Genesis 1
1
Mnungu ivo aumbaga isi
1Aho nk'hongo Mnungu aumbaga mbingu na si. 2Si hayandaga enga ivo ili haluse naho yandaga heiina kint'hu. Ziza kulu dyagubikaga mazi matali ayo yagubikaga kila hant'hu, naho Muye ywa Mnungu andaga akayeya mwa mazi. 3Mnungu niyo agamba, “Kunde ung'azi” niyo kwanda unga'zi. 4Mnungu auwonaga udya ung'azi kugamba ni wedi. Naho aho aupangaga ung'azi no lwiza, 5niyo Mnungu awitanga ung'azi “Msi”. Ulwiza nalo alwitanga “Kilo”. Zuwa niyo dyaswa, niyo kwacha, idyo dyandaga zuwa dya nk'hongo.
6Mnungu agambaga, “Kunde pwazi, diyapange amazi” niyo vanda ivo. 7Mnungu adamanyaga pwazi, niyo ayapanga mazi ye kwe mbingu na yadya ye hasi ye mbingu. Niyo vanda ivo. 8Mnungu aditangaga dipwazi idyo “Ulanga.” Niyo dyaswa, niyo kwacha, idyo dyandaga zuwa dya kaidi.
9Mnungu niyo agamba, “Mazi ye hasi yo ulanga yakeduganye hamwenga, vileke hant'hu hanyaile halaile” niyo vanda ivo. 10Mnungu ahetangaga hadya hanyaile “Si.” Amazi nayo yekale hamwenga ayetangaga “Bahali.” Mnungu aonaga kugamba ni vedi. 11Naho agambaga, “Si ihoteze mani, mani yakweleka mbeyu na maziti yakweleka matunda ye hengi yata mbeyu.” Niyo vanda ivo. 12Ivo isi niyo yahoteza mani yakweleka mbeyu zi hengi na maziti yakweleka matunda yata mbeyu zihengi. Mnungu aonaga kugamba ni vedi. 13Zuwa dyaswaga, niyo kwacha. Idyo dyandaga zuwa dya katatu.
14Mnungu niyo agamba, “Kunde ming'azi mwo ulanga ikaupange msi ne kilo, naho ikalagise misimo na miaka na mazuwa. 15Ilangaze mwo ulanga igele unga'zi mwe si.” Niyo vanda ivo. 16Ivo Mnungu adamanyaga ming'azi mikulu miidi. Udya mkulu, idyo dizuwa dilongoze nomsi, udya mdodo nawo, uwo mnenge ulongoze nekilo, naho niyo adamanya ne zint'hondo. 17Mnungu aiikaga ming'azi iyo mwo ulanga vileke ilangaze mwe si 18vilongoze kilo na msi no kupanga ung'azi no ulwiza. Niyo Mnungu aona kugamba ni vedi. 19Zuwa dyaswaga niyo kwacha. Idyo dyandaga zuwa dya kane.
20Mnungu niyo agamba, “Viumbwa vina ugima vimeme mwa mazi, madege nayo yameme mwo ulanga.” 21Ivo Mnungu aumbaga makala yakulise ya mwe bahali, na vint'hu vose vina ugima va mwa mazi, na madege ye hengi. Mnungu aonaga kugamba ni vedi. 22Mnungu avivikilaga akavigamba ivo viumbwa vikwikala mwa mazi veleke no kuimemeza ibahali no kuyagamba madege nayo yagenyele mwe si. 23Zuwa dyaswaga niyo kwacha, idyo dyandaga zuwa dya shano.
24Naho Mnungu agambaga, “Si ilave viumbwa vino ugima vihengi, vikudimwa hawena viumbwa vikubulumka mwe sanga na va kwembago vihengi vikulu na vidodo” niyo vanda ivo. 25Ivo Mnungu aumbaga makala ya kwe mbago ye hengi na yakudimwa nayo ye hengi, na viumbwa vose vikutambala vi hengi. Mnungu aonaga kugamba ni vedi.
26Niyo Mnungu agamba, “Kimuumbe mnt'hu, akeige suwe wenye, naho ande enga suwe. Ande na udahi kwe zisamaki za kwe bahali na madege ya mwo ulanga na makala yakudimwa ne isi yose na viumbwa vose vikutambala.” 27Ivo Mnungu niyo amuumba mnt'hu akeigile enga yehe mwenye. Awaumbaga mgosi na Mvele, 28awavikilaga akawagamba, “Indiliseni na cheleko, vileke cheleko chenyu kikekale mwe si yose no kuiika mwo udahi wenyu. Nawaikani nyuwe mnde wadahi mwe zisamaki na madege na makala yose ya kwe mbago.” 29Mnungu niyo agamba, “Himink'hani maziti yose yakweleka mbeyu na maziti yose yana matunda yande nk'hande yenyu, 30na makala yose ya mwe isi na madege yose mwo ulanga na viumbwa vose vikubulumka na kila kiumbwa kina ugima, nk'hande yawe neinde mani.” Niyo vanda iivo. 31Mnungu aonaga kugamba kila icho adamanyaga, chandilisaga chedi. Zuwa dyaswaga niyo kwacha. Idyo dyandaga zuwa dya mtandatu.
Iliyochaguliwa sasa
Genesis 1: OTNguuBL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Old Testament in Nguu @The Word for The World International and the Nguu Language translation, 2025. All rights reserved.
Genesis 1
1
Mnungu ivo aumbaga isi
1Aho nk'hongo Mnungu aumbaga mbingu na si. 2Si hayandaga enga ivo ili haluse naho yandaga heiina kint'hu. Ziza kulu dyagubikaga mazi matali ayo yagubikaga kila hant'hu, naho Muye ywa Mnungu andaga akayeya mwa mazi. 3Mnungu niyo agamba, “Kunde ung'azi” niyo kwanda unga'zi. 4Mnungu auwonaga udya ung'azi kugamba ni wedi. Naho aho aupangaga ung'azi no lwiza, 5niyo Mnungu awitanga ung'azi “Msi”. Ulwiza nalo alwitanga “Kilo”. Zuwa niyo dyaswa, niyo kwacha, idyo dyandaga zuwa dya nk'hongo.
6Mnungu agambaga, “Kunde pwazi, diyapange amazi” niyo vanda ivo. 7Mnungu adamanyaga pwazi, niyo ayapanga mazi ye kwe mbingu na yadya ye hasi ye mbingu. Niyo vanda ivo. 8Mnungu aditangaga dipwazi idyo “Ulanga.” Niyo dyaswa, niyo kwacha, idyo dyandaga zuwa dya kaidi.
9Mnungu niyo agamba, “Mazi ye hasi yo ulanga yakeduganye hamwenga, vileke hant'hu hanyaile halaile” niyo vanda ivo. 10Mnungu ahetangaga hadya hanyaile “Si.” Amazi nayo yekale hamwenga ayetangaga “Bahali.” Mnungu aonaga kugamba ni vedi. 11Naho agambaga, “Si ihoteze mani, mani yakweleka mbeyu na maziti yakweleka matunda ye hengi yata mbeyu.” Niyo vanda ivo. 12Ivo isi niyo yahoteza mani yakweleka mbeyu zi hengi na maziti yakweleka matunda yata mbeyu zihengi. Mnungu aonaga kugamba ni vedi. 13Zuwa dyaswaga, niyo kwacha. Idyo dyandaga zuwa dya katatu.
14Mnungu niyo agamba, “Kunde ming'azi mwo ulanga ikaupange msi ne kilo, naho ikalagise misimo na miaka na mazuwa. 15Ilangaze mwo ulanga igele unga'zi mwe si.” Niyo vanda ivo. 16Ivo Mnungu adamanyaga ming'azi mikulu miidi. Udya mkulu, idyo dizuwa dilongoze nomsi, udya mdodo nawo, uwo mnenge ulongoze nekilo, naho niyo adamanya ne zint'hondo. 17Mnungu aiikaga ming'azi iyo mwo ulanga vileke ilangaze mwe si 18vilongoze kilo na msi no kupanga ung'azi no ulwiza. Niyo Mnungu aona kugamba ni vedi. 19Zuwa dyaswaga niyo kwacha. Idyo dyandaga zuwa dya kane.
20Mnungu niyo agamba, “Viumbwa vina ugima vimeme mwa mazi, madege nayo yameme mwo ulanga.” 21Ivo Mnungu aumbaga makala yakulise ya mwe bahali, na vint'hu vose vina ugima va mwa mazi, na madege ye hengi. Mnungu aonaga kugamba ni vedi. 22Mnungu avivikilaga akavigamba ivo viumbwa vikwikala mwa mazi veleke no kuimemeza ibahali no kuyagamba madege nayo yagenyele mwe si. 23Zuwa dyaswaga niyo kwacha, idyo dyandaga zuwa dya shano.
24Naho Mnungu agambaga, “Si ilave viumbwa vino ugima vihengi, vikudimwa hawena viumbwa vikubulumka mwe sanga na va kwembago vihengi vikulu na vidodo” niyo vanda ivo. 25Ivo Mnungu aumbaga makala ya kwe mbago ye hengi na yakudimwa nayo ye hengi, na viumbwa vose vikutambala vi hengi. Mnungu aonaga kugamba ni vedi.
26Niyo Mnungu agamba, “Kimuumbe mnt'hu, akeige suwe wenye, naho ande enga suwe. Ande na udahi kwe zisamaki za kwe bahali na madege ya mwo ulanga na makala yakudimwa ne isi yose na viumbwa vose vikutambala.” 27Ivo Mnungu niyo amuumba mnt'hu akeigile enga yehe mwenye. Awaumbaga mgosi na Mvele, 28awavikilaga akawagamba, “Indiliseni na cheleko, vileke cheleko chenyu kikekale mwe si yose no kuiika mwo udahi wenyu. Nawaikani nyuwe mnde wadahi mwe zisamaki na madege na makala yose ya kwe mbago.” 29Mnungu niyo agamba, “Himink'hani maziti yose yakweleka mbeyu na maziti yose yana matunda yande nk'hande yenyu, 30na makala yose ya mwe isi na madege yose mwo ulanga na viumbwa vose vikubulumka na kila kiumbwa kina ugima, nk'hande yawe neinde mani.” Niyo vanda iivo. 31Mnungu aonaga kugamba kila icho adamanyaga, chandilisaga chedi. Zuwa dyaswaga niyo kwacha. Idyo dyandaga zuwa dya mtandatu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Old Testament in Nguu @The Word for The World International and the Nguu Language translation, 2025. All rights reserved.