Mako 11
11
Yesu Unongina muJerusalema saMambo
(Matewu 21.1-11; Luka 19.28-40; Johane 12.12-19)
1Bakati batjibapedlo neJerusalema, pedlo neBhethifeji neBhethani, padombo leMitoba, wakatuma badiyiwa babe babili, 2eti kubali, “Yendani kunzi umbeli kwenyu, hapa mungina mowhowana gondolo lekakambe lisakatongotan'wa nenhu lakasungiligwa. Mulisunungule mubuye nalo. 3Kukaba nenhu unomubhuzwa eti, ‘Mokuyetilani ikoku?’ muwumbudze kuti, ‘He banohaka lihingisa, banowholihandusa nekulibilidza.’ ”
4Bakayenda bakanowana gondolo lakaswungiligwa pankoba kuhhe, pedlo nezila. Bakalisunungula. 5Banhu baka belimile ipapo bakababhuzwa beti, “Mothamani, mosunungulilani gondolo lekakambe ilelo?”
6Bakabahandula selayiwa kwabo naYesu, banhu ibabo bakabaletja bakayenda. 7Bakabuya nalo gondolo lekakambe kuna Yesu, bakatilika ngubo dzabo pehhugwi kwalo, akalitanha. 8Nebanhu banjinji bakawala zwiyambalo zwabo muzila, bamwe bakawala nhabi dzinamahhani dzabakabatema muminda. 9Bakatungamila mbeli nebaka betobela baka pululudza beti, “Whosana! Wakakombolegwa iye unohha muzina laHe! 10Gwakakombolegwa bumambo gunohha, bumambo gwatate bedu Davida! Whosana pehhugwihhugwi!”
11Yesu wakaswika muJerusalema, akangina muthempeli; atjilinga tjimwe netjimwe, saku kwaka kwatjihwa, wakamilika eyenda kuBhethani nebadiyiwa babe baligumi nebabili.
Yesu Unotuka Nkuyu
(Matewu 21.18-19)
12Tjimuka bebva kuBhethani, Yesu wakaatjiba nehhala. 13Ebona nkuyu unamahhani uli tjakule nyana, wakasedzela eti pamwe angawana makuyu. Koga akawana usakazwala unamahhani koga, ngobe kwakakusi lubaka gwezwala kwawo. 14Eba etuka nti iwhoyo eti, “Kusitjabe nenhu unowhotongodla mitjelo iyo kene lini.”
Badiyiwa babe bakawuwha ejalo.
Yesu Unongina muThempeli
(Matewu 21.12-17; Luka 19.45-48; Johane 2.13-22)
15Beswika muJerusalema, Yesu wakangina muthempeli eba etangisa tata ibabo baka betenga netengesa mukati. Wakapitula mathebuli ebaka betengesa mari nezwigalo zwayibabo baka betengesa njiba; 16asongobvumila kuti kube nenhu unopalama muthempeli ana tjaakasenga. 17Wakadiya, akati kubali, “Akuzokwagwa kuti, ‘N'umba yangu inowhodan'wa kuyi in'umba yentembezelo yenjudzi dzose’? Koga imwi matjiyithama guwhu lembava.”
18Baphirisiti bakulu nebakwali bakakuwha ikoku, bakahaka sekwabanga wumbulaya; baka bewunhla, nentha yekuti mbunga wose waka utjenamisiwa nediya kukwe.
19Hhuba latjihwa bakabhuda munzi-nkulu.
Tjidiyo Tjinobva paNkuyu
(Matewu 21.20-22)
20Tjimuka mangwanana bepinda, bakabona nkuyu iwhoya watjiwoma kubvila kumidzi. 21Phethiro wakaalakana, eba eti kuna Yesu, “Rabhi, lingani! Nkuyu wamakalonga bhiso watjiwoma!”
22Yesu wakahandula eti, “Galanimoyo kuNdzimu. 23Lebeswa, ndoti kumuli, hapa kene yani eti kudombo ileli, ‘Sipuka, uwile mugungwa,’ kakale esingan'un'une mumoyo uwe koga egalamoyo kuti tjaanoleba tjowhoyetikala, unowhotjitigwa. 24Ndizo ndomubudza, kene ini tjamunokumbila ngentembezelo, galanimoyo kuti matjitjiwamutjila, mowhoba natjo. 25Hapa mutembezela, kunanhu wamakagwadziligwa, muwuyetile mazwibhatigwa, kuyetila kuti Tate babo bakudzimu bamuyetile bo mazwibhatigwa matjinyo enyu. 26(Koga hapa musingayetile bamwe mazwibhatigwa matjinyo abo, naTate babo bakudzimu abatowhomuyetila bo mazwibhatigwa matjinyo enyu.)”
Mbhuzo nekweSimba laYesu
(Matewu 21.23-27; Luka 20.1-8)
27Bakabgwilila kakale kuJerusalema, lubaka Yesu eyendayenda muthempeli, baphirisiti bakulu nebakwali nebawhola bakahha kuwunli, 28bakati, “Zwinhu izwezwi nozwihinga nesimba lipi, kene ndiyani wakakupa simba kuti uzwithame?”
29Yesu wakabahandula eti, “Ndowhomubhuzwa mbhuzo un'ompela; mundihandule, ndiko kwandinowhomubudza kuti kungesimba lipi ndihinga izwezwi zwinhu. 30Bvubika kwaJohane, kwakakubva kudzimu, kene kubanhu? Mundihandule!”
31Baka kakabadzana tjekwabo, beti, “Hapa titi, ‘Kwakabva kudzimu,’ unowhoti, ‘Nentha yeni ngono musakagalamoyo muwunli?’ 32Ngono titi, ‘Kwakabva mubanhu?’” (Bakabehla banhu, ngobe wose nhu waka eti Johane waka ali nlebesambeli welebeswa.) 33Ndizo bakahandula Yesu beti, “Atitoziba.”
Yesu eba eti bo kubali, “Nami bo anditowhomubudza kuti kunge simba lipi ndithama zwinhu izwezwi.”
Iliyochaguliwa sasa
Mako 11: KTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International
Mako 11
11
Yesu Unongina muJerusalema saMambo
(Matewu 21.1-11; Luka 19.28-40; Johane 12.12-19)
1Bakati batjibapedlo neJerusalema, pedlo neBhethifeji neBhethani, padombo leMitoba, wakatuma badiyiwa babe babili, 2eti kubali, “Yendani kunzi umbeli kwenyu, hapa mungina mowhowana gondolo lekakambe lisakatongotan'wa nenhu lakasungiligwa. Mulisunungule mubuye nalo. 3Kukaba nenhu unomubhuzwa eti, ‘Mokuyetilani ikoku?’ muwumbudze kuti, ‘He banohaka lihingisa, banowholihandusa nekulibilidza.’ ”
4Bakayenda bakanowana gondolo lakaswungiligwa pankoba kuhhe, pedlo nezila. Bakalisunungula. 5Banhu baka belimile ipapo bakababhuzwa beti, “Mothamani, mosunungulilani gondolo lekakambe ilelo?”
6Bakabahandula selayiwa kwabo naYesu, banhu ibabo bakabaletja bakayenda. 7Bakabuya nalo gondolo lekakambe kuna Yesu, bakatilika ngubo dzabo pehhugwi kwalo, akalitanha. 8Nebanhu banjinji bakawala zwiyambalo zwabo muzila, bamwe bakawala nhabi dzinamahhani dzabakabatema muminda. 9Bakatungamila mbeli nebaka betobela baka pululudza beti, “Whosana! Wakakombolegwa iye unohha muzina laHe! 10Gwakakombolegwa bumambo gunohha, bumambo gwatate bedu Davida! Whosana pehhugwihhugwi!”
11Yesu wakaswika muJerusalema, akangina muthempeli; atjilinga tjimwe netjimwe, saku kwaka kwatjihwa, wakamilika eyenda kuBhethani nebadiyiwa babe baligumi nebabili.
Yesu Unotuka Nkuyu
(Matewu 21.18-19)
12Tjimuka bebva kuBhethani, Yesu wakaatjiba nehhala. 13Ebona nkuyu unamahhani uli tjakule nyana, wakasedzela eti pamwe angawana makuyu. Koga akawana usakazwala unamahhani koga, ngobe kwakakusi lubaka gwezwala kwawo. 14Eba etuka nti iwhoyo eti, “Kusitjabe nenhu unowhotongodla mitjelo iyo kene lini.”
Badiyiwa babe bakawuwha ejalo.
Yesu Unongina muThempeli
(Matewu 21.12-17; Luka 19.45-48; Johane 2.13-22)
15Beswika muJerusalema, Yesu wakangina muthempeli eba etangisa tata ibabo baka betenga netengesa mukati. Wakapitula mathebuli ebaka betengesa mari nezwigalo zwayibabo baka betengesa njiba; 16asongobvumila kuti kube nenhu unopalama muthempeli ana tjaakasenga. 17Wakadiya, akati kubali, “Akuzokwagwa kuti, ‘N'umba yangu inowhodan'wa kuyi in'umba yentembezelo yenjudzi dzose’? Koga imwi matjiyithama guwhu lembava.”
18Baphirisiti bakulu nebakwali bakakuwha ikoku, bakahaka sekwabanga wumbulaya; baka bewunhla, nentha yekuti mbunga wose waka utjenamisiwa nediya kukwe.
19Hhuba latjihwa bakabhuda munzi-nkulu.
Tjidiyo Tjinobva paNkuyu
(Matewu 21.20-22)
20Tjimuka mangwanana bepinda, bakabona nkuyu iwhoya watjiwoma kubvila kumidzi. 21Phethiro wakaalakana, eba eti kuna Yesu, “Rabhi, lingani! Nkuyu wamakalonga bhiso watjiwoma!”
22Yesu wakahandula eti, “Galanimoyo kuNdzimu. 23Lebeswa, ndoti kumuli, hapa kene yani eti kudombo ileli, ‘Sipuka, uwile mugungwa,’ kakale esingan'un'une mumoyo uwe koga egalamoyo kuti tjaanoleba tjowhoyetikala, unowhotjitigwa. 24Ndizo ndomubudza, kene ini tjamunokumbila ngentembezelo, galanimoyo kuti matjitjiwamutjila, mowhoba natjo. 25Hapa mutembezela, kunanhu wamakagwadziligwa, muwuyetile mazwibhatigwa, kuyetila kuti Tate babo bakudzimu bamuyetile bo mazwibhatigwa matjinyo enyu. 26(Koga hapa musingayetile bamwe mazwibhatigwa matjinyo abo, naTate babo bakudzimu abatowhomuyetila bo mazwibhatigwa matjinyo enyu.)”
Mbhuzo nekweSimba laYesu
(Matewu 21.23-27; Luka 20.1-8)
27Bakabgwilila kakale kuJerusalema, lubaka Yesu eyendayenda muthempeli, baphirisiti bakulu nebakwali nebawhola bakahha kuwunli, 28bakati, “Zwinhu izwezwi nozwihinga nesimba lipi, kene ndiyani wakakupa simba kuti uzwithame?”
29Yesu wakabahandula eti, “Ndowhomubhuzwa mbhuzo un'ompela; mundihandule, ndiko kwandinowhomubudza kuti kungesimba lipi ndihinga izwezwi zwinhu. 30Bvubika kwaJohane, kwakakubva kudzimu, kene kubanhu? Mundihandule!”
31Baka kakabadzana tjekwabo, beti, “Hapa titi, ‘Kwakabva kudzimu,’ unowhoti, ‘Nentha yeni ngono musakagalamoyo muwunli?’ 32Ngono titi, ‘Kwakabva mubanhu?’” (Bakabehla banhu, ngobe wose nhu waka eti Johane waka ali nlebesambeli welebeswa.) 33Ndizo bakahandula Yesu beti, “Atitoziba.”
Yesu eba eti bo kubali, “Nami bo anditowhomubudza kuti kunge simba lipi ndithama zwinhu izwezwi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word For The World International