Mako 7
7
Zwidiyo Zwe Bakulukugwi
(Matewu 15.1-9)
1Kwakati atjikubunganigwa nebaFarisi, nebamwe bebakwali, baka babva kuJerusalema, 2bakabona kuti bamwe badiyiwa babe baka bedla zodliwa (tjinkwa) nemaboko ana hambgwa, asakangugwa.
3(Nekuti Bafarisi, neMaJuta ose, kuhhe kwekuti bangula maboko bakabe basingadle, uli nlenje webawhola; 4baka beti hapa bebva kuntha dzetengesela, baka basingadle kuhhe kwekuti batanga bazwitjenesa; kakale kuna imwe milenje minjinji yabaka bethama, inohanganyisila ngudziwa kwemikombe, nedzinhobo, nedzihali nezwidla zwetshipi.)
5BaFarisi nebakwali bakawumbhuzwa beti, “Nentha yeni badiyiwa babo basingatobele nlenje webawhola, bedla besakangula, maboko abo anahambgwa?”
6Wakabahandula eti, “Isaya wakalebesambeli nekwenyu! batjengeli, sekwakwaka kwagwa,
“ ‘Banhu ibaba banondilemekedza nemilomo yabo,
koga mimoyo yabo ikulekule nami.
7Akuna tjakunohinga ndinamata kwabo,
ngobe bediya milayo yebanhu
sekunoyi milayo yangu.’
8“Mosendeka ntome milayo yeNdzimu mubhatilila munlenje webanhu.”
9Wakati kubali, “Muna zila yolamba zwenyu nlayo weNdzimu, muyetila londolodza nlenje wenyu. 10Nekuti Mozisi wakati, ‘Lemekedza tate babo namme babo’, kakale, ‘Iye unoleba zwakayipa nekwatate babe kene nekwamme babe, ngaafe kwelebeswa’, 11koga imwi moti, ‘Hapa nhu ebudza mayi natatayi eti, tjamakafanila wana tjibva kundili iKhobhani’ (kuleba kuti, itjipo tjapiwa Ndzimu) 12amutjawumbvumila tila tatayi namayi tjimwe tjinhu, 13muhayisa dama leNdzimu masimba nentha yemilenje yenyu yamunotula kubanhu, nekumwe kunjinji kwakajalo kwamunothama.”
Zwinhu Zwinothama Nhu Akasibembuyanana
(Matewu 15.10-20)
14Wakadana banhu kakale, ebadanila kuwunli, akati kubali, “Mundiwhilile moseni, kakale muwhisise. 15Akuna tjinu tjikuhhe kwenhu tjinoti tjangina muwunli tjikawunsa hambgwa; koga zwinhu zwinobhuda muwunli ndizo zwinowunsa hambgwa.” 16(Hapa kuna unazebe dzewha, ngaawhe).
17Wakati angina mun'umba ebva kugubungano, badiyiwa babe bakawumbhuzwa nekwetjifananidzo. 18Akati kubali, “Namwibo amutowhisisa bo? Amutowhisisa kuti kene kulini kukuhhe hapa kungina munhu akungawunse hambgwa. 19Nekuti akutongina mumoyo koga kongina muntumbu, kupinda kunobhuda kuhhe kwembili?” (Ndizo wakaleba ejalo ebva atjenesa zodliwa zose.)
20Kakale wakati, “Kunobhuda munhu ndiko kunowunsa hambgwa. 21Nentha yekuti kunobva mukati, kobhuda mumoyo wenhu, mikumbulo mibi, nepinga, nebubava, nebubulayi, nebupombgwe, 22netjiba, neyipa moyo, netjengela, nebupitipiti, nehhiho lakayipa, netukana, nezwikudza, nebulengwe. 23Zose izwezwi zwinhu zwibi zobhuda mukati, zwikolonga nhu hambgwa.”
Bugalimoyo Gwenkadzimayi
(Matewu 15.21-28)
24Ebva ipapo wakamilika akayenda kuntunhu weTire neSidoni. Wakangina mun'umba, akasada kuti kuzibgwe nenhu; koga aazosumbikika. 25Tjinyolotjo, umwe nkadzimayi waka ana nkololokadzi uwe una meyambi wakawha nekukwe, akayenda akaswika ewumpfigamila. 26Nkadzimayi iwhoyu waka ali Nghiriki, akazwaligwa muntunhu weFonisiya, muSiriya, wakawunkumbilisisa kuti atate meyambi munkololokadzi uwe. 27Koga Yesu wakati kuwunli, “Letja bana batange baguta, ngobe akuzotambunuka kuti utole tjinkwa tjebana uposela mbgwa.”
28Nkadzimayi wakahandula eti, “Ndobvuma He, koga nayidzo mbgwa dzikusi kwethebuli, dzodla mabvurupfuru anoligiwa nebana.”
29Iye akati kuwunli, “Seleba kuko tjiyenda kwawunonda meyambi yabhuda munkololokadzi uwo.”
30Paakaswika kun'umba iye wakanowana meyambi yabhuda munkololokadzi uwe, nsikana alilelezwe panhobo.
Yesu Unotjidza Mantshi Tjembebebe
31Wakati abva muntunhu weTire epalula pakati kweSidoni akaswika kugungwa leGalile ali pakati kwentunhu weDikapolisi. 32Bakahhisa kuwunli umwe waka ali mbebebe kakale ali mantshi. Bakawunkumbila kuti awumbige maboko. 33Wakawuntola akayenda naye ntome bebhuda mugubungano, akasa zwinyala zwizwe muzebe dzidze akapfila mate aka kunha lulimi gugwe. 34Wakati alinga pehhugwi kudzimu wakaliga dikahana, akati, “Efatha,” hapa kuhanduligwa kobva kuti “Hhulika.”
35Tjinyolotjo zebe dzidze dzika hhulika lulimi gugwe gukasununguka akalebeleka zwakanaka. 36Wakabalaya kuti basibudze nhu; koga wakati abalaya kujalo, ibo bakabudza hango yose. 37Betjenama kwazo beti, “Unothama zwinhu zose zwakanaka tjose. Unota kuti bomantshi zwiwhe nembebebe dzilebeleke.”
Iliyochaguliwa sasa
Mako 7: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 7
7
Zwidiyo Zwe Bakulukugwi
(Matewu 15.1-9)
1Kwakati atjikubunganigwa nebaFarisi, nebamwe bebakwali, baka babva kuJerusalema, 2bakabona kuti bamwe badiyiwa babe baka bedla zodliwa (tjinkwa) nemaboko ana hambgwa, asakangugwa.
3(Nekuti Bafarisi, neMaJuta ose, kuhhe kwekuti bangula maboko bakabe basingadle, uli nlenje webawhola; 4baka beti hapa bebva kuntha dzetengesela, baka basingadle kuhhe kwekuti batanga bazwitjenesa; kakale kuna imwe milenje minjinji yabaka bethama, inohanganyisila ngudziwa kwemikombe, nedzinhobo, nedzihali nezwidla zwetshipi.)
5BaFarisi nebakwali bakawumbhuzwa beti, “Nentha yeni badiyiwa babo basingatobele nlenje webawhola, bedla besakangula, maboko abo anahambgwa?”
6Wakabahandula eti, “Isaya wakalebesambeli nekwenyu! batjengeli, sekwakwaka kwagwa,
“ ‘Banhu ibaba banondilemekedza nemilomo yabo,
koga mimoyo yabo ikulekule nami.
7Akuna tjakunohinga ndinamata kwabo,
ngobe bediya milayo yebanhu
sekunoyi milayo yangu.’
8“Mosendeka ntome milayo yeNdzimu mubhatilila munlenje webanhu.”
9Wakati kubali, “Muna zila yolamba zwenyu nlayo weNdzimu, muyetila londolodza nlenje wenyu. 10Nekuti Mozisi wakati, ‘Lemekedza tate babo namme babo’, kakale, ‘Iye unoleba zwakayipa nekwatate babe kene nekwamme babe, ngaafe kwelebeswa’, 11koga imwi moti, ‘Hapa nhu ebudza mayi natatayi eti, tjamakafanila wana tjibva kundili iKhobhani’ (kuleba kuti, itjipo tjapiwa Ndzimu) 12amutjawumbvumila tila tatayi namayi tjimwe tjinhu, 13muhayisa dama leNdzimu masimba nentha yemilenje yenyu yamunotula kubanhu, nekumwe kunjinji kwakajalo kwamunothama.”
Zwinhu Zwinothama Nhu Akasibembuyanana
(Matewu 15.10-20)
14Wakadana banhu kakale, ebadanila kuwunli, akati kubali, “Mundiwhilile moseni, kakale muwhisise. 15Akuna tjinu tjikuhhe kwenhu tjinoti tjangina muwunli tjikawunsa hambgwa; koga zwinhu zwinobhuda muwunli ndizo zwinowunsa hambgwa.” 16(Hapa kuna unazebe dzewha, ngaawhe).
17Wakati angina mun'umba ebva kugubungano, badiyiwa babe bakawumbhuzwa nekwetjifananidzo. 18Akati kubali, “Namwibo amutowhisisa bo? Amutowhisisa kuti kene kulini kukuhhe hapa kungina munhu akungawunse hambgwa. 19Nekuti akutongina mumoyo koga kongina muntumbu, kupinda kunobhuda kuhhe kwembili?” (Ndizo wakaleba ejalo ebva atjenesa zodliwa zose.)
20Kakale wakati, “Kunobhuda munhu ndiko kunowunsa hambgwa. 21Nentha yekuti kunobva mukati, kobhuda mumoyo wenhu, mikumbulo mibi, nepinga, nebubava, nebubulayi, nebupombgwe, 22netjiba, neyipa moyo, netjengela, nebupitipiti, nehhiho lakayipa, netukana, nezwikudza, nebulengwe. 23Zose izwezwi zwinhu zwibi zobhuda mukati, zwikolonga nhu hambgwa.”
Bugalimoyo Gwenkadzimayi
(Matewu 15.21-28)
24Ebva ipapo wakamilika akayenda kuntunhu weTire neSidoni. Wakangina mun'umba, akasada kuti kuzibgwe nenhu; koga aazosumbikika. 25Tjinyolotjo, umwe nkadzimayi waka ana nkololokadzi uwe una meyambi wakawha nekukwe, akayenda akaswika ewumpfigamila. 26Nkadzimayi iwhoyu waka ali Nghiriki, akazwaligwa muntunhu weFonisiya, muSiriya, wakawunkumbilisisa kuti atate meyambi munkololokadzi uwe. 27Koga Yesu wakati kuwunli, “Letja bana batange baguta, ngobe akuzotambunuka kuti utole tjinkwa tjebana uposela mbgwa.”
28Nkadzimayi wakahandula eti, “Ndobvuma He, koga nayidzo mbgwa dzikusi kwethebuli, dzodla mabvurupfuru anoligiwa nebana.”
29Iye akati kuwunli, “Seleba kuko tjiyenda kwawunonda meyambi yabhuda munkololokadzi uwo.”
30Paakaswika kun'umba iye wakanowana meyambi yabhuda munkololokadzi uwe, nsikana alilelezwe panhobo.
Yesu Unotjidza Mantshi Tjembebebe
31Wakati abva muntunhu weTire epalula pakati kweSidoni akaswika kugungwa leGalile ali pakati kwentunhu weDikapolisi. 32Bakahhisa kuwunli umwe waka ali mbebebe kakale ali mantshi. Bakawunkumbila kuti awumbige maboko. 33Wakawuntola akayenda naye ntome bebhuda mugubungano, akasa zwinyala zwizwe muzebe dzidze akapfila mate aka kunha lulimi gugwe. 34Wakati alinga pehhugwi kudzimu wakaliga dikahana, akati, “Efatha,” hapa kuhanduligwa kobva kuti “Hhulika.”
35Tjinyolotjo zebe dzidze dzika hhulika lulimi gugwe gukasununguka akalebeleka zwakanaka. 36Wakabalaya kuti basibudze nhu; koga wakati abalaya kujalo, ibo bakabudza hango yose. 37Betjenama kwazo beti, “Unothama zwinhu zose zwakanaka tjose. Unota kuti bomantshi zwiwhe nembebebe dzilebeleke.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International