Mark 5
5
Jesus e fue kese ko nga atua pariki mai te tangata
(Mat 8.28–34; Luk 8.26–39)
1Jesus ma na kau fanonga koratou ku oko ki i te motu ngangea o Gerasa i take faasi Roto i Galilee. 2I mo vasia fuarei ko Jesus ne sopo ki tua mai te vaka, fekitei akina arei koia e te tangata e au mai te kere tamate. Te tangata nei e urufia ria e te atua pariki, 3ma koia e nofo fuarei ia kere tamate, siei pe koai ke nai pukea, o pe ke nai rii tia koia kia seni. 4Ku rava rei koa vasia ana vae ma ana rima e rii tia kia seni, kae nga vasia katoa e nai motu motu sia koa seni, sasa koa ngatana ki ana vae; koia e maatea rei na makeke, siei pe koai foki ke poo atu kiei. 5Te poo ma te ao koia e uru saere ia vaevae tano mae ia ngangea matike tike, ku sepe sepea ko ana tino ia fatu matakai ma e tangi.
6Koia see mmao i vasia koia ne nai ravea ko Jesus; tera koia ne rere kiei o tokoturi i ana mua. 7Ma e tangi forua rei ki runga, ma karanga, “Jesus, Tama a te Tupua Maurunga Sapa ee! A nia ma au e fifia kia kuou? Kuou e kaisi atu kia kee i faasi o Tupua, kau see fakkiro mai kuou!” 8Koia ne muna faka peinei, natafito ko Jesus ne karanga atu kia koia, “Te atua pariki ee, au kese mai i te tangata naa!”
9Fesiri atu rei ko Jesus kiei, “Koai tou ingoa?”
Tongoi atu rei ko te tangata, “Toku ingoa ko Tokarava, faina komatou e tokarava rei!” 10Koia e koi kaisi faka mate mate rei kia Jesus ka see fakkau koratou nga atua pariki ki tua ma motu ngangea.
11Te fare piki lasi e piri mai ki ngangea, e faangai i te vae maunga. 12Nga atua ne kaaisi kia Jesus, “Fakkau mai ke matou oro ki nga piki, ma e tuku mai komatou ke oro o fare ia ratou.” 13Tera koia ne tuku koratou. Nga atua pariki ku oro ki tua ma tangata, ma e fe urufi ki nga piki. Te fare piki ku piri kia afe e rua, ne furi ifo ki ngangea e mato mato i te vae roto, maaremo arei i roto vai.
14Nga taangata noko reo i nga piki, ku furi kese kae araara faki saere i roto taoni ma i nga motu ngangea kaatoa. Te kano fenua ne oomai ke ono kia nea ne fai. 15Ratou vasia ne oomai kia Jesus koratou ne ono ki te tangata noko urufia e nga atua pariki. Koia e nofo i ngangea, kua uru ki ana suru ma na atamai ku tonu, koratou kaatoa ku maattaku. 16Ko faoa ne ono mata kiei, ne araara faki ki te kano fenua pe nia ne faia ki tangata noko urufia e nga atua pariki ma ki nga piki.
17Tera koratou ne mmuna kia Jesus ke poi kese ma aratou motu ngangea.
18Vasia ko Jesus e sopo ki roto vaka, te tangata noko urufia e nga atua pariki ne kaisi atu ke ratou oro. 19Kae ko Jesus se ne nai tukuna ke ratou oro, kae muna atu rei koia kiei, “Foki o poi ki tou kanoa paito i tou noforanga, o faka ari atu kia ratou pe fia a te Ariki ne fai atu kia kee ma na arofa kia kee.”
20Tera te tangata ne poi katoa rei kia Taoni e Fuanga furu, o faka ari ari ea koia pe nia ma Jesus ne fai atu kia koia; tera faoa kaatoa ne fakarongo kiei ku mmate ko aratou tino kiei.
Te tama afine a Jairus ma te maatua fafine ne poo kia suru o Jesus
(Mat 9.18–26; Luk 8.40–56)
21Jesus ne foki ki take faasi roto; i ngangea i vae roto e maatea rei te kano fenua ne riikofi kiei. 22Jairus, te momooai o te paito taanaki, ne au; na vasia ne ono kia Jesus, koia ne tokoturi ki raro ki ana vae, 23ma ne kaisi faka mate mate atu rei kia Jesus, “Taku riria fafine e ngae ngae maatea rei. Sea rei, au ke tuku ko ou rima kiei, tera koia ka laoi mai, ma ka ora.”
24Tera Jesus tafito arei oro koraua. E maatea rei te kapi o te kano fenua e oro koratou, e rofi saere i ana faasi.
25Te maatua fafine, koia ku fuanga furu ma rua ko ana tau ma tana fakarongo neaisu i te ngae ngae o nga faafine, 26moa rei ko nga ʻdoctorʼ noko fai ngae ngae kiei. Ana mane ku faka leku fakaoti rei ki nga ʻdoctorʼ ke laoi, kae siei e singa ato rei ki mua ko na ngae ngae i nga vasia katoa. 27Ta rongo rei koia kia Jesus, tera tautari mai rei koia e au ma te kano fenua i ana tua. 28Maanatu rei koia, “Kuou matea ke kau poo atu fuarei ki ana suru naa, kuou ka laoi arei.” 29Tera poo rei koia kia suru o Jesus, tera te ngana noko fai laoi arei i mo vakanga, tana maanatu noko naa i roto ia koia, ku fakarongo ake, koia ku maroro raa mai i na ngaengae.
30I mo vakanga ko Jesus ne nai rangona ria ko te manuu ku poi ki tua mai ia koia, tera koia ne tafuri ake ki te kano fenua o fesiri, “Koai ne poo mai ki oku suru?”
31Tongoi atu rei na kau fanonga, “Ko kee e kee ravea rei te kano fenua e fe ngiti aki saere i ou tafa, kae, sea rei na atamai ko kee e fesiri koai ne poo atu?”
32Kae ko Jesus koi ono saere rei pe koai ne fai. 33Te maatua fafine ne nai iroa ina pe nia ma ana ne fai kia koia, tera koia ne au ku pore i na mataku, o tokoturi i ana mua o faka ari atu rei kia koia ko te tonu maori. 34Muna atu rei ko Jesus kiei, “Taku tama afine ee, tau fakatonu ku nai faia ko kee ke maroro laoi; poi i te roto mafora, ma e maroro mai ou ngaengae.”
35Vasia Jesus e muna iei, a kave rongo ne oomai mai te paito o Jairus o muna atu kia Jairus, “Tau tama fafine ku mate, sea na atamai ko kee e rau ki te fakaako naa?”
36Jesus ne nai rangona ina pe nia ma ratou e mmuna kiei, tera muna atu rei kia Jairus, “Kau see mataku; fakatonu fuarei.” 37Tera ko Jesus se ne nai tukuna ria rei pe koai ke oro koratou, kae fuarei ko Peter, James ma na taina ko John. 38Koratou ku oko ki te paito o Jairus, i ngangea o Jesus ne nai ravea fe poi kaki ma ne fakarongo ki te uru o te tangi e fai. 39Tera koia ne poi ki roto kae muna atu kia ratou, “Sea na atamai ko kotou e fepoikaki i otou atamai? Sea na atamai kotou e ttangi? Te tama riki riki si see mate, koia e mee fuarei!”
40Koratou ku tafito fai faka kata kiei, tera tuku rei ea koia koratou ki tua, kae sau fuarei te mmana ma te nana ma na kau fanonga e toka toru, oro rei ki rota rumu te ngangea o te tama riki riki e teka iei. 41Tera poo atu rei ko Jesus o sau ko tama riki riki ki ana rima, kae muna atu kiei i ratou taranga, “Talita kumi!” na atamai: “Tama riki riki fafine ee, kuou e muna atu, Tokai ake ki runga!”
42I mo vakanga te tama riki riki ne tokai ake arei ki runga, ma e tafito arei o poi saere. (Koia e fuanga furu ma rua ko ana tau.) I ngangea nei koratou ku mmate rei ko aratou tino. 43Kae ko Jesus ne taufau atu kia ratou ka see oro o faka ari pe kiai, ma e muna atu rei kia ratou ke sori ko ni mo kai ma ana ke kai.
Iliyochaguliwa sasa
Mark 5: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 5
5
Jesus e fue kese ko nga atua pariki mai te tangata
(Mat 8.28–34; Luk 8.26–39)
1Jesus ma na kau fanonga koratou ku oko ki i te motu ngangea o Gerasa i take faasi Roto i Galilee. 2I mo vasia fuarei ko Jesus ne sopo ki tua mai te vaka, fekitei akina arei koia e te tangata e au mai te kere tamate. Te tangata nei e urufia ria e te atua pariki, 3ma koia e nofo fuarei ia kere tamate, siei pe koai ke nai pukea, o pe ke nai rii tia koia kia seni. 4Ku rava rei koa vasia ana vae ma ana rima e rii tia kia seni, kae nga vasia katoa e nai motu motu sia koa seni, sasa koa ngatana ki ana vae; koia e maatea rei na makeke, siei pe koai foki ke poo atu kiei. 5Te poo ma te ao koia e uru saere ia vaevae tano mae ia ngangea matike tike, ku sepe sepea ko ana tino ia fatu matakai ma e tangi.
6Koia see mmao i vasia koia ne nai ravea ko Jesus; tera koia ne rere kiei o tokoturi i ana mua. 7Ma e tangi forua rei ki runga, ma karanga, “Jesus, Tama a te Tupua Maurunga Sapa ee! A nia ma au e fifia kia kuou? Kuou e kaisi atu kia kee i faasi o Tupua, kau see fakkiro mai kuou!” 8Koia ne muna faka peinei, natafito ko Jesus ne karanga atu kia koia, “Te atua pariki ee, au kese mai i te tangata naa!”
9Fesiri atu rei ko Jesus kiei, “Koai tou ingoa?”
Tongoi atu rei ko te tangata, “Toku ingoa ko Tokarava, faina komatou e tokarava rei!” 10Koia e koi kaisi faka mate mate rei kia Jesus ka see fakkau koratou nga atua pariki ki tua ma motu ngangea.
11Te fare piki lasi e piri mai ki ngangea, e faangai i te vae maunga. 12Nga atua ne kaaisi kia Jesus, “Fakkau mai ke matou oro ki nga piki, ma e tuku mai komatou ke oro o fare ia ratou.” 13Tera koia ne tuku koratou. Nga atua pariki ku oro ki tua ma tangata, ma e fe urufi ki nga piki. Te fare piki ku piri kia afe e rua, ne furi ifo ki ngangea e mato mato i te vae roto, maaremo arei i roto vai.
14Nga taangata noko reo i nga piki, ku furi kese kae araara faki saere i roto taoni ma i nga motu ngangea kaatoa. Te kano fenua ne oomai ke ono kia nea ne fai. 15Ratou vasia ne oomai kia Jesus koratou ne ono ki te tangata noko urufia e nga atua pariki. Koia e nofo i ngangea, kua uru ki ana suru ma na atamai ku tonu, koratou kaatoa ku maattaku. 16Ko faoa ne ono mata kiei, ne araara faki ki te kano fenua pe nia ne faia ki tangata noko urufia e nga atua pariki ma ki nga piki.
17Tera koratou ne mmuna kia Jesus ke poi kese ma aratou motu ngangea.
18Vasia ko Jesus e sopo ki roto vaka, te tangata noko urufia e nga atua pariki ne kaisi atu ke ratou oro. 19Kae ko Jesus se ne nai tukuna ke ratou oro, kae muna atu rei koia kiei, “Foki o poi ki tou kanoa paito i tou noforanga, o faka ari atu kia ratou pe fia a te Ariki ne fai atu kia kee ma na arofa kia kee.”
20Tera te tangata ne poi katoa rei kia Taoni e Fuanga furu, o faka ari ari ea koia pe nia ma Jesus ne fai atu kia koia; tera faoa kaatoa ne fakarongo kiei ku mmate ko aratou tino kiei.
Te tama afine a Jairus ma te maatua fafine ne poo kia suru o Jesus
(Mat 9.18–26; Luk 8.40–56)
21Jesus ne foki ki take faasi roto; i ngangea i vae roto e maatea rei te kano fenua ne riikofi kiei. 22Jairus, te momooai o te paito taanaki, ne au; na vasia ne ono kia Jesus, koia ne tokoturi ki raro ki ana vae, 23ma ne kaisi faka mate mate atu rei kia Jesus, “Taku riria fafine e ngae ngae maatea rei. Sea rei, au ke tuku ko ou rima kiei, tera koia ka laoi mai, ma ka ora.”
24Tera Jesus tafito arei oro koraua. E maatea rei te kapi o te kano fenua e oro koratou, e rofi saere i ana faasi.
25Te maatua fafine, koia ku fuanga furu ma rua ko ana tau ma tana fakarongo neaisu i te ngae ngae o nga faafine, 26moa rei ko nga ʻdoctorʼ noko fai ngae ngae kiei. Ana mane ku faka leku fakaoti rei ki nga ʻdoctorʼ ke laoi, kae siei e singa ato rei ki mua ko na ngae ngae i nga vasia katoa. 27Ta rongo rei koia kia Jesus, tera tautari mai rei koia e au ma te kano fenua i ana tua. 28Maanatu rei koia, “Kuou matea ke kau poo atu fuarei ki ana suru naa, kuou ka laoi arei.” 29Tera poo rei koia kia suru o Jesus, tera te ngana noko fai laoi arei i mo vakanga, tana maanatu noko naa i roto ia koia, ku fakarongo ake, koia ku maroro raa mai i na ngaengae.
30I mo vakanga ko Jesus ne nai rangona ria ko te manuu ku poi ki tua mai ia koia, tera koia ne tafuri ake ki te kano fenua o fesiri, “Koai ne poo mai ki oku suru?”
31Tongoi atu rei na kau fanonga, “Ko kee e kee ravea rei te kano fenua e fe ngiti aki saere i ou tafa, kae, sea rei na atamai ko kee e fesiri koai ne poo atu?”
32Kae ko Jesus koi ono saere rei pe koai ne fai. 33Te maatua fafine ne nai iroa ina pe nia ma ana ne fai kia koia, tera koia ne au ku pore i na mataku, o tokoturi i ana mua o faka ari atu rei kia koia ko te tonu maori. 34Muna atu rei ko Jesus kiei, “Taku tama afine ee, tau fakatonu ku nai faia ko kee ke maroro laoi; poi i te roto mafora, ma e maroro mai ou ngaengae.”
35Vasia Jesus e muna iei, a kave rongo ne oomai mai te paito o Jairus o muna atu kia Jairus, “Tau tama fafine ku mate, sea na atamai ko kee e rau ki te fakaako naa?”
36Jesus ne nai rangona ina pe nia ma ratou e mmuna kiei, tera muna atu rei kia Jairus, “Kau see mataku; fakatonu fuarei.” 37Tera ko Jesus se ne nai tukuna ria rei pe koai ke oro koratou, kae fuarei ko Peter, James ma na taina ko John. 38Koratou ku oko ki te paito o Jairus, i ngangea o Jesus ne nai ravea fe poi kaki ma ne fakarongo ki te uru o te tangi e fai. 39Tera koia ne poi ki roto kae muna atu kia ratou, “Sea na atamai ko kotou e fepoikaki i otou atamai? Sea na atamai kotou e ttangi? Te tama riki riki si see mate, koia e mee fuarei!”
40Koratou ku tafito fai faka kata kiei, tera tuku rei ea koia koratou ki tua, kae sau fuarei te mmana ma te nana ma na kau fanonga e toka toru, oro rei ki rota rumu te ngangea o te tama riki riki e teka iei. 41Tera poo atu rei ko Jesus o sau ko tama riki riki ki ana rima, kae muna atu kiei i ratou taranga, “Talita kumi!” na atamai: “Tama riki riki fafine ee, kuou e muna atu, Tokai ake ki runga!”
42I mo vakanga te tama riki riki ne tokai ake arei ki runga, ma e tafito arei o poi saere. (Koia e fuanga furu ma rua ko ana tau.) I ngangea nei koratou ku mmate rei ko aratou tino. 43Kae ko Jesus ne taufau atu kia ratou ka see oro o faka ari pe kiai, ma e muna atu rei kia ratou ke sori ko ni mo kai ma ana ke kai.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.