MATTHEW 23
23
Pharisees Aru Pondit Karne Satta Bedona
1Tetiya Jisu he jama kori thaka manuh khan aru Tar chella khan ke koise, 2Pondit khan aru Pharisees khan pora Moses laga soki te bohi ase; 3Eitu nimite taikhan pora ki koi ase, eitu palon koribi aru mani lobi, kintu taikhan pora ki kori ase eitu nakoribi; kilemane taikhan pora dusera ke sikhai di ase, kintu taikhan nijor pora palon nakore. 4Taikhan pora besi bhari khang bandhi kene, manuh khan upor te besi tan bukhibole di ase; kintu taikhan nijor pora tu hole, taikhan laga anguli pora bhi nachui. 5Taikhan tu hole, manuh khan pora dekhi bole laga kam he kore; kilemane taikhan pora nijor laga tabij tu dangor bonai kene lagai aru dhorom laga kapoor besi lamba bonai kene lagai, 6aru taikhan pora sonman kora jaga te bhall pai, aru girja ghor te sob pora bhall jaga te he bohibole monn, 7aru bazar jaga te bhi manuh khan pora salam pabole he bisare, aru manuh khan pora “guru-ji” eneka mata tu bhall pai. 8Kintu tumikhan tu guru eneka matibole nadibi, kilemane tumi khan laga ekta guru ase, aru tumi khan sob tu eke bhai he ase. 9Aru prithibi te kon ke bhi pitri eneka namatibi, kilemane tumi khan sob laga pitri ekta he ase, kon sorgo te ase. 10Guru eneka bhi namatibi, kilemane tumi khan laga guru ekta ase, eitu tu Khrista. 11Tumikhan majote kon he sob pora dangor ase, tar he sob laga nokor hobi; 12Kon he nijor ke dangor kore, tai nomro hobole dibo, aru kon he nomro ase tai ke uthai dibo.
13Kintu tumikhan bedona ase, pondit aru pharisees, kopoti khan! Kilemane tumikhan pora sorgo rajyo raasta manuh khan karne bond kori di ase; kilemane tumikhan bhi najai, nahole jabole monn hua manuh khan bhi jabole nadiye.#23:13 based text te v. 14 tu likha nai 15Tumikhan bedona ase, pondit aru pharisees, kopotiya khan! Tumikhan pora ekjon hole bhi Jews laga dhorom te anibole sob jaga phale jai aru samundor par kori kene bhi jai, aru ketiya tar Jews laga dhorom te ahhibo, tetiya tumikhan pora tar ke duibar pora bhi besi norok laga bacha bonai di ase.
16“Tumikhan bedona ase, andha aage phale loi jua khan, kon he eneka koi ase, ‘Jodi konuba manuh pora mondoli ghor nam loi kene kosom khai, eitu eku nahoi; kintu jodi konuba pora mondoli te thaka sona laga nam loi kene kosom khai, eitu kosom pora taikhan ke bandhi ase.’ 17Tumikhan okora andha khan! Kilemane kon tu dangor ase, sona na, nahole mondoli ghor, sona tu dhorom laga kam pora safa kori diya karne he pobitro bostu hobole dise nahoi? 18Aru tumikhan pora koi ase, ‘Jodi konuba pora bedit pora kosom khai, eitu eku nahoi; kintu bedit te ki bostu ase, eitu pora kosom khale, tai ki kosom khaise eitu pora bandhi ase.’ 19Tumikhan andha manuh khan! Kon tu dangor ase, daan na, nahole bedit, eitu bedit nahoi? Ki pora daan tu safa kori diya karne he pobitro bostu hobole dise? 20Eitu karne kon pora bedit pora kosom khaise, bedit aru tate ki ase eitu khan sob loi kene kosom khaise; 21aru kon pora mondoli pora kosom khaise, mondoli aru tate ki ase eitu khan sob loi kene kosom tu khaise; 22aru kon pora sorgo pora kosom khaise, Isor laga singsason aru tate kon bohi ase Tar ke bhi loi kene kosom tu khaise.
23“Tumikhan bedona ase, pondit aru pharisees, kopoti khan! Kilemane tumikhan pora pudina, soff aru jira sob te dos-bhag thik di thake, kintu kanoon laga dangor kam; niyai, doya aru anugrah tu hisap bhi nai; tumikhan eitu bhi nashari kene dusera tu cholabo lagisile. 24Tumikhan andha aage te loi jua khan, tumikhan makhi tu khedai ase, kintu ut tu nili loi!
25“Tumikhan bedona ase, pondit aru pharisees, kopoti khan! Kilemane tumikhan laga cup aru thali bahar tu safa ase, kintu bhitor tu jobor josti pora jama kora bostu pora bhorta ase. 26Tumikhan andha pharisees khan! Safa cup aru thali bhitor tu safa korilobi, tetiya bahar bhi safa hoi jabo.
27“Tumikhan bedona ase, pondit aru pharisees, kopoti khan! Kilemane tumikhan tu boga hoi kene safa thaka koborsthan nisna ase, bahar te tu hole sabole sundor nisna, kintu bhitor te tu hole mora manuh laga hardi aru letra sob ase. 28Eitu nisna tumikhan bhi bahar te manuh khan aage te tu hole dharmik nisna sai, kintu tumi laga jivon tu kopot aru kanoon hisap nathaka bhorta ase.
29“Tumikhan bedona ase, pondit aru pharisees, kopotiya khan! Kilemane tumikhan pora bhavobadi khan laga koborsthan bhall pora bonai ase, aru dharmik manuh laga nam tu bhall pora rakhi ase, 30aru koi, ‘Jodi pitri khan laga din te amikhan thakise hole, bhavobadi ke morai diya kam te bhag nakoribole thakise.’ 31Teneka, tumikhan tu bhavobadi khan ke morai diya pitri laga bacha khan ase, eneka tumikhan nijor pora sakhi di ase. 32Tetiya, tumikhan pitri pora ki pongcha nai eitu bhorta kori lobi. 33Tumi sanp nisna chalaki khan, tumi norok te jabole thaka pora keneka bachabo? 34Eitu karne Moi tumikhan usor te bhavobadi khan aru gyani khan, kanoon pondit khan pathaise, tarkhan majote konuba tumikhan pora kros te morai dibole ase, aru konuba tumikhan pora tumikhan laga girja ghor te dondo dibo aru nagor pora nagor tak jai kene tarona dibo, 35tetiya dharmik manuh kiman prithibi te morai dise, eku galti nathaka Abel laga khoon pora shuru hoi kene Barachiah laga putro Zechariah laga khoon tak, kon tumikhan pora aradhana jaga aru bedit majot te morai dise, tarkhan laga khoon sob tu tumikhan upor te giribo. 36Hosa Moi tumikhan ke koi ase, eitu khan sob tu eitu jugh upor te giribo.
Jerusalem Karne Vilap
37“Oh! Jerusalem, Jerusalem, bhavobadi khan morai diya aru tumikhan karne pathai diya manuh khan sob pathor pora mari kene morai diya! Moi kiman bar tumikhan laga bacha ke, murgi amaa ekta pora bacha ke jama kora nisna, jama koribole sesta korise, kintu tumi mana nai! 38Sabi, tumikhan laga ghor khali hoi kene shari dibo. 39Kilemane Moi koi ase, ki din te tumikhan pora kobo, ‘Prabhu laga nam te kon ahhi ase Tar ashish’ eneka nakua tak, tumikhan Moi ke aru nadekhibo.”
Iliyochaguliwa sasa
MATTHEW 23: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MATTHEW 23
23
Pharisees Aru Pondit Karne Satta Bedona
1Tetiya Jisu he jama kori thaka manuh khan aru Tar chella khan ke koise, 2Pondit khan aru Pharisees khan pora Moses laga soki te bohi ase; 3Eitu nimite taikhan pora ki koi ase, eitu palon koribi aru mani lobi, kintu taikhan pora ki kori ase eitu nakoribi; kilemane taikhan pora dusera ke sikhai di ase, kintu taikhan nijor pora palon nakore. 4Taikhan pora besi bhari khang bandhi kene, manuh khan upor te besi tan bukhibole di ase; kintu taikhan nijor pora tu hole, taikhan laga anguli pora bhi nachui. 5Taikhan tu hole, manuh khan pora dekhi bole laga kam he kore; kilemane taikhan pora nijor laga tabij tu dangor bonai kene lagai aru dhorom laga kapoor besi lamba bonai kene lagai, 6aru taikhan pora sonman kora jaga te bhall pai, aru girja ghor te sob pora bhall jaga te he bohibole monn, 7aru bazar jaga te bhi manuh khan pora salam pabole he bisare, aru manuh khan pora “guru-ji” eneka mata tu bhall pai. 8Kintu tumikhan tu guru eneka matibole nadibi, kilemane tumi khan laga ekta guru ase, aru tumi khan sob tu eke bhai he ase. 9Aru prithibi te kon ke bhi pitri eneka namatibi, kilemane tumi khan sob laga pitri ekta he ase, kon sorgo te ase. 10Guru eneka bhi namatibi, kilemane tumi khan laga guru ekta ase, eitu tu Khrista. 11Tumikhan majote kon he sob pora dangor ase, tar he sob laga nokor hobi; 12Kon he nijor ke dangor kore, tai nomro hobole dibo, aru kon he nomro ase tai ke uthai dibo.
13Kintu tumikhan bedona ase, pondit aru pharisees, kopoti khan! Kilemane tumikhan pora sorgo rajyo raasta manuh khan karne bond kori di ase; kilemane tumikhan bhi najai, nahole jabole monn hua manuh khan bhi jabole nadiye.#23:13 based text te v. 14 tu likha nai 15Tumikhan bedona ase, pondit aru pharisees, kopotiya khan! Tumikhan pora ekjon hole bhi Jews laga dhorom te anibole sob jaga phale jai aru samundor par kori kene bhi jai, aru ketiya tar Jews laga dhorom te ahhibo, tetiya tumikhan pora tar ke duibar pora bhi besi norok laga bacha bonai di ase.
16“Tumikhan bedona ase, andha aage phale loi jua khan, kon he eneka koi ase, ‘Jodi konuba manuh pora mondoli ghor nam loi kene kosom khai, eitu eku nahoi; kintu jodi konuba pora mondoli te thaka sona laga nam loi kene kosom khai, eitu kosom pora taikhan ke bandhi ase.’ 17Tumikhan okora andha khan! Kilemane kon tu dangor ase, sona na, nahole mondoli ghor, sona tu dhorom laga kam pora safa kori diya karne he pobitro bostu hobole dise nahoi? 18Aru tumikhan pora koi ase, ‘Jodi konuba pora bedit pora kosom khai, eitu eku nahoi; kintu bedit te ki bostu ase, eitu pora kosom khale, tai ki kosom khaise eitu pora bandhi ase.’ 19Tumikhan andha manuh khan! Kon tu dangor ase, daan na, nahole bedit, eitu bedit nahoi? Ki pora daan tu safa kori diya karne he pobitro bostu hobole dise? 20Eitu karne kon pora bedit pora kosom khaise, bedit aru tate ki ase eitu khan sob loi kene kosom khaise; 21aru kon pora mondoli pora kosom khaise, mondoli aru tate ki ase eitu khan sob loi kene kosom tu khaise; 22aru kon pora sorgo pora kosom khaise, Isor laga singsason aru tate kon bohi ase Tar ke bhi loi kene kosom tu khaise.
23“Tumikhan bedona ase, pondit aru pharisees, kopoti khan! Kilemane tumikhan pora pudina, soff aru jira sob te dos-bhag thik di thake, kintu kanoon laga dangor kam; niyai, doya aru anugrah tu hisap bhi nai; tumikhan eitu bhi nashari kene dusera tu cholabo lagisile. 24Tumikhan andha aage te loi jua khan, tumikhan makhi tu khedai ase, kintu ut tu nili loi!
25“Tumikhan bedona ase, pondit aru pharisees, kopoti khan! Kilemane tumikhan laga cup aru thali bahar tu safa ase, kintu bhitor tu jobor josti pora jama kora bostu pora bhorta ase. 26Tumikhan andha pharisees khan! Safa cup aru thali bhitor tu safa korilobi, tetiya bahar bhi safa hoi jabo.
27“Tumikhan bedona ase, pondit aru pharisees, kopoti khan! Kilemane tumikhan tu boga hoi kene safa thaka koborsthan nisna ase, bahar te tu hole sabole sundor nisna, kintu bhitor te tu hole mora manuh laga hardi aru letra sob ase. 28Eitu nisna tumikhan bhi bahar te manuh khan aage te tu hole dharmik nisna sai, kintu tumi laga jivon tu kopot aru kanoon hisap nathaka bhorta ase.
29“Tumikhan bedona ase, pondit aru pharisees, kopotiya khan! Kilemane tumikhan pora bhavobadi khan laga koborsthan bhall pora bonai ase, aru dharmik manuh laga nam tu bhall pora rakhi ase, 30aru koi, ‘Jodi pitri khan laga din te amikhan thakise hole, bhavobadi ke morai diya kam te bhag nakoribole thakise.’ 31Teneka, tumikhan tu bhavobadi khan ke morai diya pitri laga bacha khan ase, eneka tumikhan nijor pora sakhi di ase. 32Tetiya, tumikhan pitri pora ki pongcha nai eitu bhorta kori lobi. 33Tumi sanp nisna chalaki khan, tumi norok te jabole thaka pora keneka bachabo? 34Eitu karne Moi tumikhan usor te bhavobadi khan aru gyani khan, kanoon pondit khan pathaise, tarkhan majote konuba tumikhan pora kros te morai dibole ase, aru konuba tumikhan pora tumikhan laga girja ghor te dondo dibo aru nagor pora nagor tak jai kene tarona dibo, 35tetiya dharmik manuh kiman prithibi te morai dise, eku galti nathaka Abel laga khoon pora shuru hoi kene Barachiah laga putro Zechariah laga khoon tak, kon tumikhan pora aradhana jaga aru bedit majot te morai dise, tarkhan laga khoon sob tu tumikhan upor te giribo. 36Hosa Moi tumikhan ke koi ase, eitu khan sob tu eitu jugh upor te giribo.
Jerusalem Karne Vilap
37“Oh! Jerusalem, Jerusalem, bhavobadi khan morai diya aru tumikhan karne pathai diya manuh khan sob pathor pora mari kene morai diya! Moi kiman bar tumikhan laga bacha ke, murgi amaa ekta pora bacha ke jama kora nisna, jama koribole sesta korise, kintu tumi mana nai! 38Sabi, tumikhan laga ghor khali hoi kene shari dibo. 39Kilemane Moi koi ase, ki din te tumikhan pora kobo, ‘Prabhu laga nam te kon ahhi ase Tar ashish’ eneka nakua tak, tumikhan Moi ke aru nadekhibo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.