Matayu 3
3
Yohanaanguwatangasila wandu
Maliku 1:2-8; Luka 3:1-18
1Lipindi Yesu akiyendelela kulikala haku ku Nazaleti, Yohanambatisa akawela kuluvagha lwa Uyahudi akawatangasila wandu Habali Maha gha Sapanga. 2Kwa kuwalongela Wayahudi, “Mleki sambi na mumhuyili Sapanga, kwaikiva Unkosi wa kundumba upabehi.” 3Yohanandiwa mundu mweni kutimilisa kila akilongilile mlota Isaya paailongile,
“Lilowi lya mundu lingulongela kuluvagha,
‘Mliyandali kwaikiva gha Bambu.
Mlikali vila angupala.’”
4Yohanambatisa avalili lihabiti ligholilwi kwa mipuku gha ngamiya, na luhunga lwa ngosi kukibulibulilo kyaki, mulyo ghaki uwelili nzige na bhuche. 5Hinu, wandu kuhuma Yelusalemu, Yudasia hyogha na milima hyogha gha mmbalimbali gha lweni Yoludani, 6Naweni wakalongela sambi syau, hinu Yohanaakawabatisa mulweni Yolidani.
7Ila paailolile Mafalisayo na Masadukayu wakihika kwa mweni ili awabatisi. Yohanaakalonga, “Mwenga , kiwelekwa kya njoka! Ni ghani mweni kuwapwepwela mwenga mutuwi lung'ai lula lutehika? 8Hinu, mlangihi kwa matendu yiwa mleka sambi na mumhyukila Sapanga. 9Kangi mkotoho kuliwachila na kujilongelela tati wa twenga ni Ibulahimu! Ninguwalongela chakaka, Sapanga anguwesa kughola maganga hagha yaweli wana wa Ibulahimu. 10Hinu, liwao liwela kala kumikegha gha kila libiki, kila libiki lilela ng'ogha matungula maha litedumulwa na kudangwa kulyoto. 11Nenga ninguwabatisa kwa masi kulangigha mleka sambi na kumhyukila Sapanga. Ila yula mweni kuhika badili gha nenga kana makakala kupiti nenga, na nenga nipalwa ng'ogha hata kupapa hilatu ghaki. Mweni atewabatisa kwa Mpumulo wa Sapanga na lyoto lyaki. 12Luselu lwaki kalukola kumawoku, ili apyahili mahala pakupukutulila nganu ghaki na kuvika weka miyeyu, na kangi atevika nganu maha kungoku ghaki, na hinu atenyanya miyeyu kwa lyoto lyeni kujimika ng'ogha.”
Yesu angubatiswa
Maliku 1:9-11; Luka 3:21-22
13Lipindi lila Yesu akahuma kumbwani wa Galilaya akahika kulweni Yoludani, akamyendela Yohanaili abatiswi. 14Ila Yohanaayesili kumkanisa akilonga, “Na wenga unguhika ubatiswi na nenga! Nenga mweni ningupalwa kubatiswa na wenga.”
15Ila Yesu akamyanga, “Kwa lipindi hali, ugholi lila ningukulongela uligholi, kwaikikiva tungupalwa tutimilisi mapalo gha Sapanga kwa njila hai” Hinu Yohanaakaghola kila alongelilwi na Yesu.
16Badili gha Yesu kubatiswa, akahuka mmasi, na bwitu kundumba kukagubutuka akamlola Mpumulo wa Sapanga akihuluka handa ngunda, akihika kunani kwa mweni. 17Na lilowi kuhuma kundumba likalonga, “Hayu ni Mwana wa nenga ningumpala. Angunihekelesa nesu.”
Iliyochaguliwa sasa
Matayu 3: NTMbBL2025
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament in Mbunga @The Word for The World International and Mbunga Language translation, 2025. All rights reserved.
