Mark 9
9
1Tera koia ne muna atu fokia, “Kuou e faka ari atu kia kotou te maori: Rake taangata i kunei ka see mmate oko rei koratou ku ono mata ki te Kainanga o Tupua e au ma na manuu.”
Te faka ata ata anga o Jesus ki na rau ariki
(Mat 17.1–13; Luk 9.28–36)
2 #
2 Pet 1.17,18. Ia tua oa foi aso e ono, ko Jesus ne sau ea koia ko Peter, James ma John, o taki koratou o oro ki fongo maunga maurunga sapa maso koratou. I vasia koratou ne ono kiei, te siaki ku fena ifo kia Jesus. 3Ana suru ku maa ila rei; siei pe koai fokia ia taangata nei ke nai poo kia ke maa ka oko kiei. 4Tera na kau fanonga e toka toru nei ne ratou ravea ina ko Elijah ma Moses e araara ma Jesus. 5Tera ko Peter ne muna atu kia Jesus, “Te fakaako ee, e maatea rei na laoi kotatou i kunei; komatou ka faka tuu koa viki fare ke toru. Take fare mo ou, take fare mo Moses, ma take fare mo Elijah.” 6Koia si se nai iroa ina pe nia ma ana e muna kiei, natafito koratou ku maatea ratou maattaku.
7 #
Mat 3.17; Mak 1.11; Luk 3.22. Tera te kauao ne faka saa ta e nai ufia rei koratou ki na maru maru, ma te reo e karanga ifo mai te kauao, “Teinei taku kee Tama fangasere; fakarongo kiei.” 8Koratou ne fe kareu faki saere, kae see ratou ravea ina pe koai, kae ko Jesus fuarei e tuu ma koratou.
9Tera i ratou vasia e oa ifo ki raro mai te maunga, ko Jesus ne tutuufaki kia ratou, “Kau see faka ari pe kiai pe nia motou ne ono kiei nei, oko rei ki te Tama a Tangata ka masike ake mai te mate.”
10Koratou ne tautari ki tana tutuufaki ranga, kae maso koratou ne tafito o araara, “Sea te atamai o te masike ranga mai te mate?” 11#Mat 11.14.Ma koratou ne feesiri atu kia Jesus, “Sea na atamai ko nga fakaako oa Fono e mmuna ko Elijah e fai ke mataki au mua?”
12Tongoi atu rei ko Jesus, “E tonu rei ko Elijah ne mataki mua o pena pena koa nea kaatoa. Sea natafito e koi fai o tusi ko te Tama a Tangata ka maatea rei na fakarongo neaisu, ma ka see fifia kina ria? 13Kae kuou e faka ari atu kia kotou: Ko Elijah ku oti na au, ma te kano fenua ne fai kiei pea koratou ne fifia, pe te Pepa Tapu ne tusi araara kiei.”
Jesus e faka maroro te tama tangata e nofo ria e te atua
(Mat 17.14–20; Luk 9.37–43a)
14Tera te vasia koratou ne soko ki te kau fanonga kaatoa, koratou ne ono ki te kano fenua tokkapi ku vakai ia ratou ma rake fakaako oa Fono e faka marauraua taranga ma na kau fanonga. 15Vasia te kano fenua ne ratou ravea ko Jesus, koratou ku mate rei ko aratou tino ma ne furi kiei o faka afe koia. 16Jesus ne fesiri atu ki na kau fanonga, “A nia motou e faka marauraua taranga ma ratou naa?”
17Karanga ake rei te tangata i te kano fenua, “Te fakaako ee, kuou ne aumai taku tama kia kee, natafito e nofo ria e te atua pariki ma se ma muna. 18Vasia rei e urufia e te atua, e nai turekina koia ki te kere, ma e faka saa te pepeau i na muangutu, fe ngii taki ko ana nifo ma e fakatafito o makeke ana tino kaatoa rei. Kuou ne kaisi ki tou kau fanonga ke fue kese ko te atua, kae se ne ratou faia.”
19Tera muna atu rei ko Jesus kia ratou, “Kotou te kano fenua e seke fakatonu! Ka roa faka fefea kau nofo ma kotou?! Ke roa faka fefea kau tuku atu kia kotou?! Sau mai te tama naa kia kuou!” 20Tera sau rei ea ratou koia kia Jesus.
I mo vasia fuarei te atua ne ono kia Jesus, ne nai turekina ko te tama riki riki tangata ku faka porea, ma ku rika saere i te kere, te pepeau ku fena ifo mai na muangutu. 21Jesus ne fesiri atu ki na mmana, “Ku roa faka fefea ma tana fai faka peinei?”
Tongoi atu rei ko na mmana, “Mai na vasia rei e koi memea iei. 22Nga vasia katoa e fai ke nai tamate ria, ma e nai turekina ria ki riu afi ma ki roto vai. Arofa mai kia maua o sosoa mai pe ko kee e ma fai.”
23Muna atu rei ko Jesus, “E laoi e ma fai ea kee?! A nea kaatoa e ma faingaofia kia koia e fai tana fakatonu.”
24I mo vakanga te mmana tangi atu arei kia Jesus, “Kuou e fai taku fakatonu, kae se makeke faka laoi. Sosoa mai kia kuou ke faka makeke!”
25Jesus ku ono atu te kano fenua ku purii mai kia ratou, tera koia ne muna atu ki te atua pariki, “Kuou e muna atu kia kee, te atua taringa turi ma te atua o te faka turi: Au kese mai te tama riki riki tangata naa, kau see uru foki kiei!”
26Te atua ne tangi, ma ne nai turekina te tama riki riki tangata ma ne pore, ta au kese arei. Te tama riki riki tangata ku mate ngara, tera nga faoa kaatoa ku ati, “Koia ku mate!” 27Kae ko Jesus ne rangai ko te tama riki riki ki na rima ki runga, ke tuu ki runga.
28Ia tua o Jesus ku poi ki rota paito, na kau fanonga ne feesiri atu faka leku leku kiei, “Sea na atamai komatou si se matou maua ria ke fue kese te atua naa?”
29Tongoi atu rei ko Jesus kia ratou, “Te rotu fuarei ka nai fueina kese koa fai nea faka peinei kae siei fokia pe sea.”
Ko Jesus e araara faki foki ko na mate
(Mat 17.22–23; Luk 9.43b–45)
30Koratou ne faka oti i noforanga ta oro rei i Roto i Galilee. Jesus se ne fifia pe koai ke nai iroa koia i ngangea, 31natafito koia e akonaki ko na kau fanonga, “Te Tama a Tangata ka tukua kia rima o nga taangata ka ratou taia ria koia, ia tua oa aso e toru ka masike ake mai te mate ki te ora.”
32Koratou se ne atetea rei sea te atamai o tana fakaako ranga, kae koratou ne maattaku ke feesiri atu kiei.
Koai e maurunga sapa rei?
(Mat 18.1–5; Luk 9.46–48)
33Koratou ne oomai ki Capernaum tera ia tua ku fe urufi ki rota paito, Jesus ne fesiri ki na kau fanonga, “Nia motou noko faka marau raua taranga saere mai i te ara?”
34 #
Luk 22.24. Kae koratou se ma tongoi atu kiei, natafito koratou noko faka marau raua taranga mai i te ara maso koratou, pe koai e maurunga sapa ia ratou. 35#Mat 20.26,27; 23.11; Mak 10.43,44; Luk 22.26.Jesus ne nofo ifo ki raro, karanga ki na kau fanonga e tino angafuru ma rua, o muna atu kia ratou, “Pe koai e fifia ke mua koia maso koia, ke tuku rei ke faka muri muri ia ratou kaatoa ma ke seka rei mo ratou kaatoa.” 36Ko Jesus ne sau tama riki riki, faka tuu ia ratou mua, kae muna atu rei kia ratou, 37#Mat 10.40; Luk 10.16; Jon 13.20.“Pe koai e nai faka afea se tama riki riki faka peinei i toku ingoa, e nai faka afea ria kuou; ma pe koai e nai faka afea ria kuou, e nai faka afea ria siei kuou fuarei, kae koia fokia ne nai kauna mai kuou.”
Pe koai si see toka tokai mai kia tatou, koia tatou foi faoa
(Luk 9.49–50)
38Ta muna atu rei ko John kia Jesus, “Te fakaako ee, matou ne ono ki te tangata, koia e fue ko nga atua pariki i tou ingoa, ta muna atu rei komatou kiei ka see fai, natafito koia siei se kau ia tatou.”
39Faka ari atu rei ko Jesus kia ratou, “Kau see fai o pii atu kiei, natafito siei pe koai ke nai faia se furisanga i toku ingoa, ka ma fai i mo vakanga i ana tua ke muna pariki kia kuou. 40#Mat 12.30; Luk 11.23.Natafito pe koai si see toka tokai mai kia tatou, tera tatou foi faoa. 41#Mat 10.42.Kuou e faka ari atu kia kotou te maori: Pe koai e nai soria atu mo vai ke kotou inu, natafito kotou o oku, koia ka see sara rei ka soria ko na tauvi.
Te titipeanga ki te sara
(Mat 18.6–9; Luk 17.1–2)
42“Kae pe koai e nai faia ria se nea ia punai tamariki nei ke taafuri kese ma ratou fakatonu ia kuou, e fetau fangatasi rei kia koia ke fii fatu ko na ua ta kave rei o faka too i rotonga vasa.
43 #
Mat 5.30. “Ma tera tou rima e nai faia ria ko kee ke too kese ki te sara, sepea kese ki tua; e laoi sapa rei ke uru ki te ora ma te rima sokotasi kae siei ke peia ki te ngangea pariki ma ki te afi e kai ruru mau mo ou rima e rua, 44[tera te ngangea koratou manu manu ka see mmate, ma te afi ka kai ruru mau.]
45“Kae tou vae e nai faia ria ko kee ke too ki te sara, sepea kese ki tua; e laoi sapa rei ke uru ki te ora ma te vae sokotasi kae siei ke peia ki te afi mo ou vae e rua, 46[tera te ngangea koratou manu manu ka see mmate, ma te afi ka kai ruru mau.]
47 #
Mat 5.29. “Kae tou kafi mata e nai faia ria ko kee ke too ki te sara, kapea kese ki tua; e laoi sapa rei ke uru ki te Kainanga o Tupua ma te kafi mata sokotasi, kae siei ke peia ki te afi mo ou kafi mata e rua, 48tera te ngangea ratou manu manu ka see mmate, ma te afi ka kai ruru mau!
49“Koratou kaatoa ka furuna ke maa i te afi pea sori e furu kia vaitai.
50 #
Mat 5.13; Luk 14.34,35. “A vaitai e maatea rei na laoi, kae too kese na namu vaitai, ka fai faka fefea ke namu vaitai fokia?
“Tera tuku te vaitai ke naa i otou ora katoa, ma te mafora ke naa ia kotou i nga vasia.”
Iliyochaguliwa sasa
Mark 9: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 9
9
1Tera koia ne muna atu fokia, “Kuou e faka ari atu kia kotou te maori: Rake taangata i kunei ka see mmate oko rei koratou ku ono mata ki te Kainanga o Tupua e au ma na manuu.”
Te faka ata ata anga o Jesus ki na rau ariki
(Mat 17.1–13; Luk 9.28–36)
2 #
2 Pet 1.17,18. Ia tua oa foi aso e ono, ko Jesus ne sau ea koia ko Peter, James ma John, o taki koratou o oro ki fongo maunga maurunga sapa maso koratou. I vasia koratou ne ono kiei, te siaki ku fena ifo kia Jesus. 3Ana suru ku maa ila rei; siei pe koai fokia ia taangata nei ke nai poo kia ke maa ka oko kiei. 4Tera na kau fanonga e toka toru nei ne ratou ravea ina ko Elijah ma Moses e araara ma Jesus. 5Tera ko Peter ne muna atu kia Jesus, “Te fakaako ee, e maatea rei na laoi kotatou i kunei; komatou ka faka tuu koa viki fare ke toru. Take fare mo ou, take fare mo Moses, ma take fare mo Elijah.” 6Koia si se nai iroa ina pe nia ma ana e muna kiei, natafito koratou ku maatea ratou maattaku.
7 #
Mat 3.17; Mak 1.11; Luk 3.22. Tera te kauao ne faka saa ta e nai ufia rei koratou ki na maru maru, ma te reo e karanga ifo mai te kauao, “Teinei taku kee Tama fangasere; fakarongo kiei.” 8Koratou ne fe kareu faki saere, kae see ratou ravea ina pe koai, kae ko Jesus fuarei e tuu ma koratou.
9Tera i ratou vasia e oa ifo ki raro mai te maunga, ko Jesus ne tutuufaki kia ratou, “Kau see faka ari pe kiai pe nia motou ne ono kiei nei, oko rei ki te Tama a Tangata ka masike ake mai te mate.”
10Koratou ne tautari ki tana tutuufaki ranga, kae maso koratou ne tafito o araara, “Sea te atamai o te masike ranga mai te mate?” 11#Mat 11.14.Ma koratou ne feesiri atu kia Jesus, “Sea na atamai ko nga fakaako oa Fono e mmuna ko Elijah e fai ke mataki au mua?”
12Tongoi atu rei ko Jesus, “E tonu rei ko Elijah ne mataki mua o pena pena koa nea kaatoa. Sea natafito e koi fai o tusi ko te Tama a Tangata ka maatea rei na fakarongo neaisu, ma ka see fifia kina ria? 13Kae kuou e faka ari atu kia kotou: Ko Elijah ku oti na au, ma te kano fenua ne fai kiei pea koratou ne fifia, pe te Pepa Tapu ne tusi araara kiei.”
Jesus e faka maroro te tama tangata e nofo ria e te atua
(Mat 17.14–20; Luk 9.37–43a)
14Tera te vasia koratou ne soko ki te kau fanonga kaatoa, koratou ne ono ki te kano fenua tokkapi ku vakai ia ratou ma rake fakaako oa Fono e faka marauraua taranga ma na kau fanonga. 15Vasia te kano fenua ne ratou ravea ko Jesus, koratou ku mate rei ko aratou tino ma ne furi kiei o faka afe koia. 16Jesus ne fesiri atu ki na kau fanonga, “A nia motou e faka marauraua taranga ma ratou naa?”
17Karanga ake rei te tangata i te kano fenua, “Te fakaako ee, kuou ne aumai taku tama kia kee, natafito e nofo ria e te atua pariki ma se ma muna. 18Vasia rei e urufia e te atua, e nai turekina koia ki te kere, ma e faka saa te pepeau i na muangutu, fe ngii taki ko ana nifo ma e fakatafito o makeke ana tino kaatoa rei. Kuou ne kaisi ki tou kau fanonga ke fue kese ko te atua, kae se ne ratou faia.”
19Tera muna atu rei ko Jesus kia ratou, “Kotou te kano fenua e seke fakatonu! Ka roa faka fefea kau nofo ma kotou?! Ke roa faka fefea kau tuku atu kia kotou?! Sau mai te tama naa kia kuou!” 20Tera sau rei ea ratou koia kia Jesus.
I mo vasia fuarei te atua ne ono kia Jesus, ne nai turekina ko te tama riki riki tangata ku faka porea, ma ku rika saere i te kere, te pepeau ku fena ifo mai na muangutu. 21Jesus ne fesiri atu ki na mmana, “Ku roa faka fefea ma tana fai faka peinei?”
Tongoi atu rei ko na mmana, “Mai na vasia rei e koi memea iei. 22Nga vasia katoa e fai ke nai tamate ria, ma e nai turekina ria ki riu afi ma ki roto vai. Arofa mai kia maua o sosoa mai pe ko kee e ma fai.”
23Muna atu rei ko Jesus, “E laoi e ma fai ea kee?! A nea kaatoa e ma faingaofia kia koia e fai tana fakatonu.”
24I mo vakanga te mmana tangi atu arei kia Jesus, “Kuou e fai taku fakatonu, kae se makeke faka laoi. Sosoa mai kia kuou ke faka makeke!”
25Jesus ku ono atu te kano fenua ku purii mai kia ratou, tera koia ne muna atu ki te atua pariki, “Kuou e muna atu kia kee, te atua taringa turi ma te atua o te faka turi: Au kese mai te tama riki riki tangata naa, kau see uru foki kiei!”
26Te atua ne tangi, ma ne nai turekina te tama riki riki tangata ma ne pore, ta au kese arei. Te tama riki riki tangata ku mate ngara, tera nga faoa kaatoa ku ati, “Koia ku mate!” 27Kae ko Jesus ne rangai ko te tama riki riki ki na rima ki runga, ke tuu ki runga.
28Ia tua o Jesus ku poi ki rota paito, na kau fanonga ne feesiri atu faka leku leku kiei, “Sea na atamai komatou si se matou maua ria ke fue kese te atua naa?”
29Tongoi atu rei ko Jesus kia ratou, “Te rotu fuarei ka nai fueina kese koa fai nea faka peinei kae siei fokia pe sea.”
Ko Jesus e araara faki foki ko na mate
(Mat 17.22–23; Luk 9.43b–45)
30Koratou ne faka oti i noforanga ta oro rei i Roto i Galilee. Jesus se ne fifia pe koai ke nai iroa koia i ngangea, 31natafito koia e akonaki ko na kau fanonga, “Te Tama a Tangata ka tukua kia rima o nga taangata ka ratou taia ria koia, ia tua oa aso e toru ka masike ake mai te mate ki te ora.”
32Koratou se ne atetea rei sea te atamai o tana fakaako ranga, kae koratou ne maattaku ke feesiri atu kiei.
Koai e maurunga sapa rei?
(Mat 18.1–5; Luk 9.46–48)
33Koratou ne oomai ki Capernaum tera ia tua ku fe urufi ki rota paito, Jesus ne fesiri ki na kau fanonga, “Nia motou noko faka marau raua taranga saere mai i te ara?”
34 #
Luk 22.24. Kae koratou se ma tongoi atu kiei, natafito koratou noko faka marau raua taranga mai i te ara maso koratou, pe koai e maurunga sapa ia ratou. 35#Mat 20.26,27; 23.11; Mak 10.43,44; Luk 22.26.Jesus ne nofo ifo ki raro, karanga ki na kau fanonga e tino angafuru ma rua, o muna atu kia ratou, “Pe koai e fifia ke mua koia maso koia, ke tuku rei ke faka muri muri ia ratou kaatoa ma ke seka rei mo ratou kaatoa.” 36Ko Jesus ne sau tama riki riki, faka tuu ia ratou mua, kae muna atu rei kia ratou, 37#Mat 10.40; Luk 10.16; Jon 13.20.“Pe koai e nai faka afea se tama riki riki faka peinei i toku ingoa, e nai faka afea ria kuou; ma pe koai e nai faka afea ria kuou, e nai faka afea ria siei kuou fuarei, kae koia fokia ne nai kauna mai kuou.”
Pe koai si see toka tokai mai kia tatou, koia tatou foi faoa
(Luk 9.49–50)
38Ta muna atu rei ko John kia Jesus, “Te fakaako ee, matou ne ono ki te tangata, koia e fue ko nga atua pariki i tou ingoa, ta muna atu rei komatou kiei ka see fai, natafito koia siei se kau ia tatou.”
39Faka ari atu rei ko Jesus kia ratou, “Kau see fai o pii atu kiei, natafito siei pe koai ke nai faia se furisanga i toku ingoa, ka ma fai i mo vakanga i ana tua ke muna pariki kia kuou. 40#Mat 12.30; Luk 11.23.Natafito pe koai si see toka tokai mai kia tatou, tera tatou foi faoa. 41#Mat 10.42.Kuou e faka ari atu kia kotou te maori: Pe koai e nai soria atu mo vai ke kotou inu, natafito kotou o oku, koia ka see sara rei ka soria ko na tauvi.
Te titipeanga ki te sara
(Mat 18.6–9; Luk 17.1–2)
42“Kae pe koai e nai faia ria se nea ia punai tamariki nei ke taafuri kese ma ratou fakatonu ia kuou, e fetau fangatasi rei kia koia ke fii fatu ko na ua ta kave rei o faka too i rotonga vasa.
43 #
Mat 5.30. “Ma tera tou rima e nai faia ria ko kee ke too kese ki te sara, sepea kese ki tua; e laoi sapa rei ke uru ki te ora ma te rima sokotasi kae siei ke peia ki te ngangea pariki ma ki te afi e kai ruru mau mo ou rima e rua, 44[tera te ngangea koratou manu manu ka see mmate, ma te afi ka kai ruru mau.]
45“Kae tou vae e nai faia ria ko kee ke too ki te sara, sepea kese ki tua; e laoi sapa rei ke uru ki te ora ma te vae sokotasi kae siei ke peia ki te afi mo ou vae e rua, 46[tera te ngangea koratou manu manu ka see mmate, ma te afi ka kai ruru mau.]
47 #
Mat 5.29. “Kae tou kafi mata e nai faia ria ko kee ke too ki te sara, kapea kese ki tua; e laoi sapa rei ke uru ki te Kainanga o Tupua ma te kafi mata sokotasi, kae siei ke peia ki te afi mo ou kafi mata e rua, 48tera te ngangea ratou manu manu ka see mmate, ma te afi ka kai ruru mau!
49“Koratou kaatoa ka furuna ke maa i te afi pea sori e furu kia vaitai.
50 #
Mat 5.13; Luk 14.34,35. “A vaitai e maatea rei na laoi, kae too kese na namu vaitai, ka fai faka fefea ke namu vaitai fokia?
“Tera tuku te vaitai ke naa i otou ora katoa, ma te mafora ke naa ia kotou i nga vasia.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.