Mark 8
8
Jesus e faangai koa afe e faa
(Mat 15.32–39)
1Se ne roa ake ia tua, a rake faoa e tokarava ne oomai taanaki. I vasia koratou ku siei rei pe nia ma ratou ke kai, karanga atu rei ko Jesus ki na kau fanonga ke oomai kia koia, ta kae muna atu rei koia, 2“Kuou e maatea rei toku arofa ki te kano fenua nei, natafito koratou ku toru anga rei ko aratou aso ma kuou, kae siei rei pe nia ma ratou ke kai. 3Kae kuou ke fakkau koratou ke oro ki aratou noforanga kae si see faangai, koratou ka mata pouringia ia ratou vasia e oro iei, natafito rake faoa ia ratou ne oomai rei mai te mmao anga.”
4Tera feesiri atu rei ko na kau fanonga kiei, “I fea rei i te ngangea tulaavaki nei, ka mau mai rei faka fefea koa mo kai ke fetau fangatasi ke faangai te kano fenua nei?”
5Fesiri atu rei ko Jesus, “E fia otou foi preti e fai?”
Tongoi atu rei koratou kiei, “E fitu koa foi preti.”
6Muna atu rei koia ki te kano fenua ke fare ki raro ki te kere, tera koia ne sau koa foi preti e fitu, iki arei ko te faka ue ue ki Tupua, tofi tofi ea koia, kae sori ki na kau fanonga ke tuufaki saere ki te kano fenua, tera na kau fanonga ne fai tautari. 7Aratou foi puna ika e fai fokia. Tera ko Jesus ne iki ko te faka ue ue ki Tupua, ta sori rei ki na kau fanonga ke tuufaki kia ratou kaatoa. 8Koratou ne kkai ma ku maakona; e faa koa afe (4,000) o te kano fenua ne kkai. 9Tera na kau fanonga ne fao koa kete e fitu ne pipi ia ratou kai ne tee. Ta fakkau rei e Jesus ko te kano fenua ke foki ki aratou noforanga. 10Tera kae sopo arei koia ki te vaka ma ana kau fanonga, o forau ki te motu ngangea i Dalmanutha.
Nga Pharisee e kaaisi ki se furisanga
(Mat 12.38–42; 16.1–4)
11 #
Mat 12.38; Luk 11.16. Tera ko nga Pharisee ne oomai kia Jesus o fakatafito o faka marau raua taranga ma koia. Koratou e fifia ke ratou toka roto ria ko Jesus, tera kaaisi rei kiei ki se furisanga ke fai, ke faka ari koia ne faka tonu e Tupua.
12 #
Mat 12.39; Luk 11.29. Kae ko Jesus ne maanatu mafa kae muna, “Sea na atamai ko te kano fenua oa aso nei e feesiri ki se furisanga? Siei, kuou e faka ari atu kia kotou te maori: Siei rei se faka atetea ka sori ki te fai kano fenua nei!”
13Koia ne faka oti ia ratou, tera foki rei koia o poi ki te vaka kae oro rei ki take faasi roto.
Te ʻyeastʼ o nga Pharisee ma Herod
(Mat 16.5–12)
14Na kau fanonga ne faka ngaro ke sau ko ni preti ke rava ma ratou, kae ratou foi preti e sokotasi e oro ma ratou i te vaka. 15#Luk 12.1.Ko Jesus ne faka iro atu kia ratou, “Faka matakite kotou kia ʻyeastʼ o nga Pharisee ma nga ʻyeastʼ o Herod.”
16Koratou ne tafito o tau araara maso koratou, “Koia ne muna faka peinei, natafito kotatou siei ko ni preti.”
17Jesus ku nai iroa pe nia ma ratou e mmuna kiei, tera fesiri atu rei koia kia ratou, “Sea na atamai ko kotou e tau araara e siei ko ni preti ma kotou? Ea, kotou iroa pe siki atetea rei?! Otou atamai e koi pouri rei?! 18#Mak 4.12.Otou mata e fai, kae se pula?! Kotou e fai otou taringa, kae se fakarongo?! Ea, kotou si see maanatu 19i vasia kuou ne tofi tofi koa foi preti e rima kia afe e rima (5,000) o te kano fenua?! E fia koa kete ne pipi ia kai ne tee?”
Tongoi atu rei koratou, “E fuanga furu ma rua.”
20Ta fesiri atu rei ko Jesus, “Mae i vasia rei ne tofi tofi ea kuou koa foi preti e fitu mo afe e faa (4,000) o te kano fenua, e fia otou kete ne pipi ia kai ne tee?”
Tongoi atu rei koratou, “E fitu!”
21Fesiri atu rei ko Jesus kia ratou, “Kae kotou siki atetea rei?”
Jesus e ikirave ki te tangata ufu i Bethsaida
22Koratou ne oomai ki Bethsaida, te ngangea rake faoa ne aumai te tangata ufu kia Jesus, o kaaisi kiei ke poo kiei. 23Tera taki rei e Jesus ko te tangata ufu ki na rima ke rau oro kese i te noforanga. Ia tua ko Jesus ne anu kia mata o tangata, koia ne poo ko ana rima ki tangata ma ne fesiri atu rei kiei, “Ku kee ravea ina pe nia?”
24Te tangata ne ono ki runga ma e muna, “Ne faka maori, kuou ku kau ravea ina ko te kano fenua, kae koratou e fai pe ni raakau e saere fuarei.”
25Tera poo atu fokia koa rima o Jesus ki ana mata, tera koia ku pula raa faka tere ki mua; ana ono fanga ku laoi, ma koia ku pula atetea kia nea kaatoa. 26Ta fakkau rei e Jesus ke poi ki na paito ma e muna atu kiei, “Kau see foki o poi ki roto noforanga.”
Peter e nai faka aria ko Jesus
(Mat 16.13–20; Luk 9.18–21)
27Tera ko Jesus ma na kau fanonga ne oro ki nga noforanga e piri ki Caesarea Philippi. I ratou vasia e oro iei, koia ne fesiri atu ki na kau fanonga, “Faka ari mai pe koai te kano fenua e mmuna kuou rei koai?”
28 #
Mak 6.14,15; Luk 9.7,8. Tongoi atu rei koratou, “Rake faoa e mmuna ko kee ko John te Faka uku, kae rake faoa e mmuna ko kee ko Elijah, kae rake faoa e mmuna ko kee te nea sokotasi i nga ʻprophetʼ.”
29 #
Jon 6.68,69. Tera fesiri rei koia ki na kau fanonga. “Kae kotou rei e mmuna kuou koai?”
Tongoi atu rei ko Peter, “Ko kee te Ariki Fakaroro.”
30Tera muna atu faka makeke rei ko Jesus kia ratou, “Kau see faka ari pe kiai kia kuou.”
Jesus e nai munakina ko na fakarongo neaisu ma na mate
(Mat 16.21–28; Luk 9.22–27)
31Tera ko Jesus ne tafito o akonaki ko na kau fanonga, “Te Tama a Tangata ka maatea rei na fakarongo neaisu; ka see fifia kina rei e nga matapure ma nga ariki fai kava ma nga fakaako oa Fono. Koia ka tukuna ki te mate, ma koia ka masike ake ki te ora ia tua oa aso e toru.” 32Jesus ne faka atetea atu rei kia ratou, tera ko Peter ne kave kese ea koia ko Jesus, ma e fakatafito o muna ma te atamai faka taangata kiei. 33Kae ko Jesus ne tafuri ake o pula ki na kau fanonga ma e muna atu faka makeke kia Peter, “Poi kese ma kuou, Satan ee, natafito au maanatu si se ne aumai i Tupua kae e au mai ia maanatu faka taangata.”
34 #
Mat 10.38; Luk 14.27. Tera ko Jesus ne karanga ki te kano fenua ma na kau fanonga ke oomai kia koia, ma ne muna atu rei kia ratou, “Pe koai e fifia ke tautari mai kia kuou, koia ke faka ngaro maso koia, kae amo ko na raakau tapu, tera tautari mai raa kia kuou. 35#Mat 10.39; Luk 17.33; Jon 12.25.Natafito pe koai ma e fifia ke faka sao ko na kee ora ia, ka faka lekutia; kae pe koai ma e faka leku mai na ora natafito ia kuou ma te Rongo Laoi, ka faka saofia. 36Ea, ni faoa ke ratou saua ria pe nia pe tuu ko te maaroo oa taangata katoa nei ia ratou, kae faka leku tia riaina ko aratou ora? Siki siei arei! 37Tera siei pe sea ma ratou ke sori ke fokisaki mai ko ratou ora. 38Kae, tera te tangata e faka maa ia kuou ma ki aku fakaako ranga ia seke tupua ia aso pariki nei, tera te Tama a Tangata ka faka maa ia koia i vasia koia ka au i te maarama taurekareka o na Mmana ma nga ʻangelʼ tapu.”
Iliyochaguliwa sasa
Mark 8: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 8
8
Jesus e faangai koa afe e faa
(Mat 15.32–39)
1Se ne roa ake ia tua, a rake faoa e tokarava ne oomai taanaki. I vasia koratou ku siei rei pe nia ma ratou ke kai, karanga atu rei ko Jesus ki na kau fanonga ke oomai kia koia, ta kae muna atu rei koia, 2“Kuou e maatea rei toku arofa ki te kano fenua nei, natafito koratou ku toru anga rei ko aratou aso ma kuou, kae siei rei pe nia ma ratou ke kai. 3Kae kuou ke fakkau koratou ke oro ki aratou noforanga kae si see faangai, koratou ka mata pouringia ia ratou vasia e oro iei, natafito rake faoa ia ratou ne oomai rei mai te mmao anga.”
4Tera feesiri atu rei ko na kau fanonga kiei, “I fea rei i te ngangea tulaavaki nei, ka mau mai rei faka fefea koa mo kai ke fetau fangatasi ke faangai te kano fenua nei?”
5Fesiri atu rei ko Jesus, “E fia otou foi preti e fai?”
Tongoi atu rei koratou kiei, “E fitu koa foi preti.”
6Muna atu rei koia ki te kano fenua ke fare ki raro ki te kere, tera koia ne sau koa foi preti e fitu, iki arei ko te faka ue ue ki Tupua, tofi tofi ea koia, kae sori ki na kau fanonga ke tuufaki saere ki te kano fenua, tera na kau fanonga ne fai tautari. 7Aratou foi puna ika e fai fokia. Tera ko Jesus ne iki ko te faka ue ue ki Tupua, ta sori rei ki na kau fanonga ke tuufaki kia ratou kaatoa. 8Koratou ne kkai ma ku maakona; e faa koa afe (4,000) o te kano fenua ne kkai. 9Tera na kau fanonga ne fao koa kete e fitu ne pipi ia ratou kai ne tee. Ta fakkau rei e Jesus ko te kano fenua ke foki ki aratou noforanga. 10Tera kae sopo arei koia ki te vaka ma ana kau fanonga, o forau ki te motu ngangea i Dalmanutha.
Nga Pharisee e kaaisi ki se furisanga
(Mat 12.38–42; 16.1–4)
11 #
Mat 12.38; Luk 11.16. Tera ko nga Pharisee ne oomai kia Jesus o fakatafito o faka marau raua taranga ma koia. Koratou e fifia ke ratou toka roto ria ko Jesus, tera kaaisi rei kiei ki se furisanga ke fai, ke faka ari koia ne faka tonu e Tupua.
12 #
Mat 12.39; Luk 11.29. Kae ko Jesus ne maanatu mafa kae muna, “Sea na atamai ko te kano fenua oa aso nei e feesiri ki se furisanga? Siei, kuou e faka ari atu kia kotou te maori: Siei rei se faka atetea ka sori ki te fai kano fenua nei!”
13Koia ne faka oti ia ratou, tera foki rei koia o poi ki te vaka kae oro rei ki take faasi roto.
Te ʻyeastʼ o nga Pharisee ma Herod
(Mat 16.5–12)
14Na kau fanonga ne faka ngaro ke sau ko ni preti ke rava ma ratou, kae ratou foi preti e sokotasi e oro ma ratou i te vaka. 15#Luk 12.1.Ko Jesus ne faka iro atu kia ratou, “Faka matakite kotou kia ʻyeastʼ o nga Pharisee ma nga ʻyeastʼ o Herod.”
16Koratou ne tafito o tau araara maso koratou, “Koia ne muna faka peinei, natafito kotatou siei ko ni preti.”
17Jesus ku nai iroa pe nia ma ratou e mmuna kiei, tera fesiri atu rei koia kia ratou, “Sea na atamai ko kotou e tau araara e siei ko ni preti ma kotou? Ea, kotou iroa pe siki atetea rei?! Otou atamai e koi pouri rei?! 18#Mak 4.12.Otou mata e fai, kae se pula?! Kotou e fai otou taringa, kae se fakarongo?! Ea, kotou si see maanatu 19i vasia kuou ne tofi tofi koa foi preti e rima kia afe e rima (5,000) o te kano fenua?! E fia koa kete ne pipi ia kai ne tee?”
Tongoi atu rei koratou, “E fuanga furu ma rua.”
20Ta fesiri atu rei ko Jesus, “Mae i vasia rei ne tofi tofi ea kuou koa foi preti e fitu mo afe e faa (4,000) o te kano fenua, e fia otou kete ne pipi ia kai ne tee?”
Tongoi atu rei koratou, “E fitu!”
21Fesiri atu rei ko Jesus kia ratou, “Kae kotou siki atetea rei?”
Jesus e ikirave ki te tangata ufu i Bethsaida
22Koratou ne oomai ki Bethsaida, te ngangea rake faoa ne aumai te tangata ufu kia Jesus, o kaaisi kiei ke poo kiei. 23Tera taki rei e Jesus ko te tangata ufu ki na rima ke rau oro kese i te noforanga. Ia tua ko Jesus ne anu kia mata o tangata, koia ne poo ko ana rima ki tangata ma ne fesiri atu rei kiei, “Ku kee ravea ina pe nia?”
24Te tangata ne ono ki runga ma e muna, “Ne faka maori, kuou ku kau ravea ina ko te kano fenua, kae koratou e fai pe ni raakau e saere fuarei.”
25Tera poo atu fokia koa rima o Jesus ki ana mata, tera koia ku pula raa faka tere ki mua; ana ono fanga ku laoi, ma koia ku pula atetea kia nea kaatoa. 26Ta fakkau rei e Jesus ke poi ki na paito ma e muna atu kiei, “Kau see foki o poi ki roto noforanga.”
Peter e nai faka aria ko Jesus
(Mat 16.13–20; Luk 9.18–21)
27Tera ko Jesus ma na kau fanonga ne oro ki nga noforanga e piri ki Caesarea Philippi. I ratou vasia e oro iei, koia ne fesiri atu ki na kau fanonga, “Faka ari mai pe koai te kano fenua e mmuna kuou rei koai?”
28 #
Mak 6.14,15; Luk 9.7,8. Tongoi atu rei koratou, “Rake faoa e mmuna ko kee ko John te Faka uku, kae rake faoa e mmuna ko kee ko Elijah, kae rake faoa e mmuna ko kee te nea sokotasi i nga ʻprophetʼ.”
29 #
Jon 6.68,69. Tera fesiri rei koia ki na kau fanonga. “Kae kotou rei e mmuna kuou koai?”
Tongoi atu rei ko Peter, “Ko kee te Ariki Fakaroro.”
30Tera muna atu faka makeke rei ko Jesus kia ratou, “Kau see faka ari pe kiai kia kuou.”
Jesus e nai munakina ko na fakarongo neaisu ma na mate
(Mat 16.21–28; Luk 9.22–27)
31Tera ko Jesus ne tafito o akonaki ko na kau fanonga, “Te Tama a Tangata ka maatea rei na fakarongo neaisu; ka see fifia kina rei e nga matapure ma nga ariki fai kava ma nga fakaako oa Fono. Koia ka tukuna ki te mate, ma koia ka masike ake ki te ora ia tua oa aso e toru.” 32Jesus ne faka atetea atu rei kia ratou, tera ko Peter ne kave kese ea koia ko Jesus, ma e fakatafito o muna ma te atamai faka taangata kiei. 33Kae ko Jesus ne tafuri ake o pula ki na kau fanonga ma e muna atu faka makeke kia Peter, “Poi kese ma kuou, Satan ee, natafito au maanatu si se ne aumai i Tupua kae e au mai ia maanatu faka taangata.”
34 #
Mat 10.38; Luk 14.27. Tera ko Jesus ne karanga ki te kano fenua ma na kau fanonga ke oomai kia koia, ma ne muna atu rei kia ratou, “Pe koai e fifia ke tautari mai kia kuou, koia ke faka ngaro maso koia, kae amo ko na raakau tapu, tera tautari mai raa kia kuou. 35#Mat 10.39; Luk 17.33; Jon 12.25.Natafito pe koai ma e fifia ke faka sao ko na kee ora ia, ka faka lekutia; kae pe koai ma e faka leku mai na ora natafito ia kuou ma te Rongo Laoi, ka faka saofia. 36Ea, ni faoa ke ratou saua ria pe nia pe tuu ko te maaroo oa taangata katoa nei ia ratou, kae faka leku tia riaina ko aratou ora? Siki siei arei! 37Tera siei pe sea ma ratou ke sori ke fokisaki mai ko ratou ora. 38Kae, tera te tangata e faka maa ia kuou ma ki aku fakaako ranga ia seke tupua ia aso pariki nei, tera te Tama a Tangata ka faka maa ia koia i vasia koia ka au i te maarama taurekareka o na Mmana ma nga ʻangelʼ tapu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.