Piiluu 22
22
Naaŋmen Naŋ Ko Aboraham Noɔre Ka O De Aizik Maale Bagre
1 #
Hib 11:17; Gye 1:12 A yɛlɛ ama puoriŋ, Naaŋmen da e la a Aboraham nyɛ. O da boɔle o la, “Aboraham!” Ka o da sɔge, “Maa la ŋa.” 2#2 Teŋ 3:1 Ka O da yeli, “De a fo bidɔɔ, a fo bidɔɔ-yeni yoŋ fo naŋ nɔnɔ, a gaa a Moriya teŋɛ a te maale maalkondi bagre ko ma a tanne kaŋ zu N naŋ na wuli fo.” 3A Aboraham pãã da daŋ ne la iruu bagu-pipi saŋ, a nare o boma pare o boŋɔ zu, a de o tontombiiri bayi ka ba beɛle o ane o bidɔɔ Aizik. O da bɔ la a daare o naŋ na maale ne a maalkondi bagre a yi gɛrɛ a be Naaŋmen naŋ da wuli o. 4A beri ata daare, a Aboraham da doɔ la o zu a nyɛ a zie o niŋeŋ tɔɔre zaa. 5A Aboraham pãã da yeli ko la a o tontombiiri, “Yɛ are a kyɛ ane a boŋɔ kyɛ ka maa ne a bie tɔle gaa nimitɔɔre a te puori Naaŋmen kyɛ leɛ wa a yɛ zie.” 6A Aboraham da de la a daare o naŋ na maale ne a maalkondi bagre tuo a o bidɔɔ Aizik kyɛ ka o meŋɛ da taa a vũũ ane a soɔ, ka ba zaa bayi da laŋ kyɛnɛ. 7A Aizik da boɔle la o saa Aboraham, “N Saa!” Ka a saa da sɔge, “Maa la ŋa, N bidɔɔ.” Ka o da yeli, “Nyɛ a vũũ ane a daare la kyɛ, kyɛ yeŋ ka a maalkondi bagre pelee be?” 8Ka a Aboraham da yelsɔge, “N bidɔɔ, a Naaŋmen meŋɛ la na tere a maalkondi bagre pelee.” Lɛ la ka ba zaa bayi da laŋ kyɛnɛ gɛrɛ.
9Ba naŋ da wa ta a zie na Naaŋmen naŋ da wuli a Aboraham, a Aboraham da mɛ la bagmaalkuuri a be, a de a daare tɛ o zu. O da leŋ la a o bidɔɔ Aizik, a de o dɔgle a daare o naŋ tɛ a bagmaalkuuri zu. 10#Gye 2:21 A Aboraham pãã da teɛ la o nu a de a soɔ ka o kɔrre ne a o bidɔɔ. 11Kyɛ a DAANA maleke da boɔle la a Aboraham yi sazu poɔ a yeli, “Aboraham, Aboraham!” Ka o da sɔge, “Maa la ŋa.” 12#Gyɛ 7:31; Rom 8:32 Ka a maleke da yeli, “Ta wa derɛ fo nu seenɛ a bie bee a erɛ o yelzaa, bonso, pampana, N baŋ ka fo zoro la Naaŋmen ne fo naŋ ba mɔŋ ma a fo bidɔɔ, a fo bidɔɔ-yenaa yoŋ.” 13A Aboraham da doɔ la o zu a nyɛ pedaa o eelɛ naŋ lere tuu daare eŋɛ. A Aboraham da te nyɔge la a pedaa ka o leɛre a o bidɔɔ zu ka o de maale ne a maalkondi bagre. 14Lɛ la ka a Aboraham da pore a zie na yuori, “A DAANA la na tere”; aŋa lɛ ba naŋ naŋ boɔlɔ a zie a wa te tɔ zenɛ, “A DAANA taŋzu la ka ba na tere.”
15A DAANA maleke da boɔle la a Aboraham a boyi soba yi sazu, 16#Hib 6:13 a da yeli, “N pɔ la N meŋɛ, a DAANA la yele: Fo naŋ e a yeli ŋa zuiŋ, a ba zagre ka fo ko ma a fo bidɔɔ, a fo bidɔɔ-yeni yoŋ, 17#Piil 13:16; 15:5; Hib 11:12; Piil 24:60 N sereŋ na maale fo la, a e ka a fo bale yɛle yaga aŋa a sazu ŋmarbie bee aŋa a mane noɔre biiree. A fo boorɔ na zɔɔtoɔ̃ la ba dɔndɔnne a ŋma ba tenne, 18#Piil 12:3; Gal 3:16 ka a tendaa nemboorɔ zaa na tu ba zie nyɛ maaloo ko bamenne, fo naŋ sage a N noɔre zuiŋ.” 19Lɛ la ka Aboraham da leɛ gaa a o tontombiiri na zie ka ba da laŋ gaa a Bɛɛ-seba teŋɛ. A Aboraham da te kpeɛrɛ la a Bɛɛ-seba teŋɛ poɔ.
A Nahɔ Biiri
20 #
Piil 11:29
A yɛlɛ ama puoriŋ, ba da yeli ko la a Aboraham, “A Milka meŋ dɔge la biiri ko a fo yɔɔ Nahɔ: 21Uzi da la a bidɔɔ-dɛŋ, ka o yɔɔ e Buz, ka Kɛmuwɛl e Aram saa, 22Kyɛsed, Hazo, Pilidas, Gyedilaf ane Bɛtuwɛl.” 23#Piil 24:15 A Rebɛka saa da la a Bɛtuwɛl. A biiri banii bama la ka a Milka da dɔge ko a Aboraham yɔɔ Nahɔ. 24A Nahɔ pɔg-kpɛglaa kaŋ ba naŋ da boɔlɔ Reuma da dɔge la Tɛba, Gaham, Tahas ane Maaka.
Iliyochaguliwa sasa
Piiluu 22: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.