MATTHEW 25
25
Dosjoni Koino Laga Dristanto
1“Etiya sorgo rajyo tu dos joni koino, kon he nijor laga saaki loi kene dulha log koribole jai, eitu nisna ase. 2Taikhan pans joni tu okora thakise, aru pans joni gyani thakise. 3Kilemane ketiya okora pans joni taikhan laga saaki loise, taikhan logot te tel lua nai; 4kintu gyani khan pora saaki logot te tel bhi daba te loise. 5Dulha ahha tu dery hoi thaka homoi te, taikhan sob tu tuponi lagise aru ghumai jaise. 6Kintu maj-raati homoi te mati kene koise, ‘Dulha iyate ase! Log koribole ulai ahhibi.’ 7Tetiya koino khan sob uthise aru taikhan laga saaki jolabole jugar korise. 8Aru okora khan pora gyani khan logote koise, ‘Tumikhan laga tel pora amikhan ke bhi olop dibi, kilemane amikhan laga saaki tu nami ase.’ 9Kintu gyani khan pora uttar dise, ‘Ki jani amikhan aru tumikhan sob karne napongchibo pare; bikiri kora manuh logote he jai kene tumi nijor karne kini lobi.’ 10Aru ketiya taikhan kinibole jai thakise, tetiya dulha ahhi kene pongchise, aru kiman jon jugar kori thakise taikhan sob tar logote saadi bhojon te jaise, aru dorja bond kori loise. 11Pasote dusera koino khan bhi ahhise, aru koise, ‘Prabhu, Prabhu amikhan karne bhi dorja khuli dibi.’ 12Kintu Tar he uttar dise, ‘Hosa, Moi tumikhan ke kobo, Moi tumikhan ke najane.’ 13Eitu karne hushier koribi, kilemane heitu din aru homoi tumikhan pora najane.
Talents Laga Dristanto
14“Kilemane eitu manuh ekjon jatra jua nisna ase, kon he nijor laga nokor khan mati kene tar laga sampoti sabole dise; 15ekjon ke pansta talents dise, aru dusera ekjon ke duita, aru ekjon ke ekta; nijor laga koribole para tagot hisap te bhag kori dise. Tetiya tar jatra jaise. 16Kon he pansta talents paise, tar pora loge loge jai kene bepari te cholaise; aru tar pora arubhi pansta besi kamai loise. 17Eitu nisna, kon he duita paise tar pora bhi duita besi kamai loise. 18Kintu kon pora ekta talent paise, jai kene maati khundise aru malik laga poisa tu lukai rakhise. 19Etiya besi din pasote eitu nokor khan laga malik tu ahhise aru keneka cholaise eitu hisap koribole matise. 20Aru kon pora pansta talents paise tar ahhise, aru pansta besi anikene koise, ‘Malik, apuni moi ke pansta talents dise; sabi, moi arubhi pansta besi kamai loise.’ 21Tar malik pora koise, ‘Bhall pora kam korise, bhall aru biswas koribo para nokor; tumi olop te he biswas thakise, kintu Moi tumike besi kam upor te odhikari bonai dibo; tumar malik laga khushi jaga te ahhi jabi.’ 22Aru kon pora duita talents paise tar bhi ahhise, aru koise, ‘Malik apuni duita talents dise; iyate moi duita besi kamai loise.’ 23Tar malik pora tar ke koise, ‘Bhall pora kam korise, bhall aru biswasi nokor; tumi olop te he biswas thakise, Moi tumi besi upor te odhikar kori dibo; tumar malik laga khushi jaga te ahhi jabi.’ 24Kon pora ekta talent paise tar bhi ahhise, aru koise, ‘Malik, apuni besi khechera manuh ase eitu moi jani thakise, apuni ki jaga te bijon hisa nai tate pora dhan uthai lobole bisare, aru kon jaga te apuni mula nai tate pora jama koribole bisare; 25Eitu nimite moi bhoi korise, aru jai kene apuni laga talent tu maati bhitor te lukai rakhise. Apuni laga ki thakise eitu iyate ase.’ 26Kintu tar malik pora uttar dise, ‘Tumi paapi aru alshi nokor! Moi kon jaga te bijon hisa nai tate pora dhan uthai lobole bisare eitu tumi jane, aru kon jaga te mula nai tate pora jama kore, eneka tumi janise? 27Tetiya tumi jai kene bank te rakhibo lagisile, tetiya moi ahha homoi te moi nijor laga poisa te aru sood pabole thakise. 28Eitu karne heitu manuh pora talent tu uthai lobi, aru kon pora dosta anise tar ke di dibi. 29Kilemane kon ase arubhi besi di dibo, aru tar besi thaki jabo; kintu kon nai, tai olop thaka bhi loi jabo. 30Aru kam nathaka nokor tu bahar andhera jaga te phelai dibi; kot te manuh khan kandibo aru dant korsin koribo.’
Hekh Bichar
31“Ketiya Manuh laga Putro Tar gaurab te ahhibo, aru sorgo dut sob Tar logot te ahhibo, tetiya Tar nijor laga gaurab singsason te bohibo. 32Tar aage te alag alag zati sob jama koribo, aru Tar pora manuh khan ekjon pora ekjon ke alag kori dibo, keneka mer roikhya pora mer aru sagoli bhag kori eitu nisna koribo. 33Aru mer khan Tar laga daina haat phale jama koribo, kintu sagoli khan Tar laga banya haat te jama koribo. 34Tetiya raja pora tar laga daina haat phale thaka khan ke kobo, ‘Ahhibi, Oh! Pitri pora ashish kora khan, prithibi shuru din pora jugar kori rakha rajyo loi lobi; 35kilemane Moi bhuk lagi thakise aru tumi khan he khabole dise, Moi piyas lagi thakise, aru tumikhan pora pibole dise, Moi alohi thakise aru tumikhan pora khushi hoi kene bohi bole dise, 36moi kapoor napindhi kene thakise aru tumikhan pora kapoor dise, moi bemar thakise aru tumikhan ahhi kene saise, moi bandhighor te thakise aru tumikhan pora moi usor te ahhise.’ 37Tetiya dharmik khan pora uttar di kobo, ‘Prabhu, ketiya apuni bhuk thaka dekhi kene khabole dise, nahole piyas hua dekhi kene pibo dise? 38Aru ketiya apuni alohi dekhi kene bohi bole dise, nahole kapoor napindhi thaka dekhi kene kapoor pindhi bole dise? 39Aru ketiya apuni bemar hoi thaka dekhi kene nahole bandhighor te thaka dekhi kene apuni usor te ahhise?’ 40Aru raja pora taikhan ke uttar dibo, ‘Hosa Moi tumikhan ke kobo, moi laga bhai eitu khan huru holebhi ekjon karne tumikhan pora ki korise, eitu moi ke korise.’
41“Tetiya tar laga banya haat te thaka khan ke Tar pora kobo, ‘Moi pora jai jabi, tumi haun kora khan, saitan aru tai laga dut khan karne jugar kora ananta jui te jabi; 42kilemane moi bhuk lagi thakise aru tumi eku diya nai, moi piyas lagi thakise aru tumikhan pora pibole diya nai, 43Moi alohi thakise aru tumi moi ke swagat kora nai, kapoor napindhi kene thakise aru tumi kapoor diya nai, bemar thakise aru bandhighor te thakise aru tumi moi usor te ahha nai.’ 44Tetiya taikhan pora bhi uttar kori kobo, ‘Prabhu, ketiya apuni bhuk lagi thaka homoi nahole piyas lagi thaka homoi nahole alohi ahha homoi nahole kapoor nathaka homoi nahole bemar nahole bandhighor te thaka homoi apuni ke seva kora nai? 45Tetiya Tar pora taikhan ke uttar dibo, ‘Hosa, moi tumi khan ke kobo, tumi keneka eitu huru ekjon ke kora nai, eitu moi ke kora nai.’ 46Aru taikhan hodai ananta dondo kora jaga te jabo, kintu dharmik khan tu hodai ananta jivon te jabo.”
Iliyochaguliwa sasa
MATTHEW 25: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MATTHEW 25
25
Dosjoni Koino Laga Dristanto
1“Etiya sorgo rajyo tu dos joni koino, kon he nijor laga saaki loi kene dulha log koribole jai, eitu nisna ase. 2Taikhan pans joni tu okora thakise, aru pans joni gyani thakise. 3Kilemane ketiya okora pans joni taikhan laga saaki loise, taikhan logot te tel lua nai; 4kintu gyani khan pora saaki logot te tel bhi daba te loise. 5Dulha ahha tu dery hoi thaka homoi te, taikhan sob tu tuponi lagise aru ghumai jaise. 6Kintu maj-raati homoi te mati kene koise, ‘Dulha iyate ase! Log koribole ulai ahhibi.’ 7Tetiya koino khan sob uthise aru taikhan laga saaki jolabole jugar korise. 8Aru okora khan pora gyani khan logote koise, ‘Tumikhan laga tel pora amikhan ke bhi olop dibi, kilemane amikhan laga saaki tu nami ase.’ 9Kintu gyani khan pora uttar dise, ‘Ki jani amikhan aru tumikhan sob karne napongchibo pare; bikiri kora manuh logote he jai kene tumi nijor karne kini lobi.’ 10Aru ketiya taikhan kinibole jai thakise, tetiya dulha ahhi kene pongchise, aru kiman jon jugar kori thakise taikhan sob tar logote saadi bhojon te jaise, aru dorja bond kori loise. 11Pasote dusera koino khan bhi ahhise, aru koise, ‘Prabhu, Prabhu amikhan karne bhi dorja khuli dibi.’ 12Kintu Tar he uttar dise, ‘Hosa, Moi tumikhan ke kobo, Moi tumikhan ke najane.’ 13Eitu karne hushier koribi, kilemane heitu din aru homoi tumikhan pora najane.
Talents Laga Dristanto
14“Kilemane eitu manuh ekjon jatra jua nisna ase, kon he nijor laga nokor khan mati kene tar laga sampoti sabole dise; 15ekjon ke pansta talents dise, aru dusera ekjon ke duita, aru ekjon ke ekta; nijor laga koribole para tagot hisap te bhag kori dise. Tetiya tar jatra jaise. 16Kon he pansta talents paise, tar pora loge loge jai kene bepari te cholaise; aru tar pora arubhi pansta besi kamai loise. 17Eitu nisna, kon he duita paise tar pora bhi duita besi kamai loise. 18Kintu kon pora ekta talent paise, jai kene maati khundise aru malik laga poisa tu lukai rakhise. 19Etiya besi din pasote eitu nokor khan laga malik tu ahhise aru keneka cholaise eitu hisap koribole matise. 20Aru kon pora pansta talents paise tar ahhise, aru pansta besi anikene koise, ‘Malik, apuni moi ke pansta talents dise; sabi, moi arubhi pansta besi kamai loise.’ 21Tar malik pora koise, ‘Bhall pora kam korise, bhall aru biswas koribo para nokor; tumi olop te he biswas thakise, kintu Moi tumike besi kam upor te odhikari bonai dibo; tumar malik laga khushi jaga te ahhi jabi.’ 22Aru kon pora duita talents paise tar bhi ahhise, aru koise, ‘Malik apuni duita talents dise; iyate moi duita besi kamai loise.’ 23Tar malik pora tar ke koise, ‘Bhall pora kam korise, bhall aru biswasi nokor; tumi olop te he biswas thakise, Moi tumi besi upor te odhikar kori dibo; tumar malik laga khushi jaga te ahhi jabi.’ 24Kon pora ekta talent paise tar bhi ahhise, aru koise, ‘Malik, apuni besi khechera manuh ase eitu moi jani thakise, apuni ki jaga te bijon hisa nai tate pora dhan uthai lobole bisare, aru kon jaga te apuni mula nai tate pora jama koribole bisare; 25Eitu nimite moi bhoi korise, aru jai kene apuni laga talent tu maati bhitor te lukai rakhise. Apuni laga ki thakise eitu iyate ase.’ 26Kintu tar malik pora uttar dise, ‘Tumi paapi aru alshi nokor! Moi kon jaga te bijon hisa nai tate pora dhan uthai lobole bisare eitu tumi jane, aru kon jaga te mula nai tate pora jama kore, eneka tumi janise? 27Tetiya tumi jai kene bank te rakhibo lagisile, tetiya moi ahha homoi te moi nijor laga poisa te aru sood pabole thakise. 28Eitu karne heitu manuh pora talent tu uthai lobi, aru kon pora dosta anise tar ke di dibi. 29Kilemane kon ase arubhi besi di dibo, aru tar besi thaki jabo; kintu kon nai, tai olop thaka bhi loi jabo. 30Aru kam nathaka nokor tu bahar andhera jaga te phelai dibi; kot te manuh khan kandibo aru dant korsin koribo.’
Hekh Bichar
31“Ketiya Manuh laga Putro Tar gaurab te ahhibo, aru sorgo dut sob Tar logot te ahhibo, tetiya Tar nijor laga gaurab singsason te bohibo. 32Tar aage te alag alag zati sob jama koribo, aru Tar pora manuh khan ekjon pora ekjon ke alag kori dibo, keneka mer roikhya pora mer aru sagoli bhag kori eitu nisna koribo. 33Aru mer khan Tar laga daina haat phale jama koribo, kintu sagoli khan Tar laga banya haat te jama koribo. 34Tetiya raja pora tar laga daina haat phale thaka khan ke kobo, ‘Ahhibi, Oh! Pitri pora ashish kora khan, prithibi shuru din pora jugar kori rakha rajyo loi lobi; 35kilemane Moi bhuk lagi thakise aru tumi khan he khabole dise, Moi piyas lagi thakise, aru tumikhan pora pibole dise, Moi alohi thakise aru tumikhan pora khushi hoi kene bohi bole dise, 36moi kapoor napindhi kene thakise aru tumikhan pora kapoor dise, moi bemar thakise aru tumikhan ahhi kene saise, moi bandhighor te thakise aru tumikhan pora moi usor te ahhise.’ 37Tetiya dharmik khan pora uttar di kobo, ‘Prabhu, ketiya apuni bhuk thaka dekhi kene khabole dise, nahole piyas hua dekhi kene pibo dise? 38Aru ketiya apuni alohi dekhi kene bohi bole dise, nahole kapoor napindhi thaka dekhi kene kapoor pindhi bole dise? 39Aru ketiya apuni bemar hoi thaka dekhi kene nahole bandhighor te thaka dekhi kene apuni usor te ahhise?’ 40Aru raja pora taikhan ke uttar dibo, ‘Hosa Moi tumikhan ke kobo, moi laga bhai eitu khan huru holebhi ekjon karne tumikhan pora ki korise, eitu moi ke korise.’
41“Tetiya tar laga banya haat te thaka khan ke Tar pora kobo, ‘Moi pora jai jabi, tumi haun kora khan, saitan aru tai laga dut khan karne jugar kora ananta jui te jabi; 42kilemane moi bhuk lagi thakise aru tumi eku diya nai, moi piyas lagi thakise aru tumikhan pora pibole diya nai, 43Moi alohi thakise aru tumi moi ke swagat kora nai, kapoor napindhi kene thakise aru tumi kapoor diya nai, bemar thakise aru bandhighor te thakise aru tumi moi usor te ahha nai.’ 44Tetiya taikhan pora bhi uttar kori kobo, ‘Prabhu, ketiya apuni bhuk lagi thaka homoi nahole piyas lagi thaka homoi nahole alohi ahha homoi nahole kapoor nathaka homoi nahole bemar nahole bandhighor te thaka homoi apuni ke seva kora nai? 45Tetiya Tar pora taikhan ke uttar dibo, ‘Hosa, moi tumi khan ke kobo, tumi keneka eitu huru ekjon ke kora nai, eitu moi ke kora nai.’ 46Aru taikhan hodai ananta dondo kora jaga te jabo, kintu dharmik khan tu hodai ananta jivon te jabo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.