Mark 1
1
Te tuufaki ranga a John te Faka uku
(Mat 3.1–12; Luk 3.1–18; Jon 1.19–28)
1Teinei te Rongo Laoi e araara faki ko Jesus Christ te Tama a Tupua. 2Ne fakatafito araara faki e te ʻprophetʼ ko Isaiah i ana tusi tusi ranga:
“Kuou Tupua, ka fakkau taku kave rongo ke mua ia kee,
o poi o pena pena mai tou riu ara.
3Te reo e forua i te ngangea tulaavaki:
Pena pena te riu ara mo te Ariki Tapu,
fai faka tonu ko te riu ara
ke poi iei!”
4Tera ko John ne faka saa i te ngangea tulaavaki, faka uku ea koia ko te kano fenua ma e araara faki ko te rongo laoi o Tupua. Muna atu rei koia ki te kano fenua, “Taafuri kese mai i otou sara, ma oomai ke kotou faka uku. Ko Tupua ka nai faka ngaromia otou sara.” 5E tokarava rei faoa mai a ngangea kaatoa i Judea ma te noforanga lasi i Jerusalem ne oro ki tua ke fakarongo kia John. Koratou ne tara ko aratou sara kae faka uku uku ea koia koratou i te Vai saria i Jordan.
6John e uru kia suru e pena ia furu o te manu e ati te ʻkameleʼ. Na tautu a raukiri manu e noa i na kuanga, ana kai a moa ma ʻhaniʼ fuarei. 7Koia e faka ari ki te kano fenua, “Te tangata ka au i oku tua, koia e sapa kese rei ma kuou. Kuou se fetau fangatasi faka molakea rei ke kau punou ifo ki raro ke vete ko ana rafi vae. 8Kuou e faka uku atu kotou kia vai, kae koia ka faka uku kotou ki te Mauri Tapu o Tupua.”
Te faka uku ma te titipea ranga o Jesus
(Mat 3.13—4.11; Luk 3.21–22; 4.1–13)
9Si see roa ake ia tua, kae au ko Jesus mai Nazareth i te motu ngangea i Galilee, tera faka uku rei koia e John i te Vai saria i Jordan. 10Ia mo vasia ko Jesus e ake ake mai te vai saria, koia ne ono ki te vaerangi ku masara ifo, fena ifo rei kiei te Mauri o Tupua e fai pe te rupe. 11#Mat 3.17; 12.18; Mak 9.7; Luk 3.22.Mae te reo e karanga ifo mai te vaerangi, “Ko kee taku kee Tama fangasere ia. Kuou e maatea toku vaki vaki kia kee.”
12I mo vakanga, te Mauri o Tupua ne fai koia ke poi ki te ngangea tulaavaki. 13Koia ne nofo i te ngangea e fua faa koa ana aso, noko titipea riaina e Satan. Nga manu tauvao ia ngangea fokia, kae nga ʻangelʼ ne ova ifo, o sosoa kiei.
Jesus e karanga kia taangata fai ika e toka faa
(Mat 4.12–22; Luk 4.14–15; 5.1–11)
14Ia tua o John ku tukuna ki te fare pono pono, Jesus ne poi ki Galilee, o tuufaki te Rongo Laoi mai Tupua. 15#Mat 3.2.Muna rei koia, “Te vasia laoi ku oko mai, ma te Kainanga o Tupua ku piri piri! Taafuri kese mai i otou sara, ma fakatonu ki te Rongo Laoi!”
16Vasia ko Jesus e saere i vaevae Roto i Galilee, nai ravea rei a taangata fai ika e toka rua, ko Simon ma na taina ko Andrew. E tiri aki ko nga ika ki rau kupenga. 17Muna atu rei ko Jesus kia raua, “Tautari mai kia kuou, kuou ka ako atu korua ke fai faangota ki nga taangata.” 18I mo vakanga tuku ko rau kupenga kae tautari rei kia koia.
19Soosoo atu faka molakea koia ki mua, nai ravea rei take tau faanau toka rua, ko James ma John, a tama a Zebedee. Koraua e tauraki i rau vaka, e pena pena rau kupenga. 20Ia mo vasia Jesus ne nai ravea ina atu koraua, karanga atu arei koia kia raua; tuku ko rau mmana ko Zebedee ma te vaka ma faoa fai fekau kae oro arei o tautari kia Jesus.
Te tangata e urufia ina e te atua pariki
(Luk 4.31–37)
21Ko Jesus ma na kau fanonga e oomai ki te taoni i Capernaum, kae i take Aso e tapu Jesus ne poi ki te paito taanaki, o tafito fakaako. 22#Mat 7.28,29.Te kano fenua ne fakarongo kiei, ku fereki ko aratou mauri ki ana fai fakaako ranga. Koia ku see fai pe nga fakaako oa Fono, natafito koia e fakaako ma te manuu.
23Mo vasia te tangata e urufia ina e te atua pariki ne uru mai ki roto te paito taanaki, o faka ooa o tangi forua ki runga, 24“Aee! A nia ma au e fifia kia matou, Jesus o Nazareth ee? Ko kee e au ke fai pariki komatou? Kuou e kau iroa atu pe ko kee koai: Ko kee te kave rongo tapu a Tupua!”
25Muna atu rei ko Jesus kiei, “Faka tturi! Au kese ma tangata naa!”
26Te atua pariki ne nai faka porea maatea rei ko te tangata, kae au kese ma koia kae foforua lasi rei. 27Te kano fenua ku fea vare ko aratou tino katoa rei, tera ku fakatafito o fesiri siri maso koratou, “Sea nei? Rake fai fakaako ranga foou? Te tangata nei e fai tana manuu ke muna atu ki nga atua pariki, koratou e tautari arei kiei!”
28Ma tera e maatea rei te vave te rongo o Jesus ne kavea saere arei ia ngangea kaatoa i Galilee.
Jesus e ikirave ki te kano fenua e tokarava
(Mat 8.14–17; Luk 4.38–41)
29Jesus ma na kau fanonga ne oro koratou ma James ma John, ia tua o ratou ne faka oti i te paito taanaki, totonu arei o oro ki te paito o Simon ma Andrew. 30I mo vasia o Jesus ne oko ki ngangea, faka ari arei kiei te nana fongoai o Simon e ngae ngae e mee i na meeranga e makariri. 31Poi rei koia ki maatua fafine, ne sau ea koia i na rima o sosoa kiei ke tokai ki runga. Na makariri ku poi kese arei ki tua ma koia, ma ku tafito pena pena ko aratou mo kai.
32Vasia ku afi afi, ia tua te raa ku too iei, te kano fenua ku aumai kia Jesus ma nga fai ngae ngae katoa, ma faoa e vaka ria e nga atua pariki. 33Te kano fenua kaatoa i te taoni ku purii i te mata paito. 34Jesus e faka maroro ea koia faoa e tokarava i nga fai ngae ngae katoa; ma ne nai fueina kese ki tua ko nga atua pariki. Koia si see fifia ko nga atua pariki ke mmuna pe ki nia, natafito e ratou iroa ina pe koai koia.
Jesus e tuufaki i Galilee
(Luk 4.42–44)
35Vasia i ata i mo pongi pongi, siki maarama laoi, ko Jesus ne tokai ki runga uru arei ki fafo, o poi ki tua koia ma te taoni, ki ngangea e tulaavaki o rotu iei. 36Kae ko Simon ma ana faoa ne oro ki tua o sakiri kiei. 37Vasia ne mau ea ratou koia, faka ari atu rei ea ratou kiei, “Faoa kaatoa e faara kia kee.”
38Kae muna atu rei ko Jesus, “Kotatou ka oro ki rake noforanga e tuu piri mai ki kunei. Kuou e fetau fangatasi ke kau tuufaki kia ratou fokia, teinei arei kuou ne au ki kunei.”
39 #
Mat 4.23; 9.35. Tera koia ne poi vakai kaatoa rei i Galilee, tuufaki saere i ratou paito taanaki ma ne nai fueina ki tua ko nga atua pariki.
Jesus e faka maroro te tangata tino para
(Mat 8.1–4; Luk 5.12–16)
40Te tangata maua ria e maua i te ngaengae tino para, ne au kia Jesus, tokoturi ki raro, kae kaisi atu rei kia koia ke sosoa mai kiei. Koia e muna atu, “Pe ko kee e fifia rei, ko kee ka ma fai rei kuou ke maa.”
41Jesus na arofa ne au kiei, ropa atu rei na rima o poo atu kiei, ma tongoi atu kiei, “Kuou e fifia ko kee ke maa.” 42I mo vakanga te para noko naa i ana tino ku leku, ana tino ku maa. 43Tera Jesus ne muna faka makeke kiei, kae fakkau raa ea koia ke poi kese 44ia tua koia ne muna kiei, “Fakarongo, kau see faka ari pe kiai, kae poi tonu arei ki te pure fai kava o faka ari atu ke maataki ko kee, kae sori tau faka ue ue ki Tupua, pea Moses ne muna, ke iroa ina e faoa kaatoa ko kee ku maroro.”
45Kae tangata ne poi kese iei, fakatafito arei o rongo rongo saki saere ea koia ia ngangea kaatoa; e tonu rei, koia ne maatea rei na muna, tera ko Jesus ka se ma poi rei kia taoni ke ravea, koia ku nofo fuarei i ngangea tulaavaki, kae te kano fenua e oomai kiei mai ia ngangea kaatoa.
Iliyochaguliwa sasa
Mark 1: TKP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.
Mark 1
1
Te tuufaki ranga a John te Faka uku
(Mat 3.1–12; Luk 3.1–18; Jon 1.19–28)
1Teinei te Rongo Laoi e araara faki ko Jesus Christ te Tama a Tupua. 2Ne fakatafito araara faki e te ʻprophetʼ ko Isaiah i ana tusi tusi ranga:
“Kuou Tupua, ka fakkau taku kave rongo ke mua ia kee,
o poi o pena pena mai tou riu ara.
3Te reo e forua i te ngangea tulaavaki:
Pena pena te riu ara mo te Ariki Tapu,
fai faka tonu ko te riu ara
ke poi iei!”
4Tera ko John ne faka saa i te ngangea tulaavaki, faka uku ea koia ko te kano fenua ma e araara faki ko te rongo laoi o Tupua. Muna atu rei koia ki te kano fenua, “Taafuri kese mai i otou sara, ma oomai ke kotou faka uku. Ko Tupua ka nai faka ngaromia otou sara.” 5E tokarava rei faoa mai a ngangea kaatoa i Judea ma te noforanga lasi i Jerusalem ne oro ki tua ke fakarongo kia John. Koratou ne tara ko aratou sara kae faka uku uku ea koia koratou i te Vai saria i Jordan.
6John e uru kia suru e pena ia furu o te manu e ati te ʻkameleʼ. Na tautu a raukiri manu e noa i na kuanga, ana kai a moa ma ʻhaniʼ fuarei. 7Koia e faka ari ki te kano fenua, “Te tangata ka au i oku tua, koia e sapa kese rei ma kuou. Kuou se fetau fangatasi faka molakea rei ke kau punou ifo ki raro ke vete ko ana rafi vae. 8Kuou e faka uku atu kotou kia vai, kae koia ka faka uku kotou ki te Mauri Tapu o Tupua.”
Te faka uku ma te titipea ranga o Jesus
(Mat 3.13—4.11; Luk 3.21–22; 4.1–13)
9Si see roa ake ia tua, kae au ko Jesus mai Nazareth i te motu ngangea i Galilee, tera faka uku rei koia e John i te Vai saria i Jordan. 10Ia mo vasia ko Jesus e ake ake mai te vai saria, koia ne ono ki te vaerangi ku masara ifo, fena ifo rei kiei te Mauri o Tupua e fai pe te rupe. 11#Mat 3.17; 12.18; Mak 9.7; Luk 3.22.Mae te reo e karanga ifo mai te vaerangi, “Ko kee taku kee Tama fangasere ia. Kuou e maatea toku vaki vaki kia kee.”
12I mo vakanga, te Mauri o Tupua ne fai koia ke poi ki te ngangea tulaavaki. 13Koia ne nofo i te ngangea e fua faa koa ana aso, noko titipea riaina e Satan. Nga manu tauvao ia ngangea fokia, kae nga ʻangelʼ ne ova ifo, o sosoa kiei.
Jesus e karanga kia taangata fai ika e toka faa
(Mat 4.12–22; Luk 4.14–15; 5.1–11)
14Ia tua o John ku tukuna ki te fare pono pono, Jesus ne poi ki Galilee, o tuufaki te Rongo Laoi mai Tupua. 15#Mat 3.2.Muna rei koia, “Te vasia laoi ku oko mai, ma te Kainanga o Tupua ku piri piri! Taafuri kese mai i otou sara, ma fakatonu ki te Rongo Laoi!”
16Vasia ko Jesus e saere i vaevae Roto i Galilee, nai ravea rei a taangata fai ika e toka rua, ko Simon ma na taina ko Andrew. E tiri aki ko nga ika ki rau kupenga. 17Muna atu rei ko Jesus kia raua, “Tautari mai kia kuou, kuou ka ako atu korua ke fai faangota ki nga taangata.” 18I mo vakanga tuku ko rau kupenga kae tautari rei kia koia.
19Soosoo atu faka molakea koia ki mua, nai ravea rei take tau faanau toka rua, ko James ma John, a tama a Zebedee. Koraua e tauraki i rau vaka, e pena pena rau kupenga. 20Ia mo vasia Jesus ne nai ravea ina atu koraua, karanga atu arei koia kia raua; tuku ko rau mmana ko Zebedee ma te vaka ma faoa fai fekau kae oro arei o tautari kia Jesus.
Te tangata e urufia ina e te atua pariki
(Luk 4.31–37)
21Ko Jesus ma na kau fanonga e oomai ki te taoni i Capernaum, kae i take Aso e tapu Jesus ne poi ki te paito taanaki, o tafito fakaako. 22#Mat 7.28,29.Te kano fenua ne fakarongo kiei, ku fereki ko aratou mauri ki ana fai fakaako ranga. Koia ku see fai pe nga fakaako oa Fono, natafito koia e fakaako ma te manuu.
23Mo vasia te tangata e urufia ina e te atua pariki ne uru mai ki roto te paito taanaki, o faka ooa o tangi forua ki runga, 24“Aee! A nia ma au e fifia kia matou, Jesus o Nazareth ee? Ko kee e au ke fai pariki komatou? Kuou e kau iroa atu pe ko kee koai: Ko kee te kave rongo tapu a Tupua!”
25Muna atu rei ko Jesus kiei, “Faka tturi! Au kese ma tangata naa!”
26Te atua pariki ne nai faka porea maatea rei ko te tangata, kae au kese ma koia kae foforua lasi rei. 27Te kano fenua ku fea vare ko aratou tino katoa rei, tera ku fakatafito o fesiri siri maso koratou, “Sea nei? Rake fai fakaako ranga foou? Te tangata nei e fai tana manuu ke muna atu ki nga atua pariki, koratou e tautari arei kiei!”
28Ma tera e maatea rei te vave te rongo o Jesus ne kavea saere arei ia ngangea kaatoa i Galilee.
Jesus e ikirave ki te kano fenua e tokarava
(Mat 8.14–17; Luk 4.38–41)
29Jesus ma na kau fanonga ne oro koratou ma James ma John, ia tua o ratou ne faka oti i te paito taanaki, totonu arei o oro ki te paito o Simon ma Andrew. 30I mo vasia o Jesus ne oko ki ngangea, faka ari arei kiei te nana fongoai o Simon e ngae ngae e mee i na meeranga e makariri. 31Poi rei koia ki maatua fafine, ne sau ea koia i na rima o sosoa kiei ke tokai ki runga. Na makariri ku poi kese arei ki tua ma koia, ma ku tafito pena pena ko aratou mo kai.
32Vasia ku afi afi, ia tua te raa ku too iei, te kano fenua ku aumai kia Jesus ma nga fai ngae ngae katoa, ma faoa e vaka ria e nga atua pariki. 33Te kano fenua kaatoa i te taoni ku purii i te mata paito. 34Jesus e faka maroro ea koia faoa e tokarava i nga fai ngae ngae katoa; ma ne nai fueina kese ki tua ko nga atua pariki. Koia si see fifia ko nga atua pariki ke mmuna pe ki nia, natafito e ratou iroa ina pe koai koia.
Jesus e tuufaki i Galilee
(Luk 4.42–44)
35Vasia i ata i mo pongi pongi, siki maarama laoi, ko Jesus ne tokai ki runga uru arei ki fafo, o poi ki tua koia ma te taoni, ki ngangea e tulaavaki o rotu iei. 36Kae ko Simon ma ana faoa ne oro ki tua o sakiri kiei. 37Vasia ne mau ea ratou koia, faka ari atu rei ea ratou kiei, “Faoa kaatoa e faara kia kee.”
38Kae muna atu rei ko Jesus, “Kotatou ka oro ki rake noforanga e tuu piri mai ki kunei. Kuou e fetau fangatasi ke kau tuufaki kia ratou fokia, teinei arei kuou ne au ki kunei.”
39 #
Mat 4.23; 9.35. Tera koia ne poi vakai kaatoa rei i Galilee, tuufaki saere i ratou paito taanaki ma ne nai fueina ki tua ko nga atua pariki.
Jesus e faka maroro te tangata tino para
(Mat 8.1–4; Luk 5.12–16)
40Te tangata maua ria e maua i te ngaengae tino para, ne au kia Jesus, tokoturi ki raro, kae kaisi atu rei kia koia ke sosoa mai kiei. Koia e muna atu, “Pe ko kee e fifia rei, ko kee ka ma fai rei kuou ke maa.”
41Jesus na arofa ne au kiei, ropa atu rei na rima o poo atu kiei, ma tongoi atu kiei, “Kuou e fifia ko kee ke maa.” 42I mo vakanga te para noko naa i ana tino ku leku, ana tino ku maa. 43Tera Jesus ne muna faka makeke kiei, kae fakkau raa ea koia ke poi kese 44ia tua koia ne muna kiei, “Fakarongo, kau see faka ari pe kiai, kae poi tonu arei ki te pure fai kava o faka ari atu ke maataki ko kee, kae sori tau faka ue ue ki Tupua, pea Moses ne muna, ke iroa ina e faoa kaatoa ko kee ku maroro.”
45Kae tangata ne poi kese iei, fakatafito arei o rongo rongo saki saere ea koia ia ngangea kaatoa; e tonu rei, koia ne maatea rei na muna, tera ko Jesus ka se ma poi rei kia taoni ke ravea, koia ku nofo fuarei i ngangea tulaavaki, kae te kano fenua e oomai kiei mai ia ngangea kaatoa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 Wycliffe Bible Translators, Inc.