LUKA 24
24
Bosisoa bo Yesu a bogwa
(Boindja pongono a Mat 28, 1-10; Mal 16, 1-8; Yoa 20, 1-10)
1Ta busa bo boso bo eyenga, ehumahuma mɛnɛ bali bamɔti bakɛɛ ta ikila, batomba mosula mo so e malasi mobɔngedjaka Ibo. 2Batanea bahilingoanedja ibanga ta monɔkɔ mo ikila. 3Bakweya o tei, endelo bainɛ ebembe e Kumu Yesu. 4Iboa basatungeaka tina e modjɔ momina, baami babae babaimaneia bisendja bi bobo bingɛsɛkɛ. 5Iboa bali balumaka na bɔɔ ko basunea miso ma bobo ta kpɔtɔ, ko baami bamina babae babawadja bo: «Tina ehombakadea na nu moto odii na bomɔ ta ndanda e bato bago nda? 6Iyo adiiti iyaya, asisoi ta bogwa. Lɛdjɛni mɛko miotɔndeakani iyo ehole edaaka iyo ta Galileya: 7“Etungi na Mwana o moto bokabama ta mɔmɔ ma bato babe, bamobake ta ekulusu endelo ta isu di basato, asisoe ta bogwa#24, 7 Boindja a 9.22; 17.25; 18.32-33..”»
8Ko bali bamina baso balɛnɛ mibalo mibatɔndeaka Yesu. 9Ahula ibo ta ikila ko bakɛɛ atɔndea batingami doomi na omɔti mɛko misusu ko na bato bakina basusu. 10Edaaka Malia o ngando e Magadala, Yoana ko Malia, nange Djake. Ko bali bakina ibibi badaaka na bu engbanga emɔti batɔndea bwɛndi bomina ta dii bapɔsɔlu. 11Endelo bato Balɛnɛkɛ bo mɛko mibalaka bali bamina midaaka na sɔngi ko baimidhima. 12Ta ndelo emina Petelo angɔɔ ko apota ebango ta ikila; asunama ko aenɛ oto bipasa bi bisendja. Ko ayana ta ndako e nde, na bokamoa bonɛnɛ bo midjɔ minɔɔmɔkɔ.
Ta ndjea e Emausu
(Boindja pongono a Mal 16, 12-13)
13Oko ta busa bomina, batingami babae badaaka bakakɛe ta ngando emɔti na kombe yu Emausu, ko ngando emina edii bohali bo ngonga djibae bɛngi oimee ta Yelusalɛmɛ. 14Basabaleanaka midjɔ misusu imimi mikɔɔmɔ. 15Ehole esolanaka ko e bomanaka ibo kitɛ, Yesu iyo mɛnɛ abatama mbuti na bu ko adalaka engbanga emɔti na bu. 16Endelo miso ma bobo maihɔnɔ bomosipoa. 17Yesu abawadja bo: «Eka mɛnɛ ebalakadea ino na ndjea nda?» Baema, ko baluma na ndjokwa. 18Omɔti o bobo, kombe e nde Keleopasi, abala na nde bo: «Iyaya ta Yelusalɛmɛ, moto omɔti omaka bungea mɛko imimi minɔkɔdea ta masu imimi oko wɛ?» 19Yesu abawadja: «Iyena nde?» Bamosɔmbedja bo: «Oko midjɔ mikɔɔmɔbi na Yesu o Nadjalɛtɛ! Adaaka motɛli o ngulu enɛnɛ, na mikɔ ko na mibalo ta boso bo Ndjakomba ko ta boso bo bato basusu. 20Banganga ba Ndjakomba banɛnɛnɛnɛ ko babanei ba biso bamokaba bɛngi bamopɛ etumbu e yogo ko bamobaka ta ekulusu. 21Ko iso loalɛndɛ bo iyo asikoadea Isalɛlɛ. Endelo a midjɔ misusu donga akɔmɔbimo ekɔi masu masato. 22Edii sooti, ndambo e bali ba engbanga e biso balokamodji bobuke mɛnɛ, bakɛɛki ehumahuma ta ikila, 23ko bataneakiti mokuku mo nde bahulaki balotɔndeaki bo babwɛndi babaimaneaki ko babatɔndeaki bo adii na bomɔ#24, 23 Boindja a 24.1-11.. 24Ndambo ekina e biso bakɛɛki ta ikila, ko bataneaki midjɔ misusu oko mondumba mobatɔndeaki bali bamina, endelo iyo, bamoɛnɛkiti.» 25Iboa Yesu abala na bu bo: «Bato ba milema mipipo, ino todhimeni mɛko misusu miotɔndeani batɛli! 26Otadjebakadeani ibo Masiya abwanaki aɛnɛ saya boso bo bokwea ta ekumu e nde?» 27Ko iyo abasipodja midjɔ mibalama tina e nde ta tei e Makomi, donga Mose mbunoko batɛli basusu.
28Ehole eimea bo mbuti na ngando iyeye ekɛɛkɛ ibo, Yesu akɔɔkɔ ondingo anɔe pamba ekina. 29Endelo ibo bamosiya ko babala na nde bo: «Dikama na su; eimea mɔkɔmɔkɔ ko busa bobanga bodipa.» Iboa akwea ta ndako bɛngi adea na bu. 30Adaaka engbanga na bu ta mesa, ngɔngɔ atomba mapa ko amadjongoa, ko abuka ko abapa. 31Iboa, miso ma bobo madipoama, ko bamodjeba; endelo alɛmɔ ta miso ma bobo. 32Ko basabaleana bo: «Milema mi biso midaakiti na sepi enɛnɛ ta ehole elotɔndeaki iyo ta ndjea ko elotingodjaka iyo Makomi?»
33Oko ta ehole emina baangɔɔ ko basɔmbɔ ta Yelusalɛmɛ. Batanea batingami doomi na omɔti badaaka esika emɔti na bina bu, 34ibo babala na bu bo: «Edii sooti mɛɛnɛ bo, Kumu asisoi! Asaenɛmedji na Simona!» 35Ko ibo bɛɛnɛ babadjebedja midjɔ minɔɔkɔ na ndjea na mondumba mo modjeba na bu ndelo ebabukeaka iyo mapa.
Yesu asainedji na batingami ba nde
(Boindja pongono a Mat 28, 16-20; Mal 16, 14-18; Yoa 20, 19-23; Bik 1, 6-8)
36Iyana adaaka bo babala mɛko mimina, Yesu iyo mɛnɛ asainedja ta ndanda e bobo ko abatɔndea bo: «Bogo bodae na nu!» 37Ibo baluma na bɔɔ, modjɔ mo Balɛnɛkɛ bo baɛni mwembo mobe. 38Endelo abatɔndea bo: «Ebangakadea ino nde? Obomakadeani kitɛ ta milema mi bino tina nda? 39Indjani mɔmɔ ko mako ma mbi: edii oko mbi! Bandanini ko indjani; mwembo mopeliti mini na kua, ondingo ndenge enɛkɛdea ino mbi nadii na mu.» 40Amaka iyo bala iboa abainedja mɔmɔ ko na mako ma nde. 41A bo baipetaka dhima, tina e balumaka na sepi ko na bokamoa, abawadja bo: «Odiini na moo eka o boyaka iya?» 42Bamopa ekenge o moswi mokalangake. 43Aetomba ko aso aeyaka ta boso bo bobo. 44Ngɔngɔ imina abala na bu bo: «Ndelo edaaka mbi na nu, nabala na nu bo: midjɔ misusu mikomama tina e mbi ta mobeko mo Mose, ta buku dji Batɛli ko ta Ndjembo, mitungi mikokedjame.» 45Iboa abadipoa bowɛi bɛngi basipoe Makomi, 46ko abala na bu bo: «Indjani midjɔ mikoma bo: Masiya atungi aenɛ saya ko asisoe ta bogwa ta disu di basato#24, 46 Kuanedja a Isa 53; Ose 6.2., 47ko bolehadea kombe e nde boso bo bikomi bisusu, bobanga ta Yelusalɛmɛ; iboa, bato bahombedjadea milema ko badiadea ekutubanedji e pekato. 48Odiini ba temo ba midjɔ mimina. 49Ko mbi, nalomeadea ta diko di bino eka ediikana Sesa. Ko dikamani ta ngando enɛnɛ mbunoko olumeni na ngulu iyeye edongadea o diko#24, 49 Boindja Bik 1.4-5..»
Yesu aiwei ta busa
(Boindja pongono a Mat 16, 19-20; Bik 1, 9-11)
50Ngɔngɔ imina Yesu akɛɛ na bu mbunoko pamba e Betania; ko iho, aangɔdjɔ mɔmɔ ko abadjongoa. 51Ehole ebadjongoaka iyo, abɔtɔ na bu ko atombama ta busa. 52Ibo, bakwa magbunda boso bo nde ko basɔmbɔ ta Yelusalɛmɛ, baluma na sepi enɛnɛ. 53Badikamaka ehole esusu ta tepelo ko bakumedjaka Ndjakomba.
Iliyochaguliwa sasa
LUKA 24: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 24
24
Bosisoa bo Yesu a bogwa
(Boindja pongono a Mat 28, 1-10; Mal 16, 1-8; Yoa 20, 1-10)
1Ta busa bo boso bo eyenga, ehumahuma mɛnɛ bali bamɔti bakɛɛ ta ikila, batomba mosula mo so e malasi mobɔngedjaka Ibo. 2Batanea bahilingoanedja ibanga ta monɔkɔ mo ikila. 3Bakweya o tei, endelo bainɛ ebembe e Kumu Yesu. 4Iboa basatungeaka tina e modjɔ momina, baami babae babaimaneia bisendja bi bobo bingɛsɛkɛ. 5Iboa bali balumaka na bɔɔ ko basunea miso ma bobo ta kpɔtɔ, ko baami bamina babae babawadja bo: «Tina ehombakadea na nu moto odii na bomɔ ta ndanda e bato bago nda? 6Iyo adiiti iyaya, asisoi ta bogwa. Lɛdjɛni mɛko miotɔndeakani iyo ehole edaaka iyo ta Galileya: 7“Etungi na Mwana o moto bokabama ta mɔmɔ ma bato babe, bamobake ta ekulusu endelo ta isu di basato, asisoe ta bogwa#24, 7 Boindja a 9.22; 17.25; 18.32-33..”»
8Ko bali bamina baso balɛnɛ mibalo mibatɔndeaka Yesu. 9Ahula ibo ta ikila ko bakɛɛ atɔndea batingami doomi na omɔti mɛko misusu ko na bato bakina basusu. 10Edaaka Malia o ngando e Magadala, Yoana ko Malia, nange Djake. Ko bali bakina ibibi badaaka na bu engbanga emɔti batɔndea bwɛndi bomina ta dii bapɔsɔlu. 11Endelo bato Balɛnɛkɛ bo mɛko mibalaka bali bamina midaaka na sɔngi ko baimidhima. 12Ta ndelo emina Petelo angɔɔ ko apota ebango ta ikila; asunama ko aenɛ oto bipasa bi bisendja. Ko ayana ta ndako e nde, na bokamoa bonɛnɛ bo midjɔ minɔɔmɔkɔ.
Ta ndjea e Emausu
(Boindja pongono a Mal 16, 12-13)
13Oko ta busa bomina, batingami babae badaaka bakakɛe ta ngando emɔti na kombe yu Emausu, ko ngando emina edii bohali bo ngonga djibae bɛngi oimee ta Yelusalɛmɛ. 14Basabaleanaka midjɔ misusu imimi mikɔɔmɔ. 15Ehole esolanaka ko e bomanaka ibo kitɛ, Yesu iyo mɛnɛ abatama mbuti na bu ko adalaka engbanga emɔti na bu. 16Endelo miso ma bobo maihɔnɔ bomosipoa. 17Yesu abawadja bo: «Eka mɛnɛ ebalakadea ino na ndjea nda?» Baema, ko baluma na ndjokwa. 18Omɔti o bobo, kombe e nde Keleopasi, abala na nde bo: «Iyaya ta Yelusalɛmɛ, moto omɔti omaka bungea mɛko imimi minɔkɔdea ta masu imimi oko wɛ?» 19Yesu abawadja: «Iyena nde?» Bamosɔmbedja bo: «Oko midjɔ mikɔɔmɔbi na Yesu o Nadjalɛtɛ! Adaaka motɛli o ngulu enɛnɛ, na mikɔ ko na mibalo ta boso bo Ndjakomba ko ta boso bo bato basusu. 20Banganga ba Ndjakomba banɛnɛnɛnɛ ko babanei ba biso bamokaba bɛngi bamopɛ etumbu e yogo ko bamobaka ta ekulusu. 21Ko iso loalɛndɛ bo iyo asikoadea Isalɛlɛ. Endelo a midjɔ misusu donga akɔmɔbimo ekɔi masu masato. 22Edii sooti, ndambo e bali ba engbanga e biso balokamodji bobuke mɛnɛ, bakɛɛki ehumahuma ta ikila, 23ko bataneakiti mokuku mo nde bahulaki balotɔndeaki bo babwɛndi babaimaneaki ko babatɔndeaki bo adii na bomɔ#24, 23 Boindja a 24.1-11.. 24Ndambo ekina e biso bakɛɛki ta ikila, ko bataneaki midjɔ misusu oko mondumba mobatɔndeaki bali bamina, endelo iyo, bamoɛnɛkiti.» 25Iboa Yesu abala na bu bo: «Bato ba milema mipipo, ino todhimeni mɛko misusu miotɔndeani batɛli! 26Otadjebakadeani ibo Masiya abwanaki aɛnɛ saya boso bo bokwea ta ekumu e nde?» 27Ko iyo abasipodja midjɔ mibalama tina e nde ta tei e Makomi, donga Mose mbunoko batɛli basusu.
28Ehole eimea bo mbuti na ngando iyeye ekɛɛkɛ ibo, Yesu akɔɔkɔ ondingo anɔe pamba ekina. 29Endelo ibo bamosiya ko babala na nde bo: «Dikama na su; eimea mɔkɔmɔkɔ ko busa bobanga bodipa.» Iboa akwea ta ndako bɛngi adea na bu. 30Adaaka engbanga na bu ta mesa, ngɔngɔ atomba mapa ko amadjongoa, ko abuka ko abapa. 31Iboa, miso ma bobo madipoama, ko bamodjeba; endelo alɛmɔ ta miso ma bobo. 32Ko basabaleana bo: «Milema mi biso midaakiti na sepi enɛnɛ ta ehole elotɔndeaki iyo ta ndjea ko elotingodjaka iyo Makomi?»
33Oko ta ehole emina baangɔɔ ko basɔmbɔ ta Yelusalɛmɛ. Batanea batingami doomi na omɔti badaaka esika emɔti na bina bu, 34ibo babala na bu bo: «Edii sooti mɛɛnɛ bo, Kumu asisoi! Asaenɛmedji na Simona!» 35Ko ibo bɛɛnɛ babadjebedja midjɔ minɔɔkɔ na ndjea na mondumba mo modjeba na bu ndelo ebabukeaka iyo mapa.
Yesu asainedji na batingami ba nde
(Boindja pongono a Mat 28, 16-20; Mal 16, 14-18; Yoa 20, 19-23; Bik 1, 6-8)
36Iyana adaaka bo babala mɛko mimina, Yesu iyo mɛnɛ asainedja ta ndanda e bobo ko abatɔndea bo: «Bogo bodae na nu!» 37Ibo baluma na bɔɔ, modjɔ mo Balɛnɛkɛ bo baɛni mwembo mobe. 38Endelo abatɔndea bo: «Ebangakadea ino nde? Obomakadeani kitɛ ta milema mi bino tina nda? 39Indjani mɔmɔ ko mako ma mbi: edii oko mbi! Bandanini ko indjani; mwembo mopeliti mini na kua, ondingo ndenge enɛkɛdea ino mbi nadii na mu.» 40Amaka iyo bala iboa abainedja mɔmɔ ko na mako ma nde. 41A bo baipetaka dhima, tina e balumaka na sepi ko na bokamoa, abawadja bo: «Odiini na moo eka o boyaka iya?» 42Bamopa ekenge o moswi mokalangake. 43Aetomba ko aso aeyaka ta boso bo bobo. 44Ngɔngɔ imina abala na bu bo: «Ndelo edaaka mbi na nu, nabala na nu bo: midjɔ misusu mikomama tina e mbi ta mobeko mo Mose, ta buku dji Batɛli ko ta Ndjembo, mitungi mikokedjame.» 45Iboa abadipoa bowɛi bɛngi basipoe Makomi, 46ko abala na bu bo: «Indjani midjɔ mikoma bo: Masiya atungi aenɛ saya ko asisoe ta bogwa ta disu di basato#24, 46 Kuanedja a Isa 53; Ose 6.2., 47ko bolehadea kombe e nde boso bo bikomi bisusu, bobanga ta Yelusalɛmɛ; iboa, bato bahombedjadea milema ko badiadea ekutubanedji e pekato. 48Odiini ba temo ba midjɔ mimina. 49Ko mbi, nalomeadea ta diko di bino eka ediikana Sesa. Ko dikamani ta ngando enɛnɛ mbunoko olumeni na ngulu iyeye edongadea o diko#24, 49 Boindja Bik 1.4-5..»
Yesu aiwei ta busa
(Boindja pongono a Mat 16, 19-20; Bik 1, 9-11)
50Ngɔngɔ imina Yesu akɛɛ na bu mbunoko pamba e Betania; ko iho, aangɔdjɔ mɔmɔ ko abadjongoa. 51Ehole ebadjongoaka iyo, abɔtɔ na bu ko atombama ta busa. 52Ibo, bakwa magbunda boso bo nde ko basɔmbɔ ta Yelusalɛmɛ, baluma na sepi enɛnɛ. 53Badikamaka ehole esusu ta tepelo ko bakumedjaka Ndjakomba.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)