Mark 4
4
Te araara fanga faka tautau kia fatu kai ne riaki
(Mat 13.1–9; Luk 8.4–8)
1 #
Luk 5.1–3. Jesus fokia ne tafito fakaako i vae Roto i Galilee, te kano fenua ne taanaki o riikofi kiei, e tokarava rei, tera koia ne sopo ki te vaka o nofo iei. Te vaka ku tau i riu vai ma te kano fenua e turaki vae tafa tafa i kao kao vai. 2Ko Jesus e fai koa araara fanga faka tautau ke ako koratou kia nea kaatoa, o muna kia ratou:
3“Fakarongo! Nai take vasia te tangata koia ne poi ke riaki koa fatu kai. 4Vasia koia e riaki koa fatu kai i na tofi, rake fatu kai ne feettoki ki te riu ara, ta oomai nga manu, kai rei ea ratou. 5Rake fatu kai ne feettoki kia kere fatu fatu; e fai ko ana mo kere molakea. A fatu kai se roa ake kae somo, natafito mo kere se rau maatoru. 6Tera vasia te raa ka vera mai iei, ku nai verangia rei koa punai raakau ne somo ake, natafito ratou vai aka se ne oro ke mmao faka laoi, ku paku paku ko te kere, ku mate. 7Rake fatu kai ne feettoki ki te ngangea uruvao, ne fe somo aki ake maru maru kia arei, se ne fua. 8Kae rake fatu kai ne feettoki kia kere laoi, ta ne ora ake ne ora ora laoi, ma ne fufua laoi: rake fatu kai ana fua kai e taki fua toru, rake nea e taki fua ono, ma rake nea rei e taki fua te rau.”
9Tera faka suku suku rei ko Jesus, “Fakarongo pe kotou e fai otou taringa!”
Te atamai oa araara fanga faka tautau
(Mat 13.10–17; Luk 8.9–10)
10Vasia o Jesus maso koia iei, rake faoa koratou ne fakarongo kiei, ne oomai kiei ma ana kau fanonga tino angafuru ma rua, o feesiri kiei ke faka atetea te atamai oa araara fanga faka tautau.
11Tongoi atu rei ko Jesus, “Ne sori atu kia kotou koa nea faka fufu o te Kainanga o Tupua, kae rake faoa, koratou e funa ria, fakarongo fuarei kia nea kaatoa kia araara fanga faka tautau. 12Tera,
‘Koratou ke pula ma e pula,
kae see ratou ravea;
koratou ke fakarongo
ma e fakarongo,
kae si see atetea.
Pe ne fai ea ratou,
koratou ke taafuri ki Tupua,
ma ka nai faka ngaromia ko aratou sara.’ ”
Jesus e faka atetea ko te arafanga faka tautau o te tofi
(Mat 13.18–23; Luk 8.11–15)
13Tera ko Jesus fesiri rei kia ratou “Kotou si see atetea ko te araara fanga faka tautau nei? Ka ma fai faka fea rei, kotou iroa ina koa rake araara fanga faka tautau? 14A fatu kai a te tangata ne too, e fai tautari kia taranga a Tupua. 15Rake faoa e fai pea fatu kai ne feettoki ki riu ara, kae i mo vasia koratou e rongo kia taranga, au arei ko Satan o sau kese ki tua. 16Rake faoa e fai pea fatu kai ne soro ki te ngangea e kere fatu fatu. I mo vasia fuarei koratou ne rongo kia taranga, ne sau ea ratou ma te vaki vaki. 17Kae si se ne tuku ke mau faka laoi ia ratou, ma si se ne roa fuarei; tera vasia fai pariki ma fakarongo neaisu ku au fakatafito i te taranga, ta koratou taafuri kese arei i vasia sokotasi. 18Rake faoa e fai pea fatu kai ne too ki te ngangea uruvao. Konei koratou ne rongo kia taranga, 19kae e maatea rei te faka tuasaa ki aratou ora, ma te fakapere ki aratou taufenua ma a nea kaatoa koratou e fifia kiei. Tera e nai faka tuka tuka ria koa taranga, ma siei ni fua raakau mo ratou. 20Kae rake faoa e fai pea fatu kai ne riaki ki te kere laoi. Koratou ne rongo kia taranga, fai fekauaki ea ratou ma e fai ko aratou fua raakau, rake faoa taki fua toru, rake faoa taki fua ono, ma rake faoa e taki fua te rau.”
Te laiti i araro o te kumete
(Luk 8.16–18)
21 #
Mat 5.15; Luk 11.33. Jesus e koi araara, “E fai pe koai e sau mai tana laiti faka maarama, o purou ki te kumete, o pe ke tuku ki araro o na meeranga? Siei, ka se ma fai ea koia, ke faka tuu ki na tuuranga. 22#Mat 10.26; Luk 12.2.Natafito, pe nia noko funa ria kese, ka faka saa ria ki te atetea anga; ma pe nia fokia noko ufi ufi ria, ka fukea ria ki tua. 23Tera fakarongo pe kotou e fai otou taringa!”
24 #
Mat 7.2; Luk 6.38. Jesus ne muna atu fokia kia ratou, “Tuku ki otou atamai pe nia ma kotou e fakarongo! Te fakataunga e fai ea kotou ki rake faoa, ka faia atu e Tupua kia kotou fokia, ma ka sori atu faka maafa rei fokia. 25#Mat 13.12; 25.29; Luk 19.26.Natafito pe koai e fai faka laoi pe nia ma ana e fai, ta ka fai ka sori kiei e rava, kae pe koai e fai pe nia ma ana e molakea, maafa rei ana nea e molakea e fai, ka saua kese ma koia.”
Te araara fanga faka tautau kia fatu kai ne ora maso koratou
26Jesus ne araara faki kia ratou, “Te Kainanga o Tupua e fai pe te tangata koia ne riaki koa fatu kai i na tofi. 27Te poo ma te ao, vasia koia e mee ma vasia koia e poka ake iei, a fatu kai ku somo ma ku ora. Kae te tangata nei see nai iroa ina pe ne fai faka fefea. 28Te kere maso koia e nai faia ria ko aratou kee ora ma ratou fufua raakau; mataki nea e faka saa ko aratou se raakau, tera ko aratou fufuei raakau ma ratou fatu kai rei ku katoa fakaoti. 29Vasia ana fatu kai ku matua iei, te tangata ku tafito fai fekau ki tana kao, natafito ku oko ki na vasia fai kai.”
Te araara fanga faka tautau ki te punai fatu kai ʻmustardʼ
(Mat 13.31–32,34; Luk 13.18–19)
30Tera fesiri rei ko Jesus, “Kotatou ka mmuna faka fefea ki te Kainanga o Tupua? Se araara fanga faka tautau koai ke fai ke faka atetea koia? 31E fai faka peinei. Te tangata ne sau te foi fatu kai ʻmustardʼ, te punai fatu kai ia taangata nei. Sau ea koia too rei ki te kere. 32Kae se ne roa ake ne somo ake o tuu te raakau lasi sapa rei ma nga raakau i roto tofi, ana manga e lasi, tera nga manu ne oomai o fai ko aratou fare faanganga ki na maru maru.”
33Jesus ne tuufaki ko na rongo ki te kano fenua e fai koa araara fanga faka tautau e rava rei kia araara fanga faka tautau peinei. Koia e araara faka poto rei kia ratou ke ratou iroa ina. 34Koia ka araara fuarei ki te kano fenua e fai koa araara fanga faka tautau, kae i na vasia ka nofo maso koia ma na kau fanonga, tera faka atetea raa ea koia kia ratou.
Jesus e faka ngaio te ofa
(Mat 8.23–27; Luk 8.22–25)
35I te afi afi o te aso ai, muna atu rei ko Jesus ki na kau fanonga, “Tatou oro ki take faasi roto.” 36Tera koratou ne tuku te kano fenua i ngangea; na kau fanonga ne fesopoki ki na vaka e nofo iei. Koratou ma Jesus ma rake vaka i ngangea fokia. 37Te matangi ku tafito o angi makeke mai, ma te roto ku ngaru, te ngaru ku fati peau ki roto vaka ku pii i te vai. 38Jesus e mee i tau muri o te vaka e urunga ki na urunga. Tera fafango atu rei e na kau fanonga o faka ari atu kiei, “Te fakaako ee, ko kee ku se ma arofa rei?! Kotatou ku piri piri ke ngaro!”
39Tokai ake rei ko Jesus ki runga o muna atu ki te matangi, “Ke too ki raro!” Ma kae muna atu fokia ki te ngaru, “Ke ngaio!” Te matangi ku too ki raro, ma te roto ku ngaio rororo rei. 40Muna atu rei ko Jesus ki na kau fanonga, “Sea na atamai kotou e maattaku? Kotou koi e seke fakatonu?”
41Kae koratou ku maatea rei ratou maattaku, ma ne tau araara maso koratou, “Koai te tangata nei? Te matangi ma te ngaru e tautari kia koia fokia!”
Iliyochaguliwa sasa
Mark 4: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 4
4
Te araara fanga faka tautau kia fatu kai ne riaki
(Mat 13.1–9; Luk 8.4–8)
1 #
Luk 5.1–3. Jesus fokia ne tafito fakaako i vae Roto i Galilee, te kano fenua ne taanaki o riikofi kiei, e tokarava rei, tera koia ne sopo ki te vaka o nofo iei. Te vaka ku tau i riu vai ma te kano fenua e turaki vae tafa tafa i kao kao vai. 2Ko Jesus e fai koa araara fanga faka tautau ke ako koratou kia nea kaatoa, o muna kia ratou:
3“Fakarongo! Nai take vasia te tangata koia ne poi ke riaki koa fatu kai. 4Vasia koia e riaki koa fatu kai i na tofi, rake fatu kai ne feettoki ki te riu ara, ta oomai nga manu, kai rei ea ratou. 5Rake fatu kai ne feettoki kia kere fatu fatu; e fai ko ana mo kere molakea. A fatu kai se roa ake kae somo, natafito mo kere se rau maatoru. 6Tera vasia te raa ka vera mai iei, ku nai verangia rei koa punai raakau ne somo ake, natafito ratou vai aka se ne oro ke mmao faka laoi, ku paku paku ko te kere, ku mate. 7Rake fatu kai ne feettoki ki te ngangea uruvao, ne fe somo aki ake maru maru kia arei, se ne fua. 8Kae rake fatu kai ne feettoki kia kere laoi, ta ne ora ake ne ora ora laoi, ma ne fufua laoi: rake fatu kai ana fua kai e taki fua toru, rake nea e taki fua ono, ma rake nea rei e taki fua te rau.”
9Tera faka suku suku rei ko Jesus, “Fakarongo pe kotou e fai otou taringa!”
Te atamai oa araara fanga faka tautau
(Mat 13.10–17; Luk 8.9–10)
10Vasia o Jesus maso koia iei, rake faoa koratou ne fakarongo kiei, ne oomai kiei ma ana kau fanonga tino angafuru ma rua, o feesiri kiei ke faka atetea te atamai oa araara fanga faka tautau.
11Tongoi atu rei ko Jesus, “Ne sori atu kia kotou koa nea faka fufu o te Kainanga o Tupua, kae rake faoa, koratou e funa ria, fakarongo fuarei kia nea kaatoa kia araara fanga faka tautau. 12Tera,
‘Koratou ke pula ma e pula,
kae see ratou ravea;
koratou ke fakarongo
ma e fakarongo,
kae si see atetea.
Pe ne fai ea ratou,
koratou ke taafuri ki Tupua,
ma ka nai faka ngaromia ko aratou sara.’ ”
Jesus e faka atetea ko te arafanga faka tautau o te tofi
(Mat 13.18–23; Luk 8.11–15)
13Tera ko Jesus fesiri rei kia ratou “Kotou si see atetea ko te araara fanga faka tautau nei? Ka ma fai faka fea rei, kotou iroa ina koa rake araara fanga faka tautau? 14A fatu kai a te tangata ne too, e fai tautari kia taranga a Tupua. 15Rake faoa e fai pea fatu kai ne feettoki ki riu ara, kae i mo vasia koratou e rongo kia taranga, au arei ko Satan o sau kese ki tua. 16Rake faoa e fai pea fatu kai ne soro ki te ngangea e kere fatu fatu. I mo vasia fuarei koratou ne rongo kia taranga, ne sau ea ratou ma te vaki vaki. 17Kae si se ne tuku ke mau faka laoi ia ratou, ma si se ne roa fuarei; tera vasia fai pariki ma fakarongo neaisu ku au fakatafito i te taranga, ta koratou taafuri kese arei i vasia sokotasi. 18Rake faoa e fai pea fatu kai ne too ki te ngangea uruvao. Konei koratou ne rongo kia taranga, 19kae e maatea rei te faka tuasaa ki aratou ora, ma te fakapere ki aratou taufenua ma a nea kaatoa koratou e fifia kiei. Tera e nai faka tuka tuka ria koa taranga, ma siei ni fua raakau mo ratou. 20Kae rake faoa e fai pea fatu kai ne riaki ki te kere laoi. Koratou ne rongo kia taranga, fai fekauaki ea ratou ma e fai ko aratou fua raakau, rake faoa taki fua toru, rake faoa taki fua ono, ma rake faoa e taki fua te rau.”
Te laiti i araro o te kumete
(Luk 8.16–18)
21 #
Mat 5.15; Luk 11.33. Jesus e koi araara, “E fai pe koai e sau mai tana laiti faka maarama, o purou ki te kumete, o pe ke tuku ki araro o na meeranga? Siei, ka se ma fai ea koia, ke faka tuu ki na tuuranga. 22#Mat 10.26; Luk 12.2.Natafito, pe nia noko funa ria kese, ka faka saa ria ki te atetea anga; ma pe nia fokia noko ufi ufi ria, ka fukea ria ki tua. 23Tera fakarongo pe kotou e fai otou taringa!”
24 #
Mat 7.2; Luk 6.38. Jesus ne muna atu fokia kia ratou, “Tuku ki otou atamai pe nia ma kotou e fakarongo! Te fakataunga e fai ea kotou ki rake faoa, ka faia atu e Tupua kia kotou fokia, ma ka sori atu faka maafa rei fokia. 25#Mat 13.12; 25.29; Luk 19.26.Natafito pe koai e fai faka laoi pe nia ma ana e fai, ta ka fai ka sori kiei e rava, kae pe koai e fai pe nia ma ana e molakea, maafa rei ana nea e molakea e fai, ka saua kese ma koia.”
Te araara fanga faka tautau kia fatu kai ne ora maso koratou
26Jesus ne araara faki kia ratou, “Te Kainanga o Tupua e fai pe te tangata koia ne riaki koa fatu kai i na tofi. 27Te poo ma te ao, vasia koia e mee ma vasia koia e poka ake iei, a fatu kai ku somo ma ku ora. Kae te tangata nei see nai iroa ina pe ne fai faka fefea. 28Te kere maso koia e nai faia ria ko aratou kee ora ma ratou fufua raakau; mataki nea e faka saa ko aratou se raakau, tera ko aratou fufuei raakau ma ratou fatu kai rei ku katoa fakaoti. 29Vasia ana fatu kai ku matua iei, te tangata ku tafito fai fekau ki tana kao, natafito ku oko ki na vasia fai kai.”
Te araara fanga faka tautau ki te punai fatu kai ʻmustardʼ
(Mat 13.31–32,34; Luk 13.18–19)
30Tera fesiri rei ko Jesus, “Kotatou ka mmuna faka fefea ki te Kainanga o Tupua? Se araara fanga faka tautau koai ke fai ke faka atetea koia? 31E fai faka peinei. Te tangata ne sau te foi fatu kai ʻmustardʼ, te punai fatu kai ia taangata nei. Sau ea koia too rei ki te kere. 32Kae se ne roa ake ne somo ake o tuu te raakau lasi sapa rei ma nga raakau i roto tofi, ana manga e lasi, tera nga manu ne oomai o fai ko aratou fare faanganga ki na maru maru.”
33Jesus ne tuufaki ko na rongo ki te kano fenua e fai koa araara fanga faka tautau e rava rei kia araara fanga faka tautau peinei. Koia e araara faka poto rei kia ratou ke ratou iroa ina. 34Koia ka araara fuarei ki te kano fenua e fai koa araara fanga faka tautau, kae i na vasia ka nofo maso koia ma na kau fanonga, tera faka atetea raa ea koia kia ratou.
Jesus e faka ngaio te ofa
(Mat 8.23–27; Luk 8.22–25)
35I te afi afi o te aso ai, muna atu rei ko Jesus ki na kau fanonga, “Tatou oro ki take faasi roto.” 36Tera koratou ne tuku te kano fenua i ngangea; na kau fanonga ne fesopoki ki na vaka e nofo iei. Koratou ma Jesus ma rake vaka i ngangea fokia. 37Te matangi ku tafito o angi makeke mai, ma te roto ku ngaru, te ngaru ku fati peau ki roto vaka ku pii i te vai. 38Jesus e mee i tau muri o te vaka e urunga ki na urunga. Tera fafango atu rei e na kau fanonga o faka ari atu kiei, “Te fakaako ee, ko kee ku se ma arofa rei?! Kotatou ku piri piri ke ngaro!”
39Tokai ake rei ko Jesus ki runga o muna atu ki te matangi, “Ke too ki raro!” Ma kae muna atu fokia ki te ngaru, “Ke ngaio!” Te matangi ku too ki raro, ma te roto ku ngaio rororo rei. 40Muna atu rei ko Jesus ki na kau fanonga, “Sea na atamai kotou e maattaku? Kotou koi e seke fakatonu?”
41Kae koratou ku maatea rei ratou maattaku, ma ne tau araara maso koratou, “Koai te tangata nei? Te matangi ma te ngaru e tautari kia koia fokia!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.