Piiluu 21
21
A Aizik Dɔgebo Yɛlɛ
1 #
Piil 18:10
A DAANA da maale la a Saara a seŋ lɛ o naŋ da yeli. A DAANA da e ko la a Saara a lɛ O naŋ da eŋ noɔre ka O na e ko o la. 2#Hib 11:11 A Saara da taa la poɔ a dɔge bidɔɔ ko a Aboraham a o koroo saŋ, a saŋ na poɔ Naaŋmen naŋ da yeli kyaare ne. 3#Piil 17:19 A Aboraham da pore la a o bidɔɔ a Saara naŋ da dɔge ko o yuori ka Aizik. 4#Piil 17:11-12 A Aboraham da iri la a o bidɔɔ Aizik dɛgre o naŋ da wa ta beri anii a seŋ lɛ Naaŋmen naŋ da ko o noɔre. 5#Piil 17:17; Rom 4:19 A Aboraham da nyɛ la yuomo kɔɔ a saŋ o naŋ da dɔge a o bidɔɔ Aizik. 6#Piil 18:12 A Saara da yelee la, “Naaŋmen eŋ la laare n noɔreŋ, neɛzaa naŋ woŋ a yeli ŋa na laŋ ne ma la laara.” 7A Saara da la yelee la, “Nembuo la da na toɔ̃ yeli ko Aboraham ka Saara na taa la biiri ka ba ɛnne o bere? Kyɛ N dɔge la bidɔɔ ko o, a o koroo saŋ.”
A Heega Ane Isemɛɛl Dig-baroo Yɛlɛ
8A bie da baaɛ la ka ba ŋmaa o bere. A Aboraham da maale la tig-kpoŋ a bebiri na daare ba naŋ da ŋmaa a Aizik bere. 9Daare kaŋ, a Saara da nyɛ la a Heega naŋ yi a Igyipiti teŋɛ bidɔɔ na o ne a Aboraham naŋ da dɔge ka o deɛnɛ ne o bidɔɔ Aizik. 10#Gal 4:30 Lɛ la ka o da yeli ko a Aboraham, “Digi a gbaŋgbaa ŋa ane o bidɔɔ bare, bonso, a gbaŋgbaa ŋa bidɔɔ koŋ laŋ ne a n bidɔɔ di a te gbandi-boma.” 11A yeli ŋa da e la posãã yaga ko a Aboraham a o bidɔɔ zuiŋ. 12#Rom 9:7-8; Hib 11:18 Kyɛ Naaŋmen da yeli ko la a Aboraham, “Ta vɛŋ ka fo poɔ sãã a fo bidɔɔ ane a fo gbaŋgba-pɔge yɛlɛ. Lɛ zaa a Saara naŋ yeli ko fo, e a lɛ o naŋ yeli, bonso, a Aizik zie la ka fo na taa boorɔ ka a fo yuori porɔ. 13#Piil 17:20 Kyɛ a gbaŋgba-pɔge bidɔɔ eŋ, N na e la ka o boorɔ meŋ yɛle leɛ paaloŋ, bonso, o meŋ waa la fo bidɔgraa.” 14A Aboraham da daŋ ne la iruu baguo saŋ, a de boroboro ane koɔre naŋ paale ne koɔ̃ ko a Heega ka o tuo kyɛ mare a bie, a bare o sori ka o gɛrɛ. A Heega da gaa te yɔ daara la a Bɛɛ-seba wɛgyɛŋ poɔ.
15A koɔ̃ naŋ da wa baare a koɔre poɔ, o da de la a bie zegle bare telee kaŋ pare. 16O da gyɛŋ yi la puori a te zeŋ tɔɔre tori a bie zie naŋ seŋ ŋa ba naŋ teɛ pii ka o te le; kyɛ da teɛre o poɔŋ, “N ba boɔrɔ ka N nyɛ a bie ŋa kũũ.” O naŋ da wa zeŋ tɔɔre zaa tori a bie, o da vaa la kɔkɔre a kono. 17Naaŋmen da woŋ la a bie naŋ kono; ka a Naaŋmen maleke da boɔle a Heega yi sazu a soore, “Boŋ la ferɛ fo, Heega? Ta zoro dabeɛ̃; bonso Naaŋmen woŋ la a bie konni a be o naŋ be. 18Wa nyɔge a bie de, a nyɔge o taa kpeɛŋaa fo nuuri poɔ, bonso, N na e la ka o boorɔ yɛle a e paaloŋ kpoŋ.” 19Lɛ la ka a Naaŋmen da yuo o nimie ka o da nyɛ bulee naŋ taa koɔ̃. O da gaa te ɔŋ la koɔ̃ paale a koɔre a tuuli a bie a mine ka o nyu.
20Naaŋmen da gu la a bie ka o baa. O da kpeɛrɛ la a wɛgyɛŋ poɔ, a da baŋ tammo teɛbo yaga. 21#Piil 16:3 O da kpeɛrɛ la a Paran wɛgyɛŋ poɔ, ka o ma da de pɔge yi Igyipiti teŋɛ wa ko o.
A Aboraham Ane Abimɛlɛk Naŋ Eŋ Noɔre Ko Taa
22 #
Piil 26:26
A saŋ na poɔ, Abimɛlɛk ane o sogyɛre neŋkpoŋ ba naŋ boɔlɔ Fikɔl da yeli ko la a Aboraham, “Yelzaa fo naŋ erɛ poɔ, Naaŋmen are la fo puoriŋ. 23#Piil 20:15 A lɛ zuiŋ, pɔ Naaŋmen pampana ŋa ka fo koŋ bɛlle ma bee a bɛlle n biiri bee n yããmine, kyɛ kaa lɛ N naŋ taa fo ne yelmennoŋ, a meŋ taa ma a lɛ ane a teŋɛ fo naŋ kpeɛrɛ a e saana.” 24Ka a Aboraham da yeli, “N pɔ la a lɛ.”
25 #
Piil 26:15, 18 A Aboraham naŋ da wa yeli ko a Abimɛlɛk ka Abimɛlɛk tontombiiri faa la o bulee, 26a Abimɛlɛk da leɛ yelee la, “N ba baŋ neɛ na naŋ e a yeli ŋa. Fo ba yeli ko ma, kyɛ N ba woŋaa meŋ ka zenɛ naane.” 27A Aboraham da nyɔge la peere ane nii ko a Abimɛlɛk, ka ba bayi da eŋ noɔre ko taa. 28A Aboraham da iri la pesare ayopoĩ eŋ a yoŋ zie. 29A Abimɛlɛk da soore la a Aboraham, “A pesare ayopoĩ ŋa fo naŋ iri eŋ a yoŋ zie tɛgɛ la boŋ?” 30Ka a Aboraham yelsɔge, “Sage de a pesare ayopoĩ ŋa yi n nuuriŋ, ka a e danseɛ fo zie ka maa la tu a bulee ŋa.” 31#Piil 26:33 A lɛ zuiŋ, ba da pore la a zie yuori ka Bɛɛ-seba#21:31 Bɛɛ-seba: A Bɛɛ-seba tɛgɛ la Ayopoĩ bulee bee Nɔ-eŋ bulee. bonso, a be la ka ba zaa bayi da eŋ noɔre ko taa. 32Ba naŋ da wa eŋ a noɔre ko taa a Bɛɛ-seba teŋɛ poɔ, a Abimɛlɛk ne a o sogyɛre neŋkpoŋ yuori naŋ di Fikɔl da iri leɛ gaa la a Filistan paaloŋ. 33#Piil 12:8; Aza 40:28; Rom 16:26 A Aboraham da sɛle la teɛ kaŋ ba naŋ boɔlɔ tamaris a Bɛɛ-seba poɔ, a da puori a DAANA Naaŋmen Naŋ Ba Taa Baaraa. 34A Aboraham da e la nɔɔraa a zeŋ a Filistan paaloŋ ka a kɔɔre.
Iliyochaguliwa sasa
Piiluu 21: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.