Mako 8
8
Yesu Unopa Zodliwa Banhu bali Zwiwulu Zwina
(Matewu 15.32-39)
1Mumahhuba iyawo, kwakati kwakubungana mbunga nkulunkulu kwazo, banhu besina tjabanodla, Yesu wakadana badiyiwa babe, akati kubali, 2“Ndowhila ngoni banhu ngentha yekuti bagala nami mahhuba matatu kakale akuna tjabanodla. 3Ndikati ngabatjibgwilila kumizi yabo benahhala inowhobakulila bakawila muzila; kakale bamwe babo bakabva kulekule.”
4Badiyiwa babe bakahandula beti, “Nhu ungawana poni tjinkwa tjingagutsha banhu bose ibaba ipapa mutjilambanyika?”
5Wakababhuzwa eti, “Muna zwinkwa zwingana?”
Ibo bakati, “Zwili kutondeka.”
6Wakati banhu bagale pasi pamavu; akatola zwinkwa zwili kutondeka, atjiboka kuNdzimu wakazwipemula akazwipa badiyiwa babe kuti bazwipe banhu; badiyiwa bakata bejalo. 7Baka bana whobe nhukununu homanana; atjiboka kuNdzimu, wakati nayidzo bo dzipiwe banhu. 8Bakadla, bakaguta; bakawolela zwipemu zwezodliwa zwasiyiwa nebanhu zwikahhala zwitundu zwili kutondeka. 9Banhu baka bangaswika zwiwulu zwina. 10Wakabaletja bakayenda; tjinyolotjo akangina mukepe nebadiyiwa babe, bakayenda kuntunhu weDalimanutha.
BaFarisi Banokumbila Tjilakidzilo
(Matewu 16.1-4)
11BaFarisi bakahha bakatangisa kakabadzana naye, behaka kuti abalakidze tjilakidzilo tjinobva kudzimu, bewunlika. 12Wakaliga dikahana, akati, “Tjizekugwana itjetji tjohakilani tjilakidzilo? Lebeswa, ndoti kumuli, akuna tjilakidzilo tjinowhopiwa tjizekugwana itjetji.”
13Wakabasiya engina mukepe akabva ipapo akayenda kuyimwe ntha.
Mbidzo yebaFarisi neyaHherodi
(Matewu 16.5-12)
14Badiyiwa babe baka bakangan'wa senga tjinkwa; baka bana tjin'ompela koga mukepe. 15Wakabalaya, akati, “Mutjenjelele mbidzo yebaFarisi, nembidzo yaHherodi.”
16Bakalebeleka tjekwabo, beti, “Atina tjinkwa.”
17Yesu eziba nekwako wakati, “Nentha yeni mulebeleka nekuti amuna tjinkwa? Amanhu mawhisisa kene mabonesesa? Mimoyo yenyu mikukutu? 18Muna meho koga amutobona, kakale muna zebe koga amutowha? Kakale amutjakumbula? 19Pandaka pemulila banhu bali zwiwulu zwihanu zwinkwa zwihanu, makawolela zwitundu zwingana zwezwipemu?”
Bakati, kuwunli, “Gumi nezwibili.”
20“Yezwiya kee, zwaka zwili kutondeka zwakapemuligwa baka bali zwiwulu zwina, makawolela zwitundu zwingana?”
Bakati, “Zwili kutondeka.”
21Wakati kubali, “Ngono amanhu mawhisisa?”
Yesu Unotjidza Bhofu paBhethisayida
22Bakaswika kuBhethisayida. Bamwe banhu bakahhisa nlume waka ali bhofu, bakawunkumbilisisa kuti awumbhate. 23Wakabhata nlume waka ali bhofu neluboko, akawuntungamila baka bhuda munzi; akati awumpfila mumeho, akawumbiga maboko, akawumbhuzwa, eti, “Kuna tjawunobona?”
24Wakamilidza meho, akati, “Ndobona banhu; beyenda yenda semiti.”
25Hule kwayikoko wakawumbiga maboko kakale pameho awe; akabona zwakanaka, wakapofunuka akabona zwinhu zose zwili tjimo tjakwako. 26Yesu wakawusunungula kuti ayende kanyi kukwe, eti kuwunli, “Usitongogala wangina munzi.”
Matama aPhethiro nekwaYesu
(Matewu 16.13-20; Luka 9.18-21)
27Yesu wakayendilambeli nebadiyiwa babe, bakayenda kumizi yekuKhesariya Filiphi; belimuzila wakabhuzwa badiyiwa babe, eti, “Banhu banoti ndimi yani?”
28Bakahandula beti, “Johane mbvubiki; bamwe banoti ndimwi Elija; bamwe banoti muwumwe webalebesambeli.”
29Eba eti kubali, “Imwi, moti ndimi yani?”
Phethiro akahandula eti, “Ndimwi Khirisitu.”
30Wakabalaya kuti basibudze nhu nekukwe.
Yesu Unoleba Nekwedziyidzika Kukwe Kose Nelufu Gugwe
(Matewu 16.21-28; Luka 9.22-27)
31Wakatangisa badiya kuti Nkololo wenhu wakafanila dziyidzika kwazo, alandugwe ngebawhola nebaphirisiti bakulu nebakwali, ekotjibulawa, hule kwemahhuba matatu ekomuka kakale. 32Zwinhu izwezwi wakazwileba patjena. Phethiro akawuntola akatangisa wuntjemela. 33Koga wakati etjebuka ebona badiyiwa babe, akatjemela Phethiro eti, “Ibva hule kwangu Satane! Ngobe awutokumbula zwinhu zweNdzimu koga unokumbula sekumbula kwebanhu.”
34Wakati adana banhu nebadiyiwa babe panhu pan'ompela, akati kubali, “Yani nayani unohaka nditobela ngaazwitoboke atole tjileyanyo tjitje anditobele. 35Ngobe kene yani unowholondolodza bupenyu gugwe gowhunlahikila; koga kene yani unolahikigwa nebupenyu gugwe ngentha yangu neyendebo mbuya unowhogulondolodza. 36Ngobe kotjidzani kuti nhu awane hango yose, koga ekolahikigwa nebutjilo gugwe? 37Ini nhu tjaangapa kuyetila kuti atenge butjilo gugwe? 38Ngobe kene yani unahoni nami nematama angu mutjizekugwana itjetji tjihhele bupombgwe netjinya, Nkololo wenhu unowhoba nehoni bo naye, hapa ebuya ali mugudzo laTate babe enabatumwa beNdzimu bakayengemala.”
Iliyochaguliwa sasa
Mako 8: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 8
8
Yesu Unopa Zodliwa Banhu bali Zwiwulu Zwina
(Matewu 15.32-39)
1Mumahhuba iyawo, kwakati kwakubungana mbunga nkulunkulu kwazo, banhu besina tjabanodla, Yesu wakadana badiyiwa babe, akati kubali, 2“Ndowhila ngoni banhu ngentha yekuti bagala nami mahhuba matatu kakale akuna tjabanodla. 3Ndikati ngabatjibgwilila kumizi yabo benahhala inowhobakulila bakawila muzila; kakale bamwe babo bakabva kulekule.”
4Badiyiwa babe bakahandula beti, “Nhu ungawana poni tjinkwa tjingagutsha banhu bose ibaba ipapa mutjilambanyika?”
5Wakababhuzwa eti, “Muna zwinkwa zwingana?”
Ibo bakati, “Zwili kutondeka.”
6Wakati banhu bagale pasi pamavu; akatola zwinkwa zwili kutondeka, atjiboka kuNdzimu wakazwipemula akazwipa badiyiwa babe kuti bazwipe banhu; badiyiwa bakata bejalo. 7Baka bana whobe nhukununu homanana; atjiboka kuNdzimu, wakati nayidzo bo dzipiwe banhu. 8Bakadla, bakaguta; bakawolela zwipemu zwezodliwa zwasiyiwa nebanhu zwikahhala zwitundu zwili kutondeka. 9Banhu baka bangaswika zwiwulu zwina. 10Wakabaletja bakayenda; tjinyolotjo akangina mukepe nebadiyiwa babe, bakayenda kuntunhu weDalimanutha.
BaFarisi Banokumbila Tjilakidzilo
(Matewu 16.1-4)
11BaFarisi bakahha bakatangisa kakabadzana naye, behaka kuti abalakidze tjilakidzilo tjinobva kudzimu, bewunlika. 12Wakaliga dikahana, akati, “Tjizekugwana itjetji tjohakilani tjilakidzilo? Lebeswa, ndoti kumuli, akuna tjilakidzilo tjinowhopiwa tjizekugwana itjetji.”
13Wakabasiya engina mukepe akabva ipapo akayenda kuyimwe ntha.
Mbidzo yebaFarisi neyaHherodi
(Matewu 16.5-12)
14Badiyiwa babe baka bakangan'wa senga tjinkwa; baka bana tjin'ompela koga mukepe. 15Wakabalaya, akati, “Mutjenjelele mbidzo yebaFarisi, nembidzo yaHherodi.”
16Bakalebeleka tjekwabo, beti, “Atina tjinkwa.”
17Yesu eziba nekwako wakati, “Nentha yeni mulebeleka nekuti amuna tjinkwa? Amanhu mawhisisa kene mabonesesa? Mimoyo yenyu mikukutu? 18Muna meho koga amutobona, kakale muna zebe koga amutowha? Kakale amutjakumbula? 19Pandaka pemulila banhu bali zwiwulu zwihanu zwinkwa zwihanu, makawolela zwitundu zwingana zwezwipemu?”
Bakati, kuwunli, “Gumi nezwibili.”
20“Yezwiya kee, zwaka zwili kutondeka zwakapemuligwa baka bali zwiwulu zwina, makawolela zwitundu zwingana?”
Bakati, “Zwili kutondeka.”
21Wakati kubali, “Ngono amanhu mawhisisa?”
Yesu Unotjidza Bhofu paBhethisayida
22Bakaswika kuBhethisayida. Bamwe banhu bakahhisa nlume waka ali bhofu, bakawunkumbilisisa kuti awumbhate. 23Wakabhata nlume waka ali bhofu neluboko, akawuntungamila baka bhuda munzi; akati awumpfila mumeho, akawumbiga maboko, akawumbhuzwa, eti, “Kuna tjawunobona?”
24Wakamilidza meho, akati, “Ndobona banhu; beyenda yenda semiti.”
25Hule kwayikoko wakawumbiga maboko kakale pameho awe; akabona zwakanaka, wakapofunuka akabona zwinhu zose zwili tjimo tjakwako. 26Yesu wakawusunungula kuti ayende kanyi kukwe, eti kuwunli, “Usitongogala wangina munzi.”
Matama aPhethiro nekwaYesu
(Matewu 16.13-20; Luka 9.18-21)
27Yesu wakayendilambeli nebadiyiwa babe, bakayenda kumizi yekuKhesariya Filiphi; belimuzila wakabhuzwa badiyiwa babe, eti, “Banhu banoti ndimi yani?”
28Bakahandula beti, “Johane mbvubiki; bamwe banoti ndimwi Elija; bamwe banoti muwumwe webalebesambeli.”
29Eba eti kubali, “Imwi, moti ndimi yani?”
Phethiro akahandula eti, “Ndimwi Khirisitu.”
30Wakabalaya kuti basibudze nhu nekukwe.
Yesu Unoleba Nekwedziyidzika Kukwe Kose Nelufu Gugwe
(Matewu 16.21-28; Luka 9.22-27)
31Wakatangisa badiya kuti Nkololo wenhu wakafanila dziyidzika kwazo, alandugwe ngebawhola nebaphirisiti bakulu nebakwali, ekotjibulawa, hule kwemahhuba matatu ekomuka kakale. 32Zwinhu izwezwi wakazwileba patjena. Phethiro akawuntola akatangisa wuntjemela. 33Koga wakati etjebuka ebona badiyiwa babe, akatjemela Phethiro eti, “Ibva hule kwangu Satane! Ngobe awutokumbula zwinhu zweNdzimu koga unokumbula sekumbula kwebanhu.”
34Wakati adana banhu nebadiyiwa babe panhu pan'ompela, akati kubali, “Yani nayani unohaka nditobela ngaazwitoboke atole tjileyanyo tjitje anditobele. 35Ngobe kene yani unowholondolodza bupenyu gugwe gowhunlahikila; koga kene yani unolahikigwa nebupenyu gugwe ngentha yangu neyendebo mbuya unowhogulondolodza. 36Ngobe kotjidzani kuti nhu awane hango yose, koga ekolahikigwa nebutjilo gugwe? 37Ini nhu tjaangapa kuyetila kuti atenge butjilo gugwe? 38Ngobe kene yani unahoni nami nematama angu mutjizekugwana itjetji tjihhele bupombgwe netjinya, Nkololo wenhu unowhoba nehoni bo naye, hapa ebuya ali mugudzo laTate babe enabatumwa beNdzimu bakayengemala.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International