YOANE Bokwea ta buku
Bokwea ta buku
Ta tei mɛndi mapele manɛi, bwɛndi bopele bo Yoane bodii botikoanake. Ebalakadea mɛnɛ na botikoana isolo di Monɔngɔ mo Yesu (ekenge enɛnɛ 18-19), edii oto na ba midjɔ bakɛkɛ bakuanakadea na mɛndi mapele makina. Ta mondumba mokina, Yoane adii oto iyo mɛnɛ moto obala masolo ondingo moki mo Kana ko na masaka ma Yesu na Nikodɛmɛ (3, 1-21), na mwali Mosamalia (4, 1-12), na moto o binama bikatatake o Betesaida (5, 1-18), na moto o miso mago donga ta bobotama (9, 1-41). Bwɛngɛ na mɛndi mapele makina, bwɛndi bopele bo Yoane bodii na midjɔ mikɛkɛ mi bomɔ bo Yesu iya ta kpɔtɔ. Enakoboa, abapakadea tɛtɔ enɛnɛ, banɛnɛ ta tei e bobo badii ndjea e bodia bileho bipa Yesu ta mbɛngɛ.
Ta mbangi e yu (1, 1-18) ta mondumba mokomami imo bwɛndi bopele boinɛmedjakadea Yesu ondingo Mobalo mo Ndjakomba mokɔbili imua moimei moto ko modoi ahelama na bato, boɛnɛmɛ bo bomɔ, bohu ko na bosooti ta tei e bobo.
Ta tei e bwɛndi bomina bodii bokabanake na bikenge binɛnɛnɛnɛ bibae binedjakadea «ehole» e Yesu, etingodjakadea bo ngonga e bogwa bo nde, edii pongono e boangɔdjɔmɔ bo nde ta ekumu (2, 4; 12, 23).
Boso bo ehole e Yesu (1, 19-12, 50): ekenge iye e boso ebalakadea tati djinɛnɛ: Yoane Mobatisi, motingami o nde Andele, Pilipo, Natanaɛlɛ ibo basusu babala, moto na moto na ndenge ende, meko mibodjabo ta bomɔ bo Yesu. Ko bwɛndi bomina bopele botubanakadea masaka mitikoanake ma Yesu ko na midjɔ mi bokamodja sambo minedja iyo indingo «bimbete», ta boinedja ena bo edii oto bosipoa eka epalakadea iyo bobala. Yoane asidji ekenge iye e boso na boinedja mɛko misusu mikɔ iyo ko na bobala ta bokue bwɛndi bo Yesu (12, 37-50).
Ndelo eimea ehole (13, 1), Yesu akinei batingami bilomu bi nde bi suka, olongo sia e bodhima (ekenge e nɛnɛ 13-16). Ta tei e boangɔnɔ, asɛlingoakadea boana na yogo ko api Sesa ibia badikadea ngɔngɔ dji nde (ekenge e nɛnɛ 17). Iboa ta botubana bo bopeama na botitedjama bo nde ta ikambo ko na yogo Yesu ta ekulusu, ko na boɛnɛmɛ bo ikila di bwase, Yoane ta midjɔ mi tɛtɔ mi mɛndi mapele makina (ekenge enɛnɛ 18-20). Busa bo Pasika boinedjamakadea na boɛnɛmɛ bo Yesu ta dii Malia o Magadala, ko ta dii batingami na bonɔɔ ta dii Toma. Ekenge e nɛnɛ 21 (batingami sambo, ta tei e bobo Petelo, basongana na Moto Osisoa ta bogwa ta mokula mo ibeke di Tibeliade) edii wɛtoko ekenge ebakeama ta suka e mokanda.
Suka emina (20, 30-31) einedjakadea tina e bwɛndi bopele: boloma bato ibia bakalange bodhima Yesu Masiya o ndikano, Mwana o Ndjakomba. Naboa adiadea bomɔ, ta elɔkɔ edii sooti bo Yesu adii molomami o Sesa, edii oko mondumba mobalakadea iyo mɛnɛ bo, «ndjea, bosooti ko na bomɔ» (14, 6).
Iliyochaguliwa sasa
YOANE Bokwea ta buku: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
YOANE Bokwea ta buku
Bokwea ta buku
Ta tei mɛndi mapele manɛi, bwɛndi bopele bo Yoane bodii botikoanake. Ebalakadea mɛnɛ na botikoana isolo di Monɔngɔ mo Yesu (ekenge enɛnɛ 18-19), edii oto na ba midjɔ bakɛkɛ bakuanakadea na mɛndi mapele makina. Ta mondumba mokina, Yoane adii oto iyo mɛnɛ moto obala masolo ondingo moki mo Kana ko na masaka ma Yesu na Nikodɛmɛ (3, 1-21), na mwali Mosamalia (4, 1-12), na moto o binama bikatatake o Betesaida (5, 1-18), na moto o miso mago donga ta bobotama (9, 1-41). Bwɛngɛ na mɛndi mapele makina, bwɛndi bopele bo Yoane bodii na midjɔ mikɛkɛ mi bomɔ bo Yesu iya ta kpɔtɔ. Enakoboa, abapakadea tɛtɔ enɛnɛ, banɛnɛ ta tei e bobo badii ndjea e bodia bileho bipa Yesu ta mbɛngɛ.
Ta mbangi e yu (1, 1-18) ta mondumba mokomami imo bwɛndi bopele boinɛmedjakadea Yesu ondingo Mobalo mo Ndjakomba mokɔbili imua moimei moto ko modoi ahelama na bato, boɛnɛmɛ bo bomɔ, bohu ko na bosooti ta tei e bobo.
Ta tei e bwɛndi bomina bodii bokabanake na bikenge binɛnɛnɛnɛ bibae binedjakadea «ehole» e Yesu, etingodjakadea bo ngonga e bogwa bo nde, edii pongono e boangɔdjɔmɔ bo nde ta ekumu (2, 4; 12, 23).
Boso bo ehole e Yesu (1, 19-12, 50): ekenge iye e boso ebalakadea tati djinɛnɛ: Yoane Mobatisi, motingami o nde Andele, Pilipo, Natanaɛlɛ ibo basusu babala, moto na moto na ndenge ende, meko mibodjabo ta bomɔ bo Yesu. Ko bwɛndi bomina bopele botubanakadea masaka mitikoanake ma Yesu ko na midjɔ mi bokamodja sambo minedja iyo indingo «bimbete», ta boinedja ena bo edii oto bosipoa eka epalakadea iyo bobala. Yoane asidji ekenge iye e boso na boinedja mɛko misusu mikɔ iyo ko na bobala ta bokue bwɛndi bo Yesu (12, 37-50).
Ndelo eimea ehole (13, 1), Yesu akinei batingami bilomu bi nde bi suka, olongo sia e bodhima (ekenge e nɛnɛ 13-16). Ta tei e boangɔnɔ, asɛlingoakadea boana na yogo ko api Sesa ibia badikadea ngɔngɔ dji nde (ekenge e nɛnɛ 17). Iboa ta botubana bo bopeama na botitedjama bo nde ta ikambo ko na yogo Yesu ta ekulusu, ko na boɛnɛmɛ bo ikila di bwase, Yoane ta midjɔ mi tɛtɔ mi mɛndi mapele makina (ekenge enɛnɛ 18-20). Busa bo Pasika boinedjamakadea na boɛnɛmɛ bo Yesu ta dii Malia o Magadala, ko ta dii batingami na bonɔɔ ta dii Toma. Ekenge e nɛnɛ 21 (batingami sambo, ta tei e bobo Petelo, basongana na Moto Osisoa ta bogwa ta mokula mo ibeke di Tibeliade) edii wɛtoko ekenge ebakeama ta suka e mokanda.
Suka emina (20, 30-31) einedjakadea tina e bwɛndi bopele: boloma bato ibia bakalange bodhima Yesu Masiya o ndikano, Mwana o Ndjakomba. Naboa adiadea bomɔ, ta elɔkɔ edii sooti bo Yesu adii molomami o Sesa, edii oko mondumba mobalakadea iyo mɛnɛ bo, «ndjea, bosooti ko na bomɔ» (14, 6).
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)