Mark 10
10
Jesus e fakaako ki te faasi o te fare kese kese
(Mat 19.1–12; Luk 16.18)
1Tera ko Jesus ne poi ki tua i te noforanga, poi rei ki te motu ngangea i Judea, tera faka rava rei o poi i te Vai saria i Jordan. Te kano fenua ne oomai kiei, ta ko Jesus ne fakaako koratou pe noko fai mau ea koia.
2Tera ko rake Pharisee ne oomai kiei ke ratou titipea ria ko Jesus. Tera koratou ne feesiri atu kiei, “Faka ari mai kia matou, ia tatou fono e masara ki te tangata ke fue ko na nofine?”
3Tongoi atu rei ko Jesus ki te fesiri, “Se fono koai ne sori atu e Moses kia kotou?”
4 #
Mat 5.31. Muna atu rei koratou, “Moses ne sara te tangata ke tusi o faka iro te faka mavaevae, ta fue raa ko na nofine.”
5Ta muna atu rei ko Jesus kia ratou, “Ko Moses ne tusi ko te fono nei motou, natafito kotou e faingataa rei ke ako. 6Kae i te fakatafito ranga i te vasia o te faka tupu ranga:
‘Tupua ne fai ko te tangata ma te fafine.
7Natafito ia atamai nei,
te tangata ka tuku ko na mmana ma na nana,
ka e soko ki na nofine,
8tera koraua ka see fare e toka rua,
kae ka sokotasi.’
9“Tera siei se tangata ke nai vaea kese ki tua pe nia ma Tupua ne faka tutaki.”
10Vasia koratou ne foki o fe urufi ki rota paito, na kau fanonga ne feesiri kia Jesus kia atamai nei. 11#Mat 5.32; 1 Cor 7.10,11.Muna atu rei ko Jesus kia ratou, “Te tangata koia e fue ko na nofine, kae avanga rei ki take fafine, koia ku poi vare ku sara i na nofine. 12Ia fai atamai sokotasi, ko te fafine e fue ko na matua kae avanga rei ki take tangata, ta ku poi vare fokia.”
Jesus e fakatapu ko nga tamariki
(Mat 19.13–15; Luk 18.15–17)
13Rake faoa ne aumai aratou tamariki kia Jesus ke tuku ifo ko na rima kiei, kae fue kese rei e na kau fanonga ko faoa nei. 14Vasia o Jesus ne nai iroa ina, koia ne muna teke ki na kau fanonga, “Kau see fai o pii ko nga tamariki; tuku koratou ke oomai kia kuou, natafito te Kainanga o Tupua mo fai faoa faka peinei. 15#Mat 18.3.Kuou e faka ari atu kia kotou te maori: Pe koai ka se nai saua ko te Kainanga o Tupua pe te punai tama riki riki, ka se nai urufia ina.” 16Tera sau rei ea koia nga tamariki ki ana rafi rima, o tuku ko ana rima kia ratou kaatoa, kae fakatapu rei koratou.
Te tangata muri e taufenua
(Mat 19.16–30; Luk 18.18–30)
17Vasia ko Jesus ne tafito ke poi fokia iei, te tangata ne rere mai kiei, o tokoturi ki ana mua kae kaisi atu kiei, “Te fakaako laoi ee, nia ma aku ke fai ke kau urufia te ora mau.”
18Ta muna atu rei ko Jesus kiei, “Sea na atamai ko kee e karanga mai kia kuou te laoi? Siei pe koai e laoi, ko Tupua maso koia fuarei. 19Ko kee e kee iroa ina koa Fono:
‘Kau see taa taangata,
kau see poi vare,
kau see kaiaa,
kau see faka marau raua taranga ma tukuaki pouri,
kau see atamai kaiaa;
kae faka epa ki tou mmana ma tou nana.’ ”
20Muna atu rei te tangata, “Fakaako ee, mai te vasia rei kuou noko tama tama iei, kuou noko tautari kia fono kaatoa nei.”
21Tera ono tonu atu rei ko Jesus kia koia ma te fakapere, ma e muna, “Ko kee e tee ke fai te nea sokotasi fuarei: Poi o fai tauvi kaatoa rei ko ou kope kopenga, ta sori rei koa mane ki te faka arofa, ta ko kee ka fai tou taufenua i te vaerangi. Tera au raa o tautari mai kia kuou.” 22I vasia ko te tangata ne fakarongo kiei, koia ku maatea rei na tokaa ma ne poi kese ku maatea rei na arofa, natafito koia e taufenua sapa.
23Jesus ne ono saere ki na kau fanonga, ma e muna atu kia ratou, “Ka maatea rei te faingataa ki te faoa taufenua ke ratou urufia ria ko te Kainanga o Tupua.”
24Na kau fanonga ku mmate ko aratou tino ki ana taranga, kae ko Jesus e koi muna rei, “Aku tama ee, e maatea rei na faingataa ke urufia ria ko te Kainanga o Tupua! 25Te tangata taufenua ke nai urufia ko te Kainanga o Tupua, e faingataa sapa atu ma te ʻkameleʼ ke nai urufia ko te mata o te nitili.”
26Te kau fanonga ku mmate katoa rei ko aratou tino ta ku feesiri maso koratou, “Ta koai rei ia ka faka saofia ia?”
27Ono atu rei ko Jesus kia ratou, kae tongoi atu rei, “Teinei e faingataa ki nga taangata, kae siei ki Tupua; a nea kaatoa e faingaofia ki Tupua.”
28Tera muna atu ko Peter, “Pula rei, komatou ku tuku kaatoa rei ko amatou kopenga, kae tautari atu rei kia kee.”
29Tongoi atu rei ko Jesus kia ratou, “E tonu. Kae kuou e faka ari atu kia kotou: Pe koai ma e tuku na noforanga, o pe ana taina, pe ana kave, pe na nana, pe na mmana, pe ana tamariki, pe na tofi, natafito ia kuou ma natafito i te Rongo Laoi, 30koia ka nai saua e rava rei ia tau tupu ranga nei. Koia ka sau e fua te rau koa vasia i nga paito, ia taina, ia kave, ia nnana, ia tamariki ma ia tofi, ma koia ka nai saua fokia ko te faka pariki. Mae ia vasia ka au, koia ka nai saua ko te ora mau. 31#Mat 20.16; Luk 13.30.Kae e tokkapi rei koai ma i vasia nei e mua, ka faka muri muri; ma e tokkapi rei koai ma i vasia nei e faka muri muri, ka mua.”
Jesus e araara faki faka toru ki na mate
(Mat 20.17–19; Luk 18.31–34)
32Ko Jesus ma na kau fanonga vasia nei e oro i te ara ki Jerusalem, kae ko Jesus ne mataki mua i na kau fanonga. Koratou ku maatea rei ratou faka tuasaa, kae te kano fenua e tautari atu i ana tua ku maattaku. Ta ko Jesus fokia ne kave ki tua te kau fanonga e tino angafuru ma rua, ma ne araara kia nea ka faia kia koia. 33Muna atu rei koia kia ratou, “Fakarongo. Kotatou ka oro ki Jerusalem, te ngangea te Tama a Tangata ka soria kia rima o nga ariki fai kava ma nga fakaako oa Fono. Tera ka ratou tukuna koia ki te mate, ma ka ratou soria rei koia ki nga Gentile. 34Ka ratou kata ina ma e anu sia ria ko ana mata, ma ka ratou saia ria koia, ma ka ratou taia ria koia ke mate, kae ia tua oa aso e toru, koia ka masike ake ki te ora.”
Te kaisi a James ma John
(Mat 20.20–28)
35Tera ko James ma John, koa tama a Zebedee ne oomai kia Jesus, muna atu rei kiei, “Te fakaako ee, mo ngangea maua e fifia kia kee ke fai kia maua.”
36Ta fesiri atu rei ko Jesus kia raua, “A nia mo rua e fifia kau fai atu mo rua?”
37Tongoi atu rei koraua, “I te vasia ko kee ka nofo ki tou noforanga ariki i te taurekareka anga o tou Kainanga, maua e fifia ke tuku mai komaua ke fare ma kee, take tangata i tou faasi matau, take tangata i tou faasi sema.”
38 #
Luk 12.50. Muna atu rei ko Jesus kia raua, “Korua si se koru iroa ina pe nia mo rua e kaaisi kiei naa. Ea? Korua ka ma inu ea korua te faangongo o fakarongo neaisu ka inu ea kuou? Korua ka ma faka uku i te fai riu ara ka faka uku kuou iei?”
39Ta muna atu rei koraua, “E ma fai fuarei!”
Tera muna atu rei ko Jesus kia raua, “E tonu rei korua ka koru inu mia ko te faangongo kuou ka inu kiei, ma ka faka uku i te fai riu ara sokotasi ka faka uku kuou iei. 40Kae kuou siei se tonu ma aku ke fai ke faka patino ea kuou pe koai ka nofo i toku faasi matau ma i toku faasi sema. Ko te Tupua fuarei ka sori koa ngangea nei ki faoa ne pena pena ea koia mo ratou.”
41Vasia te kau fanonga e tino angafuru ne rongo kia nea nei, koratou ne tafito arei o teke kia James ma John. 42#Luk 22.25,26.Tera karanga atu arei ko Jesus kia ratou ke taanaki mai kia koia, kae muna atu rei, “E kotou iroa ina ko te faoa fono o te pouri e fai ko ratou makeke ia koratou, ma nga taki e fai ko ratou manuu. 43#Mat 23.11; Mak 9.35; Luk 22.26.Kae a fai tukunga nei si see fetau fangatasi ke naa i otou vasia i roto. Kae pe koai ia kotou e fifia koia ke sapa, koia fetau fangatasi rei ke fai fekau motou. 44Ma pe koai ia kotou e fifia ke mua ia kotou, koia e fetau fangatasi ke fai te seka o otou kaatoa. 45Natafito te Tama a Tangata koia si se ne au ke seka ake kia koia, kae koia ne au ke fai fekau ma ke sori na ora ke faka sao mai te kano fenua tokarava.”
Jesus e faka pula te ufu Bartimaeus
(Mat 20.29–34; Luk 18.35–43)
46Tera oomai rei koratou ki Jericho. I vasia o Jesus e poi iei ma na kau fanonga ma te kano fenua e kkapi, te tangata ufu na ingoa ko Bartimaeus, te tama a Timaeus, e nofo i te vae ara, e kaisi. 47Na vasia koia ne fakarongo ko Jesus mai Nazareth, koia ne fakatafito o forua, “Jesus! Tama a David ee! Arofa mai kia kuou!”
48E kapi rei ko faoa ne taranga pariki ma e muna atu kiei ke faka turi; kae koia e ato rei ki mua o forua sapa, “Tama a David ee! Arofa mai kia kuou!”
49Tera ko Jesus ne tuu kae muna atu rei, “Karanga kiei.”
Tera koratou ne karanga ki te tangata ufu ma ne muna atu, “Faka makeke o tokai ki runga; ko Jesus e karanga kia kee.”
50Koia ne nai peia kese ko na suru, ne sopo ki runga kae poi rei kia Jesus.
51Ta fesiri atu rei ko Jesus kiei, “A nia ma au e fifia kia kuou ke fai atu kia kee?”
Tongoi atu rei te tangata mata ufu, “Te fakaako ee, kuou e fifia ke kau pula fokia.”
52Muna atu rei ko Jesus kiei, “Poi, tau fakatonu ku nai faia ko kee ke pula!”
I mo vakanga koia ku ma pula, ma ne tautari arei kia Jesus i te ara.
Iliyochaguliwa sasa
Mark 10: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 10
10
Jesus e fakaako ki te faasi o te fare kese kese
(Mat 19.1–12; Luk 16.18)
1Tera ko Jesus ne poi ki tua i te noforanga, poi rei ki te motu ngangea i Judea, tera faka rava rei o poi i te Vai saria i Jordan. Te kano fenua ne oomai kiei, ta ko Jesus ne fakaako koratou pe noko fai mau ea koia.
2Tera ko rake Pharisee ne oomai kiei ke ratou titipea ria ko Jesus. Tera koratou ne feesiri atu kiei, “Faka ari mai kia matou, ia tatou fono e masara ki te tangata ke fue ko na nofine?”
3Tongoi atu rei ko Jesus ki te fesiri, “Se fono koai ne sori atu e Moses kia kotou?”
4 #
Mat 5.31. Muna atu rei koratou, “Moses ne sara te tangata ke tusi o faka iro te faka mavaevae, ta fue raa ko na nofine.”
5Ta muna atu rei ko Jesus kia ratou, “Ko Moses ne tusi ko te fono nei motou, natafito kotou e faingataa rei ke ako. 6Kae i te fakatafito ranga i te vasia o te faka tupu ranga:
‘Tupua ne fai ko te tangata ma te fafine.
7Natafito ia atamai nei,
te tangata ka tuku ko na mmana ma na nana,
ka e soko ki na nofine,
8tera koraua ka see fare e toka rua,
kae ka sokotasi.’
9“Tera siei se tangata ke nai vaea kese ki tua pe nia ma Tupua ne faka tutaki.”
10Vasia koratou ne foki o fe urufi ki rota paito, na kau fanonga ne feesiri kia Jesus kia atamai nei. 11#Mat 5.32; 1 Cor 7.10,11.Muna atu rei ko Jesus kia ratou, “Te tangata koia e fue ko na nofine, kae avanga rei ki take fafine, koia ku poi vare ku sara i na nofine. 12Ia fai atamai sokotasi, ko te fafine e fue ko na matua kae avanga rei ki take tangata, ta ku poi vare fokia.”
Jesus e fakatapu ko nga tamariki
(Mat 19.13–15; Luk 18.15–17)
13Rake faoa ne aumai aratou tamariki kia Jesus ke tuku ifo ko na rima kiei, kae fue kese rei e na kau fanonga ko faoa nei. 14Vasia o Jesus ne nai iroa ina, koia ne muna teke ki na kau fanonga, “Kau see fai o pii ko nga tamariki; tuku koratou ke oomai kia kuou, natafito te Kainanga o Tupua mo fai faoa faka peinei. 15#Mat 18.3.Kuou e faka ari atu kia kotou te maori: Pe koai ka se nai saua ko te Kainanga o Tupua pe te punai tama riki riki, ka se nai urufia ina.” 16Tera sau rei ea koia nga tamariki ki ana rafi rima, o tuku ko ana rima kia ratou kaatoa, kae fakatapu rei koratou.
Te tangata muri e taufenua
(Mat 19.16–30; Luk 18.18–30)
17Vasia ko Jesus ne tafito ke poi fokia iei, te tangata ne rere mai kiei, o tokoturi ki ana mua kae kaisi atu kiei, “Te fakaako laoi ee, nia ma aku ke fai ke kau urufia te ora mau.”
18Ta muna atu rei ko Jesus kiei, “Sea na atamai ko kee e karanga mai kia kuou te laoi? Siei pe koai e laoi, ko Tupua maso koia fuarei. 19Ko kee e kee iroa ina koa Fono:
‘Kau see taa taangata,
kau see poi vare,
kau see kaiaa,
kau see faka marau raua taranga ma tukuaki pouri,
kau see atamai kaiaa;
kae faka epa ki tou mmana ma tou nana.’ ”
20Muna atu rei te tangata, “Fakaako ee, mai te vasia rei kuou noko tama tama iei, kuou noko tautari kia fono kaatoa nei.”
21Tera ono tonu atu rei ko Jesus kia koia ma te fakapere, ma e muna, “Ko kee e tee ke fai te nea sokotasi fuarei: Poi o fai tauvi kaatoa rei ko ou kope kopenga, ta sori rei koa mane ki te faka arofa, ta ko kee ka fai tou taufenua i te vaerangi. Tera au raa o tautari mai kia kuou.” 22I vasia ko te tangata ne fakarongo kiei, koia ku maatea rei na tokaa ma ne poi kese ku maatea rei na arofa, natafito koia e taufenua sapa.
23Jesus ne ono saere ki na kau fanonga, ma e muna atu kia ratou, “Ka maatea rei te faingataa ki te faoa taufenua ke ratou urufia ria ko te Kainanga o Tupua.”
24Na kau fanonga ku mmate ko aratou tino ki ana taranga, kae ko Jesus e koi muna rei, “Aku tama ee, e maatea rei na faingataa ke urufia ria ko te Kainanga o Tupua! 25Te tangata taufenua ke nai urufia ko te Kainanga o Tupua, e faingataa sapa atu ma te ʻkameleʼ ke nai urufia ko te mata o te nitili.”
26Te kau fanonga ku mmate katoa rei ko aratou tino ta ku feesiri maso koratou, “Ta koai rei ia ka faka saofia ia?”
27Ono atu rei ko Jesus kia ratou, kae tongoi atu rei, “Teinei e faingataa ki nga taangata, kae siei ki Tupua; a nea kaatoa e faingaofia ki Tupua.”
28Tera muna atu ko Peter, “Pula rei, komatou ku tuku kaatoa rei ko amatou kopenga, kae tautari atu rei kia kee.”
29Tongoi atu rei ko Jesus kia ratou, “E tonu. Kae kuou e faka ari atu kia kotou: Pe koai ma e tuku na noforanga, o pe ana taina, pe ana kave, pe na nana, pe na mmana, pe ana tamariki, pe na tofi, natafito ia kuou ma natafito i te Rongo Laoi, 30koia ka nai saua e rava rei ia tau tupu ranga nei. Koia ka sau e fua te rau koa vasia i nga paito, ia taina, ia kave, ia nnana, ia tamariki ma ia tofi, ma koia ka nai saua fokia ko te faka pariki. Mae ia vasia ka au, koia ka nai saua ko te ora mau. 31#Mat 20.16; Luk 13.30.Kae e tokkapi rei koai ma i vasia nei e mua, ka faka muri muri; ma e tokkapi rei koai ma i vasia nei e faka muri muri, ka mua.”
Jesus e araara faki faka toru ki na mate
(Mat 20.17–19; Luk 18.31–34)
32Ko Jesus ma na kau fanonga vasia nei e oro i te ara ki Jerusalem, kae ko Jesus ne mataki mua i na kau fanonga. Koratou ku maatea rei ratou faka tuasaa, kae te kano fenua e tautari atu i ana tua ku maattaku. Ta ko Jesus fokia ne kave ki tua te kau fanonga e tino angafuru ma rua, ma ne araara kia nea ka faia kia koia. 33Muna atu rei koia kia ratou, “Fakarongo. Kotatou ka oro ki Jerusalem, te ngangea te Tama a Tangata ka soria kia rima o nga ariki fai kava ma nga fakaako oa Fono. Tera ka ratou tukuna koia ki te mate, ma ka ratou soria rei koia ki nga Gentile. 34Ka ratou kata ina ma e anu sia ria ko ana mata, ma ka ratou saia ria koia, ma ka ratou taia ria koia ke mate, kae ia tua oa aso e toru, koia ka masike ake ki te ora.”
Te kaisi a James ma John
(Mat 20.20–28)
35Tera ko James ma John, koa tama a Zebedee ne oomai kia Jesus, muna atu rei kiei, “Te fakaako ee, mo ngangea maua e fifia kia kee ke fai kia maua.”
36Ta fesiri atu rei ko Jesus kia raua, “A nia mo rua e fifia kau fai atu mo rua?”
37Tongoi atu rei koraua, “I te vasia ko kee ka nofo ki tou noforanga ariki i te taurekareka anga o tou Kainanga, maua e fifia ke tuku mai komaua ke fare ma kee, take tangata i tou faasi matau, take tangata i tou faasi sema.”
38 #
Luk 12.50. Muna atu rei ko Jesus kia raua, “Korua si se koru iroa ina pe nia mo rua e kaaisi kiei naa. Ea? Korua ka ma inu ea korua te faangongo o fakarongo neaisu ka inu ea kuou? Korua ka ma faka uku i te fai riu ara ka faka uku kuou iei?”
39Ta muna atu rei koraua, “E ma fai fuarei!”
Tera muna atu rei ko Jesus kia raua, “E tonu rei korua ka koru inu mia ko te faangongo kuou ka inu kiei, ma ka faka uku i te fai riu ara sokotasi ka faka uku kuou iei. 40Kae kuou siei se tonu ma aku ke fai ke faka patino ea kuou pe koai ka nofo i toku faasi matau ma i toku faasi sema. Ko te Tupua fuarei ka sori koa ngangea nei ki faoa ne pena pena ea koia mo ratou.”
41Vasia te kau fanonga e tino angafuru ne rongo kia nea nei, koratou ne tafito arei o teke kia James ma John. 42#Luk 22.25,26.Tera karanga atu arei ko Jesus kia ratou ke taanaki mai kia koia, kae muna atu rei, “E kotou iroa ina ko te faoa fono o te pouri e fai ko ratou makeke ia koratou, ma nga taki e fai ko ratou manuu. 43#Mat 23.11; Mak 9.35; Luk 22.26.Kae a fai tukunga nei si see fetau fangatasi ke naa i otou vasia i roto. Kae pe koai ia kotou e fifia koia ke sapa, koia fetau fangatasi rei ke fai fekau motou. 44Ma pe koai ia kotou e fifia ke mua ia kotou, koia e fetau fangatasi ke fai te seka o otou kaatoa. 45Natafito te Tama a Tangata koia si se ne au ke seka ake kia koia, kae koia ne au ke fai fekau ma ke sori na ora ke faka sao mai te kano fenua tokarava.”
Jesus e faka pula te ufu Bartimaeus
(Mat 20.29–34; Luk 18.35–43)
46Tera oomai rei koratou ki Jericho. I vasia o Jesus e poi iei ma na kau fanonga ma te kano fenua e kkapi, te tangata ufu na ingoa ko Bartimaeus, te tama a Timaeus, e nofo i te vae ara, e kaisi. 47Na vasia koia ne fakarongo ko Jesus mai Nazareth, koia ne fakatafito o forua, “Jesus! Tama a David ee! Arofa mai kia kuou!”
48E kapi rei ko faoa ne taranga pariki ma e muna atu kiei ke faka turi; kae koia e ato rei ki mua o forua sapa, “Tama a David ee! Arofa mai kia kuou!”
49Tera ko Jesus ne tuu kae muna atu rei, “Karanga kiei.”
Tera koratou ne karanga ki te tangata ufu ma ne muna atu, “Faka makeke o tokai ki runga; ko Jesus e karanga kia kee.”
50Koia ne nai peia kese ko na suru, ne sopo ki runga kae poi rei kia Jesus.
51Ta fesiri atu rei ko Jesus kiei, “A nia ma au e fifia kia kuou ke fai atu kia kee?”
Tongoi atu rei te tangata mata ufu, “Te fakaako ee, kuou e fifia ke kau pula fokia.”
52Muna atu rei ko Jesus kiei, “Poi, tau fakatonu ku nai faia ko kee ke pula!”
I mo vakanga koia ku ma pula, ma ne tautari arei kia Jesus i te ara.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.