozé
13Tawamhã rowa'u hã wa'u'u nhib'uware na ma tô rowapõ, hâiwa nhimi'e hawimhã. Tahawa, ma tô ãma rosa'rata za'ra, te te sima irowa'õtõ za'ra zéb zarina, sihutu waré da newa. Isi'uwazi uba're tétézé hã ma tô â hawi sani za'ra, â 'rowi isipra za'ra hã. Tawamhã wa tô wasisa're, â zada'réi baba si, Creta na rob'ré za'iti nhisi zababap si. 14Tane nherẽ, ronomro pese õ ré, ma tô rowa'u'u za'ẽne hã waptu na rowapõ, rob'ré za'iti hawi. Rowa'u'u za'ẽne hã, Nordesti na da te 're isisi za'ra mono, bâtâ pusizém nhimire hawimhã 're pusi u'âsi mono wa. 15Tawamhã rowa'u isiptede hã uba're te te waré sari za'ra wa, wa te wasiwi hiri wẽ waihu'u õ di, tiwarazéb uwaibaba iwara da hã. Tahawa wa tô tãma marẽme za'ra ni, rowa'u hã siwa'ru te te waré sari za'ra da tô. 16Rowa'u'u wi wasisõ'reptu za'ra da, Cauda na rob'ré za'idi i'ratare nhisi uwaibaba ma tô wara, hâiwa nhimi'e niwĩ rowa'u'u suru niwĩ. Tamomo wara ré, uba're 'rare hã ina're na wasisi na te te isari hã wa tô wasiwi wazere ni, â hawi, siprup tõ da. 17Â na ine'wa norĩ hã ma tô uba're ĩsurure hã siwi sarõtõ, uba're isa'ẽtẽ 're, te te siwi sẽrẽ da. Taha pari uba're za'ẽne hã ma tô duré te te siwi wasisi, wedenhorõ rutu na sipo'o tõ da. Libia na danhipti'a nho'õmo nhisi ãma â zaihâ uwaibaba supara uwa niwĩ wara õ'umnhasite, ma tô ãma tihâtâ'â za'ra. Tahawa, ma tô zazahâi wawẽ i'maprabazé hã siwi si'ra. Tawamhã uba're hã rowa'u'u wawẽ te te sari da tô, ma tô tãma marẽme za'ra. 18Rowa'u'u za'ẽne hã ma tô rowapõrĩ u'âsi. Tawamhã awẽm na ma tô oto ãma sãna'rata za'ra, uba're marĩ te te iduri hã â poré wa, te te isãmra za'ra na hã. 19Tawamhã si'ubdatõ oto i'awẽ ãma hã tinhib'rata na ma tô uba're pru hã sãmra za'ra, âi ba.
20Bâtâ ahâ na, bâdâ hã wa te wasiwi 'madâ'â õ di, wasi norĩ zama. Duré rowa'u hã ma tô rowapõrĩ u'âsi, siptete na. Tawamhã wa te oto rob'umnhasi za'ra õ di, za iwasisõ'reptu za'ra da hã.
21Bâtâ ahâ na saihuri õ wamhã, Paulu hã hâiwi ma tô za, iwa'wab za'ra. Ãne ma tô tãma nharĩ za'ra:
— Aibâ norĩ, aiwi ĩwapari aba 'wa'âhã, Creta ãma a'â wasi'ubumroi 'wa'âhã, ãne hã aré marĩ hâimana õ di. Duré marĩ hã aré simini za'ra wa'aba õ di. 22Tane nherẽ, ãhã na hã wa za aima nharĩ za'ra wa'wa, asib'ru za'ra wa'aba da. Ni'wa hã dâ'â dai õ di. Uba're si wa za wasiwi simini ni. 23Wa hã, 'Re ihâimana u'âsi mono nhib'a'uwẽ, te tãma 're iromhuri mono. Ãne hã wa aima nharĩ za'ra wa'wa, ahâmhâ bara na hâiwa hawi tãma iromhuri'wa hã ĩma sihâi'ré wa. 24Ma tô ĩma tinha, ãne: “Paulu, aipahi tõ! Tô i'ru zahi, Roma ãma apito Cézaha nho're i'asab da hã. 'Re ihâimana u'âsi mono hã tiwẽ uptabi na, ma tô aima hâiba nhomri za'ra asiré isisa'rei mono norĩ hã, si'utõrĩ tõ da.” 25Tahawa, aibâ norĩ, aipahi za'ra wa'aba tõ. Wa umnhasi 'Re ihâimana u'âsi mono hã. Duré te te ĩma iwaihu'uzéb zarina, te za tô ãma uwaimra. 26Tazahã nimomo rob'ré za'iti u te za tô uba're hã rowa'u te te waré sari za'ra.
27Tawamhã 14 na wa'ãma mara za'ra wamhã, rowa'u'u za'ẽne hã te zahadu waré sari u'âsi za'ra, âporé Mediterãniu wa'waibaba. Niwamhã mara wa'wa oto, â na ine'wa norĩ hã ma tô waihu'u za'ra, â zada'ré u wa te wasina irotété za'ra na hã. 28Tahawa wedenhorõ na ẽtẽ nhi'õmo hã ma tô siwi time âi ba, â 'reptõ zô te te siwi pibu da. Tawamhã ma tô waihu'u za'ra, 36 metru na â 'rehâ pibuzém na hã. Duré surure na sina pahâ wamhã, ma duré siwi pibu. Tawamhã ipibuzé hã ma tô oto watobro, 27 metru na. 29Ma tô tipahi pese za'ra, uba're hã ẽne te te azâri õ'umnhasite. Tahawa itétézé hã maparane si'uiwa na ma tô ina're hawi siwi sãmra, âi ba. Taha pari ma tô rowaptẽrẽ za'ra, awẽ su'u da. 30Tawamhã uba're na ine'wa norĩ hã ma tô sima wẽ za'ra aré, uba're hawi tobro za'ra da, sisõ'reptu za'ra da. Uba're 'rare hã âi ba ma tô siwi siza, uba're tétézé hã te te siwi sãmra da newa, iwata hawimhã. 31Tane nherẽ, Paulu hã ma tô dasi'wapéi 'manharĩ'wa norĩ wada'uri'wai ma tinha, duré dasi'wapéi 'manharĩ'wa norĩ ma zama, ãne:
— Uba're na ine'wa norĩ hã uba're wa, si'ubumroi u'âsi õ wamhã, asisõ'reptui waihu'u za'ra wa'aba õ di za.
32Tawamhã dasi'wapéi 'manharĩ'wa norĩ hã ma tô wedenhorõ hã siwi sõrõ nhizâ, uba're 'rare nhi'õmozé hã. Tahawa â na ma tô baba na tiwi tiwara za'ra, uba're 'rare hã.
33Tawamhã awẽ wana ré, Paulu hã ma tô tãma waihu'u za'ra, uburé saihuri da. Ãne te tãma nharĩ za'ra:
— Bâdâ hã 14 na ma tô ai'ãma ai'utõrĩ za'ra wa'wa, asaihuri aba ãna rob'madâ'â u'âsi za'ra wa'aba ré hã. 34Tahawa wa aiwi waptẽrẽ za'ra wa'wa, ma'ãpé siwa'ru marĩ hã 'mai'rẽne za'ra wa'aba. Asaihuri wa'aba wap si, te za asiptete na aihâimana za'ra wa'wa. Ni'wa hã misi tizéré te te isimini da hã mare di za.
35Ãne te te tãma nharĩ za'ra pari, Paulu ma tô i'u'ẽtẽ wapu hã ti'â. 'Re ihâimana u'âsi mono ãma te tiwata, isõ'a za'ra. Taha pari ma tô te te wẽ'ẽ. Ma tô duré ti'rẽ. 36Tawamhã uburé ma tô apâ aptete za'ra. Ma tô duré marĩ hã 'mai'rẽne za'ra. 37Uba're wa iwahâimana za'ra hã 276 na wahâiba za'ra hã. 38Iwasidupu za'ra zéb u wasaihuri parimhã, uba're hã wapu na da, ma tô amnho trigu hã uburé âi ba siwi sãmra.
Uburé rowẽ na iwairébézé, uba're sébré wamhã
39Awẽ wamhã, â na ine'wa norĩ hã ro hã te te siwi waihu'u õ di. Tane nherẽ, ma tô supara hã siwi tisã, ẽtẽ 'rãihâ papara inomro hã, â zaihâ na. Tahawa ma tô sima rowairébé za'ra, tamomo uba're hã te te siwi sari da, te te siwi hiri da, supara wa. 40Tawamhã uba're tétézé hã â 'rowi isimi'wara hã ma tô sõrõ nhihâri za'ra. Sisa'u ma tô âi ba sãmra za'ra. Uba're wabzurizé hã ma tô siwi wasihu, te te siwi pi'ra da. Taha pari zazahâ uba're warazé hã ma tô uba're wata ãma siwi hânhozi, rowa'u hã te te 'mapraba da, supara u. 41Tane nherẽ, uba're hã supara â 'rowi 're inomro mono u hã ma tô ãzé. Tahawa, supara hã ma tô uba're wada ti'â. Rési waihu'u õ di oto. Taha ré, uba're na're u hã â sisasi hã ma tô oto pru.
42Tawamhã dasi'wapéi 'manharĩ'wa norĩ hã ma tô sima waihu'u za'ra, uburé ipawasisi ré norĩ hã te te simro da, 'maiwisi tõ da, supara ai u, duré 'masimani tõ da. 43Tane nherẽ, iwada'uri'wa hã ma tô sima wẽ, Paulu hã te te sõ'reptu da. Tahawa ma tô tiwi sawi za'ra, te te 'manharĩ za'ra tõ da. Ma tô tãma rob'ru za'ra, ni'wam norĩ iribi pe hã imorĩ'rata na âi ba rere'e da, supara ai u zâribi za'ra da, 44duré ni'wam norĩ hã iribi waihu'u'õ norĩ hã wedepo'o na duré uba're isiprum na te te roptété za'ra mono sina isarina zâribi za'ra da. Tahawa ma tô ãne uburé rowẽ na wairé, rob u. Ni'wa hã dâ'â õ di.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.