युहन्ना 2
2
काना नाङखारला बेह्याँ
1सोङलाका गालीलला काना नाङखारलं टोबो बेह्याँ लेव। येसुलो वामा पनि नलं लेव। 2येसु सोनो उसिसरंलाई पनि नो बेह्याँलं खुल्डे यानैज़्यावरं। 3अङ्गुरलो उरी: ओखेमो पाना येसुलो वामाये येसुलाई हैओडोव, “नोरासंके अङ्गुरलो उरी: माले।”
4येसुये वामालाई हैओडोव, “ए आमा#2:4 मान डाडे ओपाङो आखर, ङा कडि डाने ङालाई हैटाडाङ। ङाबेला अजं माराटा।” 5येसुलो वामाये नौकररंलाई हैओडोवरं, “जे येसुये हैओवारो स्यानाव झैच्यो।”
6होकाम यहुडीराई चोखैसिने याचलनलो लागिटं रि: गप्ने लुङलो छ गोटा मान्ठरं नैसिव लेवरं नलं ठोकै बीस तीस पाठी नाये। 7येसुये नोरंलाई हैओडोवरं, “मान्ठरं रि:ये सब्यालच्यो।” नोराई मान्ठलो ओया समंज़ रि:ये यासब्यालो।
8येसुये नोरंलाई हैओडोवर, “टिगिडा वाप्डे आव बिह्याँ भोजला मुख्या लेवकं गलाङच्योके।” नोराई नो यालाङो। 9बिह्याँ भोजला मुख्याये नो रि: ओडारो, नोके आबो अङ्गुरलो उरी: टाडे उलिज़्याव। नो काङाम ओराव नोलाई ठा मालेव, बुरु रि: गप्ने नौकररंलाई याज़ ठा लेव।
होकाम भोजला मुख्याये डुलाहालाई खुल्डे हैओडोव, 10“स्यान्टै मीराई ङा:डे चाव अङ्गुरलो उरी: योरंये होकाम मीराई बनै याओँव पाना माडारो अङ्गुरलो उरी: योरंये। नङके चाव अङ्गुरलो उरी: आर्क समंज़ जोगैडे नैडेननै।”
11येसुये ओडोव ये:नरं मढ्येलाम आव गालीलला काना नाङखारला येसुलो पैलाला अचम्बला चिन्न लेव। ऐजैडे येसुये ओमहिमा ओसोटोनो, होकाम येसुलो उसिसराई येसुलाई बिस्वास याडोव।
येसु प्रार्ठना डोने ज़ी:मडे ओनाव
मत्ती २१:१२-१३; मर्कुस ११:१५-१७; लुका १९:४५-४६
12होकाम येसु वामा, ओभाइरं सोनो उसिसरासं कफर्नहुमलं याझरिव, होकाम जामा डिन समं नलं यालेव।
13यहुडीराई निस्तार यापर्ब राने नजिकज़ लेव होकाम येसु याडे यरुसलेमडे उपुलुव। 14येसुये प्रार्ठना डोने ज़ी:मलं मीराई यि:ङ, भेडा, परिवा यायेज़्याव सोनो यालं:ङज़्याव होसोनो पैसा याटो:ज़्याव ओडैरिवरं। 15होकाम ची:ङलो टोबो कोर्रा झैडे येसुये प्रार्ठना डोने ज़ी:मलाम नो स्यान्टैरंलाई, नोराई ङाभेडारं सोनो या:यि:ङ:रंलाई समं ओरोवरं, होसोनो पैसा टोनेराई यापैसा घोप्टैड्यारंडे नोराई याटेबल पल्टैडे ओयोवरं। 16परिवा येनेरंलाई येसुये हैओडोवर, “आलाम आव स्यान्टै लाङच्यो। ङा ङाबाबुलो उज़ी:मलाई बैपारलो ज़ी:म टाझैच्यो।”
17येसुलो उसिसराई सास्त्रटा सर्सिव आव रो: याचेटोयो, “नज़ी:मला जोसये ङालाई सचाङनेले।”#भजनरं ६९:९
18यहुडीराई येसुलाई हैयाडोव, “नङ आव ये:न कडि अढिकारये नडोज़्याव प्रमानलो लागिटं गेलाई कडि चिन्न सटन्डे नयासि?”
19येसुये नोरंलाई जबाफ ओयोवरं, “आव प्रार्ठना डोने ज़ी:मलाई गटैच्योके, होकाम ङा सोङलाका तयार झैनेङाले।”
20होकाम यहुडीराई हैयावारो, “आव प्रार्ठना डोने ज़ी:मलाई झैने छेयालिस बर्स ओलागिव, होकाम नङ आवलाई सोङलाका तयार नझैडु डोरो?” 21जो प्रार्ठना डोने ज़ी:मलो ओबारेलं येसुये ओपाङो, हो येसुलो ओक्याङ लेव। 22येसु सिवलाम ज्युङडा ओटाव, होकाम येसुये हैओवारो आव रो: उसिसराई याचेटोयो, होकाम नोराई सास्त्र सोनो येसुये ओपाङो बचनटं बिस्वास याडोव।
मीरं खैटाव टारंये येसुये सोनोये
23होकाम निस्तार पर्बला भोजलो बेलाकं येसु यरुसलेमलंज़ लेव, होकाम येसुये ओडोज़्याव चिन्नरं र:ङडे भ्या मीराई येसुलो उमिन्ट बिस्वास याडोव। 24कडालेकं येसुये स्यान्टै मीरं खैटाव टारंये वार्डे सोनोये हैजैडे येसु नोराई याभर मापरिये। 25येसुलाई मीलो ओबारेलं काङ्कायेज़ पोयो परिने मालेव, कडालेकं मीलो उयुङलं कडि टाये, नो येसुये ओल्ज़ सोनोये।
Iliyochaguliwa sasa
युहन्ना 2: NTWMK25
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The New Testament Books in Wale Magar Kham Language © The Word for the World International and Wale Magar Kham Translation Project, Nepal, 2025
