Mark 3
3
Te tangata na rima e mate
(Mat 12.9–14; Luk 6.6–11)
1Tera ko Jesus foki rei ki te paito taanaki, te ngangea te tangata na rima e mate e nofo iei. 2Rake faoa i rota paito koratou e fifia ke ratou faka tautara sia ko Jesus ku fai sara ko ana ngangea; tera koratou ku faka matakite fuarei ono kia Jesus pe ka faka maroro ea koia te tangata e mate na rima i te Aso e tapu. 3Tera muna atu rei ko Jesus ki te tangata e mate na rima, “Tuu ki runga o au ki mua.” 4Tera fesiri rei koia ki te kano fenua, “A nia ma tatou fono e masara mai kia tatou ke fai i te Aso e tapu: Ke sosoa, pe ke fai fai pariki? Ke faka sao ko te ora tangata, o pe ke sau kese na ora?”
Kae koratou se ne muna rei pe ki sea. 5Tera ko Jesus ku teke, kae vasia koia e ono saere kia ratou, ku au ko na arofa kia ratou fokia i vasia, natafito koratou e faka taringa turi ma e sara. Tera muna atu rei koia ki te tangata na rima e mate, “Fofora ki tua tou rima.” Tera fofora arei ko na rima ki tua, laoi arei fokia. 6Tera fe urufi arei ko nga Pharisee ki tua mai te paito taanaki, oro arei o fekitei ma rake faoa a Herod, o fai ko aratou atamai ke tamate ko Jesus.
Te kano fenua i te vae roto
7Jesus ma na kau fanonga ne oro kese o oro ki te vae Roto i Galilee, ma e tokkapi rei te kano fenua e tautari kiei; koratou e oomai mai Galilee, mai Judea, 8mai Jerusalem, mai ia motu ngangea i Idumea, mai te motu ngangea o take faasi i te Vai saria i Jordan e anga ki te tonga, ma mai ia ngangea e tuu piri ki Tyre ma ki Sidon. Te kano fenua katoa nei ne oomai kia Jesus natafito koratou ne rongo ki ana ngangea noko fai. 9#Mak 4.1; Luk 5.1–3.Ku maatea rei ko te kapi o te kano fenua, tera ko Jesus ne muna ki na kau fanonga ke pena pena ko te vaka kia koia, natafito te kano fenua ku maatea rei na kapi. 10E tokkapi te kano fenua ne faka maroro ea koia, tera faoa rei e ngae ngae e fe ukii aki ke oko ke poo kia Jesus. 11Kae vasia faoa e urufia ina e nga atua pariki ne ono kia Jesus, ratou ne tokoturi ki raro i ana mua, ma e ttangi foorua, “Ko kee te Tama a Tupua!”
12Ko Jesus ne taufau faka makeke atu ki nga atua pariki ka see faka ari pe koia koai.
Jesus e faka patino na kau fai fekau e tino angafuru ma rua
(Mat 10.1–4; Luk 6.12–16)
13Tera ko Jesus ne ake ki fongo maunga, tera karanga rei koia kia taangata e fifia koia kiei. Oomai rei koratou kiei, 14tera faka patino rei ea koia te tino angafuru ma rua, ne faka ingoa ea koia na kau fai fekau. Faka ari atu rei koia kia ratou, “Kotou ne faka patino ea kuou ke fare ma kuou; kuou ka fakkau atu kotou oro ki tua o tuufaki. 15Ma kotou ka fai totou manuu ke fue kese ko nga atua pariki mai nga taangata.” 16Konei te tino angafuru ma rua ne faka patino ea koia:
Simon (Jesus ne faka ingoa
ea koia ko Peter);
17James ma na taina ko John a tama a Zebedee
(Jesus ne faka ingoa koraua Boanerges,
na atamai: a taangata o sorongamana);
18Andrew, Philip, Bartholomew,
Matthew, Thomas,
James, te tama a Alphaeus,
Thaddaeus, Simon te Patriot,
19ma Judas Iscariot,
koia ka nai soria ko Jesus.
Jesus ma Beelzebul
(Mat 12.22–32; Luk 11.14–23; 12.10)
20Tera ko Jesus ne poi ki na noforanga. Te kano fenua fokia e riikofi kia koia, tera siei rei mo vasia mo ona ma na kau fanonga ke ratou kai iei. 21Vasia na kanoa paito ne rongo ki ngangea nei, koratou ne oro ke ono kia koia, natafito te kano fenua e mmuna, “Koia ku maatea rei na teke!”
22 #
Mat 9.34; 10.25. A rake fakaako oa Fono koratou e oomai mai Jerusalem, e mmuna, “Koia e nofo ria e te atua pariki ko Beelzebul! Te ariki o nga atua ne sori te manuu kia koia ke nai fueina kese koratou.”
23Tera ko Jesus ne karanga ki te kano fenua ke oomai kia koia, araara faka tautau atu rei koia kia ratou, “Ka ma fai faka fefea ko Satan ke fue kese ea koia ko Satan? 24Te fenua sokotasi ke vae rua maso koratou, koratou ka featu maso koratou, tera fenua ka maofa kese kese arei. 25Kae te kanoa paito sokotasi ke vaevae ka featu maso koratou, tera kanoa paito ka maofa kese kese arei. 26Tera kae te kainanga o Satan ke vaevae ko na kanoa fenua, ka see roa ake kae maofa kese kese ma ka faka oti arei.
27“Siei fokia pe koai ke nai urufia te paito o te tangata makeke o sau ko ana kope kopenga, kae fuarei e rii ko ana rima mua, tera ka nai kaiaa tia rei ko ana kope kopenga.
28“Kuou e faka ari atu rei kia kotou te maori: Nga taangata ka faka ngaromia ko aratou sara kaatoa ma ratou mmuna pariki anga kaatoa. 29#Luk 12.10.Kae pe koai e muna faka puaka ki te Mauri Tapu o Tupua, ka see faka ngaromia rei, natafito koia ku fai koa sara e seke suku suku.” 30Jesus ne muna faka peinei, natafito a rake faoa ne mmuna, “Koia e urufia ina e te atua pariki.”
Te nana o Jesus ma ana taina
(Mat 12.46–50; Luk 8.19–21)
31Tera te nana o Jesus ma ana taina ku oko mai. Turaki atu rei i fafo, kae sori te taranga ke faka ari atu kia Jesus ke au ki fafo. 32Te kano fenua e riikofi ia tafa o Jesus, koratou ne faka ari atu kiei, “Pula raa ki tou nana mo ou taina e turaki i fafo e fifia ke tau araara kia kee.”
33Tongoi atu rei ko Jesus, “Koai toku nana? Koai ma oku taina?” 34Jesus ne ono ki te kano fenua e fare riikofi atu kia koia, ta kae muna rei, “Pula! Teinei toku nana ma oku taina! 35Pe koai e fai pe nia ma Tupua e fifia kia koia ke fai, tera koia toku taina, toku kave, ma toku nana.”
Iliyochaguliwa sasa
Mark 3: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 3
3
Te tangata na rima e mate
(Mat 12.9–14; Luk 6.6–11)
1Tera ko Jesus foki rei ki te paito taanaki, te ngangea te tangata na rima e mate e nofo iei. 2Rake faoa i rota paito koratou e fifia ke ratou faka tautara sia ko Jesus ku fai sara ko ana ngangea; tera koratou ku faka matakite fuarei ono kia Jesus pe ka faka maroro ea koia te tangata e mate na rima i te Aso e tapu. 3Tera muna atu rei ko Jesus ki te tangata e mate na rima, “Tuu ki runga o au ki mua.” 4Tera fesiri rei koia ki te kano fenua, “A nia ma tatou fono e masara mai kia tatou ke fai i te Aso e tapu: Ke sosoa, pe ke fai fai pariki? Ke faka sao ko te ora tangata, o pe ke sau kese na ora?”
Kae koratou se ne muna rei pe ki sea. 5Tera ko Jesus ku teke, kae vasia koia e ono saere kia ratou, ku au ko na arofa kia ratou fokia i vasia, natafito koratou e faka taringa turi ma e sara. Tera muna atu rei koia ki te tangata na rima e mate, “Fofora ki tua tou rima.” Tera fofora arei ko na rima ki tua, laoi arei fokia. 6Tera fe urufi arei ko nga Pharisee ki tua mai te paito taanaki, oro arei o fekitei ma rake faoa a Herod, o fai ko aratou atamai ke tamate ko Jesus.
Te kano fenua i te vae roto
7Jesus ma na kau fanonga ne oro kese o oro ki te vae Roto i Galilee, ma e tokkapi rei te kano fenua e tautari kiei; koratou e oomai mai Galilee, mai Judea, 8mai Jerusalem, mai ia motu ngangea i Idumea, mai te motu ngangea o take faasi i te Vai saria i Jordan e anga ki te tonga, ma mai ia ngangea e tuu piri ki Tyre ma ki Sidon. Te kano fenua katoa nei ne oomai kia Jesus natafito koratou ne rongo ki ana ngangea noko fai. 9#Mak 4.1; Luk 5.1–3.Ku maatea rei ko te kapi o te kano fenua, tera ko Jesus ne muna ki na kau fanonga ke pena pena ko te vaka kia koia, natafito te kano fenua ku maatea rei na kapi. 10E tokkapi te kano fenua ne faka maroro ea koia, tera faoa rei e ngae ngae e fe ukii aki ke oko ke poo kia Jesus. 11Kae vasia faoa e urufia ina e nga atua pariki ne ono kia Jesus, ratou ne tokoturi ki raro i ana mua, ma e ttangi foorua, “Ko kee te Tama a Tupua!”
12Ko Jesus ne taufau faka makeke atu ki nga atua pariki ka see faka ari pe koia koai.
Jesus e faka patino na kau fai fekau e tino angafuru ma rua
(Mat 10.1–4; Luk 6.12–16)
13Tera ko Jesus ne ake ki fongo maunga, tera karanga rei koia kia taangata e fifia koia kiei. Oomai rei koratou kiei, 14tera faka patino rei ea koia te tino angafuru ma rua, ne faka ingoa ea koia na kau fai fekau. Faka ari atu rei koia kia ratou, “Kotou ne faka patino ea kuou ke fare ma kuou; kuou ka fakkau atu kotou oro ki tua o tuufaki. 15Ma kotou ka fai totou manuu ke fue kese ko nga atua pariki mai nga taangata.” 16Konei te tino angafuru ma rua ne faka patino ea koia:
Simon (Jesus ne faka ingoa
ea koia ko Peter);
17James ma na taina ko John a tama a Zebedee
(Jesus ne faka ingoa koraua Boanerges,
na atamai: a taangata o sorongamana);
18Andrew, Philip, Bartholomew,
Matthew, Thomas,
James, te tama a Alphaeus,
Thaddaeus, Simon te Patriot,
19ma Judas Iscariot,
koia ka nai soria ko Jesus.
Jesus ma Beelzebul
(Mat 12.22–32; Luk 11.14–23; 12.10)
20Tera ko Jesus ne poi ki na noforanga. Te kano fenua fokia e riikofi kia koia, tera siei rei mo vasia mo ona ma na kau fanonga ke ratou kai iei. 21Vasia na kanoa paito ne rongo ki ngangea nei, koratou ne oro ke ono kia koia, natafito te kano fenua e mmuna, “Koia ku maatea rei na teke!”
22 #
Mat 9.34; 10.25. A rake fakaako oa Fono koratou e oomai mai Jerusalem, e mmuna, “Koia e nofo ria e te atua pariki ko Beelzebul! Te ariki o nga atua ne sori te manuu kia koia ke nai fueina kese koratou.”
23Tera ko Jesus ne karanga ki te kano fenua ke oomai kia koia, araara faka tautau atu rei koia kia ratou, “Ka ma fai faka fefea ko Satan ke fue kese ea koia ko Satan? 24Te fenua sokotasi ke vae rua maso koratou, koratou ka featu maso koratou, tera fenua ka maofa kese kese arei. 25Kae te kanoa paito sokotasi ke vaevae ka featu maso koratou, tera kanoa paito ka maofa kese kese arei. 26Tera kae te kainanga o Satan ke vaevae ko na kanoa fenua, ka see roa ake kae maofa kese kese ma ka faka oti arei.
27“Siei fokia pe koai ke nai urufia te paito o te tangata makeke o sau ko ana kope kopenga, kae fuarei e rii ko ana rima mua, tera ka nai kaiaa tia rei ko ana kope kopenga.
28“Kuou e faka ari atu rei kia kotou te maori: Nga taangata ka faka ngaromia ko aratou sara kaatoa ma ratou mmuna pariki anga kaatoa. 29#Luk 12.10.Kae pe koai e muna faka puaka ki te Mauri Tapu o Tupua, ka see faka ngaromia rei, natafito koia ku fai koa sara e seke suku suku.” 30Jesus ne muna faka peinei, natafito a rake faoa ne mmuna, “Koia e urufia ina e te atua pariki.”
Te nana o Jesus ma ana taina
(Mat 12.46–50; Luk 8.19–21)
31Tera te nana o Jesus ma ana taina ku oko mai. Turaki atu rei i fafo, kae sori te taranga ke faka ari atu kia Jesus ke au ki fafo. 32Te kano fenua e riikofi ia tafa o Jesus, koratou ne faka ari atu kiei, “Pula raa ki tou nana mo ou taina e turaki i fafo e fifia ke tau araara kia kee.”
33Tongoi atu rei ko Jesus, “Koai toku nana? Koai ma oku taina?” 34Jesus ne ono ki te kano fenua e fare riikofi atu kia koia, ta kae muna rei, “Pula! Teinei toku nana ma oku taina! 35Pe koai e fai pe nia ma Tupua e fifia kia koia ke fai, tera koia toku taina, toku kave, ma toku nana.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.