Mark 2
2
Jesus e ikirave ki te tangata tino mate
(Mat 9.1–8; Luk 5.17–26)
1A foi aso ki muri, ko Jesus ne foki ki Capernaum, ma na rongo ku kavea saere koia i noforanga. 2E tokkapi ko te kanoa fenua ne oomai kiei, tera siei rei ni mo ngangea ke atetea i te rota paito, ma siei rei fokia i te vae urufanga i fafo. Jesus ne tuufaki ko te rongo kia ratou. 3Te tangata e mmate ko ana tino e amo mai ea taangata toka faa e aumai kiei. 4Natafito i te kkapi o te kano fenua, se ma fai rei koratou ke kave ko te tangata ke oko kia Jesus. Tera koratou ne kake aki o saara ko te taufufu o paito, ia runga o Jesus e tuu iei. Vasia koratou ne sara ki tua, sori ifo rei ko te tangata e mmate ko ana tino i na meeranga. 5Jesus ne nai ravea ratou fai fakatonu e fai, muna atu rei ki te tangata tino mate, “Taku tama ee, au sara ku faka ngaromia.”
6Rake fakaako oa Fono e fare i ngangea, ne maanatu maso koratou: 7“E fai faka fefea koia ke muna faka puaka ki Tupua faka peinei? Siei se tangata ke nai faka ngaromia koa sara. Tupua maso koia fuarei e ma fai!”
8I mo vasia sokotasi ko Jesus ku nai iroa ina aratou atamai, tera muna atu arei koia kia ratou, “Sea na atamai ko kotou e maanatu faka peenaa? 9Ea, e ma faingaofia ke kau muna ki te tangata e mmate ko ana tino nei: ‘Au sara ku faka ngaromia,’ o pe e faingaofia ke kau muna, ‘Tuu ki runga, sau tou meenga o saere.’? 10Kuou ka faka ari atu kia kotou, tera te Tama a Tangata e fai na manuu ia taangata nei ke faka ngaromia koa sara.” Tera muna atu rei koia ki te tangata tino mmate, 11“Kuou e faka ari atu kia kee, tokai ki runga, sau tou meenga, o poi ki tou paito!”
12Te vasia koratou kaatoa e pula kiei, te tangata ne tokai ake ki runga, sau ko na meenga, faka vave arei o poi kese. Tera koratou ku mmate katoa rei ko aratou tino, ma e tara fakapuu ki Tupua, ma e mmuna, “Komatou se ne ono ki ni nea ke fai faka peinei!”
Jesus e nai karanga tia ko Levi
(Mat 9.9–13; Luk 5.27–32)
13Tera ko Jesus ne foki o poi ki vae roto i Galilee, te kano fenua ne oomai kiei, ta koia ne tafito o akonaki koratou. 14Vasia koia ne poi saere iei, koia ne ono ki te tangata tari takisi, ko Levi, te tama a Alphaeus, e nofo i na rota ofisi. Muna atu rei kiei, “Tautari mai kia kuou.”
Tera ko Levi ne tokai ki runga, tautari arei kiei.
15Ia tua ko Jesus e kai i paito o Levi, e tokarava rei ko nga faoa tari takisi ma nga faoa e titisara ne tautari mai kia Jesus, ma e tokkapi rei ia ratou ne soko kiei ma na kau fanonga i te kai ranga. 16Rake fakaako oa Fono, koratou ko a Pharisee, ne ono kia Jesus e kau kai ma faoa titisara ma faoa tari takisi, tera feesiri rei koratou ki na kau fanonga, “Sea na atamai koia e kau kai ma te fai faoa naa?”
17Tera ko Jesus ne fakarongo kia ratou, tongoi rei ea koia, “Te faoa maroro ka se ratou raua ko se ʻdoctorʼ, kae faoa fuarei e ngae ngae. Kuou se ne au ki te kano fenua e tonu, kae ki te kano fenua titisara.”
Te fesiri ki te faka naa mangumangu
(Mat 9.14–17; Luk 5.33–39)
18I take vasia te kau fanonga o John te Faka uku ma nga Pharisee e faka naa mangumangu. Rake faoa ne oomai kia Jesus, o feesiri kiei, “Sea na atamai te kau fanonga o John te Faka uku ma te kau fanonga o nga Pharisee e faka naa mangumangu, kae tou kau fanonga siei?”
19Tongoi atu rei ko Jesus, “Kotou e maanatu te kano fenua e oro ki te kai kai o te avanga ka see oro ma ni kai? Siki siei arei! I vasia o te tangata avanga e koi fare koratou, koratou ka see fai faka peeraa. 20Kae te vasia ka au, vasia o tangata avanga ka saua kese mai ia koratou, teeraa ko te vasia koratou ka faka naa mangumangu iei.
21“Siei pe koai ke sau pakaa suru foou faka piki o mono ki te fati suru. Ka fai, masae rei te suru foou mai te suru tuei. Fai rei te ponga lasi.
22“Siei pe koai ke ringi koa waeni foou kia raukiri waeni tuei. Ka fai, te waeni ka ma poka poka ana raukiri, ma tera te waeni ma te raukiri ka pariki katoa rei. Kae tonu ia, a waeni foou e ringi rei kia raukiri waeni foou!”
Te fesiri ki te Aso e tapu
(Mat 12.1–8; Luk 6.1–5)
23Jesus noko saere ia roto maara oa witi i te Aso e tapu. Vasia na kau fanonga e poi ma koia, koratou ku tafito o faki koa fua oa witi. 24Tera ko nga Pharisee ne muna atu kia Jesus, “Pula rei, e sara ia tatou fono ko tou kau fanonga ke fai faka peenaa i te Aso e tapu!”
25Tongoi atu rei ko Jesus, “Ea, kotou se ne tau pe nia ma David ne fai i te vasia koia ma ana taangata ne fiakai iei? 26Koia ne poi ki rota Paito o Tupua o kai koa preti kavaaki ki Tupua. Ne fai vasia o Abiathar e ariki fai kava iei. Ke tautari kia tatou fono ko nga pure fai kava fuarei e kkai kia preti nei, kae ko David ne kai kiei ma ne sori fokia ki ana taangata.”
27Tera faka suku suku rei ko Jesus, “Te Aso e tapu ne fai mo te laoi o nga taangata; kae koratou si se ne fai mo te Aso e tapu. 28Tera ia te Tama a Tangata e nai ariki tia fokia ko te Aso e tapu.”
Iliyochaguliwa sasa
Mark 2: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 2
2
Jesus e ikirave ki te tangata tino mate
(Mat 9.1–8; Luk 5.17–26)
1A foi aso ki muri, ko Jesus ne foki ki Capernaum, ma na rongo ku kavea saere koia i noforanga. 2E tokkapi ko te kanoa fenua ne oomai kiei, tera siei rei ni mo ngangea ke atetea i te rota paito, ma siei rei fokia i te vae urufanga i fafo. Jesus ne tuufaki ko te rongo kia ratou. 3Te tangata e mmate ko ana tino e amo mai ea taangata toka faa e aumai kiei. 4Natafito i te kkapi o te kano fenua, se ma fai rei koratou ke kave ko te tangata ke oko kia Jesus. Tera koratou ne kake aki o saara ko te taufufu o paito, ia runga o Jesus e tuu iei. Vasia koratou ne sara ki tua, sori ifo rei ko te tangata e mmate ko ana tino i na meeranga. 5Jesus ne nai ravea ratou fai fakatonu e fai, muna atu rei ki te tangata tino mate, “Taku tama ee, au sara ku faka ngaromia.”
6Rake fakaako oa Fono e fare i ngangea, ne maanatu maso koratou: 7“E fai faka fefea koia ke muna faka puaka ki Tupua faka peinei? Siei se tangata ke nai faka ngaromia koa sara. Tupua maso koia fuarei e ma fai!”
8I mo vasia sokotasi ko Jesus ku nai iroa ina aratou atamai, tera muna atu arei koia kia ratou, “Sea na atamai ko kotou e maanatu faka peenaa? 9Ea, e ma faingaofia ke kau muna ki te tangata e mmate ko ana tino nei: ‘Au sara ku faka ngaromia,’ o pe e faingaofia ke kau muna, ‘Tuu ki runga, sau tou meenga o saere.’? 10Kuou ka faka ari atu kia kotou, tera te Tama a Tangata e fai na manuu ia taangata nei ke faka ngaromia koa sara.” Tera muna atu rei koia ki te tangata tino mmate, 11“Kuou e faka ari atu kia kee, tokai ki runga, sau tou meenga, o poi ki tou paito!”
12Te vasia koratou kaatoa e pula kiei, te tangata ne tokai ake ki runga, sau ko na meenga, faka vave arei o poi kese. Tera koratou ku mmate katoa rei ko aratou tino, ma e tara fakapuu ki Tupua, ma e mmuna, “Komatou se ne ono ki ni nea ke fai faka peinei!”
Jesus e nai karanga tia ko Levi
(Mat 9.9–13; Luk 5.27–32)
13Tera ko Jesus ne foki o poi ki vae roto i Galilee, te kano fenua ne oomai kiei, ta koia ne tafito o akonaki koratou. 14Vasia koia ne poi saere iei, koia ne ono ki te tangata tari takisi, ko Levi, te tama a Alphaeus, e nofo i na rota ofisi. Muna atu rei kiei, “Tautari mai kia kuou.”
Tera ko Levi ne tokai ki runga, tautari arei kiei.
15Ia tua ko Jesus e kai i paito o Levi, e tokarava rei ko nga faoa tari takisi ma nga faoa e titisara ne tautari mai kia Jesus, ma e tokkapi rei ia ratou ne soko kiei ma na kau fanonga i te kai ranga. 16Rake fakaako oa Fono, koratou ko a Pharisee, ne ono kia Jesus e kau kai ma faoa titisara ma faoa tari takisi, tera feesiri rei koratou ki na kau fanonga, “Sea na atamai koia e kau kai ma te fai faoa naa?”
17Tera ko Jesus ne fakarongo kia ratou, tongoi rei ea koia, “Te faoa maroro ka se ratou raua ko se ʻdoctorʼ, kae faoa fuarei e ngae ngae. Kuou se ne au ki te kano fenua e tonu, kae ki te kano fenua titisara.”
Te fesiri ki te faka naa mangumangu
(Mat 9.14–17; Luk 5.33–39)
18I take vasia te kau fanonga o John te Faka uku ma nga Pharisee e faka naa mangumangu. Rake faoa ne oomai kia Jesus, o feesiri kiei, “Sea na atamai te kau fanonga o John te Faka uku ma te kau fanonga o nga Pharisee e faka naa mangumangu, kae tou kau fanonga siei?”
19Tongoi atu rei ko Jesus, “Kotou e maanatu te kano fenua e oro ki te kai kai o te avanga ka see oro ma ni kai? Siki siei arei! I vasia o te tangata avanga e koi fare koratou, koratou ka see fai faka peeraa. 20Kae te vasia ka au, vasia o tangata avanga ka saua kese mai ia koratou, teeraa ko te vasia koratou ka faka naa mangumangu iei.
21“Siei pe koai ke sau pakaa suru foou faka piki o mono ki te fati suru. Ka fai, masae rei te suru foou mai te suru tuei. Fai rei te ponga lasi.
22“Siei pe koai ke ringi koa waeni foou kia raukiri waeni tuei. Ka fai, te waeni ka ma poka poka ana raukiri, ma tera te waeni ma te raukiri ka pariki katoa rei. Kae tonu ia, a waeni foou e ringi rei kia raukiri waeni foou!”
Te fesiri ki te Aso e tapu
(Mat 12.1–8; Luk 6.1–5)
23Jesus noko saere ia roto maara oa witi i te Aso e tapu. Vasia na kau fanonga e poi ma koia, koratou ku tafito o faki koa fua oa witi. 24Tera ko nga Pharisee ne muna atu kia Jesus, “Pula rei, e sara ia tatou fono ko tou kau fanonga ke fai faka peenaa i te Aso e tapu!”
25Tongoi atu rei ko Jesus, “Ea, kotou se ne tau pe nia ma David ne fai i te vasia koia ma ana taangata ne fiakai iei? 26Koia ne poi ki rota Paito o Tupua o kai koa preti kavaaki ki Tupua. Ne fai vasia o Abiathar e ariki fai kava iei. Ke tautari kia tatou fono ko nga pure fai kava fuarei e kkai kia preti nei, kae ko David ne kai kiei ma ne sori fokia ki ana taangata.”
27Tera faka suku suku rei ko Jesus, “Te Aso e tapu ne fai mo te laoi o nga taangata; kae koratou si se ne fai mo te Aso e tapu. 28Tera ia te Tama a Tangata e nai ariki tia fokia ko te Aso e tapu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.