Mako 3
3
Nlume Unaluboko Gwakahwehwana
(Matewu 12.9-14; Luka 6.6-11)
1Wakangina musinagogu kakale, ngono kwaka kuna nlume imhomo waka analuboko gwakahwehwana. 2Bakawunlingisisa, kudze babone kuti kene unowhowuntjidza muhhuba lesabatha, kuyetila kuti bawuntilike nlandu. 3Wakati kuna waka ana luboko gwakaswaba, “Milika, ume pakati kwebanhu.” 4Wakababhuzwa eti, “Kumunlayo kuti muhhuba lesabatha uthame tjibuya kene tjakayipa, kuti utjengetedze butjilo kene kuti ubulaye?”
Koga ibo bakanyalala. 5Akabalinga bose nemoyo unogwadza, egwadziwa nekuti baka bana mimoyo mikukutu, akabe oti kuna iwhoyo nlume, “Tambunudza luboko gugo.” Akagutambunudza, luboko gugwe gwaka gwatjilulama. 6BaFarisi bakabhudila kuhhe, tjinyolotjo bakalangana nebanhu baHherodi kuti bangawumbulaya tjini.
Gubungano Pagungwa
7Koga Yesu wakazwihalula iye nebadiyiwa babe, bakayenda kugungwa, gubungano gulugulu linobva kuGalile nekuJudiya lakawuntobela. 8Nebanobva kuJerusalema neku Idumiya nebamwe bakabebva seli yaJorodani, nebekuTire nekuSidoni lakabe gubungano gulugulu, bakati bewha zwinhu zwikulukulu zwaka zwiyetiwa naYesu bakahha kuwunli. 9Wakabudza badiyiwa babe kuti kube nekepe tjitukununu tjaangangina mutjili, nentha yekuti kwaka kuna gubungano gulugulu, banhu baka bengawuzwiya; 10nekuti wake apolesa banhu banjinji, kwekuti banhu banabugwele bakawunkubunganila, behaka kuti bangowunkunha. 11Meyambi yaka iti iwumbona, iwila pasi imimila iti, “Unkololo weNdzimu.”
12Yesu wakabakowhomesedza kanjinji kuti basitongowunta akazibgwa kuti ndiye yani.
Yesu Unohala Bapositoli Bali Gumi Nebabili
(Matewu 10.1-4; Luka 6.12-16)
13Wakatanha pehhugwi kwedombo akadana baanoda bakahha kuwunli. 14Wakahala balume baligumi nebabili baakadana eti bapositoli, kuti babe naye, kakale akabatuma kuti banosumikila 15nekuti babe nemasimba etata meyambi.
16Simoni waakapa zina linoyi Phethiro; 17Jakobe nkololo waZebhedi naJohane nun'una waJakobe, baakapa zina linoyi Bhowanejesi, kuleba kuti bakololo betitima; 18bamwe baka balipo ndi Andhireya, naFiliphi, naBhatholomewu, naMatewu, naTomasi, naJakobe nkololo wa Alifiyasi, naThediyasi, naSimoni wekuKhenani, 19NaJudasi Isikariyoti, iye wakawuntengesa.
Yesu naBhalazebhube
(Matewu 12.22-32; Luka 11.14-23; 12.10)
20Bakangina mun'umba bose. Gubungano likabakubunganila kakale, bakakon'wa ikodla tjinkwa. 21Ben'ha uwe bakati bekuwha bakayenda benowumbhata, ngobe banhu baka beti, “Wepenga.”
22Bakwali bakabva kuJerusalema bakati, “Ugegwe naBhelezebhule, unotata meyambi ehingisa he wemeyambi.”
23Wakabadanila pedlo akababudza nezwifananidzo eti, “Satane angatata Satane tjini? 24Hapa bumambo gwakapalalana pakati tjekwago, bumambo igogo agungame. 25N'ha unangwa pakati kwawo awungame. 26Hapa Satane ezwigwisa epalalana pakati, haangame, bupelo gugwe gobe gwatjiswika.”
27“Akuna nhu ungangina mun'umba wenlume wakasima, akawunkwibila#3.27 swadila nhundu dzidze, kuhhe kwekuti atange asunga nlume wakasima, ekoti okuba nhundu.”
28“Lebeswa ndoti kumuli, bakololo bebanhu banowhoyetigwa mazwibhatigwa matjinyo ose, nekene tuka kungapani; 29koga unotuka Meya Yakayengemala atowhoyetigwa mazwibhatigwa, koga unowhoba nenlandu wejinyo ilelo nekusingapele.” 30Nentha yekuti baka beti, “Una meyambi.”
Mayi baYesu neBanun'una babe
(Matewu 12.46-50; Luka 8.19-21)
31Kwakakoswika meyabe nebanun'una babe, bakama kuhhe bakatumila banhu kuti bawundhane. 32Gubungano laka lakawunkombeledza, lakati kuwunli, “Meyabo nebanun'una babo banokuhaka bakuhhe.”
33Akabahandula ebhuzwa eti, “Mme bangu ndiyani, banun'una bangu ndiboyani?” 34Etjebuka tjebuka banhu baka baligele bakawunkombeledza, wakati, “Lingani mme bangu nebanun'una bangu ndi ibaba! 35Umwenemwe unothama kuda kweNdzimu, ndiye nun'una, nehazwadzi namme bangu.”
Iliyochaguliwa sasa
Mako 3: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 3
3
Nlume Unaluboko Gwakahwehwana
(Matewu 12.9-14; Luka 6.6-11)
1Wakangina musinagogu kakale, ngono kwaka kuna nlume imhomo waka analuboko gwakahwehwana. 2Bakawunlingisisa, kudze babone kuti kene unowhowuntjidza muhhuba lesabatha, kuyetila kuti bawuntilike nlandu. 3Wakati kuna waka ana luboko gwakaswaba, “Milika, ume pakati kwebanhu.” 4Wakababhuzwa eti, “Kumunlayo kuti muhhuba lesabatha uthame tjibuya kene tjakayipa, kuti utjengetedze butjilo kene kuti ubulaye?”
Koga ibo bakanyalala. 5Akabalinga bose nemoyo unogwadza, egwadziwa nekuti baka bana mimoyo mikukutu, akabe oti kuna iwhoyo nlume, “Tambunudza luboko gugo.” Akagutambunudza, luboko gugwe gwaka gwatjilulama. 6BaFarisi bakabhudila kuhhe, tjinyolotjo bakalangana nebanhu baHherodi kuti bangawumbulaya tjini.
Gubungano Pagungwa
7Koga Yesu wakazwihalula iye nebadiyiwa babe, bakayenda kugungwa, gubungano gulugulu linobva kuGalile nekuJudiya lakawuntobela. 8Nebanobva kuJerusalema neku Idumiya nebamwe bakabebva seli yaJorodani, nebekuTire nekuSidoni lakabe gubungano gulugulu, bakati bewha zwinhu zwikulukulu zwaka zwiyetiwa naYesu bakahha kuwunli. 9Wakabudza badiyiwa babe kuti kube nekepe tjitukununu tjaangangina mutjili, nentha yekuti kwaka kuna gubungano gulugulu, banhu baka bengawuzwiya; 10nekuti wake apolesa banhu banjinji, kwekuti banhu banabugwele bakawunkubunganila, behaka kuti bangowunkunha. 11Meyambi yaka iti iwumbona, iwila pasi imimila iti, “Unkololo weNdzimu.”
12Yesu wakabakowhomesedza kanjinji kuti basitongowunta akazibgwa kuti ndiye yani.
Yesu Unohala Bapositoli Bali Gumi Nebabili
(Matewu 10.1-4; Luka 6.12-16)
13Wakatanha pehhugwi kwedombo akadana baanoda bakahha kuwunli. 14Wakahala balume baligumi nebabili baakadana eti bapositoli, kuti babe naye, kakale akabatuma kuti banosumikila 15nekuti babe nemasimba etata meyambi.
16Simoni waakapa zina linoyi Phethiro; 17Jakobe nkololo waZebhedi naJohane nun'una waJakobe, baakapa zina linoyi Bhowanejesi, kuleba kuti bakololo betitima; 18bamwe baka balipo ndi Andhireya, naFiliphi, naBhatholomewu, naMatewu, naTomasi, naJakobe nkololo wa Alifiyasi, naThediyasi, naSimoni wekuKhenani, 19NaJudasi Isikariyoti, iye wakawuntengesa.
Yesu naBhalazebhube
(Matewu 12.22-32; Luka 11.14-23; 12.10)
20Bakangina mun'umba bose. Gubungano likabakubunganila kakale, bakakon'wa ikodla tjinkwa. 21Ben'ha uwe bakati bekuwha bakayenda benowumbhata, ngobe banhu baka beti, “Wepenga.”
22Bakwali bakabva kuJerusalema bakati, “Ugegwe naBhelezebhule, unotata meyambi ehingisa he wemeyambi.”
23Wakabadanila pedlo akababudza nezwifananidzo eti, “Satane angatata Satane tjini? 24Hapa bumambo gwakapalalana pakati tjekwago, bumambo igogo agungame. 25N'ha unangwa pakati kwawo awungame. 26Hapa Satane ezwigwisa epalalana pakati, haangame, bupelo gugwe gobe gwatjiswika.”
27“Akuna nhu ungangina mun'umba wenlume wakasima, akawunkwibila#3.27 swadila nhundu dzidze, kuhhe kwekuti atange asunga nlume wakasima, ekoti okuba nhundu.”
28“Lebeswa ndoti kumuli, bakololo bebanhu banowhoyetigwa mazwibhatigwa matjinyo ose, nekene tuka kungapani; 29koga unotuka Meya Yakayengemala atowhoyetigwa mazwibhatigwa, koga unowhoba nenlandu wejinyo ilelo nekusingapele.” 30Nentha yekuti baka beti, “Una meyambi.”
Mayi baYesu neBanun'una babe
(Matewu 12.46-50; Luka 8.19-21)
31Kwakakoswika meyabe nebanun'una babe, bakama kuhhe bakatumila banhu kuti bawundhane. 32Gubungano laka lakawunkombeledza, lakati kuwunli, “Meyabo nebanun'una babo banokuhaka bakuhhe.”
33Akabahandula ebhuzwa eti, “Mme bangu ndiyani, banun'una bangu ndiboyani?” 34Etjebuka tjebuka banhu baka baligele bakawunkombeledza, wakati, “Lingani mme bangu nebanun'una bangu ndi ibaba! 35Umwenemwe unothama kuda kweNdzimu, ndiye nun'una, nehazwadzi namme bangu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International