Mako 6
6
Jesu unolambwa kuNazaleta
(Mateo 13:53-58; Luka 4:16-30)
1Wakabhuda paakabeli akenda kuguta lyokunaibo, batobeli babe bakontobela. 2Nezhuba lyeSabata wakatanga kulayija muSinagogi; banji bakonwha bakashama beti, “Yoyu unhulume wakazwiwana kupi zwinhu yezwi?” Akale buchenjevu yobu wakabupiwa nani? Nemishingo inesimba inotiwa namaboko awe! 3Yoyu aatoba iye na, umbezhi mwananhulumyana waMaliya, akale unkulu waJemusi, naJosesi, naJudasi naSimoni, akale bakazwaji babe abaipo yopano nasu?. Bakonyemela.
4Jesu wakati kwabali, “Umpolofeti aatolemekejwa munyika yiye, mumakamu awe nomungumba yiye.”
5Aajakata mishingo inoshamisa kuzhe kwokubiga maboko awe pezhulu pabashoma banolwala akabachija. 6Wakachenamiswa pezhulu pokusodimbwa kwabo akenda mumizi elayija.
Jesu unotuma balayijwa baligumi nababili
(Mateo 10:5-15; Luka 9:1-6)
7Wakashoba igumi lina babili kuti bebuye kwaali, akatanga kubatuma babili nababili, akabapa isimba pezhulu pemipepo mibi. 8Wakabalayila kuti besinyamule chinhu palwendo kana ini zwazwo, kuzhe kwoludozo; besitole chinkwa, kana chikwama, kana chinemali; 9koga bembale zwikwabaila besimbale ishashiko imbili. 10Wakati kwabali, “Pose pamunongwina mungumba, galani mwakale kuswika mwabhuda. 11Pose pamusinotambulwa akale belamba kumuwha, kana mubhuda pabali, mukuhumule ihuluba pasi kwamakumbo enu sobusumikiji kwabali.”
12Bakabhuda bakenda bepupula kuti banhu banokwelela kushanduka. 13Bakabhisa mipepo yamadimoni bakaguba banhu namafuta, banji balulwala bakachijwa.
Lufu lwaJohani umbhabhatizi
(Mateo 14:1-12; Luka 9:7-9)
14She Helodi wakawha nozuzwe; nokuti izina lyaJesu lyaluzibikana. Bamwe bakati “Joni umbhabhatizi wamuka kubafi; ndizwo yaya masimba amushinga mwaali.”
15Asi bamwe bakati, “NdiElija.”
Bamwe bo bakati, “Umpolofeti unanga sabamwe bapolofeti bantolo.”
16Koga Helodi paakazwiwha wakati, “Joni wandakadumula unsholo wamuswa.” 17Helodi nokukwe ndiye wakabiga Joni muntolongo pezhulu paHelodiyasi unkaji wonuna uwe Filipu nokuti wakalobola unkaji wonuna uwe. 18Nokuti Joni wakabati kuna Helodi, “Azwipo pamulawu kuti iwi utole unkaji wonuna uwo.”
19Nezwo Helodiyasi wakombenga akada kuumbulaya. Koga aajakatubula, 20nokuti Helodi wakontya Joni, eziba kuti unhu umbuya akale unchena, akava ondondota zwibhodo. Wakati onwha elebeleka, wakaba elangalila kasa, koga onwha nolushanto.
21Koga lyakaswika izhuba lyakakwelela, nezhuba lyokuzwalwa kukwe Helodi wakatila mabhiko makolokota awe, bakulwana babanhu nababhati bakulwana bomuGalili. 22Mwananhukajana waHelodiyasi wakazana zwakashantisa Helodi nabezi babe. She wakati kunhukajana, “Ileba kana ini chaunoda ndokupa.” 23Wakakowha kwaali akati, “Ndokowha kuti chaunokumbila chose kwandili ndokupa, kungaba iganta lyobushe bwangu.”
24Wakenda kuna amai babe akati, “Ndingakumbilani na?” Bakashandula beti, “Unsholo waJoni umbhabhatizi.”
25Pakalepo wakakimbija kungwina kunaShe akakumbila eti. “Ndinoshaka kuti mundipe unsholo waJoni umbhabhatizi mundyilo feno.”
26Pakalepo She wakashulubala, koga wakakonwa kulamba pezhulu pokukowha kwaakabata mbeli kwabezi babe. 27She wakatuma nokukimbija undwi akombuja kuti kubuzwe unsholo uwe. Wakenda akanoundumula unsholo muntolongo, 28akabuza unsholo uwe mundyilo akompa unsichana; unsichana akapa amai babe. 29Balayijwa babe pabakawha bakezha bakatola umbili uwe bakonjika, mugumbu.
Jesu unopa kulya zwiulu zwishanu
(Mateo 14:13-21; Luka 9:10-17; Joni 6:1-14)
30Bapositoli bakabungana kuna Jesu bakonzuwila zwose zwabakata nezwabakalayija. 31Wakati kwabali, “Izhani tinde kubugalo bulosisika tibe toga, tinyetutukwe pashoma.” Banji bakabezha bamwe benda, yezwi zwakabakashayisa unshaji kana wokulya. 32Bakenda nobwato kubugalo busina banhu, beli boga.
33Banhu banji bakababona benda, bakonziba bakalabukila kwakale beva mumizi yose, bakabatangila kuswika kwakale. 34Wakati abhuda, wakabona banhu banji akabawhila ishe, nokuti bakaba beli semhwizi jisina uncheji; wakatanga kubalayija zwinhu zwinji kasa. 35Unshaji pawakapela, balayijwa babe bakezha kwaali bakati, “Timo mushango lisina banhu akale unshaji wapela, 36Babujeni bende kumakuta nokumisha, benozwitengela zwokulya.”
37Koga wakashandula akati kwabali, “Imwi bapeni zwokulya.”
Bakati kwaali, “Tinde kunotenga zwinkwa zwemali inoshoba mazana mabili amasheleni, tibape belye kani?”
38Wakati kwabali, “Zwingana zwinkwa zwamuna nazwo? Indani munolinga.”
Pabakaziba bakati kwaali, “Zwishanu nehobe imbili.”
39Wakabuja kuti begajike banhu bose pasi mumakapo pobuhwa bunyolo. 40Bakagala pasi mumakapo abanhu izana, bamwe makumi mashanu. 41Feno wakatola zwinkwa zwishanu nehobe imbili akalinga kudenga akaboka, akamedula zwinkwa akapa balayijwa babe kuti bebape, nehobe imbili akajikobela bose. 42Bakalya bose bakaguta. 43Baka bunganisa zwimedu zwezwinkwa muzwitundu igumi lina zwibili zwakazhajwa nehobe. 44Bakalya zwinkwa baluba banhulume baluba zwiulu zwishanu.
Jesu unokwenda pezhulu pevula
(Mateo 14:22-33; Joni 6:15-21)
45Pakalepo wakababuja balayijwa babe kuti bengwine mubwato, kuti bende museli kuBhetisaida, iye esala emwayisa ibunga lyabanhu kuti linde. 46Wakati amwayisa banhu kuti bende wakamilika akenda kudunhu kuti enonamata. 47Kwaba madeko bwato bwakababa pakati nopakati pegungwa, iye eli ega penyika. 48Wakababona bekakomelwa bekwendesa bwato nokuti ibhepo lyakabeshangamijana nabo. Nonshaji unanga wechina wobusiku, wakabuya kwabali ekwenda pezhulu pegungwa, wakata sofana ukumubapindilila, 49asi pabakombona ekwenda pezhulu pegungwa bakati ishaku bakalija imhele, 50nokuti bose bakombona bakava mwoyo. Koga iye wakalebeleka nabo nokukambija akati kwabali, “Simani myoyo, musitye ndimi.” 51Wakenda akatanha mubwato mubakabeli, ibhepo lyakanyalala; Bakakashamiswa kasa, 52nokuti abajakawhisisisa chishamiso chezwinkwa, myoyo yabo yaluba mikukutu.
Jesu unochija banolwala kuGenesaleti
(Mateo 14:34-36)
53Bakati bataluka bakaswika kunyika yeGenesaleti bakasungilila bwato mubhambo. 54Pabakati babhuda mubwato banhu bakonziba pakalepo, 55bakalabukila mubugalo bose bomwakwakale yomo bakatanga kusenga banolwala pamiseme bebasenga yoko kwabakonwha kuti ndikwo kwaali. 56Mose mwaakangwina, mumisha nomumakuta, nomujinyika, bakalajika banolwala mujinzila bakombweta kuti bebhate umpeto woga wechimbalo chiche, bose bakonguma, bakachila.
Iliyochaguliwa sasa
Mako 6: LTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International
Mako 6
6
Jesu unolambwa kuNazaleta
(Mateo 13:53-58; Luka 4:16-30)
1Wakabhuda paakabeli akenda kuguta lyokunaibo, batobeli babe bakontobela. 2Nezhuba lyeSabata wakatanga kulayija muSinagogi; banji bakonwha bakashama beti, “Yoyu unhulume wakazwiwana kupi zwinhu yezwi?” Akale buchenjevu yobu wakabupiwa nani? Nemishingo inesimba inotiwa namaboko awe! 3Yoyu aatoba iye na, umbezhi mwananhulumyana waMaliya, akale unkulu waJemusi, naJosesi, naJudasi naSimoni, akale bakazwaji babe abaipo yopano nasu?. Bakonyemela.
4Jesu wakati kwabali, “Umpolofeti aatolemekejwa munyika yiye, mumakamu awe nomungumba yiye.”
5Aajakata mishingo inoshamisa kuzhe kwokubiga maboko awe pezhulu pabashoma banolwala akabachija. 6Wakachenamiswa pezhulu pokusodimbwa kwabo akenda mumizi elayija.
Jesu unotuma balayijwa baligumi nababili
(Mateo 10:5-15; Luka 9:1-6)
7Wakashoba igumi lina babili kuti bebuye kwaali, akatanga kubatuma babili nababili, akabapa isimba pezhulu pemipepo mibi. 8Wakabalayila kuti besinyamule chinhu palwendo kana ini zwazwo, kuzhe kwoludozo; besitole chinkwa, kana chikwama, kana chinemali; 9koga bembale zwikwabaila besimbale ishashiko imbili. 10Wakati kwabali, “Pose pamunongwina mungumba, galani mwakale kuswika mwabhuda. 11Pose pamusinotambulwa akale belamba kumuwha, kana mubhuda pabali, mukuhumule ihuluba pasi kwamakumbo enu sobusumikiji kwabali.”
12Bakabhuda bakenda bepupula kuti banhu banokwelela kushanduka. 13Bakabhisa mipepo yamadimoni bakaguba banhu namafuta, banji balulwala bakachijwa.
Lufu lwaJohani umbhabhatizi
(Mateo 14:1-12; Luka 9:7-9)
14She Helodi wakawha nozuzwe; nokuti izina lyaJesu lyaluzibikana. Bamwe bakati “Joni umbhabhatizi wamuka kubafi; ndizwo yaya masimba amushinga mwaali.”
15Asi bamwe bakati, “NdiElija.”
Bamwe bo bakati, “Umpolofeti unanga sabamwe bapolofeti bantolo.”
16Koga Helodi paakazwiwha wakati, “Joni wandakadumula unsholo wamuswa.” 17Helodi nokukwe ndiye wakabiga Joni muntolongo pezhulu paHelodiyasi unkaji wonuna uwe Filipu nokuti wakalobola unkaji wonuna uwe. 18Nokuti Joni wakabati kuna Helodi, “Azwipo pamulawu kuti iwi utole unkaji wonuna uwo.”
19Nezwo Helodiyasi wakombenga akada kuumbulaya. Koga aajakatubula, 20nokuti Helodi wakontya Joni, eziba kuti unhu umbuya akale unchena, akava ondondota zwibhodo. Wakati onwha elebeleka, wakaba elangalila kasa, koga onwha nolushanto.
21Koga lyakaswika izhuba lyakakwelela, nezhuba lyokuzwalwa kukwe Helodi wakatila mabhiko makolokota awe, bakulwana babanhu nababhati bakulwana bomuGalili. 22Mwananhukajana waHelodiyasi wakazana zwakashantisa Helodi nabezi babe. She wakati kunhukajana, “Ileba kana ini chaunoda ndokupa.” 23Wakakowha kwaali akati, “Ndokowha kuti chaunokumbila chose kwandili ndokupa, kungaba iganta lyobushe bwangu.”
24Wakenda kuna amai babe akati, “Ndingakumbilani na?” Bakashandula beti, “Unsholo waJoni umbhabhatizi.”
25Pakalepo wakakimbija kungwina kunaShe akakumbila eti. “Ndinoshaka kuti mundipe unsholo waJoni umbhabhatizi mundyilo feno.”
26Pakalepo She wakashulubala, koga wakakonwa kulamba pezhulu pokukowha kwaakabata mbeli kwabezi babe. 27She wakatuma nokukimbija undwi akombuja kuti kubuzwe unsholo uwe. Wakenda akanoundumula unsholo muntolongo, 28akabuza unsholo uwe mundyilo akompa unsichana; unsichana akapa amai babe. 29Balayijwa babe pabakawha bakezha bakatola umbili uwe bakonjika, mugumbu.
Jesu unopa kulya zwiulu zwishanu
(Mateo 14:13-21; Luka 9:10-17; Joni 6:1-14)
30Bapositoli bakabungana kuna Jesu bakonzuwila zwose zwabakata nezwabakalayija. 31Wakati kwabali, “Izhani tinde kubugalo bulosisika tibe toga, tinyetutukwe pashoma.” Banji bakabezha bamwe benda, yezwi zwakabakashayisa unshaji kana wokulya. 32Bakenda nobwato kubugalo busina banhu, beli boga.
33Banhu banji bakababona benda, bakonziba bakalabukila kwakale beva mumizi yose, bakabatangila kuswika kwakale. 34Wakati abhuda, wakabona banhu banji akabawhila ishe, nokuti bakaba beli semhwizi jisina uncheji; wakatanga kubalayija zwinhu zwinji kasa. 35Unshaji pawakapela, balayijwa babe bakezha kwaali bakati, “Timo mushango lisina banhu akale unshaji wapela, 36Babujeni bende kumakuta nokumisha, benozwitengela zwokulya.”
37Koga wakashandula akati kwabali, “Imwi bapeni zwokulya.”
Bakati kwaali, “Tinde kunotenga zwinkwa zwemali inoshoba mazana mabili amasheleni, tibape belye kani?”
38Wakati kwabali, “Zwingana zwinkwa zwamuna nazwo? Indani munolinga.”
Pabakaziba bakati kwaali, “Zwishanu nehobe imbili.”
39Wakabuja kuti begajike banhu bose pasi mumakapo pobuhwa bunyolo. 40Bakagala pasi mumakapo abanhu izana, bamwe makumi mashanu. 41Feno wakatola zwinkwa zwishanu nehobe imbili akalinga kudenga akaboka, akamedula zwinkwa akapa balayijwa babe kuti bebape, nehobe imbili akajikobela bose. 42Bakalya bose bakaguta. 43Baka bunganisa zwimedu zwezwinkwa muzwitundu igumi lina zwibili zwakazhajwa nehobe. 44Bakalya zwinkwa baluba banhulume baluba zwiulu zwishanu.
Jesu unokwenda pezhulu pevula
(Mateo 14:22-33; Joni 6:15-21)
45Pakalepo wakababuja balayijwa babe kuti bengwine mubwato, kuti bende museli kuBhetisaida, iye esala emwayisa ibunga lyabanhu kuti linde. 46Wakati amwayisa banhu kuti bende wakamilika akenda kudunhu kuti enonamata. 47Kwaba madeko bwato bwakababa pakati nopakati pegungwa, iye eli ega penyika. 48Wakababona bekakomelwa bekwendesa bwato nokuti ibhepo lyakabeshangamijana nabo. Nonshaji unanga wechina wobusiku, wakabuya kwabali ekwenda pezhulu pegungwa, wakata sofana ukumubapindilila, 49asi pabakombona ekwenda pezhulu pegungwa bakati ishaku bakalija imhele, 50nokuti bose bakombona bakava mwoyo. Koga iye wakalebeleka nabo nokukambija akati kwabali, “Simani myoyo, musitye ndimi.” 51Wakenda akatanha mubwato mubakabeli, ibhepo lyakanyalala; Bakakashamiswa kasa, 52nokuti abajakawhisisisa chishamiso chezwinkwa, myoyo yabo yaluba mikukutu.
Jesu unochija banolwala kuGenesaleti
(Mateo 14:34-36)
53Bakati bataluka bakaswika kunyika yeGenesaleti bakasungilila bwato mubhambo. 54Pabakati babhuda mubwato banhu bakonziba pakalepo, 55bakalabukila mubugalo bose bomwakwakale yomo bakatanga kusenga banolwala pamiseme bebasenga yoko kwabakonwha kuti ndikwo kwaali. 56Mose mwaakangwina, mumisha nomumakuta, nomujinyika, bakalajika banolwala mujinzila bakombweta kuti bebhate umpeto woga wechimbalo chiche, bose bakonguma, bakachila.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The word for The World International