Atus 24
24
Pauluhu ãma iwasédé da te dasiwi ihirizé
1Bâdâ hã 5 na si'utõrĩ parimhã, Anania sasedoti tisiré norĩ nhipai u ipire hã ma tô mo Cézaréia u, nima norĩ Zudeu norĩ nhib'ihâ'a norĩ me duré da'wawi isimapa'wa Tértulu na isisi zama. Ta norĩ hã ma tô Paulu hã siwi wasu'u wasété, apito Félisihi ma hã. 2Tawamhã Pauluhu zô oto dahârâ wamhã, Tértulu hã ma tô wasu'u wasété, ãne:
— Roti'wa, wa tô rowẽ sina 're wahâimana za'ra bâtâ ahâ na hã, roti'wa na 're i'aihâimana mono 'remhã. Duré aima rob'madâ'â waihu'u pese wa, ma tô marĩ hã 're i'apese mo, asib'a'uwẽ norĩ ma hã. 3Uburé marĩ hã 're i'ab'manharĩ mono zé hã wẽ uptabi di, wama za'ra hã. Duré daro mono bâ wa wasiwi aiwẽsãmri ni. 4Tane nherẽ, te ĩsima wẽ õ di, bâdâ sa'ẽtẽ na te aiwi i'uprosi da hã. Tahawa wa za aiwi waptẽ, iwẽ na suru na a'â wawapari za'ra da. 5Wa waihu'u za'ra ni, ã hã aibâ tô iwasété na, ro'wa'rutu'wa Zudeu norĩ ropâ 're ihâimana za'ra mono norĩ 'remhã. Duré da'rã na 're ihâimana mono, nazarenu na dasina dasipo'ozém nhisi niwĩ 're ihâimana za'ra mono norĩ ma hã. 6Te aré duré sima wẽ, 'Re ihâimana u'âsi mono nhorõwa 'ri 'rãihâ hã te te wawi wasété za'ra da. Tahawa wa wasiwi âri ni, wa te aré duré ãma rowairébé za'ra da, wate roti zahi zarina. 7Tane nherẽ, apito Lizia hã ma tô watẽme tiwisi za'ra. Ta hã ma tô wawi wazere za'ra, tinhiptete na. 8Sadanharĩ pese wamhã, te za iwaihu, tô sena na marĩ wa, wa te wasiwi iwasu'u wasété zé hã.
9Tawamhã Zudeu norĩ hã ma tô ãma dazaze za'ra, tô sena na da te dasiwi iwasu'u na hã.
Paulu hã si'wawi timreme na isimapazé Félisihi nho'remhã
10Taha pari apito hã ma tô tinhib'rada 'manha, Paulu hã siwasu'u da oto. Ãne ma tô siwasu'u:
— Ĩma aiwaihu'u pese di, wahub ahâ na 're i'aihâimana mono na hã, da'ãma rowairébé'wa na a'uwẽ norĩ ma hã. Tahawa ĩsima iwẽ na wa za ĩsi'wawi aimapa, ĩmreme na hã. 11Asi'uihâ na te za iwaihu, nimosi 12 na bâdâ isi'utõrĩ na si wa tô mo Zeruzalẽ u, 'Re ihâimana u'âsi mono ãma ĩwata da hã. 12Ĩwasu'u wasété 'wa norĩ hã te te siwi ĩnhopẽtẽ õ di, ni'wa te wasui ré hã 'Re ihâimana u'âsi mono nhorõwa ãma, 'ri 'wawi wa'ra 'remhã duré te dawi ro'wa'rutu ré hã, rowahutuzéb ãma hã duré siwa'ru nimame 'ri wa'õtõ 'remhã. 13Tahawa, tô sena te te siwi ĩwasu'u wasété zé hã, marĩ te te siwi hâi'ré waihu'u õ di, ĩ'ãma hã. 14Tazahã, wa za aima ĩsiwasu'u, ãne: Wahi'rata norĩ te 'Re ihâimana u'âsi mono ãma, wa 're ĩwata tô. Bâdâdi 're idanomro mono zép tém na wa oto 're mo, Zudeu norĩ senai'õ na te te siwi iwasu'u hã. Wa tô saze, uburé 'Re ihâimana u'âsi mono nhimiroti zahi na Mozési te te ãma irob'ui'érézé hã duré isadawa 'mahârâ'wa norĩ nhimi'ui'éré zama. 15Wa hã duré ĩwasu'u wasété 'wa norĩ me 'Re ihâimana u'âsi mono apâ te te ida'ahâiwa'utuzéb zô wa mapari za'ra ni, uburé iwẽ norĩ hã duré iwasété norĩ zama. 16Tahawa, wa ĩsima sô 're ĩrĩtĩ u'âsi, rosa'rata 're, marĩ te te ĩwi 're ro'wa'ré mono tõ da, 'Re ihâimana u'âsi mono nho'remhã duré uburé danho'remhã.
17Tawamhã Paulu hã ma ãma uzusi tisiwasu'u na, ãne:
— Wahub ahâ na Zeruzalẽ nhiti 're ĩmorĩ pari, wa tô ĩsina siri apâ, rob'uiprazé hã te âri da, ĩnhib'a'uwẽ norĩ ma duré ĩnhoprubzé hã te sa'ra da, 'Re ihâimana u'âsi mono ma. 18Ã hã te 'manharĩ ré duré 'Re ihâimana u'âsi mono ma, 're idasihâiba pese za'ra mono zé hã te 'rãsutu pari, nima norĩ Zudeu norĩ hã ma tô siwi ĩnhopẽtẽ, 'Re ihâimana u'âsi mono nhorõwa ãma 'ri 'wawi wa'ra 're. Tame te te ĩ'madâ'â za'ra wamhã, ĩ'rata dasi'rã'õtõ õ di. Duré te da'awasui õ di. 19Tane nherẽ, nima norĩ Zudeu norĩ Azia na danhipti'a nho'õmo nhisi hawi isihudu hã te tame tihâimana za'ra. Ta norĩ hã te aré we atẽme aihutu, asõ're simasab da, te te siwi ĩwasu'u wasété da hã, marĩ iré wamhã. 20Duré niwamhã, ãté ã hã aibâ norĩ hã asõ'a isimasam norĩ si te za aima ĩwasu'u za'ra, dama roti'wa norĩ nho're ĩzab ré, marĩ i'upa te i'manharĩzé te te siwi isõpẽtẽ na hã. 21Isõ'reb za'ra ĩzab ré hã, ãne si wa tô tinha, ĩmreme 'rãihâ na: “Ã bâtâ na ĩ'ãma rowairébé te tihâiba, ĩnhimizazei wa, idâ'â za'ra norĩ hã za apâ ihâiwa'utu za'ra na hã.”
22Tawamhã apito Félis, Bâdâdi 're idanomro mono zép té wasu'u hã te te waihu'u pese wamhã, ma tô ãne tãma nharĩ za'ra:
— Apito Lizia wei wisi wap si, wa za waihu'u niha hã, ate za'ra wa'wa romhâimanazé hã.
23Taha pari dasi'wapéi 'manharĩ'wa norĩ wada'uri'wai ma, ma tô ti'ru, misi Pauluhu 'madâ'â'wa da hã te te pisutu da, dasi'wapéi 'manharĩ'wa hã. Ma tô duré ti'ru, sima iwẽ na hâimana da, duré isiwaihu'u norĩ marĩ na ãma sina da wamhã.
Paulu hã Apito Félis duré Druzilaha nho're isabzé
24Nimahã bâtâ na ronomro pari, ma tô apito Félis hã wi, timro Druzilaha ré. Ta hã Zudeu nhipi'õ. Ma tô hâ Pauluhu zô, te te tãma rowasu'u zahuré da, Cristu Zezusi hã da te dasina 're i'umnhasi za'ra mono zém na. 25Tane nherẽ, Paulu hã dahâimanazé i'uwaibaba wasu'u na te te ãma tãma sãna'rata wamhã, duré marĩ wi 're idanhiptete za'ra mono zé wasu'u na, duré Rob'rãsutu ãma 'Re ihâimana u'âsi mono za da'ãma isipo'ozé wasu'u na zama te te tãma rowasu'u wamhã, Félis hã ma tô tipahi pese. Tahawa ma tô, ãne tãma tinha:
— Aimorĩ oto. Te ĩsima rowairébé wap si, wa za ãma asô hâ za.
26Taha siré hã Félis ma tô rosa'rata, Paulu hã rob'uiprazé te te tãma sõmri da newa. Tahawa ma tô nasi sima sô hâ, te te tãma robzanhamri da.
Paulu hã Festuhu ma isiwasu'uzé
27Maparane wahu si'utõrĩ parimhã, Porciu Festu hã ma tô ãzé, Félisihi nhibrob're. Félis ma tô sima wẽ, Zudeu norĩ ma, te te sina rowẽ wazere da. Tahawa watobro wamhã, Paulu ma tô tirẽ, dazazéb 're sab ré.
Iliyochaguliwa sasa
Atus 24: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 24
24
Pauluhu ãma iwasédé da te dasiwi ihirizé
1Bâdâ hã 5 na si'utõrĩ parimhã, Anania sasedoti tisiré norĩ nhipai u ipire hã ma tô mo Cézaréia u, nima norĩ Zudeu norĩ nhib'ihâ'a norĩ me duré da'wawi isimapa'wa Tértulu na isisi zama. Ta norĩ hã ma tô Paulu hã siwi wasu'u wasété, apito Félisihi ma hã. 2Tawamhã Pauluhu zô oto dahârâ wamhã, Tértulu hã ma tô wasu'u wasété, ãne:
— Roti'wa, wa tô rowẽ sina 're wahâimana za'ra bâtâ ahâ na hã, roti'wa na 're i'aihâimana mono 'remhã. Duré aima rob'madâ'â waihu'u pese wa, ma tô marĩ hã 're i'apese mo, asib'a'uwẽ norĩ ma hã. 3Uburé marĩ hã 're i'ab'manharĩ mono zé hã wẽ uptabi di, wama za'ra hã. Duré daro mono bâ wa wasiwi aiwẽsãmri ni. 4Tane nherẽ, te ĩsima wẽ õ di, bâdâ sa'ẽtẽ na te aiwi i'uprosi da hã. Tahawa wa za aiwi waptẽ, iwẽ na suru na a'â wawapari za'ra da. 5Wa waihu'u za'ra ni, ã hã aibâ tô iwasété na, ro'wa'rutu'wa Zudeu norĩ ropâ 're ihâimana za'ra mono norĩ 'remhã. Duré da'rã na 're ihâimana mono, nazarenu na dasina dasipo'ozém nhisi niwĩ 're ihâimana za'ra mono norĩ ma hã. 6Te aré duré sima wẽ, 'Re ihâimana u'âsi mono nhorõwa 'ri 'rãihâ hã te te wawi wasété za'ra da. Tahawa wa wasiwi âri ni, wa te aré duré ãma rowairébé za'ra da, wate roti zahi zarina. 7Tane nherẽ, apito Lizia hã ma tô watẽme tiwisi za'ra. Ta hã ma tô wawi wazere za'ra, tinhiptete na. 8Sadanharĩ pese wamhã, te za iwaihu, tô sena na marĩ wa, wa te wasiwi iwasu'u wasété zé hã.
9Tawamhã Zudeu norĩ hã ma tô ãma dazaze za'ra, tô sena na da te dasiwi iwasu'u na hã.
Paulu hã si'wawi timreme na isimapazé Félisihi nho'remhã
10Taha pari apito hã ma tô tinhib'rada 'manha, Paulu hã siwasu'u da oto. Ãne ma tô siwasu'u:
— Ĩma aiwaihu'u pese di, wahub ahâ na 're i'aihâimana mono na hã, da'ãma rowairébé'wa na a'uwẽ norĩ ma hã. Tahawa ĩsima iwẽ na wa za ĩsi'wawi aimapa, ĩmreme na hã. 11Asi'uihâ na te za iwaihu, nimosi 12 na bâdâ isi'utõrĩ na si wa tô mo Zeruzalẽ u, 'Re ihâimana u'âsi mono ãma ĩwata da hã. 12Ĩwasu'u wasété 'wa norĩ hã te te siwi ĩnhopẽtẽ õ di, ni'wa te wasui ré hã 'Re ihâimana u'âsi mono nhorõwa ãma, 'ri 'wawi wa'ra 'remhã duré te dawi ro'wa'rutu ré hã, rowahutuzéb ãma hã duré siwa'ru nimame 'ri wa'õtõ 'remhã. 13Tahawa, tô sena te te siwi ĩwasu'u wasété zé hã, marĩ te te siwi hâi'ré waihu'u õ di, ĩ'ãma hã. 14Tazahã, wa za aima ĩsiwasu'u, ãne: Wahi'rata norĩ te 'Re ihâimana u'âsi mono ãma, wa 're ĩwata tô. Bâdâdi 're idanomro mono zép tém na wa oto 're mo, Zudeu norĩ senai'õ na te te siwi iwasu'u hã. Wa tô saze, uburé 'Re ihâimana u'âsi mono nhimiroti zahi na Mozési te te ãma irob'ui'érézé hã duré isadawa 'mahârâ'wa norĩ nhimi'ui'éré zama. 15Wa hã duré ĩwasu'u wasété 'wa norĩ me 'Re ihâimana u'âsi mono apâ te te ida'ahâiwa'utuzéb zô wa mapari za'ra ni, uburé iwẽ norĩ hã duré iwasété norĩ zama. 16Tahawa, wa ĩsima sô 're ĩrĩtĩ u'âsi, rosa'rata 're, marĩ te te ĩwi 're ro'wa'ré mono tõ da, 'Re ihâimana u'âsi mono nho'remhã duré uburé danho'remhã.
17Tawamhã Paulu hã ma ãma uzusi tisiwasu'u na, ãne:
— Wahub ahâ na Zeruzalẽ nhiti 're ĩmorĩ pari, wa tô ĩsina siri apâ, rob'uiprazé hã te âri da, ĩnhib'a'uwẽ norĩ ma duré ĩnhoprubzé hã te sa'ra da, 'Re ihâimana u'âsi mono ma. 18Ã hã te 'manharĩ ré duré 'Re ihâimana u'âsi mono ma, 're idasihâiba pese za'ra mono zé hã te 'rãsutu pari, nima norĩ Zudeu norĩ hã ma tô siwi ĩnhopẽtẽ, 'Re ihâimana u'âsi mono nhorõwa ãma 'ri 'wawi wa'ra 're. Tame te te ĩ'madâ'â za'ra wamhã, ĩ'rata dasi'rã'õtõ õ di. Duré te da'awasui õ di. 19Tane nherẽ, nima norĩ Zudeu norĩ Azia na danhipti'a nho'õmo nhisi hawi isihudu hã te tame tihâimana za'ra. Ta norĩ hã te aré we atẽme aihutu, asõ're simasab da, te te siwi ĩwasu'u wasété da hã, marĩ iré wamhã. 20Duré niwamhã, ãté ã hã aibâ norĩ hã asõ'a isimasam norĩ si te za aima ĩwasu'u za'ra, dama roti'wa norĩ nho're ĩzab ré, marĩ i'upa te i'manharĩzé te te siwi isõpẽtẽ na hã. 21Isõ'reb za'ra ĩzab ré hã, ãne si wa tô tinha, ĩmreme 'rãihâ na: “Ã bâtâ na ĩ'ãma rowairébé te tihâiba, ĩnhimizazei wa, idâ'â za'ra norĩ hã za apâ ihâiwa'utu za'ra na hã.”
22Tawamhã apito Félis, Bâdâdi 're idanomro mono zép té wasu'u hã te te waihu'u pese wamhã, ma tô ãne tãma nharĩ za'ra:
— Apito Lizia wei wisi wap si, wa za waihu'u niha hã, ate za'ra wa'wa romhâimanazé hã.
23Taha pari dasi'wapéi 'manharĩ'wa norĩ wada'uri'wai ma, ma tô ti'ru, misi Pauluhu 'madâ'â'wa da hã te te pisutu da, dasi'wapéi 'manharĩ'wa hã. Ma tô duré ti'ru, sima iwẽ na hâimana da, duré isiwaihu'u norĩ marĩ na ãma sina da wamhã.
Paulu hã Apito Félis duré Druzilaha nho're isabzé
24Nimahã bâtâ na ronomro pari, ma tô apito Félis hã wi, timro Druzilaha ré. Ta hã Zudeu nhipi'õ. Ma tô hâ Pauluhu zô, te te tãma rowasu'u zahuré da, Cristu Zezusi hã da te dasina 're i'umnhasi za'ra mono zém na. 25Tane nherẽ, Paulu hã dahâimanazé i'uwaibaba wasu'u na te te ãma tãma sãna'rata wamhã, duré marĩ wi 're idanhiptete za'ra mono zé wasu'u na, duré Rob'rãsutu ãma 'Re ihâimana u'âsi mono za da'ãma isipo'ozé wasu'u na zama te te tãma rowasu'u wamhã, Félis hã ma tô tipahi pese. Tahawa ma tô, ãne tãma tinha:
— Aimorĩ oto. Te ĩsima rowairébé wap si, wa za ãma asô hâ za.
26Taha siré hã Félis ma tô rosa'rata, Paulu hã rob'uiprazé te te tãma sõmri da newa. Tahawa ma tô nasi sima sô hâ, te te tãma robzanhamri da.
Paulu hã Festuhu ma isiwasu'uzé
27Maparane wahu si'utõrĩ parimhã, Porciu Festu hã ma tô ãzé, Félisihi nhibrob're. Félis ma tô sima wẽ, Zudeu norĩ ma, te te sina rowẽ wazere da. Tahawa watobro wamhã, Paulu ma tô tirẽ, dazazéb 're sab ré.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.