MATTHEW 26
26
Jisu Ke Morai Dibole Bhabna
1Ketiya Jisu he eitu kotha kua khotom hoise, tar he nijor chella khan ke koise, 2“Tumikhan pora jane, dui din pasote Par-Hua porokh din ahhi ase, aru Manuh laga Putro tu kros te mora bole di dibo.”
3Tetiya prodhan puruhit khan aru zati majot te bridho khan, aru maha puruhit, kon ke Caiaphas eneka mate, tar laga raja ghor varanda te jama korise, 4aru Jisu keneka dhoribo aru morai dibo, eitu laga bhabna loi kene eke logot kotha milai loise. 5Kintu taikhan pora koise, “Eitu porokh homoi te nakoribo, jodi eneka hole manuh khan majote jhamela hobo.”
Bethany Te Jisu Ke Abishek Kora
6Ketiya Jisu ahhi kene Bethany te kuntho-rugi thaka Simon laga ghor te thakise, 7ekjoni tiruta pora besi dam laga alabaster dawai daba ekta loi kene ahhise, aru Jisu mez te bohi thaka homoi te, tiruta pora eitu sob Jisu laga matha te hali dise. 8Kintu ketiya chella khan pora eitu dekhise, tarkhan khushi pua nai, aru koise, “Kile eitu nosto kori ase? 9Kilemane eitu dawai tu besi dam pora bikiri kori kene poisa tu dukhiya khan ke dile bhall.” 10Kintu, Jisu he eitu jani kene koise, “Kile tumikhan pora tiruta ke digdar di ase? Kilemane tai pora Moi karne sundor kam kori ase. 11Kilemane tumikhan majot te dukhiya khan hodai thakibo, kintu tumikhan logot Moi tu hodai nathakibo. 12Eitu dawai moi laga gau te lagai diya tu Moi ke moidam dibo karne tai pora jugar kori ase. 13Hosa, Moi tumikhan ke koi ase, prithibi kon jaga te eitu Susamachar prachar koribo, eitu tiruta pora ki korise tai laga nam tu thakibo.”
Judas Pora Jisu Ke Thogai Diya
14Tetiya chella khan majot te ekjon, kon ke Judas Iscariot eneka mate, tar jai kene prodhan puruhit khan 15ke koise, “Moi jodi Jisu ke dhoribole dile, apunikhan pora moi ke ki dibo?” Aru tarkhan pora tris-ta chandi anikene tar ke dise. 16Aru eitu homoi pora keneka hole Jisu ke dhoribole dibo eitu laga bhall homoi bisari thakise.
Chella Khan Logot Par-Hua Porokh
17Etiya khomir nahala roti laga porokh prothom din te chella khan ahhi kene Jisu ke koise, “Amikhan bhi Par-Hua porokh khabole kot te jugar koribo?” 18Tar he koise, “Sohor te konuba ekjon logot te jabi, aru tar ke kobi, ‘Guru pora koise, Moi laga homoi pongchise; tumi laga ghor te chella khan logote Moi Par-Hua porokh khabo.’” 19Aru chella khan pora Jisu he ki janoni dise, eitu nisna korise, aru tarkhan pora Par-Hua porokh jugar kori loise.
20Ketiya sham ahhise, Tar chella barohjon logot mez te bohise; 21aru tarkhan khua homoi te, Jisu he koise, “Hosa, Moi tumi khan ke koi ase, tumi khan majot te ekjon pora Moi ke thogai dibo.” 22Aru tarkhan sob mon besi dukh hoise, aru ekjon pasot te ekjon eneka Tar ke hudibole shuru hoise, “Eitu moi neki, Prabhu?” 23Tar uttar dise, “Kon he tar laga haat pora moi laga thali te eke logot khabo, eitu manuh pora moi ke thogai dibo. 24Manuh laga Putro Tar karne keneka likhi ase eitu hisap te jai ase, kintu kon pora Manuh laga Putro ke thogai ase, tar karne bedona ase! Eitu manuh tu jonom nakora he tar karne bhall hobole asile.” 25Judas, kon pora Tar ke thogai dise, tar koise, “Eitu moi neki, Malik?” Jisu he tar ke koise, “Tumi he eitu koi dise.”
Prabhu Bhoj Sthapon Kora
26Etiya tarkhan khua homoi te, Jisu he roti loise, aru ashish di kene eitu bhangaise, aru chella khan ke di kene koise, “Lobi, aru khabi; eitu moi laga gau.” 27Aru Tar pora cup loi kene dhanyabad diya pasot te tarkhan ke dise, aru koise, “Tumikhan sob, eitu cup pora pi lobi; 28kilemane eitu moi laga khoon darai diya vachan ase, ki pora besi manuh paap pora khyama pabo. 29Tumikhan ke koi ase, Pitri laga rajyo te Moi eitu notun angur phol laga paani tumikhan logot napia tak, eitu angur paani tu aru napibo.”
Peter Pora Oshikar Laga Jisu He Aage Kua
30Aru tarkhan pora ekta gana gaa pasote, tarkhan Olives pahar te jaise. 31Tetiya Jisu he tarkhan ke koise, “Eitu raati te, Moi ke shari kene tumikhan sob polai jabo; kilemane eneka likhi kene ase, ‘Moi mer roikhya ke maribo, aru mer eke logot jama kori thaka tu alag alag polai jabo.’ 32Kintu Moi jinda utha pasote, Moi tumikhan laga aage te Galilee te jabo.” 33Peter pora kotha ulai kene Tar ke koise, “Apunar nam nimite, tarkhan sob polai jalebhi moi tu ketiya bhi napolabo.” 34Jisu he tar ke koise, “Hosa, moi tumi ke koi ase, eitu raati te, murga dag diya aage te, tumi moi ke tin bar oshikar koribo.” 35Peter he Tar ke koise, “Jodi moi tu apuni logote moribole holebhi, moi apuni ke oshikar nakoribo.” Aru teneka he chella khan sob pora koise.
Gethsemane Te Jisu Prathana
36Tetiya Jisu he tarkhan logote Gethsemane eneka kua jaga te jaise, aru Jisu pora chella khan ke koise, “Iyate bohibi, moi tate jai kene prathana koribo.” 37Aru Tar logote Peter aru Zebedee laga putro duijon loi kene, Tar besi kosto aru dukh hobole shuru hoise. 38Tetiya Jisu he tarkhan ke koise, “Moi laga atma, moribo nisna besi kosto ase; iyate thakibi aru moi logot eke hushier koribi.” 39Aru olop aage te jai kene, tar athukarhi kene prathana korise, “Moi laga Pitri, jodi parile, eitu cup tu moi pora hatai dibi; kintu, moi laga itcha te nahoi, kintu apuni keneka itcha ase eneka he hobi.” 40Aru Jisu he chella khan usor te ahhise aru tarkhan sob tu ghumai kene dekhise; aru Jisu he Peter ke koise, “Etiya Moi logot te tumi ek ghonta bhi uthi thakibo napare neki? 41Porikhya te najabo karne hushier kori kene prathana koribi; atma te tu hosa bhi itcha ase, kintu gau mangso tu komzur ase.” 42Arubhi dui bar tar jaise aru prathana korise, “Moi laga Pitri, jodi moi eitu napia tak hatabo napare, eitu bhi tumar itcha he hobi.” 43Arubhi Tar ahhi kene chella khan ghumai kene dekhise, kilemane tarkhan laga soku tu besi bhari hoise. 44Eitu karne, arubhi tarkhan shari kene, Jisu jaise, aru tin bar eke kotha tu koi kene prathana korise. 45Tetiya chella khan usor te Tar ahhi kene koise, “Tumikhan etiya tak ghumai kene aram loi ase neki? Sabi, homoi tu ahhi jaise, aru Manuh laga Putro tu paapi manuh khan laga haat te thogai di dise. 46Uthibi, amikhan jai jabo, sabi moi ke thogai diya khan ahhi kene ase.”
Jisu Thogai Kene Dhori Lua
47Ketiya Tar kotha koi thakise, barohjon majot te ekjon, eitu Judas ahhise, tar logot te prodhan puruhit aru bridho khan pora besi manuh taruwal aru rosi loi kene ahhise. 48Etiya thogai diya manuh he taikhan ke ekta sign dise, aru koise, “Moi ekjon ke chumma dibo, aru eitu he Tar ase; tar ke dhori lobi.” 49Aru tar loge loge Jisu usor te ahhise aru koise, “Namaskar, Guru-ji!” Aru tar pora Jisu ke chumma dise. 50Jisu he tar ke koise, “Saathi, tumi ki karne iyate ahhise eitu koribi?” Tetiya ahhi kene taikhan laga haat pora Jisu ke dhori loise. 51Aru sabi, Jisu logot thaka manuh khan majot te ekjon pora tar haat uthai kene taruwal ulaise, aru mahan puruhit laga nokor ekjon laga kan kati dise. 52Tetiya Jisu he tar ke koise, “Tumi laga taruwal tu nijor jaga te rakhi lobi; Kilemane kon he dao dhore, tar bhi eitu pora he harai jabo. 53Moi nijor laga Pitri logot te, sorgo dut barohjon legion pathai kene madad mangibole naparibo eneka tumi khan pora bhabna kori ase neki? 54Kintu eneka hole, Hastro te kua tu keneka hidho hobo?” 55Eitu homoi te Jisu he jama kori thaka manuh khan ke koise, “Dacoit ekjon birudhi te ahha nisna tumikhan taruwal aru rosi loi kene Moi ke dhoribole ahhise neki? Hodai din moi girja ghor te bohi kene sikhai thakise, aru tumikhan pora moi ke dhora nai. 56Kintu eitu khan sob eneka hua tu, bhavobadi khan pora hastro te ki koi kene thakise, eitu hidho hobo nimite hoise.” Tetiya chella khan sob pora Tar ke shari kene polai jaise.
Jisu Caiaphas Aage Te
57Tetiya kon pora Jisu ke dhori loise, taikhan pora loi kene mahan puruhit Caiaphas usor te anise, kon jaga te pondit khan aru bridho khan jama kori thakise. 58Kintu Peter pora olop dur te Jisu laga piche piche te jai kene, mahan puruhit laga ghor bahar tak jaise, aru bhitor te jai kene nokor khan logot te bohi kene ki hobo eitu sai thakise. 59Etiya prodhan puruhit khan aru rajyopal sob pora Jisu laga galti sakhi jama kori kene Tar ke morai dibole bisarise, aru 60galti sakhi besi anise kintu taikhan pora Jisu ke morai dibole sakhi ekta bhi pua nai. Hekh te duijon ulai ahhise 61aru koise, “Eitu manuh he koise, ‘Isor laga girja ghor tu bhangai kene, din tin te Moi bonabole paribo.’” 62Aru mahan puruhit pora khara korise aru koise, “Tumi eku kobo napare neki? Eitu manuh khan pora tumar birudhi te sakhi diya tu ki ase?” 63Kintu Jisu he chup-chap thakise. Aru mahan puruhit pora Tar ke koise, “Jivit Isor laga nam te moi kosom khai ase, jodi tumi Khrista, Isor laga Putro ase hole amikhan ke kobi.” 64Jisu he tar ke koise, “Tumi nijor pora eitu ase eneka koi dise. Kintu moi tumikhan ke kobo, etiya pora Manuh laga Putro tu Mahan Shakti laga daina haat te bohi kene, sorgo laga megh te ahha dekhibo.” 65Tetiya maha puruhit pora nijor kapoor tu phataise, aru koise, “Tar pora Isor ke ninda kora kotha koise. Amikhan aru dusera sakhi ki lagibo? Tumikhan pora etiya Isor ke ninda kora kotha Tar pora hunise. 66Tumikhan pora ki faisla kore?” Taikhan pora koise, “Tar moribole jugyo ase.” 67Tetiya taikhan pora Jisu laga mukh te thuk phelaise, aru marise; aru konuba pora thapor marise, 68aru koise, “Tumi Khrista, etiya bhavobani di kobi, Tumi ke mara tu kon ase?”
Peter Pora Jisu Ke Oshikar Kora
69Etiya Peter tu ghor bahar te bohi thakise. Aru ghor te kam kora nokorani ekjoni tar usor te ahhise, aru koise, “Tumi bhi Galilee laga Jisu logot te thakise” 70Kintu sob manuh aage te tar pora oshikar kori kene koise, “Tumi ki koi ase moi najane.” 71Aru ketiya tar ghor dorja usor te jaise, dusera kam kora nokorani ekjoni pora dekhise, aru tai pora usor te khara kora khan ke koise, “Eitu manuh bhi Nazareth laga Jisu logot te thakise.” 72Arubhi tar pora kosom khai kene oshikar kori kene koise, “Eitu manuh tu moi najane.” 73Olop pasot te usor te khara kori thaka manuh khan ahhise aru Peter ke koise, “Hosa tumi bhi tarkhan majot te ekjon thakise, kilemane tumi laga kotha awaz hisap te jani loi.” 74Tetiya tar pora nijor upor te haun di kene kosom khai koise, “Moi eitu manuh ke najane.” Aru loge loge murga pora dag dise. 75Aru Jisu he kua kotha tu Peter pora yaad korise, “Murga pora dag nadiya aage te, tumi moi ke tin bar oshikar koribo.” Aru tar bahar te ulai jai kene besi mon tita pora dukh hoi kene kandise.
Iliyochaguliwa sasa
MATTHEW 26: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MATTHEW 26
26
Jisu Ke Morai Dibole Bhabna
1Ketiya Jisu he eitu kotha kua khotom hoise, tar he nijor chella khan ke koise, 2“Tumikhan pora jane, dui din pasote Par-Hua porokh din ahhi ase, aru Manuh laga Putro tu kros te mora bole di dibo.”
3Tetiya prodhan puruhit khan aru zati majot te bridho khan, aru maha puruhit, kon ke Caiaphas eneka mate, tar laga raja ghor varanda te jama korise, 4aru Jisu keneka dhoribo aru morai dibo, eitu laga bhabna loi kene eke logot kotha milai loise. 5Kintu taikhan pora koise, “Eitu porokh homoi te nakoribo, jodi eneka hole manuh khan majote jhamela hobo.”
Bethany Te Jisu Ke Abishek Kora
6Ketiya Jisu ahhi kene Bethany te kuntho-rugi thaka Simon laga ghor te thakise, 7ekjoni tiruta pora besi dam laga alabaster dawai daba ekta loi kene ahhise, aru Jisu mez te bohi thaka homoi te, tiruta pora eitu sob Jisu laga matha te hali dise. 8Kintu ketiya chella khan pora eitu dekhise, tarkhan khushi pua nai, aru koise, “Kile eitu nosto kori ase? 9Kilemane eitu dawai tu besi dam pora bikiri kori kene poisa tu dukhiya khan ke dile bhall.” 10Kintu, Jisu he eitu jani kene koise, “Kile tumikhan pora tiruta ke digdar di ase? Kilemane tai pora Moi karne sundor kam kori ase. 11Kilemane tumikhan majot te dukhiya khan hodai thakibo, kintu tumikhan logot Moi tu hodai nathakibo. 12Eitu dawai moi laga gau te lagai diya tu Moi ke moidam dibo karne tai pora jugar kori ase. 13Hosa, Moi tumikhan ke koi ase, prithibi kon jaga te eitu Susamachar prachar koribo, eitu tiruta pora ki korise tai laga nam tu thakibo.”
Judas Pora Jisu Ke Thogai Diya
14Tetiya chella khan majot te ekjon, kon ke Judas Iscariot eneka mate, tar jai kene prodhan puruhit khan 15ke koise, “Moi jodi Jisu ke dhoribole dile, apunikhan pora moi ke ki dibo?” Aru tarkhan pora tris-ta chandi anikene tar ke dise. 16Aru eitu homoi pora keneka hole Jisu ke dhoribole dibo eitu laga bhall homoi bisari thakise.
Chella Khan Logot Par-Hua Porokh
17Etiya khomir nahala roti laga porokh prothom din te chella khan ahhi kene Jisu ke koise, “Amikhan bhi Par-Hua porokh khabole kot te jugar koribo?” 18Tar he koise, “Sohor te konuba ekjon logot te jabi, aru tar ke kobi, ‘Guru pora koise, Moi laga homoi pongchise; tumi laga ghor te chella khan logote Moi Par-Hua porokh khabo.’” 19Aru chella khan pora Jisu he ki janoni dise, eitu nisna korise, aru tarkhan pora Par-Hua porokh jugar kori loise.
20Ketiya sham ahhise, Tar chella barohjon logot mez te bohise; 21aru tarkhan khua homoi te, Jisu he koise, “Hosa, Moi tumi khan ke koi ase, tumi khan majot te ekjon pora Moi ke thogai dibo.” 22Aru tarkhan sob mon besi dukh hoise, aru ekjon pasot te ekjon eneka Tar ke hudibole shuru hoise, “Eitu moi neki, Prabhu?” 23Tar uttar dise, “Kon he tar laga haat pora moi laga thali te eke logot khabo, eitu manuh pora moi ke thogai dibo. 24Manuh laga Putro Tar karne keneka likhi ase eitu hisap te jai ase, kintu kon pora Manuh laga Putro ke thogai ase, tar karne bedona ase! Eitu manuh tu jonom nakora he tar karne bhall hobole asile.” 25Judas, kon pora Tar ke thogai dise, tar koise, “Eitu moi neki, Malik?” Jisu he tar ke koise, “Tumi he eitu koi dise.”
Prabhu Bhoj Sthapon Kora
26Etiya tarkhan khua homoi te, Jisu he roti loise, aru ashish di kene eitu bhangaise, aru chella khan ke di kene koise, “Lobi, aru khabi; eitu moi laga gau.” 27Aru Tar pora cup loi kene dhanyabad diya pasot te tarkhan ke dise, aru koise, “Tumikhan sob, eitu cup pora pi lobi; 28kilemane eitu moi laga khoon darai diya vachan ase, ki pora besi manuh paap pora khyama pabo. 29Tumikhan ke koi ase, Pitri laga rajyo te Moi eitu notun angur phol laga paani tumikhan logot napia tak, eitu angur paani tu aru napibo.”
Peter Pora Oshikar Laga Jisu He Aage Kua
30Aru tarkhan pora ekta gana gaa pasote, tarkhan Olives pahar te jaise. 31Tetiya Jisu he tarkhan ke koise, “Eitu raati te, Moi ke shari kene tumikhan sob polai jabo; kilemane eneka likhi kene ase, ‘Moi mer roikhya ke maribo, aru mer eke logot jama kori thaka tu alag alag polai jabo.’ 32Kintu Moi jinda utha pasote, Moi tumikhan laga aage te Galilee te jabo.” 33Peter pora kotha ulai kene Tar ke koise, “Apunar nam nimite, tarkhan sob polai jalebhi moi tu ketiya bhi napolabo.” 34Jisu he tar ke koise, “Hosa, moi tumi ke koi ase, eitu raati te, murga dag diya aage te, tumi moi ke tin bar oshikar koribo.” 35Peter he Tar ke koise, “Jodi moi tu apuni logote moribole holebhi, moi apuni ke oshikar nakoribo.” Aru teneka he chella khan sob pora koise.
Gethsemane Te Jisu Prathana
36Tetiya Jisu he tarkhan logote Gethsemane eneka kua jaga te jaise, aru Jisu pora chella khan ke koise, “Iyate bohibi, moi tate jai kene prathana koribo.” 37Aru Tar logote Peter aru Zebedee laga putro duijon loi kene, Tar besi kosto aru dukh hobole shuru hoise. 38Tetiya Jisu he tarkhan ke koise, “Moi laga atma, moribo nisna besi kosto ase; iyate thakibi aru moi logot eke hushier koribi.” 39Aru olop aage te jai kene, tar athukarhi kene prathana korise, “Moi laga Pitri, jodi parile, eitu cup tu moi pora hatai dibi; kintu, moi laga itcha te nahoi, kintu apuni keneka itcha ase eneka he hobi.” 40Aru Jisu he chella khan usor te ahhise aru tarkhan sob tu ghumai kene dekhise; aru Jisu he Peter ke koise, “Etiya Moi logot te tumi ek ghonta bhi uthi thakibo napare neki? 41Porikhya te najabo karne hushier kori kene prathana koribi; atma te tu hosa bhi itcha ase, kintu gau mangso tu komzur ase.” 42Arubhi dui bar tar jaise aru prathana korise, “Moi laga Pitri, jodi moi eitu napia tak hatabo napare, eitu bhi tumar itcha he hobi.” 43Arubhi Tar ahhi kene chella khan ghumai kene dekhise, kilemane tarkhan laga soku tu besi bhari hoise. 44Eitu karne, arubhi tarkhan shari kene, Jisu jaise, aru tin bar eke kotha tu koi kene prathana korise. 45Tetiya chella khan usor te Tar ahhi kene koise, “Tumikhan etiya tak ghumai kene aram loi ase neki? Sabi, homoi tu ahhi jaise, aru Manuh laga Putro tu paapi manuh khan laga haat te thogai di dise. 46Uthibi, amikhan jai jabo, sabi moi ke thogai diya khan ahhi kene ase.”
Jisu Thogai Kene Dhori Lua
47Ketiya Tar kotha koi thakise, barohjon majot te ekjon, eitu Judas ahhise, tar logot te prodhan puruhit aru bridho khan pora besi manuh taruwal aru rosi loi kene ahhise. 48Etiya thogai diya manuh he taikhan ke ekta sign dise, aru koise, “Moi ekjon ke chumma dibo, aru eitu he Tar ase; tar ke dhori lobi.” 49Aru tar loge loge Jisu usor te ahhise aru koise, “Namaskar, Guru-ji!” Aru tar pora Jisu ke chumma dise. 50Jisu he tar ke koise, “Saathi, tumi ki karne iyate ahhise eitu koribi?” Tetiya ahhi kene taikhan laga haat pora Jisu ke dhori loise. 51Aru sabi, Jisu logot thaka manuh khan majot te ekjon pora tar haat uthai kene taruwal ulaise, aru mahan puruhit laga nokor ekjon laga kan kati dise. 52Tetiya Jisu he tar ke koise, “Tumi laga taruwal tu nijor jaga te rakhi lobi; Kilemane kon he dao dhore, tar bhi eitu pora he harai jabo. 53Moi nijor laga Pitri logot te, sorgo dut barohjon legion pathai kene madad mangibole naparibo eneka tumi khan pora bhabna kori ase neki? 54Kintu eneka hole, Hastro te kua tu keneka hidho hobo?” 55Eitu homoi te Jisu he jama kori thaka manuh khan ke koise, “Dacoit ekjon birudhi te ahha nisna tumikhan taruwal aru rosi loi kene Moi ke dhoribole ahhise neki? Hodai din moi girja ghor te bohi kene sikhai thakise, aru tumikhan pora moi ke dhora nai. 56Kintu eitu khan sob eneka hua tu, bhavobadi khan pora hastro te ki koi kene thakise, eitu hidho hobo nimite hoise.” Tetiya chella khan sob pora Tar ke shari kene polai jaise.
Jisu Caiaphas Aage Te
57Tetiya kon pora Jisu ke dhori loise, taikhan pora loi kene mahan puruhit Caiaphas usor te anise, kon jaga te pondit khan aru bridho khan jama kori thakise. 58Kintu Peter pora olop dur te Jisu laga piche piche te jai kene, mahan puruhit laga ghor bahar tak jaise, aru bhitor te jai kene nokor khan logot te bohi kene ki hobo eitu sai thakise. 59Etiya prodhan puruhit khan aru rajyopal sob pora Jisu laga galti sakhi jama kori kene Tar ke morai dibole bisarise, aru 60galti sakhi besi anise kintu taikhan pora Jisu ke morai dibole sakhi ekta bhi pua nai. Hekh te duijon ulai ahhise 61aru koise, “Eitu manuh he koise, ‘Isor laga girja ghor tu bhangai kene, din tin te Moi bonabole paribo.’” 62Aru mahan puruhit pora khara korise aru koise, “Tumi eku kobo napare neki? Eitu manuh khan pora tumar birudhi te sakhi diya tu ki ase?” 63Kintu Jisu he chup-chap thakise. Aru mahan puruhit pora Tar ke koise, “Jivit Isor laga nam te moi kosom khai ase, jodi tumi Khrista, Isor laga Putro ase hole amikhan ke kobi.” 64Jisu he tar ke koise, “Tumi nijor pora eitu ase eneka koi dise. Kintu moi tumikhan ke kobo, etiya pora Manuh laga Putro tu Mahan Shakti laga daina haat te bohi kene, sorgo laga megh te ahha dekhibo.” 65Tetiya maha puruhit pora nijor kapoor tu phataise, aru koise, “Tar pora Isor ke ninda kora kotha koise. Amikhan aru dusera sakhi ki lagibo? Tumikhan pora etiya Isor ke ninda kora kotha Tar pora hunise. 66Tumikhan pora ki faisla kore?” Taikhan pora koise, “Tar moribole jugyo ase.” 67Tetiya taikhan pora Jisu laga mukh te thuk phelaise, aru marise; aru konuba pora thapor marise, 68aru koise, “Tumi Khrista, etiya bhavobani di kobi, Tumi ke mara tu kon ase?”
Peter Pora Jisu Ke Oshikar Kora
69Etiya Peter tu ghor bahar te bohi thakise. Aru ghor te kam kora nokorani ekjoni tar usor te ahhise, aru koise, “Tumi bhi Galilee laga Jisu logot te thakise” 70Kintu sob manuh aage te tar pora oshikar kori kene koise, “Tumi ki koi ase moi najane.” 71Aru ketiya tar ghor dorja usor te jaise, dusera kam kora nokorani ekjoni pora dekhise, aru tai pora usor te khara kora khan ke koise, “Eitu manuh bhi Nazareth laga Jisu logot te thakise.” 72Arubhi tar pora kosom khai kene oshikar kori kene koise, “Eitu manuh tu moi najane.” 73Olop pasot te usor te khara kori thaka manuh khan ahhise aru Peter ke koise, “Hosa tumi bhi tarkhan majot te ekjon thakise, kilemane tumi laga kotha awaz hisap te jani loi.” 74Tetiya tar pora nijor upor te haun di kene kosom khai koise, “Moi eitu manuh ke najane.” Aru loge loge murga pora dag dise. 75Aru Jisu he kua kotha tu Peter pora yaad korise, “Murga pora dag nadiya aage te, tumi moi ke tin bar oshikar koribo.” Aru tar bahar te ulai jai kene besi mon tita pora dukh hoi kene kandise.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.