Mark 6
6
Jesus se ne fifia kina ria i Nazareth
(Mat 13.53–58; Luk 4.16–30)
1Jesus ne tuku ko ngangea, ma e foki rei o poi ma na kau fanonga ki na noforanga. 2I te Aso e tapu koia ne tafito o ako i te paito taanaki oratou. E kkapi rei ko te kano fenua i rota paito; ratou vasia ne fakarongo kiei, koratou ne fepoikaki, ma ne feesiri, “Mai fea na ngangea e sau mai ea koia koa nea kaatoa nei? Fai purotu koai ne soria kia koia? Ne fai faka fefea koia ke fai ko ana furisanga? 3Kae koia siki te tama a te tangata taa paito, te tama a Mary ma te taina o James ma Joseph ma Judas ma Simon?! Tera ko ana kave fokia e nofo raki i kunei.” Kae koratou se ne fifia kiei.
4 #
Jon 4.44. Muna atu rei ko Jesus kia ratou, “Nga ʻprophetʼ e faka epa ria ia ngangea kaatoa, kae siei rei i na kee noforanga ia, ma i ana faoa ma na kanoa paito.”
5Koia ku se ma fai rei ke fai ko ni furisanga i ngangea, kae koia e tuku fuarei ko ana rima ki faoa ngae ngae e soko soko fia, o faka maroro ea koia koratou. 6Ana mauri ku rere, natafito koratou e seke fakatonu.
Jesus e kkau ko na kau fanonga e tino angafuru ma rua
(Mat 10.5–15; Luk 9.1–6)
Tera ko Jesus ne poi vakai saere ia noforanga ia ngangea o fakaako ko te kano fenua. 7Koia ne karanga ki na kau fanonga e tino angafuru ma rua ke taanaki mai ki roto, tera fakkau rei ke oro toka toka rua; sori rei ea koia kia ratou te manuu ke fue kese ko nga atua pariki. 8Kae taufau atu rei ki ratou, “Kau see sau pe nia i otou vasia e oro iei, kae otou foi raakau toko toko fuarei; siei ko ni preti, siei se tanga, siei ni mane i otou tanga suru. 9Faa uru otou rafi vae, kae see sau se suru tino fakatausara.” 10Muna atu rei koia fokia kia ratou, “Vasia kotou e faka afea iei, fare kotou i paito oko rei ki totou vasia ka oro kese ma noforanga. 11#Act 13.51; Luk 10.4–11.Se ngangea ka see ratou faka afea ria ko kotou mae se ratou fifia kina kotou o pe ke fakarongo atu kia kotou, titi rei ko te efu efu i otou rafi vae vasia kotou ka oro kese iei, ke fai pe te faka iro kia ratou!”
12Tera koratou ne oro saere ma ne tuufaki ki te kano fenua ke taafuri kese mai i aratou sara. 13#Jas 5.14.Ratou fueina kese ko nga atua pariki ma ne tafi koa tino faoa ngae ngae kia sua sinu ʻoliviʼ ma ne faka maroro koratou.
Te mate o John te Faka uku
(Mat 14.1–12; Luk 9.7–9)
14 #
Mat 16.14; Mak 8.28; Luk 9.19. Ko Herod te tii ne rongo kia Jesus, natafito ana rongo rongo ku kavea ina saere.
Rake faoa ne mmuna, “John te Faka uku ku foki mai ki te ora, teenaa arei ko na manuu ke fai koa furisanga.”
15Tera ko rake faoa e mumuna, “Koia ko Elijah.”
Ma rake faoa rei e mmuna, “Koia te ʻprophetʼ ku fai pe se nea i nga ʻprophetʼ i mua.”
16Kae vasia ko Herod ne rongo kiei, koia ne muna, “Ko John te Faka uku na ua ne kau sepea kese ku foki mai ki te ora.” 17#Luk 3.19,20.Herod maso koia ne muna ke puke ko John, rii ko ana rima kia seni kae tuku rei ki te fare pono pono; Herod ne fai faka peinei natafito koia ne avanga kia Herodias, maafa rei onia koia te nofine o na taina ko Philip. 18John te Faka uku ne faka ari mau rei kia Herod, “Si see fetau fangatasi ko kee ke avanga ki te nofine o tou taina.”
19Tera ko Herodias ku faka makuku ko na atamai kia John, ma ku fifia ke nai tamate ria koia, kae Herodias se ma fai natafito ia Herod. 20Herod ne mataku ia John natafito koia e nai iroa ko John te tangata laoi ma te tangata tapu. Vasia o Herod ne rongo kia John, koia ku maatea rei na faka maa, kae maatea rei na fifia ke fakarongo kiei.
21Tera ku oko te vasia laoi o Herodias. Tera i te vasia faka maanatu te faanau ranga o Herod, vasia koia ne sori te kai kai ki nga ariki lasi o te kavamanu, ma nga ariki o te kano tau, ma nga faoa taki ia noforanga i Galilee. 22Te tama afine a Herodias ne au o mako o faka vaki vaki ko Herod ma ana faoa ne kafi. Tera te tii ne muna atu ki tama fafine, “A nia ma au e fifia kiei? Kuou ka sori atu pe nia ma au ka fifia kiei.” 23Koia e rava rei ana vasia ne vata vata kiei, ma e tongi, “Kuou ka sori kia kee pe nia ma au ka muna kiei, maafa rei e fai pe te faasi o toku kainanga katoa!”
24Poi rei te tama fafine o fesiri ki na nana, “A nia ma aku ka kaisi kiei?”
Tongoi atu rei koia, “Te poko uru o John te Faka uku.”
25Tama fafine ne foki faka vave arei ki te tii ma tana kaisi, “Kuou e fifia kee ke sori mai mo vakanga nei te poko uru o John te Faka uku i te longi!”
26Neinei ku nai faia te tii ku maatea rei na arofa, kae natafito koia ne tongi ia mata o ana faoa katoa ne kafi, tera koia ka see mono ki tama fafine. 27Tera fakkau arei ea koia tana reo ke poi o sepe mai ko te poko uru o John. Tera poi arei ko te reo ki te fare pono pono, o sepe mai te ua o John. 28Tera sau mai rei ea koia i te longi, o sori ki tama fafine; ta sori rei ea koia ki na nana.
29Vasia te kau fanonga o John ne rongo kiei, koratou ne oomai o sau ko na tino o tanu.
Jesus e faangai koa afe e rima
(Mat 14.13–21; Luk 9.10–17; Jon 6.1–14)
30A kau fai fekau ne foki mai, o fekitei ma Jesus, o faka ari atu kiei aratou nea kaatoa ne fai ma noko fakaako kiei. 31E tokarava rei ko te kano fenua ne oomai mae ku oro, tera ko Jesus ma na kau fanonga siei rei mo vasia ma ratou ke kai iei, muna atu rei koia ki na kau fanonga, “Tatou oro ki tua maso kotatou ki se ngangea tatou fuarei, ta kotatou ke maanava faka molakea!” 32Tera koratou ne fakatafito oro ki tua i te vaka maso koratou ki te ngangea tulaavaki.
33Kae te kano fenua ne ono kia ratou e oro kese, ma ratou iroa ina rei pe koai ma koratou, tera koratou ne oro i nga taoni kaatoa o mmua i ngauta ke too ki te ngangea ko Jesus ma na kau fanonga ka fakatau kiei. 34#Mat 9.36.Vasia ko Jesus ne sopo ki tua ma te vaka, nai ravea rei te kano fenua e tokkapi, ma na fatu manava ku pii i na arofa kia ratou, natafito koratou e fai pe nga sipi sipi e seke tangata reo. Tera tafito arei koia o ako koratou kia nea kaatoa. 35Vasia te avatea mangaarie, na kau fanonga ne oomai kia Jesus o muna atu, “Ku piri ki te afi afi, ma te ngangea nei e tulaavaki. 36Fakkau ko te kano fenua ke oro kia paito ma kia noforanga e piri piri mai ke tauvi ko ni mo kai ma ratou.”
37Tera muna atu rei ko Jesus ki na kau fanonga, “Kotou ia ke sori ko mo kai ma ratou ke kai.”
Tera feesiri atu rei koratou, “Ea, ko kee e fifia matou oro o tauvi mai ko ni preti kia fua te rau e-rua oa mane ke faangai ko te kano fenua nei?”
38Tera fesiri atu rei ko Jesus, “E fia otou foi preti e fai? Oro o maataki.”
Vasia ne maataki ea ratou, ta faka ari atu rei ea ratou kia Jesus, “E rima koa foi preti, ma e rua a foi ika.”
39Tera muna atu rei ko Jesus ki na kau fanonga ke fai te kano fenua ke fare ia ratou kau noforanga ki raro i te uru mauku. 40Tera te kano fenua ne fare ki raro ia ratou kau noforanga e taki tino te rau ma taki tino rima. 41Tera sau e Jesus koa foi preti e rima ma foi ika e rua, ono ki runga ki te vaerangi, iki arei ko te faka ue ue ki Tupua. Tera tofi tofi ea koia koa foi preti, sori rei ki na kau fanonga ke vaevae saere ki te kano fenua; ne vae fokia ea koia koa foi ika e rua kia ratou kaatoa rei. 42Koratou kaatoa ne kkai ne maakona rei. 43Tera na kau fanonga ne fao koa kete e fuanga furu ma rua ki aratou kai ne tee. 44Te kkapi o nga taangata ne faangai, afe e rima (5,000).
Jesus e saere i fongo vai
(Mat 14.22–33; Jon 6.15–21)
45Tera ia tua o te kai, Jesus ne fai ea koia ko na kau fanonga ke fesopoki ki te vaka, ke mua rei ki Bethsaida, ki take faasi o te roto, mo vasia koia e fakkau te kano fenua ke oro iei. 46Tera ia tua koia ne mavae ma na kau fanonga, poi arei koia ki fongo maunga o rotu iei. 47Vasia te afi afi te vaka ku poi rei i te rottonu o te roto, i mo vasia ko Jesus maso koia fuarei i ngauta. 48Koia ne ono atu ki na kau fanonga ku maatea rei ratou tookai, natafito koratou e aro aro rei ki te mata matangi. Tera i te vasia i roto te raa e toru ma e ono i te pongi pongi, koia ne au kia ratou, e saere i fongo vai. Koia ne fai ke faka sara ia ratou, 49kae ne ratou ravea ina ko Jesus e saere i fongo vai, koratou ne maanatu ko Jesus te tupua fenua, ku ttangi i aratou maattaku. 50I ratou vasia ne ono kiei, koratou ne maattaku.
Ko Jesus ne muna atu arei kia ratou, “Faka tangata maatua! Ko kuou fuarei. Kau see maattaku!” 51Tera sopo rei ko Jesus ki te riu vaka kia ratou ma te matangi ku too ki raro. Na kau fanonga ku mmate ko aratou tino kiei, 52natafito koratou see ratou iroa ina pe sea te atamai o te faangai o afe e rima, aratou atamai ku see maanatu rei kiei.
Jesus e faka maroro kia faoa ngae ngae i Gennesaret
(Mat 14.34–36)
53Koratou e faka rava oro ki take faasi roto, fakatau rei ki Gennesaret, te ngangea fokia ne tosi ratou vaka ki ngauta o tuku ke tau iei. 54Vasia koratou ne saere oro iei, i mo vakanga te kano fenua ne ratou matea arei ko Jesus. 55Tera koratou ne oro saere i nga taoni kaatoa o tari mai ko te kano fenua ngae ngae ia ratou meeranga kiei, ki te ngangea koratou e fakarongo ko Jesus e nofo iei. 56Ma i nga ngangea kaatoa ko Jesus ne poi kiei, nga taoni kaatoa ma noforanga o pe ia ratou tofi, te kano fenua e tari ko ratou faoa ngae ngae kia ngangea makete o kaaisi rei kia Jesus ko ratou faoa ke poo fuarei ki ana suru, tera pe koai ma ne poo ki ana suru, ku faka maroro ria.
Iliyochaguliwa sasa
Mark 6: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 6
6
Jesus se ne fifia kina ria i Nazareth
(Mat 13.53–58; Luk 4.16–30)
1Jesus ne tuku ko ngangea, ma e foki rei o poi ma na kau fanonga ki na noforanga. 2I te Aso e tapu koia ne tafito o ako i te paito taanaki oratou. E kkapi rei ko te kano fenua i rota paito; ratou vasia ne fakarongo kiei, koratou ne fepoikaki, ma ne feesiri, “Mai fea na ngangea e sau mai ea koia koa nea kaatoa nei? Fai purotu koai ne soria kia koia? Ne fai faka fefea koia ke fai ko ana furisanga? 3Kae koia siki te tama a te tangata taa paito, te tama a Mary ma te taina o James ma Joseph ma Judas ma Simon?! Tera ko ana kave fokia e nofo raki i kunei.” Kae koratou se ne fifia kiei.
4 #
Jon 4.44. Muna atu rei ko Jesus kia ratou, “Nga ʻprophetʼ e faka epa ria ia ngangea kaatoa, kae siei rei i na kee noforanga ia, ma i ana faoa ma na kanoa paito.”
5Koia ku se ma fai rei ke fai ko ni furisanga i ngangea, kae koia e tuku fuarei ko ana rima ki faoa ngae ngae e soko soko fia, o faka maroro ea koia koratou. 6Ana mauri ku rere, natafito koratou e seke fakatonu.
Jesus e kkau ko na kau fanonga e tino angafuru ma rua
(Mat 10.5–15; Luk 9.1–6)
Tera ko Jesus ne poi vakai saere ia noforanga ia ngangea o fakaako ko te kano fenua. 7Koia ne karanga ki na kau fanonga e tino angafuru ma rua ke taanaki mai ki roto, tera fakkau rei ke oro toka toka rua; sori rei ea koia kia ratou te manuu ke fue kese ko nga atua pariki. 8Kae taufau atu rei ki ratou, “Kau see sau pe nia i otou vasia e oro iei, kae otou foi raakau toko toko fuarei; siei ko ni preti, siei se tanga, siei ni mane i otou tanga suru. 9Faa uru otou rafi vae, kae see sau se suru tino fakatausara.” 10Muna atu rei koia fokia kia ratou, “Vasia kotou e faka afea iei, fare kotou i paito oko rei ki totou vasia ka oro kese ma noforanga. 11#Act 13.51; Luk 10.4–11.Se ngangea ka see ratou faka afea ria ko kotou mae se ratou fifia kina kotou o pe ke fakarongo atu kia kotou, titi rei ko te efu efu i otou rafi vae vasia kotou ka oro kese iei, ke fai pe te faka iro kia ratou!”
12Tera koratou ne oro saere ma ne tuufaki ki te kano fenua ke taafuri kese mai i aratou sara. 13#Jas 5.14.Ratou fueina kese ko nga atua pariki ma ne tafi koa tino faoa ngae ngae kia sua sinu ʻoliviʼ ma ne faka maroro koratou.
Te mate o John te Faka uku
(Mat 14.1–12; Luk 9.7–9)
14 #
Mat 16.14; Mak 8.28; Luk 9.19. Ko Herod te tii ne rongo kia Jesus, natafito ana rongo rongo ku kavea ina saere.
Rake faoa ne mmuna, “John te Faka uku ku foki mai ki te ora, teenaa arei ko na manuu ke fai koa furisanga.”
15Tera ko rake faoa e mumuna, “Koia ko Elijah.”
Ma rake faoa rei e mmuna, “Koia te ʻprophetʼ ku fai pe se nea i nga ʻprophetʼ i mua.”
16Kae vasia ko Herod ne rongo kiei, koia ne muna, “Ko John te Faka uku na ua ne kau sepea kese ku foki mai ki te ora.” 17#Luk 3.19,20.Herod maso koia ne muna ke puke ko John, rii ko ana rima kia seni kae tuku rei ki te fare pono pono; Herod ne fai faka peinei natafito koia ne avanga kia Herodias, maafa rei onia koia te nofine o na taina ko Philip. 18John te Faka uku ne faka ari mau rei kia Herod, “Si see fetau fangatasi ko kee ke avanga ki te nofine o tou taina.”
19Tera ko Herodias ku faka makuku ko na atamai kia John, ma ku fifia ke nai tamate ria koia, kae Herodias se ma fai natafito ia Herod. 20Herod ne mataku ia John natafito koia e nai iroa ko John te tangata laoi ma te tangata tapu. Vasia o Herod ne rongo kia John, koia ku maatea rei na faka maa, kae maatea rei na fifia ke fakarongo kiei.
21Tera ku oko te vasia laoi o Herodias. Tera i te vasia faka maanatu te faanau ranga o Herod, vasia koia ne sori te kai kai ki nga ariki lasi o te kavamanu, ma nga ariki o te kano tau, ma nga faoa taki ia noforanga i Galilee. 22Te tama afine a Herodias ne au o mako o faka vaki vaki ko Herod ma ana faoa ne kafi. Tera te tii ne muna atu ki tama fafine, “A nia ma au e fifia kiei? Kuou ka sori atu pe nia ma au ka fifia kiei.” 23Koia e rava rei ana vasia ne vata vata kiei, ma e tongi, “Kuou ka sori kia kee pe nia ma au ka muna kiei, maafa rei e fai pe te faasi o toku kainanga katoa!”
24Poi rei te tama fafine o fesiri ki na nana, “A nia ma aku ka kaisi kiei?”
Tongoi atu rei koia, “Te poko uru o John te Faka uku.”
25Tama fafine ne foki faka vave arei ki te tii ma tana kaisi, “Kuou e fifia kee ke sori mai mo vakanga nei te poko uru o John te Faka uku i te longi!”
26Neinei ku nai faia te tii ku maatea rei na arofa, kae natafito koia ne tongi ia mata o ana faoa katoa ne kafi, tera koia ka see mono ki tama fafine. 27Tera fakkau arei ea koia tana reo ke poi o sepe mai ko te poko uru o John. Tera poi arei ko te reo ki te fare pono pono, o sepe mai te ua o John. 28Tera sau mai rei ea koia i te longi, o sori ki tama fafine; ta sori rei ea koia ki na nana.
29Vasia te kau fanonga o John ne rongo kiei, koratou ne oomai o sau ko na tino o tanu.
Jesus e faangai koa afe e rima
(Mat 14.13–21; Luk 9.10–17; Jon 6.1–14)
30A kau fai fekau ne foki mai, o fekitei ma Jesus, o faka ari atu kiei aratou nea kaatoa ne fai ma noko fakaako kiei. 31E tokarava rei ko te kano fenua ne oomai mae ku oro, tera ko Jesus ma na kau fanonga siei rei mo vasia ma ratou ke kai iei, muna atu rei koia ki na kau fanonga, “Tatou oro ki tua maso kotatou ki se ngangea tatou fuarei, ta kotatou ke maanava faka molakea!” 32Tera koratou ne fakatafito oro ki tua i te vaka maso koratou ki te ngangea tulaavaki.
33Kae te kano fenua ne ono kia ratou e oro kese, ma ratou iroa ina rei pe koai ma koratou, tera koratou ne oro i nga taoni kaatoa o mmua i ngauta ke too ki te ngangea ko Jesus ma na kau fanonga ka fakatau kiei. 34#Mat 9.36.Vasia ko Jesus ne sopo ki tua ma te vaka, nai ravea rei te kano fenua e tokkapi, ma na fatu manava ku pii i na arofa kia ratou, natafito koratou e fai pe nga sipi sipi e seke tangata reo. Tera tafito arei koia o ako koratou kia nea kaatoa. 35Vasia te avatea mangaarie, na kau fanonga ne oomai kia Jesus o muna atu, “Ku piri ki te afi afi, ma te ngangea nei e tulaavaki. 36Fakkau ko te kano fenua ke oro kia paito ma kia noforanga e piri piri mai ke tauvi ko ni mo kai ma ratou.”
37Tera muna atu rei ko Jesus ki na kau fanonga, “Kotou ia ke sori ko mo kai ma ratou ke kai.”
Tera feesiri atu rei koratou, “Ea, ko kee e fifia matou oro o tauvi mai ko ni preti kia fua te rau e-rua oa mane ke faangai ko te kano fenua nei?”
38Tera fesiri atu rei ko Jesus, “E fia otou foi preti e fai? Oro o maataki.”
Vasia ne maataki ea ratou, ta faka ari atu rei ea ratou kia Jesus, “E rima koa foi preti, ma e rua a foi ika.”
39Tera muna atu rei ko Jesus ki na kau fanonga ke fai te kano fenua ke fare ia ratou kau noforanga ki raro i te uru mauku. 40Tera te kano fenua ne fare ki raro ia ratou kau noforanga e taki tino te rau ma taki tino rima. 41Tera sau e Jesus koa foi preti e rima ma foi ika e rua, ono ki runga ki te vaerangi, iki arei ko te faka ue ue ki Tupua. Tera tofi tofi ea koia koa foi preti, sori rei ki na kau fanonga ke vaevae saere ki te kano fenua; ne vae fokia ea koia koa foi ika e rua kia ratou kaatoa rei. 42Koratou kaatoa ne kkai ne maakona rei. 43Tera na kau fanonga ne fao koa kete e fuanga furu ma rua ki aratou kai ne tee. 44Te kkapi o nga taangata ne faangai, afe e rima (5,000).
Jesus e saere i fongo vai
(Mat 14.22–33; Jon 6.15–21)
45Tera ia tua o te kai, Jesus ne fai ea koia ko na kau fanonga ke fesopoki ki te vaka, ke mua rei ki Bethsaida, ki take faasi o te roto, mo vasia koia e fakkau te kano fenua ke oro iei. 46Tera ia tua koia ne mavae ma na kau fanonga, poi arei koia ki fongo maunga o rotu iei. 47Vasia te afi afi te vaka ku poi rei i te rottonu o te roto, i mo vasia ko Jesus maso koia fuarei i ngauta. 48Koia ne ono atu ki na kau fanonga ku maatea rei ratou tookai, natafito koratou e aro aro rei ki te mata matangi. Tera i te vasia i roto te raa e toru ma e ono i te pongi pongi, koia ne au kia ratou, e saere i fongo vai. Koia ne fai ke faka sara ia ratou, 49kae ne ratou ravea ina ko Jesus e saere i fongo vai, koratou ne maanatu ko Jesus te tupua fenua, ku ttangi i aratou maattaku. 50I ratou vasia ne ono kiei, koratou ne maattaku.
Ko Jesus ne muna atu arei kia ratou, “Faka tangata maatua! Ko kuou fuarei. Kau see maattaku!” 51Tera sopo rei ko Jesus ki te riu vaka kia ratou ma te matangi ku too ki raro. Na kau fanonga ku mmate ko aratou tino kiei, 52natafito koratou see ratou iroa ina pe sea te atamai o te faangai o afe e rima, aratou atamai ku see maanatu rei kiei.
Jesus e faka maroro kia faoa ngae ngae i Gennesaret
(Mat 14.34–36)
53Koratou e faka rava oro ki take faasi roto, fakatau rei ki Gennesaret, te ngangea fokia ne tosi ratou vaka ki ngauta o tuku ke tau iei. 54Vasia koratou ne saere oro iei, i mo vakanga te kano fenua ne ratou matea arei ko Jesus. 55Tera koratou ne oro saere i nga taoni kaatoa o tari mai ko te kano fenua ngae ngae ia ratou meeranga kiei, ki te ngangea koratou e fakarongo ko Jesus e nofo iei. 56Ma i nga ngangea kaatoa ko Jesus ne poi kiei, nga taoni kaatoa ma noforanga o pe ia ratou tofi, te kano fenua e tari ko ratou faoa ngae ngae kia ngangea makete o kaaisi rei kia Jesus ko ratou faoa ke poo fuarei ki ana suru, tera pe koai ma ne poo ki ana suru, ku faka maroro ria.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.