MATTHEW 24
24
Mondoli Nosto Hobole Aage Te Kua
1Jisu he girja ghor tu shari kene jai thakise, tetiya Tar laga chella khan ahhi kene girja ghor bona tu dekhai dise. 2Kintu Tar he tarkhan ke uttar dise, “Tumikhan pora eitu khan sob tu dekhi ase na? Hosa Moi koi ase, tate pathor ekta upor te ekta nagiri kene nathakibo.”
Jugh Hekh Hua Sign
3Tar Olives pahar te bohi thaka homoi te, chella khan Tar usor te ahhi kene hudise, “Amikhan ke kobi, eitu ketiya hobo, aru Apuni ahha aru jugh hekh din sign tu keneka thakibo?” 4Aru Jisu he tarkhan ke koise, “Konu manuh pora bhi tumikhan ke ulta loi jabo nadibole hushier koribi. 5Kilemane Moi laga nam te besi manuh ahhibo, aru kobo, ‘Moi Khrista ase,’ aru besi manuh taikhan pora ulta phale loi jabo. 6Aru tumikhan larai kora aru eneka nisna khobor hunibo; tumikhan mon dukh nahobo nimite hushier hobi; kilemane eitu hobo lagibo, kintu hekh hua nai. 7Kilemane zati pora zati upor te birudhi kori uthibo, aru rajyo ekta pora ekta upor te uthibo, aru jaga jaga te akal aru bhumi-kompo ulabo; 8Eitu khan sob tu shuru kora he ase, bacha jonom hobole tiruta ekjoni dukh hua nisna he ase.
9“Tetiya taikhan pora tumikhan tarona koribole di dibo, aru tumikhan ke morai dibo; aru Moi laga nam nimite zati sob pora tumikhan ke ghin koribo. 10Aru besi manuh harai jabo, aru ekjon he ekjon ke thogai dibo, aru ekjon he ekjon ke ghin koribo. 11Aru galad bhavobadi khan besi ulabo aru besi manuh ulta phale loi jabo. 12Aru kanoon namana iman besi hua karne, manuh khan laga prem tu thanda hoi jabo. 13Kintu kon he hekh tak dhorjo koribo pare, taikhan he bachabo. 14Aru eitu rajyo laga susamachar tu, zati khan karne sakhi hobo nimite prithibi sob phale prachar koribo; tetiya he hekh tu ahhibo.
Ghin Laga Letra Bostu
15“Eitu karne ketiya ghin laga mahan sankat, ki Daniel bhavobadi pora koise, eitu pobitro jaga te khara kora tumikhan pora dekhibo (porha manuh he buji lobi), 16tetiya kon Judea te thakibo pahar phale polai jabi; 17aru kon ghor upor te thakibo, ghor bhitor te saman lobole najabi; 18aru kon he kheti te ase tai laga kapoor lobole ghurai najabi. 19Aru eitu din te, bacha bukhi thaka tiruta khan aru kesua ke dudh khilai thaka amaa khan karne besi dukh kosto hobo! 20Tumikhan polai jua tu thanda din, nahole bisram din nahobo karne prathana koribi. 21Kilemane tate dangor tarona hobo, eitu nisna tarona tu prithibi shuru din pora etiya tak hua nai, aru eneka ketiya bhi nahobo. 22Aru jodi eitu din tu khata nakorile, konu manuh bhi nabachibole thakise; kintu basi lua khan nimite eitu din tu khata kori dibo. 23Tetiya jodi konuba he tumikhan ke kobo, ‘Sabi, Khrista tu iyate ase!’ nahole ‘Tar tate ase!’ eitu ke biswas nakoribi. 24Kilemane galad Khrista aru galad bhavobadi khan ulabo aru jodi parile mane basi lua manuh khan bhi ulta phale loi jabo karne besi asorit kam aru sign dekhai dibo. 25Sabi, Moi aage te tumikhan ke koi dise. 26Eitu karne, Jodi taikhan pora tumikhan ke kobo, ‘Sabi, Tar tu pahar phale ase,’ tate phale ulai najabi; Jodi taikhan pora kobo, ‘Sabi, Tar tu bhitor kamra phale ase,’ eitu ke biswas nakoribi. 27Kilemane keneka purab te bijuli mari kene pachim tak ujala kori eitu nisna, Manuh laga Putro ahha tu hobo. 28Kon jaga te mora ase, tate he hogun bhi eke logote jama koribo.
Manuh Laga Putro Ahha
29“Eitu tarona din khotom hua loge loge surjyo ujala harai jabo, aru Chandro pora puhor nadibo, aru tara khan sorgot pora giri jabo, aru sorgot laga shakti sob tu hili jabo; 30tetiya Manuh laga Putro ahha sign tu sorgot te dekhi pabo, tetiya prithibi te zati sob pora mon dukh hobo, aru taikhan pora Manuh laga Putro tu sorgo laga megh te shakti aru gaurab sob loi ahha dekhibo; 31aru Tar laga sorgo dut khan sob jaga te pathabo aru taikhan pora bigul bajabo aru dangor awaz pora mati kene basi lua manuh khan sob jaga phale pora jama koribo.
Dimoru Gos Pora Sikha
32“Dimoru gos pora eitu kotha sikhai lobi: eitu laga kumolia daal aru notun pata ula loge loge, gorom din usor te ahhise eneka tumikhan jani loi. 33Eitu nisna, ketiya eitu sob hua tumikhan pora dekhibo, tumi janibo, Tar usor te ahhise, dorja tak pongchise. 34Hosa Moi tumikhan ke koi ase, eitu sob nahua tak, eitu jugh khotom hoi najabo. 35Sorgo aru prithibi khan par hoi jabo, kintu Moi laga kotha tu par hoi najabo.
Heitu Din Aru Homoi Kon Pora Bhi Najane
36“Kintu eitu laga din aru homoi tu kon pora bhi najane, sorgo dut pora bhi najane, nahole Putro pora bhi najane, kintu Pitri he jane. 37Noah laga jugh nisna he, Manuh laga Putro ahha din bhi hobo. 38Kilemane eitu jugh te, ban paani naha tak, aru Noah jahaz bhitor te najua tak tu, taikhan khai kene aru pi kene thakise, saadi korise aru saadi koribole bhi di thakise, 39aru ban paani ahhi kene taikhan sob loi najua tak, taikhan pora jana nai, eitu nisna Manuh laga Putro ahha bhi hobo. 40Tetiya duijon manuh kheti te thakibo; ekjon loi jabo aru ekjon shari dibo. 41Duijoni tiruta dhan khundi thakibo; ekjoni loi jabo aru ekjoni shari dibo. 42Eitu nimite hushier koribi, kilemane ki din te tumar Prabhu ahhibo eitu najane. 43Kintu eitu jani lobi, jodi ghor malik pora, ki raati homoi te choor manuh ahhibo eitu janile, tetiya tar pora roikhya koribo aru ghor bhangibole nadibo. 44Eitu karne tumikhan bhi jugar koribi; kilemane Manuh laga Putro tu tumikhan pora bhabna nathaka homoi te ahhibo.
45“Tetiya kon biswasi aru gyani nokor tu hobo, kon logote tar malik pora ghor sabole dise, aru thik homoi te khua lua bhag koribole dise? 46Nokor kon pora tar malik ahha homoi te eitu kam thik kori thakibo eitu nokor tu he ashish hobo. 47Hosa, Moi tumikhan ke koi ase, eitu nokor upor te tar Malik pora sampoti sob sabole dibo. 48Kintu eitu beya aru paapi nokor pora nijor mon te koise, ‘Moi laga malik tu dery hoise,’ 49aru tar laga logoria nokor khan ke pitibole shuru hoise, aru sharabi khan logot te khua-piya shuru hoise, 50eitu nokor laga malik tu tar pora bhabna nakora din te ahhibo, aru tar najana homoi te ahhibo, 51aru dondo dibo, aru kopoti khan majot te rakhibo; tate manuh khan kandibo aru tarkhan laga tant korsin koribo.
Iliyochaguliwa sasa
MATTHEW 24: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MATTHEW 24
24
Mondoli Nosto Hobole Aage Te Kua
1Jisu he girja ghor tu shari kene jai thakise, tetiya Tar laga chella khan ahhi kene girja ghor bona tu dekhai dise. 2Kintu Tar he tarkhan ke uttar dise, “Tumikhan pora eitu khan sob tu dekhi ase na? Hosa Moi koi ase, tate pathor ekta upor te ekta nagiri kene nathakibo.”
Jugh Hekh Hua Sign
3Tar Olives pahar te bohi thaka homoi te, chella khan Tar usor te ahhi kene hudise, “Amikhan ke kobi, eitu ketiya hobo, aru Apuni ahha aru jugh hekh din sign tu keneka thakibo?” 4Aru Jisu he tarkhan ke koise, “Konu manuh pora bhi tumikhan ke ulta loi jabo nadibole hushier koribi. 5Kilemane Moi laga nam te besi manuh ahhibo, aru kobo, ‘Moi Khrista ase,’ aru besi manuh taikhan pora ulta phale loi jabo. 6Aru tumikhan larai kora aru eneka nisna khobor hunibo; tumikhan mon dukh nahobo nimite hushier hobi; kilemane eitu hobo lagibo, kintu hekh hua nai. 7Kilemane zati pora zati upor te birudhi kori uthibo, aru rajyo ekta pora ekta upor te uthibo, aru jaga jaga te akal aru bhumi-kompo ulabo; 8Eitu khan sob tu shuru kora he ase, bacha jonom hobole tiruta ekjoni dukh hua nisna he ase.
9“Tetiya taikhan pora tumikhan tarona koribole di dibo, aru tumikhan ke morai dibo; aru Moi laga nam nimite zati sob pora tumikhan ke ghin koribo. 10Aru besi manuh harai jabo, aru ekjon he ekjon ke thogai dibo, aru ekjon he ekjon ke ghin koribo. 11Aru galad bhavobadi khan besi ulabo aru besi manuh ulta phale loi jabo. 12Aru kanoon namana iman besi hua karne, manuh khan laga prem tu thanda hoi jabo. 13Kintu kon he hekh tak dhorjo koribo pare, taikhan he bachabo. 14Aru eitu rajyo laga susamachar tu, zati khan karne sakhi hobo nimite prithibi sob phale prachar koribo; tetiya he hekh tu ahhibo.
Ghin Laga Letra Bostu
15“Eitu karne ketiya ghin laga mahan sankat, ki Daniel bhavobadi pora koise, eitu pobitro jaga te khara kora tumikhan pora dekhibo (porha manuh he buji lobi), 16tetiya kon Judea te thakibo pahar phale polai jabi; 17aru kon ghor upor te thakibo, ghor bhitor te saman lobole najabi; 18aru kon he kheti te ase tai laga kapoor lobole ghurai najabi. 19Aru eitu din te, bacha bukhi thaka tiruta khan aru kesua ke dudh khilai thaka amaa khan karne besi dukh kosto hobo! 20Tumikhan polai jua tu thanda din, nahole bisram din nahobo karne prathana koribi. 21Kilemane tate dangor tarona hobo, eitu nisna tarona tu prithibi shuru din pora etiya tak hua nai, aru eneka ketiya bhi nahobo. 22Aru jodi eitu din tu khata nakorile, konu manuh bhi nabachibole thakise; kintu basi lua khan nimite eitu din tu khata kori dibo. 23Tetiya jodi konuba he tumikhan ke kobo, ‘Sabi, Khrista tu iyate ase!’ nahole ‘Tar tate ase!’ eitu ke biswas nakoribi. 24Kilemane galad Khrista aru galad bhavobadi khan ulabo aru jodi parile mane basi lua manuh khan bhi ulta phale loi jabo karne besi asorit kam aru sign dekhai dibo. 25Sabi, Moi aage te tumikhan ke koi dise. 26Eitu karne, Jodi taikhan pora tumikhan ke kobo, ‘Sabi, Tar tu pahar phale ase,’ tate phale ulai najabi; Jodi taikhan pora kobo, ‘Sabi, Tar tu bhitor kamra phale ase,’ eitu ke biswas nakoribi. 27Kilemane keneka purab te bijuli mari kene pachim tak ujala kori eitu nisna, Manuh laga Putro ahha tu hobo. 28Kon jaga te mora ase, tate he hogun bhi eke logote jama koribo.
Manuh Laga Putro Ahha
29“Eitu tarona din khotom hua loge loge surjyo ujala harai jabo, aru Chandro pora puhor nadibo, aru tara khan sorgot pora giri jabo, aru sorgot laga shakti sob tu hili jabo; 30tetiya Manuh laga Putro ahha sign tu sorgot te dekhi pabo, tetiya prithibi te zati sob pora mon dukh hobo, aru taikhan pora Manuh laga Putro tu sorgo laga megh te shakti aru gaurab sob loi ahha dekhibo; 31aru Tar laga sorgo dut khan sob jaga te pathabo aru taikhan pora bigul bajabo aru dangor awaz pora mati kene basi lua manuh khan sob jaga phale pora jama koribo.
Dimoru Gos Pora Sikha
32“Dimoru gos pora eitu kotha sikhai lobi: eitu laga kumolia daal aru notun pata ula loge loge, gorom din usor te ahhise eneka tumikhan jani loi. 33Eitu nisna, ketiya eitu sob hua tumikhan pora dekhibo, tumi janibo, Tar usor te ahhise, dorja tak pongchise. 34Hosa Moi tumikhan ke koi ase, eitu sob nahua tak, eitu jugh khotom hoi najabo. 35Sorgo aru prithibi khan par hoi jabo, kintu Moi laga kotha tu par hoi najabo.
Heitu Din Aru Homoi Kon Pora Bhi Najane
36“Kintu eitu laga din aru homoi tu kon pora bhi najane, sorgo dut pora bhi najane, nahole Putro pora bhi najane, kintu Pitri he jane. 37Noah laga jugh nisna he, Manuh laga Putro ahha din bhi hobo. 38Kilemane eitu jugh te, ban paani naha tak, aru Noah jahaz bhitor te najua tak tu, taikhan khai kene aru pi kene thakise, saadi korise aru saadi koribole bhi di thakise, 39aru ban paani ahhi kene taikhan sob loi najua tak, taikhan pora jana nai, eitu nisna Manuh laga Putro ahha bhi hobo. 40Tetiya duijon manuh kheti te thakibo; ekjon loi jabo aru ekjon shari dibo. 41Duijoni tiruta dhan khundi thakibo; ekjoni loi jabo aru ekjoni shari dibo. 42Eitu nimite hushier koribi, kilemane ki din te tumar Prabhu ahhibo eitu najane. 43Kintu eitu jani lobi, jodi ghor malik pora, ki raati homoi te choor manuh ahhibo eitu janile, tetiya tar pora roikhya koribo aru ghor bhangibole nadibo. 44Eitu karne tumikhan bhi jugar koribi; kilemane Manuh laga Putro tu tumikhan pora bhabna nathaka homoi te ahhibo.
45“Tetiya kon biswasi aru gyani nokor tu hobo, kon logote tar malik pora ghor sabole dise, aru thik homoi te khua lua bhag koribole dise? 46Nokor kon pora tar malik ahha homoi te eitu kam thik kori thakibo eitu nokor tu he ashish hobo. 47Hosa, Moi tumikhan ke koi ase, eitu nokor upor te tar Malik pora sampoti sob sabole dibo. 48Kintu eitu beya aru paapi nokor pora nijor mon te koise, ‘Moi laga malik tu dery hoise,’ 49aru tar laga logoria nokor khan ke pitibole shuru hoise, aru sharabi khan logot te khua-piya shuru hoise, 50eitu nokor laga malik tu tar pora bhabna nakora din te ahhibo, aru tar najana homoi te ahhibo, 51aru dondo dibo, aru kopoti khan majot te rakhibo; tate manuh khan kandibo aru tarkhan laga tant korsin koribo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.