2 Tasalonikayi 3
3
Ɔ Gakiu Ɗatɔ
1Nyayisinɛ n shɔbiiyi, ɔ gakiu Ɗa tɔ nɛ Uɓeyelapa u ruubii u yɛ ɗekn u raaɗɔ mɛɛli, shɔ tɛ naakazitini, ji nagbete si awɔ atetteyɛ. 2Ɔ gaki Ɗa nɛ Ɗalapa u raautɔ a shɔlanɛ a shɔ kɔ̃linɛyi naani; aruviya i ɓa piti kpai i ã sisɨnrɛ ɓa
3Ama Uɓeyelapa u sisɨn ãnɛ aɗɔn, yɛ lakɔɔ kakatɔ u kɔwɔrɛ a shɔ kɔ̃linɛn naani. 4Uɓeyelapa masiu bii tɛttɔ awɔ yuuni, u zɛ tɛttɔ ɔ ɗɔ pɛlinɛ, ɔ yɛ yɛ ɗekntɔ a vigbete u gelɔɔ n-tɛ ɔ pɛliyɛni.
5Mɛnɛ Uɓeyelapa u tɛɛsɔɔ ɗekn ɔ zɛ Ɗalapa ɔrinɛ fɛ̃ɛm a sisɨnmɛɛnɛ gbete Kirisi ãyɛnitɔ.
Yushogɔ̃nɛ Aru Ɔ̃nɛ Weze
6U shɔbiiyi u ãsɔɔ nyatɛ a Uɓeyelapa Yesɔ Kirisi nii, ɔ sẽbiikati a shɔ sisɨn ãnɛyi shɔ gbeteyi ɔ̃ ɔ̃nɛ pũzɛyɛni kpai, a shɔgbeteyi gn nyakɔsinɛ gbete u ãyɛ ɓa. 7Ɔkɔɔ awɔ yuu ɔ zɛ tɛttɔ fɛ̃ɛm ɔ gn jo vigbete u pɛliyɛkɔ. U si ɓa pũzɛ ɓa aɗagbete u a ɔkɔɔniyɛ. 8U ji tɛ viwɔ jo a shɔwɔ naani au ji sho ɓani. Anɔgbete u si pɛli nam u pɛlivishonɛtɔ fɛ̃ɛm; u pɛlivishonɛ zɨmba a nitini aru ukɔu ɔ̃ri kopiya nɛ vikpɛtɛ kpɛtɛni. 9U pɛli vim ɓanɛ aru u nyaba gbete u kãu naapɔ̃sinɛ ɓa; u pɛlirɛ aru u ɔ̃kɛ vitasinɛ awɔ ɗɔbii ɔ gntɔ. 10Aɗagbete u si doo a ɔkɔɔni, u gelɔɔtɔ nɛ, <<Shɔgbete kɛ pɛli vishonɛ ɓa shɔkɔ yaau nɛ u shaa virɛ.>>
11U sha vim aruviya shɔ gãsiyi awɔ tetteni gbete i ɔ̃ ɔ̃nɛ pũzɛ i pɛli viwɔ ɓa see nya tosinɛ a shɔwɔyi vishonɛ. 12A Uɓeyelapa Yesɔ Kirisi nii u ãsi shɔmiyi nyatɛ, au gɔ̃yiyusho i ɔ̃ ɔ̃nɛ tɔ̃vɨng ai pɛlivishonɛ fɛ̃ɛm aru i kpaa vigbeteyi shaayɛ.
13Ama n shɔbiiyi ɔ̃tɛ kaka jazɨng akɔrɔ ɔkɔɔ yɔɔnɛ a vitɔ̃vɨng pɛlinɛni. 14Wɔɔɓa shɔwɔyi aɗɔn i yɛ gn ruu gbete u dɔ̃sɔɔ a sẽkoomni ɓa. Kɛ ɔ̃nɛ aɗɔn, ɔ knriyinɔɔ a biini, ɔkɔɔ ɓasiyunɛ ikɔni, nɔgbete i ɓooyusẽ kn. 15Ama ɔkɔɔ pɛliyinɛ naa nɔpɔ̃yi; anɔgbete ɔ pɛli nam ɔ tɔ̃ritɔ naa mɛzɔ̃ ɔkɛ ɔ̃nɛ shɔ sisɨn ãnɛyi.
Nyanwanɛ Dang-dang
16Mɛnɛ Uɓeyelapa au yuu, shɔgbete ukɔ ɔ̃rɛ ɗɔgbete shɔ kpaa ɔ̃nɛbiinyatɔ̃nɛ, u ãu ɔ̃nɛbiinyatɔ̃nɛ tɔ kopiɗaviya a ko-pi nyashɔpiya. Uɓeyelapa u ɔ̃ a ɔkɔɔni kpai.
17N kɔn Bulus n bee nyageenɛm ang naa, shomkɔ nyaba gbete n pɔ̃naa a sẽkoom; shom nɔgbete n beeyɛkɔ.
18Mɛnɛ Uɓeyelapa Yesɔ Kirisi tɔ̃vɨng shonɛ u ɔ̃ a ɔkɔɔni piti kpai.
Iliyochaguliwa sasa
2 Tasalonikayi 3: Laa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Word for the World International and The Word for the World Nigeria