Genesis ULONGOELO
ULONGOELO
Ulongoelo we kitabu cho Unk'hongo, “Unk'hongo” ni ulosi ukutambalisa chotoko che vint'hu. Kitabu iki nicho che nk'hongo mwe vitabu ve Bibilia Ndagano ya Kale. Mwe chotoko, Kiibulania chakonga na mbuli ikugamba “Aho nk'hongo.” Ino yalagisa ivo kila kint'hu chakongaga hegu uko kilawile naho na ivo Mnungu akongaga kunda na want'hu. Wahina ywa mazua aya wana fanyanyi zibindile ingi mwe mbuli ya want'hu hegu mnt'hu awandikaga kitabu iki che chotoko, naho kugamba chawandikwagwa ini. Wamwenga wahuwila kugamba ni mawandiko yaduganywe kulawa mwe zink'humbukila kwe kaline ya shano na kaline ya mtandatu B.C uko Babeli, umwo Yesu andaga akei kwelekwa. Wamwenga nawo wahuila kugamba ni Musa awandikaga vitabu va Unk'hongo, ne kitabu cho Ukulawa, kitabu che Zimbuli za Walawi, Kitabu cho Uwazilo ne Tolati, mwe miaka ya alufu na magana matatu hegu alufu na magana mane B.C, Umwo Yesu andaga akei kwelekwa. Kitabu cho unk'hongo kina mbuli nyingi hezikuungwa kusweswa zikudaha kuwambiza Want'hu kukombaganya Bibilia yose mwe Zindagano zose zimbili, Ndagano ya Kale ne Ndagano Imp'ya. Iviaivia yalagisa ivo wavu wengilaga mwe isi naivo vawaungaga want'hu wapate myokozi. Naho yagubula mzungu wa Mnungu wa kuwayokola want'hu. Ino yadaha kuonwa mwo ulotezi wa nk'hongo mwe mbuli ya Yesu. Unk'hongo 3:15 na yadya Mnugu amwelisilaga Ibulahimu kuwavikila want'hu wa si zose. Unk'hongo 12:3 Ayo yemndani: 1. Mnungu aumbaga isi, amuumba Adamu na Hawa enga ivo kikuisoma mwo mnango wa nk'hongo na wa kaidi. 2. Mwo mnango wa katatu mpaka wa shano, numo kikuona zimbuli za Adamu na Hawa no wavu ywawe na welekwa ywawe. 3. Mwo mnango wa Tandatu mpaka mnago wa kenda umwo zalongwa zimbuli za Nuhu no ugubiko mkulu wa mazi mwe isi yose. 4. Naho kitabu cho Unk'hongo mwo mnango wa mlongo na wa mlongo na umwenga, chalonga icho kilaile mwo lupisi lwa Nuhu na lwa Ibulahimu hamwenga no mnala wa Babeli. 5. Mwe milango ya mlongo ma miidi mpaka mnago wa milongo mishano, ino yalongo mwe mbuli ya Abulahamu, imp'huga yakwe ne chotoko che want'hu wa Izilaeli. Wikazi wa abulahamu na mkaziwe Sala umwe milango ya mlongo na miidi na mpaka mnango wa milongo miidi na mishano. Wikazi wa Isaka na mkaziwe Labeka chauna mwo mnango wa milongo miidi na umwenga mpaka mnango wa milongo miidi na mnane, niyo kubanika kwakwe kwasimwiilwa mwo mnango wa milongo mitatu na mishano. Wikazi wa Yakobo na wanawe no kusama kwakwe kuita Misili wakalawa Kanaani, chaziona mwo mnango milongo miidi na mishano mpaka mnango wa milongo mishano. Mwo mnago wa milongo mitatu na mfungate mpaka kwo mnango wa milongo mishano kitabu kikaulisa wikazi wa mwana aungiswe ywa Yakobo uyo Yusufu na ivo ezaga kunda mkulu mwe isi ya Misili .
Iliyochaguliwa sasa
Genesis ULONGOELO: OTNguuBL
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Old Testament in Nguu @The Word for The World International and the Nguu Language translation, 2025. All rights reserved.
Genesis ULONGOELO
ULONGOELO
Ulongoelo we kitabu cho Unk'hongo, “Unk'hongo” ni ulosi ukutambalisa chotoko che vint'hu. Kitabu iki nicho che nk'hongo mwe vitabu ve Bibilia Ndagano ya Kale. Mwe chotoko, Kiibulania chakonga na mbuli ikugamba “Aho nk'hongo.” Ino yalagisa ivo kila kint'hu chakongaga hegu uko kilawile naho na ivo Mnungu akongaga kunda na want'hu. Wahina ywa mazua aya wana fanyanyi zibindile ingi mwe mbuli ya want'hu hegu mnt'hu awandikaga kitabu iki che chotoko, naho kugamba chawandikwagwa ini. Wamwenga wahuwila kugamba ni mawandiko yaduganywe kulawa mwe zink'humbukila kwe kaline ya shano na kaline ya mtandatu B.C uko Babeli, umwo Yesu andaga akei kwelekwa. Wamwenga nawo wahuila kugamba ni Musa awandikaga vitabu va Unk'hongo, ne kitabu cho Ukulawa, kitabu che Zimbuli za Walawi, Kitabu cho Uwazilo ne Tolati, mwe miaka ya alufu na magana matatu hegu alufu na magana mane B.C, Umwo Yesu andaga akei kwelekwa. Kitabu cho unk'hongo kina mbuli nyingi hezikuungwa kusweswa zikudaha kuwambiza Want'hu kukombaganya Bibilia yose mwe Zindagano zose zimbili, Ndagano ya Kale ne Ndagano Imp'ya. Iviaivia yalagisa ivo wavu wengilaga mwe isi naivo vawaungaga want'hu wapate myokozi. Naho yagubula mzungu wa Mnungu wa kuwayokola want'hu. Ino yadaha kuonwa mwo ulotezi wa nk'hongo mwe mbuli ya Yesu. Unk'hongo 3:15 na yadya Mnugu amwelisilaga Ibulahimu kuwavikila want'hu wa si zose. Unk'hongo 12:3 Ayo yemndani: 1. Mnungu aumbaga isi, amuumba Adamu na Hawa enga ivo kikuisoma mwo mnango wa nk'hongo na wa kaidi. 2. Mwo mnango wa katatu mpaka wa shano, numo kikuona zimbuli za Adamu na Hawa no wavu ywawe na welekwa ywawe. 3. Mwo mnango wa Tandatu mpaka mnago wa kenda umwo zalongwa zimbuli za Nuhu no ugubiko mkulu wa mazi mwe isi yose. 4. Naho kitabu cho Unk'hongo mwo mnango wa mlongo na wa mlongo na umwenga, chalonga icho kilaile mwo lupisi lwa Nuhu na lwa Ibulahimu hamwenga no mnala wa Babeli. 5. Mwe milango ya mlongo ma miidi mpaka mnago wa milongo mishano, ino yalongo mwe mbuli ya Abulahamu, imp'huga yakwe ne chotoko che want'hu wa Izilaeli. Wikazi wa abulahamu na mkaziwe Sala umwe milango ya mlongo na miidi na mpaka mnango wa milongo miidi na mishano. Wikazi wa Isaka na mkaziwe Labeka chauna mwo mnango wa milongo miidi na umwenga mpaka mnango wa milongo miidi na mnane, niyo kubanika kwakwe kwasimwiilwa mwo mnango wa milongo mitatu na mishano. Wikazi wa Yakobo na wanawe no kusama kwakwe kuita Misili wakalawa Kanaani, chaziona mwo mnango milongo miidi na mishano mpaka mnango wa milongo mishano. Mwo mnago wa milongo mitatu na mfungate mpaka kwo mnango wa milongo mishano kitabu kikaulisa wikazi wa mwana aungiswe ywa Yakobo uyo Yusufu na ivo ezaga kunda mkulu mwe isi ya Misili .
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Old Testament in Nguu @The Word for The World International and the Nguu Language translation, 2025. All rights reserved.