Mako 4
4
Tjifananidzo TjeNdzwali
(Matewu 13.1-9; Luka 8.4-8)
1Wakatangisa diya pawhunde yegungwa. Akakubunganigwa nebanhu banjinji, ndizo wakangina mukepe, akagala mugungwa, koga gubungano lose lebanhu laka lili pamhili yegungwa, pamavu. 2Wakabadiya zwinhu zwinjinji ngezwifananidzo, akati mukudiya kukwe. 3“Whililani; lingani! kuna umwe ndzwali wakayenda kunodzwala. 4Wakati ewaya, imwe mbewu ikawila muzila, nyunyi dzikabuya dzikayidla. 5Imwe mbewu yakawila pana mahalabgwana, paka pasina mavu manjinji; ikalibilidza mela nekuti kwaka kusina mavu manjinji. 6Koga kwakati hhuba litanha ikatshwa; saku yaka isina midzi yakabva yaswaba. 7Imwe mbewu yakawila mumimhiwa, mimhiwa ikakula ikayizwiya, ikasazwala. 8Imwe mbewu yakawila mumavu akanaka ikazwala, ikakula ikawanda, ikazwala, imwe kwakapamhiwa kagulu, imwe kuli makumi matanhatu, imwe kuli makumi matatu.”
9Wakati kubali, “Unazebe dzewha, ngaawhe.”
Tjaka Tjiyetigwa Zwifananidzo
(Matewu 13.10-17; Luka 8.9-10)
10Wakakoti atjibe yega, banhu baka bakawunkombeledza nebadiyiwa baligumi nebabili bakawumbhuzwa nekwezwifananidzo. 11Yesu wakati kubali, “Imwi makapiwa kuti muzibe zwakasumbikika zwebumambo gweNdzimu, koga kubamwe ibabo bakuhhe, kose kolebgwa ngezwifananidzo; 12#Isa 6.9-10.kuyetila kuti,
“ ‘Babone
koga basibonesese,
kakale bawhe
koga basitongowhisisa;
ngobe bangahanduka kakale,
bakayetigwa mazwibhatigwa.’ ”
Yesu Unopetunula Tjifananidzo TjeNdzwali
(Matewu 13.18-23; Luka 8.11-15)
13Yesu akati kubali, “Amutotjiwhisisa tjifananidzo itjetji? Ngono mowhoziba tjini tjinolebgwa nezwifananidzo zwimwe zose? 14Ndzwali unodzwala dama. 15Dama palinodzwagwa; banoti beliwha, tjinyolotjo Satane ebuya etola dama ladzwagwa, ibabo ndiyo mbewu imuzila. 16Sayikoko bo, mbewu imumahalabgwana, ndi ibabo banoti bewha dama tjinyolotjo bakaliwamutjila nekuhanha; 17abana midzi, koga banobhatilila kwelubakanyana; panoswika bulemo kene dziyidzika ngentha yedama, banobva banyala moyo tjinyolotjo. 18Bamwe imbewu yakadzwagwa pakati kwemimhiwa; ndi ibabo banowha dama, 19koga da zwinhu zwehango, nehanhila fumwa, neyemula zwimwe zwinhu, kunginila kutshambidzila dama, likosaba nemitjelo. 20Koga mbewu yakadzwagwa mumavu akanaka ndi ibabo banowha dama, bakaliwamutjila, bakakozwala mitjelo, yakapamhiwa kagulu, imwe kuli makumi matanhatu, imwe kuli makumi matatu.”
Tjivoneko Kusi Kwetundu
(Luka 8.16-18)
21Yesu wakati kubali, “Kuna tjivoneko tjinotongosiwa kusi kwetundu kene kusi kwembheta? Koga haate tjisiwa pehhugwi kwetjigadziko tjetjivoneko? 22Nekuti akuna tjakasumbikika tjisingowhodusigwa patjena; kakale akuna tjinowhogala tjakasumbikika, koga tjowhobhuda patjena. 23Hapa kene upi nhu enazebe dzowha, ngaawhe.”
24Wakati kakale kubali, “Yelani njele kuti tjamunowha ini, kakale tjilizanyo tjamunopa nditjo tjamunowhowamutjila bo, kene kwakajalo kumuli kowhopamhidzigwa. 25Ngobe unako unowhopiwa kunjinji; koga usina, nayikoko kwaanako unowhokutolegwa.”
Tjifananidzo Tjemhudzi Inokula
26Wakati, “Bumambo gweNdzimu gonga nhu wakadzwala mbewu mumavu; 27Akakonda enolala emuka siku nesikati, mela ukapombonoka ukakula koga asingazibe kuti wakula tjini. 28Mavu ngekwawo anozwikudzila, kotanga kwabhuda mela, kukotjifunda, kukotobela n'holo watjiyibva. 29Koga hapa kwatjiyibva, unobva alonga sikela, ngobe lubaka gwevuna gobe gwaswika.”
Tjifananidzo Tjemhudzi Yemasitadiya
(Matewu 13.31,32-34; Luka 13.18-19)
30Yesu wakati, “Bumambo gweNdzimu tingagufananisa neni? Kene iko kuti tingagufananisa natjipi tjifananidzo? 31Gonga mhudzi yemasitadi, inoti payinodzwagwa mumavu inobe ili nhukununu pamhudzi dzosedzose dziyapo muhango. 32Koga hapa yadzwagwa inokula ikabe whuluwhulu kupinda zwilimwa zose, inopalula nhabi whuluwhulu kwekuti nyunyi dzemumhepo dzobaka zwihaka dzikawana ntuzi.”
33Wakalebeleka nabo dama ehingisa zwifananidzo kuyendilana nekuti baka bewhisisa kungapani. 34Haazotongolebeleka nabo neyimwe zila isi zwifananidzo, koga baka beti batjibe boga nebadiyiwa babe ekotjibatjenesela zwinhu zose.
Yesu Unodzikamisa Dutu
(Matewu 8.23-27; Luka 8.22-25)
35Hhuba ilo zwalo ilelo, kwakati kwatjibe madekwana akati kubali, “Ayitjulukileni seli.” 36Besiya mbunga, bakangina bo mukepe, iye waka atjingina kale, bakayenda, kwakakuna zwimwe zwikepe ipapo. 37Kukakomilika dutu gulugulu, vula dzalo dzikangina mukepe tjikabe tjohhala vula. 38Yesu waka ali kuhule mukepe alilelezwe panhobo akasazamila nsazamilo; bakawumusa beti, “Ndhiyi, amuna hanya kuti tepalala?”
39Akabe emilika etjemela mhepo, eti kugungwa, “Dzikama! Nyalala uti whu!” Mhepo ikanyalala kukabe nekunyalala kukulukulu. 40Akabe oti kubali, “Mohlilani zwingapa? Amuna bugalimoyo?”
41Bakahla kwazo bakati umwe kuwumwe, “Ndiyani iwhoyu unowhiligwa nemhepo nange gungwa lose?”
Iliyochaguliwa sasa
Mako 4: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 4
4
Tjifananidzo TjeNdzwali
(Matewu 13.1-9; Luka 8.4-8)
1Wakatangisa diya pawhunde yegungwa. Akakubunganigwa nebanhu banjinji, ndizo wakangina mukepe, akagala mugungwa, koga gubungano lose lebanhu laka lili pamhili yegungwa, pamavu. 2Wakabadiya zwinhu zwinjinji ngezwifananidzo, akati mukudiya kukwe. 3“Whililani; lingani! kuna umwe ndzwali wakayenda kunodzwala. 4Wakati ewaya, imwe mbewu ikawila muzila, nyunyi dzikabuya dzikayidla. 5Imwe mbewu yakawila pana mahalabgwana, paka pasina mavu manjinji; ikalibilidza mela nekuti kwaka kusina mavu manjinji. 6Koga kwakati hhuba litanha ikatshwa; saku yaka isina midzi yakabva yaswaba. 7Imwe mbewu yakawila mumimhiwa, mimhiwa ikakula ikayizwiya, ikasazwala. 8Imwe mbewu yakawila mumavu akanaka ikazwala, ikakula ikawanda, ikazwala, imwe kwakapamhiwa kagulu, imwe kuli makumi matanhatu, imwe kuli makumi matatu.”
9Wakati kubali, “Unazebe dzewha, ngaawhe.”
Tjaka Tjiyetigwa Zwifananidzo
(Matewu 13.10-17; Luka 8.9-10)
10Wakakoti atjibe yega, banhu baka bakawunkombeledza nebadiyiwa baligumi nebabili bakawumbhuzwa nekwezwifananidzo. 11Yesu wakati kubali, “Imwi makapiwa kuti muzibe zwakasumbikika zwebumambo gweNdzimu, koga kubamwe ibabo bakuhhe, kose kolebgwa ngezwifananidzo; 12#Isa 6.9-10.kuyetila kuti,
“ ‘Babone
koga basibonesese,
kakale bawhe
koga basitongowhisisa;
ngobe bangahanduka kakale,
bakayetigwa mazwibhatigwa.’ ”
Yesu Unopetunula Tjifananidzo TjeNdzwali
(Matewu 13.18-23; Luka 8.11-15)
13Yesu akati kubali, “Amutotjiwhisisa tjifananidzo itjetji? Ngono mowhoziba tjini tjinolebgwa nezwifananidzo zwimwe zose? 14Ndzwali unodzwala dama. 15Dama palinodzwagwa; banoti beliwha, tjinyolotjo Satane ebuya etola dama ladzwagwa, ibabo ndiyo mbewu imuzila. 16Sayikoko bo, mbewu imumahalabgwana, ndi ibabo banoti bewha dama tjinyolotjo bakaliwamutjila nekuhanha; 17abana midzi, koga banobhatilila kwelubakanyana; panoswika bulemo kene dziyidzika ngentha yedama, banobva banyala moyo tjinyolotjo. 18Bamwe imbewu yakadzwagwa pakati kwemimhiwa; ndi ibabo banowha dama, 19koga da zwinhu zwehango, nehanhila fumwa, neyemula zwimwe zwinhu, kunginila kutshambidzila dama, likosaba nemitjelo. 20Koga mbewu yakadzwagwa mumavu akanaka ndi ibabo banowha dama, bakaliwamutjila, bakakozwala mitjelo, yakapamhiwa kagulu, imwe kuli makumi matanhatu, imwe kuli makumi matatu.”
Tjivoneko Kusi Kwetundu
(Luka 8.16-18)
21Yesu wakati kubali, “Kuna tjivoneko tjinotongosiwa kusi kwetundu kene kusi kwembheta? Koga haate tjisiwa pehhugwi kwetjigadziko tjetjivoneko? 22Nekuti akuna tjakasumbikika tjisingowhodusigwa patjena; kakale akuna tjinowhogala tjakasumbikika, koga tjowhobhuda patjena. 23Hapa kene upi nhu enazebe dzowha, ngaawhe.”
24Wakati kakale kubali, “Yelani njele kuti tjamunowha ini, kakale tjilizanyo tjamunopa nditjo tjamunowhowamutjila bo, kene kwakajalo kumuli kowhopamhidzigwa. 25Ngobe unako unowhopiwa kunjinji; koga usina, nayikoko kwaanako unowhokutolegwa.”
Tjifananidzo Tjemhudzi Inokula
26Wakati, “Bumambo gweNdzimu gonga nhu wakadzwala mbewu mumavu; 27Akakonda enolala emuka siku nesikati, mela ukapombonoka ukakula koga asingazibe kuti wakula tjini. 28Mavu ngekwawo anozwikudzila, kotanga kwabhuda mela, kukotjifunda, kukotobela n'holo watjiyibva. 29Koga hapa kwatjiyibva, unobva alonga sikela, ngobe lubaka gwevuna gobe gwaswika.”
Tjifananidzo Tjemhudzi Yemasitadiya
(Matewu 13.31,32-34; Luka 13.18-19)
30Yesu wakati, “Bumambo gweNdzimu tingagufananisa neni? Kene iko kuti tingagufananisa natjipi tjifananidzo? 31Gonga mhudzi yemasitadi, inoti payinodzwagwa mumavu inobe ili nhukununu pamhudzi dzosedzose dziyapo muhango. 32Koga hapa yadzwagwa inokula ikabe whuluwhulu kupinda zwilimwa zose, inopalula nhabi whuluwhulu kwekuti nyunyi dzemumhepo dzobaka zwihaka dzikawana ntuzi.”
33Wakalebeleka nabo dama ehingisa zwifananidzo kuyendilana nekuti baka bewhisisa kungapani. 34Haazotongolebeleka nabo neyimwe zila isi zwifananidzo, koga baka beti batjibe boga nebadiyiwa babe ekotjibatjenesela zwinhu zose.
Yesu Unodzikamisa Dutu
(Matewu 8.23-27; Luka 8.22-25)
35Hhuba ilo zwalo ilelo, kwakati kwatjibe madekwana akati kubali, “Ayitjulukileni seli.” 36Besiya mbunga, bakangina bo mukepe, iye waka atjingina kale, bakayenda, kwakakuna zwimwe zwikepe ipapo. 37Kukakomilika dutu gulugulu, vula dzalo dzikangina mukepe tjikabe tjohhala vula. 38Yesu waka ali kuhule mukepe alilelezwe panhobo akasazamila nsazamilo; bakawumusa beti, “Ndhiyi, amuna hanya kuti tepalala?”
39Akabe emilika etjemela mhepo, eti kugungwa, “Dzikama! Nyalala uti whu!” Mhepo ikanyalala kukabe nekunyalala kukulukulu. 40Akabe oti kubali, “Mohlilani zwingapa? Amuna bugalimoyo?”
41Bakahla kwazo bakati umwe kuwumwe, “Ndiyani iwhoyu unowhiligwa nemhepo nange gungwa lose?”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International