Mark 7
7
Te fakaako anga oa puna i mua
(Mat 15.1–9)
1Ko rake Pharisee ma nga fakaako oa Fono koratou ne oomai mai Jerusalem e fare vakai ia tafa o Jesus. 2Koratou ne ratou ravea ko na kau fanonga e kkai ko aratou kai ma ratou rima e kere kere, se ne furu mua ko aratou rima, koratou se ne furu ia maanatu nga Pharisee e mmuna faoa ke fai. 3(Natafito, ko nga Pharisee ma nga Jew kaatoa rei e tautari kia fakaako ranga mai a ratou puna i mua, koratou e furu mua ko aratou rima faka laoi kia vai ke maa, tera kai raa a ratou mo kai. 4A kai e tari mai mai a ngangea makete e furu mua kai raa. Ma koratou e rava rei a fai fono e ratou saua pe fai kia fai furu oa faangongo, a umu, a longi ma aratou meeranga.)
5Tera nga Pharisee ma nga fakaako oa Fono ne feesiri kia Jesus, “Sea na atamai tou kau fanonga see tautari kia fakaako ranga ne sori mai e tatou puna, kae ratou e kkai ma ratou rima kere kere?”
6Tongoi atu rei ko Jesus kia ratou, “E tonu maori rei a Isaiah vasia ne nai atia ko kotou faoa taataa laoi, pe ne nai tusia:
‘Te faoa nei e ratou faka epa ria
kuou ia ratou taranga fuarei,
kae aratou fatu manava e mmao
kese rei ma kuou,
muna rei Tupua.
7Si see tau fangatasi koratou
ke fakaturou mai kia kuou,
natafito koratou e ako
koa tukunga faka taangata,
pe a fono a aku.’
8“Kotou ne tuku kese koa fono a Tupua kae tautari rei kia fakaako ranga faka taangata.”
9Muna atu rei ko Jesus fokia, “Kotou e maatea rei totou poto ke kotou se fifia kina koa fono a Tupua, kae taofi rei otou kee tukunga faka taangata ia. 10Natafito, ko Moses ne muna faka makeke mai rei,
‘Faka epa ki tou mmana ma tou nana,’
“ma,
‘Pe koai koia e munaki koa nea pariki ki na mmana pe ki na nana
e fetau fangatasi ke tukuna ki te mate.’
11“Kae kotou e fakaako: Ko se tangata ke fai pe nia ma ana ke soaki ki na mmana pe ki na nana, kae muna rei, ‘A nea nei a Corban’ (na atamai, a nea nei ne fakatapu ria ki Tupua), 12tera koia ku faingataa ke sosoa ki ana maatua. 13I te fai ngangea nei, te fakaako ranga ne sori ea kotou ki rake faoa e sau ki tua koa taranga a Tupua. E rava rei a fai ngangea faka peinei e fai ea kotou.”
A nea e nai faia te tangata ke kere kere
(Mat 15.10–20)
14Tera ko Jesus ne karanga ki te kano fenua ke oomai kia koia fokia, ma ne muna atu kia ratou, “Fakarongo kotou kaatoa rei kia kuou ke kotou iroa! 15Siei pe nia ke nai faia ko te tangata ke kere kere ia nea o tua e poi ki roto manava, kae a nea e au mai i te roto manava o tangata e nai faia koia ke kere kere. 16[Tera fakarongo pe kotou e fai otou taringa!”]
17Vasia ko Jesus ne faka oti i te kano fenua, koia ne poi ki rota paito, ma na kau fanonga ne feesiri atu kiei ki tana araara fanga noko fai. 18Tera muna atu rei ko Jesus kia ratou, “Kotou ea? E koi pouri rei? Ea, see kotou iroa ina pe nia e poi ki roto manava ka se ma fai koia ke kere kere? 19Natafito si see poi ki na fatu manava, kae poi ki na roto manava faka maopo anga o ana kai kainga, tera fena ifo raa ki tua mai na tino.” Jesus ne faka atetea faka peinei o faka ari koa kai kaatoa e fetau fangatasi ke kai.
20Tera ko Jesus ne muna atu fokia, “Pe nia e au ki tua mai te tangata e nai faia koia ke kere kere. 21Natafito pe nia e au mai i roto fatu manava o te tangata, e aumai ma ana atamai pariki, e nai takina koia ke fai koa nea pariki: ke kaiaa, ke taa taangata, 22ke poi vare, ke totomatua, ma ke maanatu pariki, ke tataangutu, ke makau, ke fatu fatu, ke fia paasaki ma ke faka vare. 23Koa nea pariki kaatoa faka peinei e aumai ina mai te roto fatu manava o tangata ma e nai faia koia ke kere kere.”
Te fakatonu a te maatua fafine
(Mat 15.21–28)
24Tera ko Jesus ne faka oti ta poi rei ki te potu fenua e piri piri ki taoni i Tyre. Koia ne poi ki rota paito, tera se ne fifia pe koai ke nai iroa ina koia i kuraa, kae koia se ma fai ke riro rei. 25Te maatua fafine, tana tama afine e urufia ina e te atua pariki, tera koia ne rongo kia Jesus, ta poi rei o tokoturi atu ki ana mua. 26Te maatua fafine siei te foi Jew, koia ne faanau i Phoenicia i Syria. Koia ne kaisi kia Jesus ke fue kese ko te atua pariki mai tana tama afine. 27Kae tongoi atu rei ko Jesus kia koia, “Tatou faangai mua nga tamariki. Si see tonu rei ke sau koa kai a nga tamariki, raku rei ki nga korii.”
28Tera tongoi atu rei koia, “Toku ariki ee, nga korii rei fokia e kkai koa tee tee kainga i araro o te tepolo naa!”
29Tera ko Jesus muna atu rei kiei, “Natafito i tau tongoi, poi ki tou paito, i kuraa ka kee maua te atua pariki ku poi kese mai tau tama afine.”
30Maatua fafine ne foki ki na paito, nai maua rei tana tama afine e mee i na meeranga; e tonu maori rei te atua pariki ku poi kese ia koia.
Jesus e ikirave ki te tangata turi ma e nguu
31Jesus ne foki mai motu ngangea i Tyre, ma ne poi rei ki Sidon ke oko ki te Roto i Galilee; ma ne poi rei i motu ngangea oa Taoni e Fuanga furu. 32Rake faoa ne aumai kia Jesus te tangata e turi koa ana taringa ma see nai iroa te muna, ta kaaisi rei koratou kia Jesus ke tuku ko na rima kiei. 33Tera ko Jesus ne poi kese ma te kano fenua, koia ne poo ko ana matikao kia taringa o tangata, kae anu, ma e poo rei ki te alelo o tangata. 34Ono ake rei ko Jesus ki te vaerangi, o maanatu mafa, o muna atu, “Ephphatha!” (na atamai: “Masara ki tua!”)
35I mo vakanga te tangata ku nai rangona pe nia i ana taringa ku masara ma a nea noko nai mono monotia te ara o taranga ku sau ki tua, ta koia ku ma tau araara siei pe nia ke sara. 36Tera ko Jesus ne muna atu rei kia ratou ka see faka ari pe kiai. Kae vasia koia e pii maatea atu rei kia ratou, kae koratou e singa mauaki rei koratou o araara faki saere. 37Koratou kaatoa ne fakarongo ku mmate rei ko aratou tino, o mmuna, “Jesus ne fai faka laoi ea koia koa nea kaatoa! A taringa turi ku fai ea koia ku fakarongo, ma nga nguu ku araara!”
Iliyochaguliwa sasa
Mark 7: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 7
7
Te fakaako anga oa puna i mua
(Mat 15.1–9)
1Ko rake Pharisee ma nga fakaako oa Fono koratou ne oomai mai Jerusalem e fare vakai ia tafa o Jesus. 2Koratou ne ratou ravea ko na kau fanonga e kkai ko aratou kai ma ratou rima e kere kere, se ne furu mua ko aratou rima, koratou se ne furu ia maanatu nga Pharisee e mmuna faoa ke fai. 3(Natafito, ko nga Pharisee ma nga Jew kaatoa rei e tautari kia fakaako ranga mai a ratou puna i mua, koratou e furu mua ko aratou rima faka laoi kia vai ke maa, tera kai raa a ratou mo kai. 4A kai e tari mai mai a ngangea makete e furu mua kai raa. Ma koratou e rava rei a fai fono e ratou saua pe fai kia fai furu oa faangongo, a umu, a longi ma aratou meeranga.)
5Tera nga Pharisee ma nga fakaako oa Fono ne feesiri kia Jesus, “Sea na atamai tou kau fanonga see tautari kia fakaako ranga ne sori mai e tatou puna, kae ratou e kkai ma ratou rima kere kere?”
6Tongoi atu rei ko Jesus kia ratou, “E tonu maori rei a Isaiah vasia ne nai atia ko kotou faoa taataa laoi, pe ne nai tusia:
‘Te faoa nei e ratou faka epa ria
kuou ia ratou taranga fuarei,
kae aratou fatu manava e mmao
kese rei ma kuou,
muna rei Tupua.
7Si see tau fangatasi koratou
ke fakaturou mai kia kuou,
natafito koratou e ako
koa tukunga faka taangata,
pe a fono a aku.’
8“Kotou ne tuku kese koa fono a Tupua kae tautari rei kia fakaako ranga faka taangata.”
9Muna atu rei ko Jesus fokia, “Kotou e maatea rei totou poto ke kotou se fifia kina koa fono a Tupua, kae taofi rei otou kee tukunga faka taangata ia. 10Natafito, ko Moses ne muna faka makeke mai rei,
‘Faka epa ki tou mmana ma tou nana,’
“ma,
‘Pe koai koia e munaki koa nea pariki ki na mmana pe ki na nana
e fetau fangatasi ke tukuna ki te mate.’
11“Kae kotou e fakaako: Ko se tangata ke fai pe nia ma ana ke soaki ki na mmana pe ki na nana, kae muna rei, ‘A nea nei a Corban’ (na atamai, a nea nei ne fakatapu ria ki Tupua), 12tera koia ku faingataa ke sosoa ki ana maatua. 13I te fai ngangea nei, te fakaako ranga ne sori ea kotou ki rake faoa e sau ki tua koa taranga a Tupua. E rava rei a fai ngangea faka peinei e fai ea kotou.”
A nea e nai faia te tangata ke kere kere
(Mat 15.10–20)
14Tera ko Jesus ne karanga ki te kano fenua ke oomai kia koia fokia, ma ne muna atu kia ratou, “Fakarongo kotou kaatoa rei kia kuou ke kotou iroa! 15Siei pe nia ke nai faia ko te tangata ke kere kere ia nea o tua e poi ki roto manava, kae a nea e au mai i te roto manava o tangata e nai faia koia ke kere kere. 16[Tera fakarongo pe kotou e fai otou taringa!”]
17Vasia ko Jesus ne faka oti i te kano fenua, koia ne poi ki rota paito, ma na kau fanonga ne feesiri atu kiei ki tana araara fanga noko fai. 18Tera muna atu rei ko Jesus kia ratou, “Kotou ea? E koi pouri rei? Ea, see kotou iroa ina pe nia e poi ki roto manava ka se ma fai koia ke kere kere? 19Natafito si see poi ki na fatu manava, kae poi ki na roto manava faka maopo anga o ana kai kainga, tera fena ifo raa ki tua mai na tino.” Jesus ne faka atetea faka peinei o faka ari koa kai kaatoa e fetau fangatasi ke kai.
20Tera ko Jesus ne muna atu fokia, “Pe nia e au ki tua mai te tangata e nai faia koia ke kere kere. 21Natafito pe nia e au mai i roto fatu manava o te tangata, e aumai ma ana atamai pariki, e nai takina koia ke fai koa nea pariki: ke kaiaa, ke taa taangata, 22ke poi vare, ke totomatua, ma ke maanatu pariki, ke tataangutu, ke makau, ke fatu fatu, ke fia paasaki ma ke faka vare. 23Koa nea pariki kaatoa faka peinei e aumai ina mai te roto fatu manava o tangata ma e nai faia koia ke kere kere.”
Te fakatonu a te maatua fafine
(Mat 15.21–28)
24Tera ko Jesus ne faka oti ta poi rei ki te potu fenua e piri piri ki taoni i Tyre. Koia ne poi ki rota paito, tera se ne fifia pe koai ke nai iroa ina koia i kuraa, kae koia se ma fai ke riro rei. 25Te maatua fafine, tana tama afine e urufia ina e te atua pariki, tera koia ne rongo kia Jesus, ta poi rei o tokoturi atu ki ana mua. 26Te maatua fafine siei te foi Jew, koia ne faanau i Phoenicia i Syria. Koia ne kaisi kia Jesus ke fue kese ko te atua pariki mai tana tama afine. 27Kae tongoi atu rei ko Jesus kia koia, “Tatou faangai mua nga tamariki. Si see tonu rei ke sau koa kai a nga tamariki, raku rei ki nga korii.”
28Tera tongoi atu rei koia, “Toku ariki ee, nga korii rei fokia e kkai koa tee tee kainga i araro o te tepolo naa!”
29Tera ko Jesus muna atu rei kiei, “Natafito i tau tongoi, poi ki tou paito, i kuraa ka kee maua te atua pariki ku poi kese mai tau tama afine.”
30Maatua fafine ne foki ki na paito, nai maua rei tana tama afine e mee i na meeranga; e tonu maori rei te atua pariki ku poi kese ia koia.
Jesus e ikirave ki te tangata turi ma e nguu
31Jesus ne foki mai motu ngangea i Tyre, ma ne poi rei ki Sidon ke oko ki te Roto i Galilee; ma ne poi rei i motu ngangea oa Taoni e Fuanga furu. 32Rake faoa ne aumai kia Jesus te tangata e turi koa ana taringa ma see nai iroa te muna, ta kaaisi rei koratou kia Jesus ke tuku ko na rima kiei. 33Tera ko Jesus ne poi kese ma te kano fenua, koia ne poo ko ana matikao kia taringa o tangata, kae anu, ma e poo rei ki te alelo o tangata. 34Ono ake rei ko Jesus ki te vaerangi, o maanatu mafa, o muna atu, “Ephphatha!” (na atamai: “Masara ki tua!”)
35I mo vakanga te tangata ku nai rangona pe nia i ana taringa ku masara ma a nea noko nai mono monotia te ara o taranga ku sau ki tua, ta koia ku ma tau araara siei pe nia ke sara. 36Tera ko Jesus ne muna atu rei kia ratou ka see faka ari pe kiai. Kae vasia koia e pii maatea atu rei kia ratou, kae koratou e singa mauaki rei koratou o araara faki saere. 37Koratou kaatoa ne fakarongo ku mmate rei ko aratou tino, o mmuna, “Jesus ne fai faka laoi ea koia koa nea kaatoa! A taringa turi ku fai ea koia ku fakarongo, ma nga nguu ku araara!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.