Mako 10
10
Unodiya Nekwelambana Mubukwe
(Matewu 19.1-12; Luka 16.18)
1Yesu wakamilika muhango iyeyo akayenda kuhango yeJudiya seli yaJorodani. Mabunga ebanhu akahha kakale kuwunli; segala kukwe, wakabadiya.
2Bamwe baFarisi bakahha kuwunli bekawunlika nembhuzo beti, “Kumunlayo kuti nlume alambane nenkadzi uwe?”
3Wakabahandula eti, “Mozisi wakamulaya etini?”
4Bakahandula beti, “Mozisi wakabvumila kuti nlume akwalile nkadzi lukwalo gwelambana awuntate.”
5Koga Yesu wakati kubali, “Ngentha yebukukutu gwemimoyo yenyu wakamukwalila nlayo iwhoyu, 6Koga kubvila kutangisa, ‘Ndzimu wakabathama wetjilume newetjikadzi.’ 7‘Ngentha yayikoku nlume unowhosiya tatayi namayi akanamatilana nenkadzi uwe, 8kakale bubili gwabo banowhoba nyama in'ompela.’ Ndizo abatjibabili, batjiba nyama in'ompela. 9Tjabhatshanyiwa neNdzimu, kusibe nenhu unotjipalalanya.”
10Batjibe mun'umba, badiyiwa bakabhuzwa Yesu kakale nekwendebo iyeyi. 11Wakahandula eti, “Kene yani unolambana nenkadzi uwe, etola umwe nkadzi, unothama bupombgwe kuwunli. 12Nenkadzi unolambana nenlume uwe, etogwa newumwe nlume, unothama bupombgwe nawe.”
Yesu Unokombolela Bana Batjetjana
(Matewu 19.13-15; Luka 18.15-17)
13Banhu baka behhisa bana batjetjana kunaYesu kuti ababhate. Badiyiwa babe bakabatjemela. 14Yesu ekubona ikoku, wakamon'wa. Akati kubali, “Bvumilani bana bahhe kundili, musibadzibise, ngobe bumambo gweNdzimu ndegwebakajali. 15Lebeswa ndoti kumuli, kene yani usingowhowamutjila bumambo gweNdzimu semwana ntjetjana atowhogungina.” 16Wakabaguga, akabakombolela ebabiga maboko.
Nlume Wakafuma
(Matewu 19.16-30; Luka 18.18-30)
17Wakati eyenda muzila, umwe nlume akawuntihhilila akaswika epfigama mbeli kukwe, eti, “Ndhiyi wakalulama, ini tjandingathama kudze ndiwamutjile butjilo gusingapele?”
18Yesu wakawun'handula eti, “Nentha yeni unditi ndakalulama? Akuna wakalulama kuhhe kweNdzimu koga. 19Noyiziba milayo inoti. ‘Usibulaye, Usite bupombgwe, Usikhwibe, Usipe buswupi gwemanyepwa, Usitjebele, Lemekedza meyabo natate babo.’ ”
20Wakawun'handula eti, “Ndhiyi, yose iyeyi ndakayitobela kubvila nditjintjetjana.”
21Yesu wakawunlinga akawundha. Akati kuwunli, “Notayila netjinhu tjin'ompela; yenda unotengesa kose kwawunako, upe bahayi, nowhoba nefumwa kudzimu; ukotjibuya, unditobele.” 22Matama iyawa akawumpedza masimba. Wakayenda ana buyendasi mumoyo ngobe waka anafumwa njinji.
23Yesu wakatjebuka akati kubadiyiwa babe, “Kolema seni kuti bakafuma bangine mubumambo gweNdzimu!”
24Badiyiwa bakatjenamisiwa nematama awe. Koga Yesu wakati kakale kubali, “Bana bangu, kobalemela seni ibabo banogalabgwe mufumwa kuti bangine mubumambo gweNdzimu! 25Kulelulelu kuti kamela lipalame muhuli yelunji pana kuti mfumi angine mubumambo gweNdzimu.”
26Badiyiwa bakatjenama kwazo, bakabhuzwana beti, “Ngono ndiyani ungatjidziwa?”
27Yesu wakabalinga akati kubali, “Nenhu akutoyetika, koga kusini neNdzimu; ngobe neNdzimu, zwinhu zose zoyetika.”
28Phethiro wakati kuna Yesu, “Bonani, iswi takasiya kose tikatobela imwi.”
29Yesu wakahandula eti, “Lebeswa ndoti kumuli, akuna nhu wakasiya nzi kene bakuluyi kene banun'una kene hazwadzi kene mayi kene tatayi kene bana kene minda, nentha yangu neyendebo mbuya, 30usingowhowamutjila kwakapamhiwa ka gulu ngwenuwali mulubaka igogu, mizi nebakuluyi nebanun'una nedzihazwadzi nabome nebana nedziminda, kose nedziyidziwa, nebutjilo gusingapele mutjibaka tjinohha. 31Koga banjinji bekutanga banowhoba bebupelo; nebebupelo banowhoba bekutanga.”
Yesu Unoleba Gwebutatu Nekwelufu Gugwe
(Matewu 20.17-19; Luka 18.31-34)
32Bakabelimuzila beyenda kuJerusalema, bakatungamigwa naYesu; badiyiwa bakatjenama, bakabetobela bakabehla. Wakatola kakale baligumi nebabili akama nabo ntome akatangisa babudza nekunowhoyetikala kuwunli, 33eti kubali, “Whililani, toyenda kuJerusalema; Nkololo wenhu unowhotugwa kubaphirisiti bakulu nebakwali. Bakawuntongela bulawa kakale banowhowuntula kuBataya; 34banowhowunkuwelela, bakawumpfila, bakawunloba, kakale banowhowumbulaya; hule kwemahhuba matatu unowhomuka.”
Tjikumbilo tjaJakobe naJohane
(Matewu 20.20-28)
35Kwakahha kuwunli Jakobe naJohane, bakololo baZebhedi, bakati kuwunli, “Ndhiyi, toyemula kuti mutiyetile kene ini tjatinokumbila.”
36Wakababhuzwa eti, “Moyemula kuti ndimuyetileni?”
37Bakahandula beti, “Mutibvumile tigale umwe kuludli, umwe kulumehwe, mugudzo lenyu.”
38Koga Yesu wakahandula eti, “Amutoziba tjamunokumbila. Mungan'wa nkombe wandinon'wa kene mungabvubikiwa nezila yandinowhobvubikiwa ndiyo?”
39Bakati kuwunli, “Totubula.”
Yesu akati kubali, “Mowhon'wa nkombe wandinowhon'wa; kakale mowhobvubikiwa bvubikiwa kwandinowhobvubikiwa ndiko, 40koga kwegala kuludli gwangu kene kulumehwe gwangu akuta imi unokubvumila; koga ndekwayibabo kwakwaka baakanyigwa.”
41Bamwe baligumi bakati bekuwha bakagwadziligwa Jakobe naJohane. 42Yesu wakabadana, akati kubali, “Moziba kuti ibabo bakafanila tonga Bataya banobatshambidzila; nebanobatungamila banohingisa masimba pehhugwi kwabo. 43Koga akuzofanila kuti kujalo kumuli; koga kene yani unowhoba nkulu pakati kwenyu wakafanila ba n'hingi wenyu; 44kakale unohaka kuti abe wekutanga pakati kwenyu wakafanila kuti abe nlanda wayibo bose. 45Ngobe kene iye Nkololo wenhu haazohhila kuti awhohingigwa, koga wakahhila whohingila nepa butjilo gugwe kuti gube tjibhayilo tjebanjinji.”
Yesu Unolapa Bhofu Bhathimewusi
(Matewu 20.29-34; Luka 18.35-43)
46Bakaswika kuJerikho. Kwakati Yesu nebadiyiwa babe kose negubungano lebanhu gulugulu bebhuda muJerikho, umwe nlume webhofu unoyi Bhathimewusi, nkololo waThimewusi, waka aligele ntome kwezila ekumbila lubhatsho, 47paakati ewha kuti ndiYesu weNazaretha akatangisa mimila eti, “Yesu, Nkololo waDavida, mundiwhile ngoni!”
48Banhu banjinji bakawuntjemela bakawumbva kuti anyalale, koga wakayendilambeli emimilila pehhugwi kwazo eti, “Nkololo waDavida, mundiwhile ngoni!”
49Yesu wakama akati, “Muwundhaneni.”
Ndizo bakalidana ilelo bhofu beti kulili, “Iba netjilopa; milika, unokudana!”
50Lakalahila kutjena ngubo yalo, likapapadzuka likayenda kuna Yesu.
51Yesu wakati kulili, “Unohaka kuti ndikutileni?”
Bhofu lakahandula liti, “Rabhi, ndohaka kuti ndibone.”
52Yesu wakati kuwunli, “Tjiyenda, galamoyo kuko kwakuthama ukanaya.”
Tjinyolotjo wakabva apofunuka, akatobela Yesu muzila.
Iliyochaguliwa sasa
Mako 10: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 10
10
Unodiya Nekwelambana Mubukwe
(Matewu 19.1-12; Luka 16.18)
1Yesu wakamilika muhango iyeyo akayenda kuhango yeJudiya seli yaJorodani. Mabunga ebanhu akahha kakale kuwunli; segala kukwe, wakabadiya.
2Bamwe baFarisi bakahha kuwunli bekawunlika nembhuzo beti, “Kumunlayo kuti nlume alambane nenkadzi uwe?”
3Wakabahandula eti, “Mozisi wakamulaya etini?”
4Bakahandula beti, “Mozisi wakabvumila kuti nlume akwalile nkadzi lukwalo gwelambana awuntate.”
5Koga Yesu wakati kubali, “Ngentha yebukukutu gwemimoyo yenyu wakamukwalila nlayo iwhoyu, 6Koga kubvila kutangisa, ‘Ndzimu wakabathama wetjilume newetjikadzi.’ 7‘Ngentha yayikoku nlume unowhosiya tatayi namayi akanamatilana nenkadzi uwe, 8kakale bubili gwabo banowhoba nyama in'ompela.’ Ndizo abatjibabili, batjiba nyama in'ompela. 9Tjabhatshanyiwa neNdzimu, kusibe nenhu unotjipalalanya.”
10Batjibe mun'umba, badiyiwa bakabhuzwa Yesu kakale nekwendebo iyeyi. 11Wakahandula eti, “Kene yani unolambana nenkadzi uwe, etola umwe nkadzi, unothama bupombgwe kuwunli. 12Nenkadzi unolambana nenlume uwe, etogwa newumwe nlume, unothama bupombgwe nawe.”
Yesu Unokombolela Bana Batjetjana
(Matewu 19.13-15; Luka 18.15-17)
13Banhu baka behhisa bana batjetjana kunaYesu kuti ababhate. Badiyiwa babe bakabatjemela. 14Yesu ekubona ikoku, wakamon'wa. Akati kubali, “Bvumilani bana bahhe kundili, musibadzibise, ngobe bumambo gweNdzimu ndegwebakajali. 15Lebeswa ndoti kumuli, kene yani usingowhowamutjila bumambo gweNdzimu semwana ntjetjana atowhogungina.” 16Wakabaguga, akabakombolela ebabiga maboko.
Nlume Wakafuma
(Matewu 19.16-30; Luka 18.18-30)
17Wakati eyenda muzila, umwe nlume akawuntihhilila akaswika epfigama mbeli kukwe, eti, “Ndhiyi wakalulama, ini tjandingathama kudze ndiwamutjile butjilo gusingapele?”
18Yesu wakawun'handula eti, “Nentha yeni unditi ndakalulama? Akuna wakalulama kuhhe kweNdzimu koga. 19Noyiziba milayo inoti. ‘Usibulaye, Usite bupombgwe, Usikhwibe, Usipe buswupi gwemanyepwa, Usitjebele, Lemekedza meyabo natate babo.’ ”
20Wakawun'handula eti, “Ndhiyi, yose iyeyi ndakayitobela kubvila nditjintjetjana.”
21Yesu wakawunlinga akawundha. Akati kuwunli, “Notayila netjinhu tjin'ompela; yenda unotengesa kose kwawunako, upe bahayi, nowhoba nefumwa kudzimu; ukotjibuya, unditobele.” 22Matama iyawa akawumpedza masimba. Wakayenda ana buyendasi mumoyo ngobe waka anafumwa njinji.
23Yesu wakatjebuka akati kubadiyiwa babe, “Kolema seni kuti bakafuma bangine mubumambo gweNdzimu!”
24Badiyiwa bakatjenamisiwa nematama awe. Koga Yesu wakati kakale kubali, “Bana bangu, kobalemela seni ibabo banogalabgwe mufumwa kuti bangine mubumambo gweNdzimu! 25Kulelulelu kuti kamela lipalame muhuli yelunji pana kuti mfumi angine mubumambo gweNdzimu.”
26Badiyiwa bakatjenama kwazo, bakabhuzwana beti, “Ngono ndiyani ungatjidziwa?”
27Yesu wakabalinga akati kubali, “Nenhu akutoyetika, koga kusini neNdzimu; ngobe neNdzimu, zwinhu zose zoyetika.”
28Phethiro wakati kuna Yesu, “Bonani, iswi takasiya kose tikatobela imwi.”
29Yesu wakahandula eti, “Lebeswa ndoti kumuli, akuna nhu wakasiya nzi kene bakuluyi kene banun'una kene hazwadzi kene mayi kene tatayi kene bana kene minda, nentha yangu neyendebo mbuya, 30usingowhowamutjila kwakapamhiwa ka gulu ngwenuwali mulubaka igogu, mizi nebakuluyi nebanun'una nedzihazwadzi nabome nebana nedziminda, kose nedziyidziwa, nebutjilo gusingapele mutjibaka tjinohha. 31Koga banjinji bekutanga banowhoba bebupelo; nebebupelo banowhoba bekutanga.”
Yesu Unoleba Gwebutatu Nekwelufu Gugwe
(Matewu 20.17-19; Luka 18.31-34)
32Bakabelimuzila beyenda kuJerusalema, bakatungamigwa naYesu; badiyiwa bakatjenama, bakabetobela bakabehla. Wakatola kakale baligumi nebabili akama nabo ntome akatangisa babudza nekunowhoyetikala kuwunli, 33eti kubali, “Whililani, toyenda kuJerusalema; Nkololo wenhu unowhotugwa kubaphirisiti bakulu nebakwali. Bakawuntongela bulawa kakale banowhowuntula kuBataya; 34banowhowunkuwelela, bakawumpfila, bakawunloba, kakale banowhowumbulaya; hule kwemahhuba matatu unowhomuka.”
Tjikumbilo tjaJakobe naJohane
(Matewu 20.20-28)
35Kwakahha kuwunli Jakobe naJohane, bakololo baZebhedi, bakati kuwunli, “Ndhiyi, toyemula kuti mutiyetile kene ini tjatinokumbila.”
36Wakababhuzwa eti, “Moyemula kuti ndimuyetileni?”
37Bakahandula beti, “Mutibvumile tigale umwe kuludli, umwe kulumehwe, mugudzo lenyu.”
38Koga Yesu wakahandula eti, “Amutoziba tjamunokumbila. Mungan'wa nkombe wandinon'wa kene mungabvubikiwa nezila yandinowhobvubikiwa ndiyo?”
39Bakati kuwunli, “Totubula.”
Yesu akati kubali, “Mowhon'wa nkombe wandinowhon'wa; kakale mowhobvubikiwa bvubikiwa kwandinowhobvubikiwa ndiko, 40koga kwegala kuludli gwangu kene kulumehwe gwangu akuta imi unokubvumila; koga ndekwayibabo kwakwaka baakanyigwa.”
41Bamwe baligumi bakati bekuwha bakagwadziligwa Jakobe naJohane. 42Yesu wakabadana, akati kubali, “Moziba kuti ibabo bakafanila tonga Bataya banobatshambidzila; nebanobatungamila banohingisa masimba pehhugwi kwabo. 43Koga akuzofanila kuti kujalo kumuli; koga kene yani unowhoba nkulu pakati kwenyu wakafanila ba n'hingi wenyu; 44kakale unohaka kuti abe wekutanga pakati kwenyu wakafanila kuti abe nlanda wayibo bose. 45Ngobe kene iye Nkololo wenhu haazohhila kuti awhohingigwa, koga wakahhila whohingila nepa butjilo gugwe kuti gube tjibhayilo tjebanjinji.”
Yesu Unolapa Bhofu Bhathimewusi
(Matewu 20.29-34; Luka 18.35-43)
46Bakaswika kuJerikho. Kwakati Yesu nebadiyiwa babe kose negubungano lebanhu gulugulu bebhuda muJerikho, umwe nlume webhofu unoyi Bhathimewusi, nkololo waThimewusi, waka aligele ntome kwezila ekumbila lubhatsho, 47paakati ewha kuti ndiYesu weNazaretha akatangisa mimila eti, “Yesu, Nkololo waDavida, mundiwhile ngoni!”
48Banhu banjinji bakawuntjemela bakawumbva kuti anyalale, koga wakayendilambeli emimilila pehhugwi kwazo eti, “Nkololo waDavida, mundiwhile ngoni!”
49Yesu wakama akati, “Muwundhaneni.”
Ndizo bakalidana ilelo bhofu beti kulili, “Iba netjilopa; milika, unokudana!”
50Lakalahila kutjena ngubo yalo, likapapadzuka likayenda kuna Yesu.
51Yesu wakati kulili, “Unohaka kuti ndikutileni?”
Bhofu lakahandula liti, “Rabhi, ndohaka kuti ndibone.”
52Yesu wakati kuwunli, “Tjiyenda, galamoyo kuko kwakuthama ukanaya.”
Tjinyolotjo wakabva apofunuka, akatobela Yesu muzila.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International